قصة بالدارجة المغربية - أحببت زوج أختي الجزء الثاني

قصة بالدارجة : أحببت زوج أختي الجزء الثاني

فقت فالصباح وانا كلي امل ان ربي غيدير الي فيه الخير البنات وجدت الحويج ديال البنات وقلبي كيتقطع مقدرتش على فراقهم الله شنو ندير خاصة ان ايمان الصغيرة كانت تقول لي ماما فين غنمشو واش غنسفرو ياااي امل غنسافروا حنا وماما وبابا الفرحة كبيرة فعينهم مساكن .فطرنااا كلشي ساكت تا وحد محاول يستفسر على شي حاجة،مرة مرة كنبغي ندويي مع أنس لكن شكون انااا لي نذخل فحياتوا .كملنا الفطور

وقلبي كان غيسكت طرف من كبدتي غيبعد عليا. وصلات وقت الدهاب ديال أنس جات الام ديالو معاه وخرجت حوايج لبنات للطموبيل ودخلت لبست ليهم حوايجهم ومشط ليهم وودعتهم وداع حااااار من قلبي المجروح، خرجنااا للصالون ولقيت ماما وبابا وخالتي (ام انس) كيبكيو دارو عزوو تفكروا امــــــل وقفت حداهم وبكيت تا انا على كلشي.وحناا خرجيين وكنودعواا فالبنات, نطقت ايمان : انا غنركب حداا ماما . وامــل : لا انا لي غنركب حداها. كانو مدابزات يلاه اماما فينهو الصاك ديالك شدوا لي اييدي وكيجروني للطموبيل. انـــس:: كيغوت يلاه طلعو هي مغداش. لبنات:: تا حنااا مغدينش يلا ماما مغداش وشدو فيااا فالبيجامة ديالي وكيبكيو ياك اماما غداا معنا ياك اماما. مقدرتش نستحمل الدموع فعيني قلبي كيتقطع مشيت كنجري لبيتي وسديت علياا والصورة ديال لبنات بالدموع ديالهم بين عنيا.وصوت بكاهم مفارقنيش الليل كلواا وانا نبكي لربي لي خلاقني. سيمانة مخرجتش من الدار ولييت فوحد الحالة ما علام بهاااا ها الله. فقت وحد الصباح وسمعت ماما كتدوي فالتلفون وخاا نشااا الله مرحبا بكم هدا هوا النهار لكبير. مفهمت والو دخلات ماما لبيت قالت لي عندي ليك وحد الخبر غيفرحك بزاف لبنات غيجو عندنااا غذا انشاء الله,فرحة بزاف وندت من بلاصتي ومشيت الحمام ومن بعد خرجت من الدار كنجري مشيت نخ ليهم الحوايج لي كيعجبوهم . النهار طوال علياا كنتسنااا ايمتاا يوصل غداا ونعنقهم الله شحال توحشتهم وجدت كلشي كلشي الله واخيرااا .

فقت على صوت امل وايمان ماما ماما فيقي احنااا جينااا.ههه بناتي جاو الحمد الله عنقتهوم بزاف شميت ريحتهم توحشتهم بزاف، بق عودو لي على هد السيمنة كيف دوزوهاا وبلي باباهم مكنش كيخرجهم وبلي قنطو فالدار بوحدهم,وعدتهم نخرجهوم ونيهوم فينماا بغاو, خرجت من البيت,ومشيت للصالون لقيت ماما وخالتي (ام انس) سلمت عليهااا ومشيت, من بعد طلبتها تخليني نخرّج الدريات معياا عاودات لهااا ماما على الوقت العصيب الي دوزت مور المشية ديال لبنات, وفقات ومشيناا دوزناا داك الصباح روعة مع احلى بنوتات في الدنيااا.من بعد خدينااا لكلاص وستمتعنااا بهد الخرجة, رجعنا للدار وقت الغداا لقينااا أنس وبابا جاو من الخدمة تغدينااا اول مرة كلشي فرحان الحمد الله.تااا أنس كيبتسم مرة مرة . فاليل مامات انس مشات كتدوي مع ماما وكيوشوشو,واناا ولبنات كنلعبو الغميضة كاع الدار قربلناها هههه. من بعد وجدت لعشااا. وعشيت لبنات ودخلتهم لبيت عندي اليوما غينعسوا حداياا.من بعد حطيت لعشااا للدار وجمعت الماعن وانا دخلة لبيتي عيطات لي خالتي قالت لي اجي كلسي حدانا شوية بغيت ندوي معاك كلست حداهم وهي تقول لي مكان منخبي عليك ابنتي انتي من نهار عرفناك ماشفنا فيك تا عييب لا نتي لا أمــــــــل الله يرحمهااا مربيين الله يرحم من ربكم .وانا شفت التعلق ديال لبتنات بك مفرقوش بينك وبين ماماهم وكيما كيقولو خيرنااا ميديه غرناا بغييتك تكوني ميمتهم وتجمعيهم وديرهم فعينك كيمااا دابا انااا مبقات عندي صحة لي يقبلهم. بغيتك لأنس على سنة الله ورسوليه يلا بغيتي, وراك كتعرفيه مزيان كنتو صحاب ومنحتجش نعود ليك عليه وراه غيجي وحد النهار لي خاص أنس يتزوج فيه لكن مغيلقاش ام مزيانة بحالك. هد الهضرة صدمتني كيماا صدمة أنس لي بقااا كيشوف فماماه ومافاهم والو كيما اناا. شنو هدشي اناا نمشي بلاصة ختي ونعس فالفراش ديالهااا لا لا ميمكنش يوقع منقدرش. قالت ليهم:: لا اناا رافضة وسمحو لي منقدرش وخرجت من الصالون. لا ميمكنش هدشي نفكر فيه لا اربي انا نسيت الحب ديال لأنس شحال هدا هدشي داز عليه 5 سنين. ميمكنش هد الحب يحيا من جديد لا ميمكنش.نخاف نتألم من جديد أنس كيبغي أمـــــــل ماشي ايمـــــــان. ميمكنش نكون انا أمــــــل. وسط هد الكلام والصدمة ديالي دخلات خالتي (ام انس) وكلسات حدايااا وقالت لي:: عارفة ابنتي صعيب عليك هدشي لكن راه انتي ادرى بالواقع وبلي تاا مراا متبغيش تعيش مع وحد عندو زوج بنات ونتي عارفة راسك غتكوني احسن ام لكن زوجة مع المدة تبغي أنس وانا متأكدة تااا أنس يولي يبغييك فكري مزيان يلا مكان على قبلك هااا علا قبل البنات انا نخليهم عندك شوية ومن بعد متفكري غنجي ندي جوابك يلاه خليت ليك الراحة .

هدا الزواج مدخلش لي لراسي وعمرني مفكرت نتزوج بهاد الطريقة ، حرت معرفت مندير، فكرت تاا عييت و خديت الرسالة ديال امــل وقريتها وعودتهااا وانا كنشوف فالعبارة الي مكتوبة فيهاا اوصيك خيراا بالبنات وانس واش زعمااا قصدت نكون امهم ونتزوج من انس لا لا هااا انا لي فهمتهااا غالط, الله ياربي ضرني راسي ونعست, في الصباح فقت ولقييت حدايااا ملكين حدياا الله شحال زوينن وهما نعسات الله يحفظهم ليااا.فيقتهم ودويت ليهم ولبستهم وخرجنااا نفطروا صولت ماما على أنس وخالتي قالت لي مبتوش هنااا مشاو باليل.سلينا الفطور وخرجنااا تاني واليوما تلاقيت مع صاحبتي أسمـــــاء الله شحال توحشتهاا،كانت جايبااا معهاا اميين ولدهااا كبر تبارك الله ووحد الفنكيشة دلال خلينا اميين مقابل لبنات، وبقينااا نتحدثوا وعوت ليهااا على كلشي من نهار سافرت تا لدابااا تعجبات من القدرة الالهية وكيفاش شاءت الاقدار يرجع لي أنـــس من بعد هد المدة الطويلة من بعد ما فقدت الامل ونسيت الحب ديالو وردمت الذكريات لي معه. قالت لي راه ربي متحنك ووهو عوضك بتلاتة ديال الناس كيبغيوك ماشي ها وحد وخاصك تعرفي بلي ربي كبير ومغيديعكش اختي صلي واستخري لربي ونتمنا ليك الخيير من بعد جوبهم راه يكون خيير شوفي هاا هد البنيتات شحال كيبغيوك وكيعيطو ليك ماماهم متخليش لانانية ديالك تبعدهم عليك. رجعت لدار مع البنات، وراجعت الهضرة ديال أسماء عندها الحق انا ياما ضحيت علاش تا لدبا ونقول لا انا تخلقيت باش نسعد الناس ولو على حساب سعدتي الله بغاني نكون هكدا علاش لا تاا انا كنبغي البنات، غدي نوافق نكون ام لكن ماشي زوجة كيمكنش نبغي انس من جديد انا نسيتو نبقاا معاه تاا يكبرو البنات ونتهناا عليهم ومن بعد نخرج منها، كان هدا شرطي مع راسي اما المستقبل غيمتحني الف مرة. الغد ليه قالت لماما بلي انااا غنتزوج بـأنس، عيطات لخالتي باليل قالت ليهااا بلي وافقت سمعت الزغاريت من التلفون. دخلت لبيتي وكنرجع فالقرار واش هدشي لي درت مقتنعا بيه. كملت النهار فالخدمة من بعد ما وصلت لبنات لروض, عيطت لاسماء وفرحة لي وتمنات لي الخيير من قلبهاا. من بعد تفقنااا نديرو حفلة صغيرة فالدار منعردوش على الناس بزاف وتكون عادية ،عرضت على اسماء ورجلهاا وبعض الاصدقاء ديال الخدمة .لبست قفطان ابيض ولبنيتات تا همااا بحالي كلنااا طلعناا كنحمقو ههه،وسط الاهزيج والمباركة ديال الناس كلست حداا انـــس ولبنيتات ديرين بينااا كنا عائلة كتحمق .جاا لعدول وعقدناا دبا حناا مزوجيين وانا دابا ام ايمان وامل الحماية ديالي الله يحفظهم لي. من بعد ما سلات الحفلة ومشاو الناس جااا أنـــس حداياا وقال لي:شكراا حيتاش فكرتي فمصلحة البنات انتي نعمة الصديقة ولاخت. معرفتش علاش بقا فيا الحال يك تا انا كنت كنقول بلي تزوجت على قبل البنات علاش دابا بغيتو يقول لي احسن عروسة علاش لا اقلبي لا انس ماشي ديالك.جوبتو شكراا صديقي تا انا ندير اي حاجة على قبل بنات ختي ودخلت لبيتي من بعد ما نعست البنات، نعست بلا منفكر فتا حاجة من غير الدور ديالي كأم لهد البنات.

من بعد يومين بعدما وجدت راسي. مشينا للدار ديال أنس الي كانت زوينة ديكورهااا روعة,عجباتني كان فيهاا 3 بيوت وكوزينة وصالون, وصلنا بالليل ولبنات كانو ناعسات وصلتهم لبيت انا وأنس ودخلت الحمام من بعد ما خرجت لقيت انس هاز وحد الفراش قال لي:: نتي نعسي فالبيت انا نعس فوق الفوتاي . قالت ليه لا انا نعس حدا لبنات ونتا نعس فبلاصتك ,قال لي راك عارفة البنات كبرو ولاسئلة ديالهم كثرات يلا نعستي حداهم غيبقاو يسول علاش واش حنا مخصمين. استسلمت للامر الواقع ونعست فالبيت وانس فرش فالبيت فوق وحد الفوتاي ونعس تماا اليل كلو وهو يتقلب مسكين ممولفش ينعس تماا. فالصباح فقت بكري وجدت الفطور وفيقت البنات المدرسة من بعد دقيت الباب على أنس باش يفيق يمشي الخدمة ,فاق ودوش وفطر وخرج لخدمتو من بعد انا وصلت لبنات ورجعت.من بعد مشيت الخدمة مع11 خرجت تاني وجييت نجري للدار باش نوجد لغداا قبل ما نمشي نجيب لبنات وقبل مايجي أنس، حياتي ولات روتينية نفس العمل كل يوم لكن كنت مرتاحة بوجود لبنات معايا. انا وأنس كندويو بينتنا فحدود مبقيتش زعيمة عليه كيف كنت فأيام الكلية,علاقتنا ولات واجب وصافي ،اي عمل درتو كيشكرني عليه وتا انا نفس الشي، العلاقة بقات كيف ديما ولايام كيتكرر .وحد النهار مكانتش عندي الخدمة بزاف ممشيتش.قالت دابا مكين حد فالدار وانس مغيجيش تا ل 12 اراا نخمل الدار قبل ميجيو.دكشي لي دارت لبست حوايج قصار وطلقت الموسيقى وبديت نرون ونجمع فالدار بقنت بقنت وفزكت الدنيا بالما وانااا نعاود مع الغنية ومرة مرة نشطح ونضحك مع راسي. من سوء حظي دخل انس بلا منحس ومع الموسيقاا مسمعتوش. ديك الدورة لي درت لقيتو وقف وكيطلع وينزل فيااا وانا نغوت هواا ها شفني غوت كيشوف فجنابوا ههه،انا كنقلب باش نتغطااا والو مابن لي يلاه انا غداا كنجري لبيت نلبس البنوار وانااا نضربهااا بوحد لالتي الزلقة تااا جااا راسي على القنت ديال الفوتاي. طحت وانس كيشوف فياا معرف مايدير.وانا كلما حاولت نوض نزلق تاني.شوية انس تفرشخ عليا بالضحك وانا مرديتش بديت نبكي وسكت، مد لي ايديه وقال لي سمحلي مرديتش نعطيه ادي وحاولت نوض بواحدي لكن مقدرتش وهبت امري لله وعتيتو ايدي ودخلني البيت وخرج من بعد ما بدلت حوايجي دخل وفي ايديه لبولط فيها الدوا وقال لي اجي نعلج ليك الدربة لي فراسك وهو حابس الضحكة عصبني و قالت ليه متعلجني مانعلجك. شنو جابك بعدا نتاا لهنا فهد الوقت؟ قالي وقيلا هدي رهااا داري ولا انا غالط ههه . قالت ليه علاش مصونيتيش قبل دخل . قال لي:: نصف ساعة وانا نصوني والو قالت راه مكنتيش فالدار المرة جايا نبقاا نتسنا الالة ايمان تا تحل على خاطرها.ما دخب. جرني لعندو وقال لي غلسي دابا بلا هضرة زايدة كلست اول مرة انس كيحط ايدو على راسي. بقيت نشوف فيه من بعد شكرتو وقفت .قالت ليه: نمشي نكمل هد الروينة قبل مايجيو البنات ونوجد الغدا اراه مبقاش الوقت . قال لي: انا نكمل ها كلسي ترتحي لا ديري شي مصيبة خراا هههه والغدااا وجدي راسك راه غندوزو مور البنات ونتغداو فالزنقة. قالت ليه:: ياك وخااا انا نشوف حداكتك . قالي::: راه كنت ساكن بوحدي فالكلية ولا نسيتي؟ فلحضة قلبي نبض لأيام الكلية اييه الايام علاش فكرتني اا انس أنــــــــس :: هيهو فين مشيتي انا :: والو انا غنوجد راسي . من بعد ما جمع انـــــس الروينة لي دارت لبست قديت حالتي وخرجنا من الدار دزنا مور البنات ومشينا البحر من بعد مشينا تغدينا دوزنا نهار زويين لعبنااا تسطينااا فالطريق خدينا التصاور. وحد اللحظة نسيت راسي وتعطلت مور انس والبنات. جاا مورياا وحد الشاب وزوج ديال صحابو، وقال لي : مال الزين وقف بوحدو واش معندك حد نونسك وهو يشد لي ايديااا وزير لي عليها قال لي وقفي ندوي معاك ، انا كنجر فدي

شوية وانا نشوف اناس جاا كيجري وضرب بونية وقاليه تعلم تدوي مع عيالات الرجال هدي مراتي المسخ .منكدبش عليكم عجبني الحال ههه وتفكرت نهار لافاك ملي قال لي وحد العميااا وجاا أنــــس ضربو من تمااا تعلقت بأنــــــــس وحبيتو. الطريق كلها وانا نفرنس تفكرت ايام الكلية شحال من مرة دافع علينااا من الناس كان رجل وميقبلش الظلم.شاف فياا انـــــــس وقال لي: كتضحكي اكماا عجبك نعيط ليك عليه راه مزال وقف تمااا. قالت ليه : واناا كنضحك انا راه مرات الرجل يك عاد قلتها ليه،ههه شاف فيااا وحدة الشوفة كتخلع، وقالي سبقي قدامي متبقايش تفلاي فالطريق وتجبدي لنااا الصداع مع الناس وشنو ه الحويج لي لابساا بقاي تلبسي حويج طوال المرة الجياا قبل ماتخرجي. هدرتو معجبتنيش كيفاش نجبد لو الصداع مالي انا الي عيط لو وحوايجي مالهم زعمااا معيقين، صافي مرديتش مالو تاا يفكر فيااا بحال هكذا خاليتو كيدوي مع راسو ومشيت عند البنات، الطريق كلها وانا طالعة ليا القردة ومهضرتش معاه .وصلنا للدار ودخلت لبنات ينعسو راه عياو مساكن اليوم شبعو جراا. من بعد دخلت الحمام دوشت،واناا خارجة من الحمام لقيت أنـــــس وقف وكيشوف فياا بحال يلا اول مرة غيشوفني ما هذا ؟؟؟. خنزت فيه ودخلت لبيت وسديتو عليا من بعد دخل أنـــــس الحمام وجااا كيدق الباب قال لي حلي باغي نبدل حوايجي. مجوبتوش عاود دق ونا نقول ليه اليوم غتنعس فالصالون وبالبنوار . باش تعلم تعايرني. قال لي امتااا عايرتك ا ايمان؟؟ نستي يك هاا قبيلة قلتي علياا كنجبد ليك الصداع وبلي لبسي خايب نسيتي؟؟؟؟ كون ما كنوش لبنات كنويرتك شنو كيعني الصداع. انس:: اه هههه مبقيتيش ساهلة فيناا هي ايمان الظريفة لي مكانتش كتهز الدجاجة على بيضهااا. مشيت لفرنساا وتبدلتي بزاف. قالت ليه :نتا السباب تا تبدلت ، ايمان القديمة مشات والزمن الي كيبدل اا أنس وتا نتا تبدلتي. انس:: كيفاش انا السباب شنو درت ليك (((اوه شنو كنخربق ولاش جبدا هد الهضرة تاني)) لا لا قصدت نتا لي جبدتني اليوم. انــــس : واصافي دابا حلي وسمحي لي منبقاش نعاود ا لالة ايمان القبيحة هههه ياك قبيحة وبقا تمااا نعس فالبرد يلاه. انـــــــس:: واعطيني هااا باش نتغطا من البرد. لا لا لا بسلامة مشيت لفراشي ونعست وخليتو مسكين فالبرد لا فراش مقاد لا غطاا. فالصباح فقت وخرجت من البيت ومشيت دوشت كنستعد نمشي الخدمة،طليت على أنــــــس ولقيتو مكمش وكيرجف كنعيط ليه أنـــس أنـــس مالك جوبني الله يا ربي شنو درت ؟ انس فيق مالي ومال هد اللعب الباسل ناري قفرتهااا شنو ندير . والو مبغاش ينوض عونتو تاا دخل البيت قبل ما يفيقو البنات ويشوفه فهاد الحالة يقولو واش قتلت لهم بابهم، غطييتو مزيان تا دفااا وطيبت لو وحد السوبا سخونة عطيتها ليه وشربها. فاق من بعد ساعة وانا نبكي ونطلب الله يحفظو والله منعاود نلعب معاه بحال هكاا هاا فيق عفاك. خرجها مني خلعة هااا فاق قالي ياك اشريرة رتاحتي دابا ها نتي كنتي غتقتلني وتهناي مني وتيتمي لبنات . قالت ليه والله مدرتهاش بلعاني راه .... وبقيت نبكي حداه ونشهك. قال لي:: عفاك ايـــــمان متبكيش راه دموعك غاليين مكنقدرش نشوف الي عزاز علياا كيبكيو. هضرت وكلمو الحنين بكاني كثر ومقديش نوقف من البكااا فين كنتي ا انس نهار الي كنت نبكي تا ينشفو دموعي فين كنتي نهار كنت نعس وانااا كلي امل نفيق ونكون كنحلم . خرجت من البيت والدموع فعيني معرفتش علاش طاح علي الضيم وحسيت بالالم فقلبي علاش فقد السيطرة على راسي. جااا انـــس موريااا وقال لي ايمان مالك؟ واش تقلقتي من هضرتي سمحي لي راه كنت كنضحك معاك. انا : لا لا مدرتي لي والو اناا اصلا محتاجة نبكي ونفرغ قلبي. دارت عندو وعنقني واو الله شحال محتاجة حضن بحال هداا محتاجة نبكي ونشكي عليك كيمااا كنت شحال هدي وتسمع لي بكيت لدرجة معرفتش علاش انا كنبكي واش من هضرتو ولا من الحياة ديالي . قال لي:: انا صديقك ولا نسيتي؟؟ شحال رتاحيت من بعد هدشي والله تاا فرحت بالزاف. من بعد هدشي رتاحيت بزاف ورجعت صداقتي مع أنـــس من جديد ولينا أصديقاء وعلاقتنا مبنية على الاحترام والتقدير المتبادل. حاولناا نكونوا أسرة متكاملة ونكونوا ابوين مزيانين ونعيش متفهمين لكن كصديقين لا كزوجيين انا تعودت على انــس كصديق كثر من زوج حناا هكدا مزينين يلا فكرنا نبدلوا التعامل غدي نفقد بعضناا علاش اصلا نفكو في حاجة خرى وحنا مرتحيين لكن واش تقدر هد الصداقة تبدل وتولي شيحاجة خرا خاصة انه كيقولو لا صداقة بين البنت والدري.

نهار بعد نهار كنخاف نحب انــس وميتقبلش حبي ليه ونخسرو من جديد نخاف تضحك لي الدنياا فلحظة ونكون كنحلم مبقا فياا ميتصدم الحياة علمتني بزاف وعييت اربي عييت قالبي مقدرتش نتحكم فيه. وليت نتمنى امتا يرجع من الخدمة ويبتسم فوجهي ويقول لي كيف دوزتي نهارك، نعود لو علا تسطيا ديال البنات و على الخدمة ديالي كيف غداا لكن مكنقدرش نشوف فعينه نخاف الحب لي قتلت يحيا من جديد كل نهار كيدوز كنخاف يكون اخير نهار كيفاش نقدر نفكر نخود بلاصة ختي. وحد الليلة انــس تعطل فالزنقة، كاين البرد بزاف كانت الشتا كتسب والرعد قوي مقدرتش نعاس انا كنخاف من الرعد كنت كنعس حدا ماما ملي يكون الرعد، كنت نتقلب ففراشي وخليت الضواو كلهم شاعلين وكنت كنتحسس ها بوحدي وكندور فالدار طليت على بناتي لقيتهم ناعسات مبغيتش نمشي حداهم خفت نخلعهم. كنتسناا فأنس يدخل والو. وحد شوية دخل انس مع الدخلة لبيت ضرب الرعد. وبديت نغوت وماما وماما وكنبكي جاتني هسترية ديال البكا والغوت وقف انس حديا ونضت عنقتو بجهد قال لي متخفيش ايمان ايمان متخفيش انا معاك شوفي فيا ايمان انا والو مقديتش نسكت. شد لي وجهي بين ايديه وقال لي شوفي فيااا واش كتقي فيا انا معاك. عينينا تلاقاو لأول مرة كنشوف لو فعينه قلبي كان غيسكت . شفت الخوف فعينيه والترجي باش نسكت. اليل كلو وهو حدايا وانا مقداش نعس اضطر يبقاا معيااا مسكين منعسش الليل كلو لا انا لا هو. من بعد هد اليلة وطول ما شتا كتسب سيمانة مبقاش انس كيتعطل فالزنقة وديما كيكون جنبي.وحد الليلة خرجت من الحمام وكنت طلقاا شعري وكلو فازك وقفت قدام المرياا كنمشطو شوية دخل انــس لبيت ارتبكت معرفت مندير نزلت للارض نخد الفولار فنفس اللحظة طاحت لو وحد الورقة ونزل يخدها وحنااا نتلاقاو بزوج لقطة خايبة بقينا نشوفو فبعضنااا لوحد المدة طويلة الوقت توقف وقلبي كيضرب معرفت مندير تلافت مبقيتش عارفة تا علاش نزلت ههه .وجهي كلو حمار وشعري نازل للارض وانــس كيشوف فيااا لاول مرة شفاتو فشكل اول مرة كنلاحظهم. وقفت بزاز بلا منخد الفلار شوية انــس خدا الفلار وحطو لي فوق الكرسي وقال لي خليه مطلوق جاك واعر. الله ياربي انا ممولفاش بحال هد الهضرة مع انـــس الاول مرة كنسمعهاا منو.بتاسمت ونشفت شعري وخليتو مطلوق ومشيت نطل فالبيت ديال البنات ولاجعت وانا راجعااا تلاقيت انـــس حدا الباب تلقينا وجها لوجه العطر ديال زويين غمضت عينياا مقديش مزال نشوف فيه. شوية وانا نحس بالانفاس ديالو كتقرب لي وايديه على وجهي باردين طبع الجبين ديالي بقبلة دافئة وهمس لي فوذني متخفيش مغديش نكلك ههه ومشاا خرج و خلني كنرجف ومصدوم

بعد هدك النهار حبي لأنس رجع ودابا كثر من الاول ولفتو بزاف.لكن تعاملوا معيااا بقاا كيما كان متبدلش انا كنت كنظن بلي تا هو تحركات فيه شي حاجة من بعد هد العشرة لكن ملمستش تااا تغيير انا بوحدي لي كنحلم وصافي، علاش اانس فيقتي جرح كبير مرة خرا لكن هو مدار والو انا لي خليتو يتقرب لي.علاش غنلومو صافي قررت نخفي مشاعري من جديد والجراح ديالي والحب بيني وبين نفسي ونكمدهااا فقلبي تا يدير ربي التاويل. وصل الصيف وقررنا نمشيو ندوزو العطلة فوحد المدينة زوينة ومنها نيت لبنات يبدلو الجو شوية . جمعنا الرحيل على أساس غدا فالصباح نشدو الطريق انشاء الله.وجدنا كلشي ونطلقنا كانت الطريق طويلة كل مرة كنشوفو شي منظر كنزلو ليه ونتصورو فيه .فوحد اللقطة ايمان كنت شدا الكاميرة وكتصور فينااا. وشفت وحد الزوجين كيتصورو وهما معانقين . وقالت لأنس :: بابا عنق ماما ت انتا بغيت نخد ليكم صورة . معرفنا منديرو من غير نلبو الطلب ديالها بعد اصرارها وحنا خجلانين بزاف. وصلنا لوطيل لي غنحجزو فيه وجهتناا وحد المشكيلة هي انا لوطيل كلوا عامر من غير غرفة وحدة صغيرة. فكرنا فأوطيل اخر لكن مبقاش الحال, اضطرينا نباتو على ود الدريات الي عياو من الطريق. دخلنا الغرفة لي كان فيهااا سرير واحد صغير ولاخر متوسط ديال وحد . حطينا فيه البنات. قال لي أنس انا نمشي نعس فالطموبيل قالت لو مكين لاش نتشركو الفراش تا لصباح دابا الوقت خايبة . والصباح ندورو على اوطيل اخر يكون فيه البيوتا كبار.دكشي لي درنااا تشركناا الفراش وانااا كنقول مع راسي علاش مخليتوش ينعس فالطموبيل دابا يفهمني غالط. فوحد اللحظة وانا ناعسة ومع ختكم ممولفاش سرير صغير جيت ندور لجيهة الخرااا ونسيت بلي سرير صغير يلاه درت كنت غنطيح لتحت وشدني انـــس وهو كيضحك واناا مرضيتش نفيق ولا نحل عيني باش يكمل ضحاكو عليااا درت فيهاا ناعسة وهو بقاا شدني شحال ودير ايديه عليا وانا ماسكة نفسي بزز. وهو يشوف وحد الشعرة فوق عيني حيدهاا وبقاا شحال وهو كيشوف ومبتاسم وحد شوية وهو يقول:: """معرفتش علاش قلبي كيتزادو دقاتو كلماا قربت منك. لكن نخاف نصارحك ونفقدك ونفقد صدقتك من الاحسن نبقاا ساكت شي حاجة فيك كتجرني ليك العفوية ديالك والهبال ديالك العصبية ديالك، الخوف ديالك اي حاجة فيك كتعجبني كل لحظة عشتها معاك كتخلني نكتشف فيك حاجة جديدة وايمان جديدة """" . انا عارفك مكتبغنيش وتزوجتي بيا ها على ود البنات.تا انا كنت كنظن بلي مستحيل نحب شي وحدة مور امـــل لكن... وبقااا ساكت واكمل نطقهااا وهنيني وريح بالي .

كيلعبو وحد اللعبة كيغمضو ليك عنيك وتبداي دوري تا دوخي ويخليوك الي شديته يعود يغمض عينه. عجابتني ومشيت نجري لعندهم بلا منقولها لأنـــس،بدينا لعبو جاا الدور ديالي وغمضت عيني ودوخوني مزيان ههه من بعد بديت نقلب عليهم وهما ديريين بياا وكيضحك واناا مرة مرا كنحاول نشدهم وهما يقيسوني ويبعدوا.فوحد اللحظة جاا وحد فيهم موريااا يلاه كنت غندور واناا نضرب فيه وطاح وطحت فوق منو فديك اللحظة شافني انـــس وجاا لعندي قبل منحيد البنضا على عيني جرني لعندو وبدا يغوت واش نتي بغاا تخرجي لي عقلي من حاجة لخراا شنو خلاك تمشي عند هدوك وزيدها معنقااا لي وحد فيهم واش معرفاش بلي نموت ومنخليش شي وحد يقيس شي حاجة ديالي ولا يفكر فيها نحييه كتسمعي ولا لا، ورك لي علا ايدي مزيان وانا كنطلبو يطلقني والو كنشوف الشر فعينه والغيرة قتلها زيد اولدي مزال مشفتي والو غنخليك تخرج الي فقلبك كلوا ههه. واخيراا أنــــس طلع كيحس. جوبتو كيفاش ديالك انا ديال راسي وزيدون حنااا هاا ابويين لبنات ولا نسيتي ، علاش باغي تحكم لي فحياتي اأأأأ انا من حقي ندوي معمن بغييت والوقت اللي بغييت ولا كينا شي حاجة خرا اوانا معرفهاش اكما يسحبليك مزوجيين بالصح ؟؟؟ جوبني : حيتاش انا...نتي ..... يلاه قلهاا يلاه. نتي صديقتي ومنبغيش شي حاجة الضرك ونتي تحت مسؤليتي تا ترجعي فحالك. ((الله يعطيك الدل نتاا وهد الصداقة )) . صافي والله تا نخيك تدوي هاا صبر . كنت خارجة وانا وانس وحد الصباح من الاطيل وانااا نتلقاا مع وحد الكليان قديم ديال الشركة الي كنت خدامة معهااا ففرنساا, بالصدفة خاليت انـــس مشاا يجيب الطموبيل. اهلا مسيو السلاوي سفاا. الحمد الله صدفة سعيدة هدي مدام الزويين، مدة هدي متلقيناش ويي من بعد الصفقة الاخيرة الي نجحت الحمد الله بالفضل ديالك. الله اودي اسي السلاوي هدا واجب. رجعت وحد النهار لشاركة بغييت نشكرك على المساعدة ولقيتك رجعتي المغرب. ويي الحمد الله دكشي ع

هدا خبر رائع مدام، يلا كنتي مسالياا نشربو وحد الكافي اونسبل وهكدا نشكرك على كلشي . متحتجش لكن اكييد غنتلاقاو ونتعشاو كاع ماشي هاا نخدو كافي ههه بكل سرور مدام هدا شرف لي اناا فلوطييل ..... اوكي اليوما باليل نتعشاو وراه عندي وحد المشروع بغاا نتكلم معاك فيه غنضربو عصفريين بحجر وحد منهاا نتا تعبر على الشكر وانا نستغل.هههه من بعد ما سليت المحادثة مع السي السلاوي. رجعت لقيت انـــس كيتسناا قال لي: شكون هداك لي كنت كتدوي معاه وتضحكي. اههه هدلك السي السلاوي صديق قديم، كون جيتي كون عرفتك عليه وراه عرض عليا العشاا. انـــس:: شنو العشاا ومعمن تشاورتي؟؟ كيفاش نتشور هدي رها الخدمة واحناا مغدينش نتفلاو ووكي انـــس:: لكن راه وعدت لبنات نخرجو مجموعيين ونتي.... اووو خليهااا مر خراا منقدرش نخلي السيد يتقلق عليا انـــس:: اواه وصلناا كاع ليتقلق عليك مزيان الالة واشنو راه هدي هي الخدمة خاصك دير الخاطر للكليان ديالك يك هدشي لي كديرو فالشركة ديالكم ههه. النار شعلة فيه مسكين ضرو راسو. رجعنا مع الستاا. وبديت نوجد راسي لعشا .خرجت من الدوش ومشيت لبيت قبل ميدخول انـــس ودرت وحد بالبرفان كيدوخ ههه. تقابلت مع المرياا وبقيت نمشط فشعري ونوضع وحد الكلوس وانا كنشوف فأنس كيطلع وينزل فيااا من المريا ومكرهش يكلني ولا يقتلني وميخلينيش نخرج نتعشاا مع السيد. من بعد لبست وحد الكسواا حد الركبة كتحمق وهزيت شعري لفوق لبست الحلاقات والاكسيسورات ديالي وانا بلعاني كنتحرك ببطئ. من بعد خديت صاكي وتميت خارجة. وهو يوقفني انـــس فين غداا بهدشي كلو ولاش مزوقاا بحال الطعريجة ، هدشي هااا عشاء عمل وكون كان شي موعد اخر كنتي تخرجي عريانة . مشعرت تا ضربتو، عرف مزيان شنو كتقول واش حماقتي ولا مالك. ومشيت نحل الباب، وهو يشدني من دراعي وقربني ليه تا كنحس بالزفير ديالو فوذني ، اه حماقيت ونتي لي غتحمقيني بالتسؤفات ديالك.مغديش تخرجي مع هد الباب جرني لبيت وصدو.من براا وخلاني كنغوت معه شنو قال ليك دابا راسك ااا أنـــس تاا تعامل معيااا بحال هكدا شكون عطاك الحق قول . واناا كنضحك ومقادني فرحة باش التعلم يلاه هههههه

نعست وما فقت تا لغدا بلا عشااا،فالصباح جاا أنــس حل الباب وقال لي خرجي تفطري،درت فيهاا مقلقة قالت ليه مبغيتوش . قالي: قالت ليك نوضي تفطري وخرج عينه فيااا ونا النوض قبل ميجي يجرني من شعري من بعد التصرفيقة لي عطيتو. حدرت راسي واناا حشمانة من أنـس, وخرجت نفطر، لبنات قالي بلي فطروا ووصلهم لبارك يلعبو ، بقيت انا وياه والصمت سيد الموقف فكرت نعتذر منو. قالي: كولي قبل ما يبرد لفطور، مجوبتوش بقيت ساكتة. عاود قال لي ايمان راه كندوي معاك وغوت . تخلعت وشفت فيه والدموع فعيني، قال لي:: ااااااايمان ، عفاك متبكيش راه دموعك غاليين، ومنقدرش نشوفهم كينزلوا,وكلما شفت دموعك كنمرض وكيبغي يخرج لي عقلي، سامحيني عفاك متعدبنيش كثر من دابا، وكولي راه نخاف عليك تمرضي واناا منستحملش.اييييييييييمان عفاك . قالت ليه : وانا فلحظة غضب،علاش غتعدب العذاب خليه لي اناا،انا الي من نهار تزاديت وانا نتعذب وتاا وحد مكيسمعني وتا وحد ماحاس بيا ولا بعذابي، تمنيت شي نهار نفيق من هد الكابوس،ونلقاا راسي فرحنا وعايشة الحياة،لكن باينة مكتوب عليا التعاسة وعمرني ما نفرح,وعمرني ملقا شي وحد يبغني ولا يخد بإدي وغنعيش بوحدي ديماا، ديما كنفرح الناس ولا وحد يفرحني علاش انا علاش انا شنو خاصني. قاطعني صوت انــــــس المبحوح: ايــــمان اناا معاك ايمان علاش كتقولي بوحدك انا ديما نكون معاك وعمرني ما نفرط فيك وغنبقو مجموعيين.

قالت ليه: كيفاش مجموعيين ا انس وملي لبنات يكبروا ويعرفوا الحقيقة وهنا غينتهي الدور ديالي كأم ومن بعد غيكون فات الحال وفين غنلقا الي يترحم عليااا ولا يذكرني ديما ولاد الناس كيبقاو ولاد الناس وخااا يكونو معاك طول حياتك يلا مشيت انا وتجي وحدة خراا لحياتك، انا هاا صديقة وكندير الواجب ديالي كيماا نتااا. انــــــس: كيفـــــــــــــاش ا ييييمـــــــــان وحدة خرااااااااااااااااااااا اه اانـــــــــس اه حنااا تزوجنا على قبل البنات، ومن بعد ما يكبروا غيعرفو الحقيقة، سوا طال الزمان ولا قصار غيعرفو بلي انا خالتهم وماشي كيما كيحسابو وهنااا غيسالي الوقت ديالي وغنطلقوا وكل وحد يبداا حياتو ونتا غتكون ساهلة ليك اماا انا لا منقدرش ننساا لبنات ون.......... أنـــــــس: ايمــــــان وانـــــــــا لا اايمـــــــان غتنسايني بهاد السهولة ولايام لي داوزناا، يلا مكنتي نتي اايمان مكنت غتكون تا وحدة. أم البنات نتي درتي كثر من لي ممكن الام تدير نتي عاملتهم مزيان وكنتي نعم الام ونعم الصديقة. بكييت تاا عييت وانس كيشوف فياا وماسك راسو.وكيشوف فيا، من هضرتو عرفت بلي هو متردد باش يقول لي حقيقة مشاعرو. فوحد اللحظة وقفت مقديتش نكول بغييت نقول ليه بلي كنبغيه مبقيتش قدا نكذب مزال على راسي، وانا نحس بالدوخة يمكن حيتاش مكليتش،وطحت. فقت لقيت راسي فالبيت النعاس. وانس حداياا . ويلاه كنت غندوي وهو يقول لي بلا متدوي كولي بعداا شي حاجة ، وقدامك العمر كلو وتدوي وغوتي عليا كيف بغيتي وضربني كاع. قالت ليه كيفاش؟؟ قال لي:: ملي سخفتي بديتي تدوي بوحدك وقالتي شي حاجة ههه مكتحشميش كان علياا شحال هداا نخليك بالجوع باش تدوي . قالت ليه شنو كنت قالت؟؟؟ قال لي: مكيهمش المهم دابا اناا متأكد من حاجة وحدة اني ختارت الصح وربي مخيبنيش. اواه شنوممكن نقول .حاولت معاه والوا. من بعد ما اسرييت قال لي نقول ليك لكن بشرط قالت ليه شناهواا.قال لي تخرجي معاياا اليوما نتعشاو براا الراس فالراس ،ومن بعد نقول ليك. وفقت لكن بشرط منتعطلوش على ود البنات نخاف يفيقو وميلقاوناش حداهم قالي :: واخاا بغيتك تلبسي احسن لبسة عندك. دخلت لبيت ولبست وحد الكسوا طويلة وانيقة ودرت مكياج خفيف وقديت شعري .ورشيت برفان، دخل انـــس قال لي :واو غزالة كيف العادة . اواه مال هداا،ياك ها قبلة كيدوي بحال الرديو ,تاا ضرني وفراسي ودكشي لي بغييت نسمع ما قالوش لي وداباا كيتغزل بياا,علام الله شنو قالت ليه واناا كنبرتل كي البهلا لي خلا فمو يتحل هههههههه.

خرجنا لوحد الريسطو واعر الطوابل كلهم عامريين شموع.واجواء رمنسية .كلسناا وطلبنا لعشاا. قالي جتي واعرة وكتحمقي قالت ليه شنو واش ضربك شي جن قال لي لا ضربني الحب. تزنكت وحدرت راسي قلبي غيسكت، وقالت فين جبتي هد الهضرة مبقيتش تحشم. من بعد العشاا.خرجنا للزنقة وطلبت من انــــس نتمشاو شوية. كناا غديين فالطريق خاوية والحس مقطوع, وحد شوية طفاو الضواو كلهم. ومع اناا كنخاف من الظلام غوت لربي الي خلقني وطرت على انـــس قجيتو ومطلقتش منو. وبقيت نغوت . انــــــس : همس لي فوذني ششششششششششش انا معاك متخفيش من تاا حاجة وانا معاك .اوكي الخوافة ديالي. الله اقلبي مكنقدرش على هضرتو بحال هكدا بهد الصوت ديالو وانا بين ايديه .قلبي كيتسارعو دقاتو كلما قرب لي كينزييد نتوثر ومكنعرف ما ندير من غيير اني نغمض عيني .فوذني قالي :ايمــــــــان تااا اناا بحاك وكثر شنوو مافهمتش شنو لبحالي؟؟؟ قالي: كنخاف من الظلام شكون دابااا غيرجعناا للدار اش داني نتبعك هههههههه. اويلي اناا علامن معولة ههه.قلت ليه كتدوي من نيتك عصبني وخليتو ومشيت مع الطريق اناا لي مسطيا وديراا فيك راسي.معرفتش علاش تبعتاك. قالي: الله لي جمعنا ايمان كاع هدشي كل كنتي مخبياه فقلبك ومقدرتيش تدوي 8 سنين ونتي مخبياا سير خطيير بحال هدا واناا كنت كنظن بلي اناا صديقك ومعودتيش لي شكون هدا لي كنتي كتبغي هد لي خلاك تمسحي الزواج من قاموسك وتسنايه وخااا مزوج العجب كنت كنسمع فبحال هد القصص فالافلام لكن الواقع ولايمــــــان لا؟؟. اناا تلافت لا اناا ماقلت والو وشمن زواج ولا حب شنو كتخربق نتا ومنين عرفتي هد الهضرة ؟ وهو يجبد لي دفتر اليوميات . ديالي وبداا كيقراا من اول مرة حطييت رجلي فلافاك تاال النهار لي كان مريض فيه. لا لا منين جبتي هدا.قال لي عطاتو لي ايمان اليوما الصباح قالت لي لقاتو مع الكتوبا ديالهاا وجبتو لي هههه. هو كيقراا واناا نجري لعندو بغييت نخدو ليه وهو يشدني. و همس لي: انااا كنبغييييييييك الخوافة ديالي، كثر من هد الكلام لي كتبتي وكثر من الظلام لي خلاك بين ايديااا ونتي مكمشااا وخايفة حبيتك من اول نهار كنتي مقربلا الدار عقلتي معرفتش كل مرة كديري معاياا شي جيست خايب كيزيد الاعجاب ديالي بك سحرتني بالتسطية ديالك . قلبي وقف كنت غنسخف تا شدني لالا هدشي بزاف اكييد كنحلم.فيقوني صافي . شنو سمعت واش قالهااا قال لي كيبغيني ولا كذبت وخييييييييرااااااا.

بداية السعادة : لا احب ان اقول النهاية لكن هده نهاية فصل ولنااا فصول اخراا.وحياة طويلة نعيشها.

فقت فالصباح واش كنت كنحلم ؟لا لا هدا انس حدياا. احساس رائع تفيق فالصباح وتلقاا حداك انسان تمنيتيه فقلبك وربي مخيبكش رغم كلشي ربي كبيير الحمد الله،اناا تمنيت انــــس وضحيت بكل ماعندي وتجرحت لكن فهد الصباح حسيت بحال يلا عمرني ماتعدبت ولا عانيت . انــــس: صباح الخيير احسن امرءة فالكون. صباح النور معذبي. بابا ماماا ديرو لياا بلاصة حداكم هدو بناتي ونورة داري من غيرهم مكنتش نقدر نصبر قد هاكا. احساس اجمل يكونوعندك زوج بنيتات فعمر الزهور تديير اي حاجة على ودهم. احساس جميل يكون جزاء الانتظار السعادة والحي. احساس جميل تكوني ام الامومة لي كل وحدة كتمناهااا . احساس جميل تعيشي الحلال تمني الشخص بينك وبين الله وفي الاخيير يجزييك الله بعد تسعة اشهر: لا اناا لي غنسميه الا اناا هههههههه هدو بناتي مدبزات على السمية لمولود الجديد كل وحدة بغاا تسمييه.انس جنبي شد الولد واليوما السبوع ديالو حناا احسن اسرة فالدنياا. كنت هدي قصة ايمااان التي {{{ احبت زوج اختهاا فقلبهاا}}}. الخصال الحميدة لي تزرعو فيك من الصغر لي زارعو فيك الاب ولام من قيم كترسخ فيك للابد. شجرة ديال العطا والادب والاحترام والحمد الله كاع القيم الزوينة الي تزرعات فينااا عطات التمار ديالها ونضجت زوج بنات متفقات كيتشركو كلشي ومكيخبيو على بعضهم تاا حاجة عودتهم على الصراحة منين يكبرو غنقول لهم الحقيقة وانااعارفهم غيفهموني حيت الام هي لي كتربي . علمو ولدكم الصراحة ثيقو فيهم عطيوهم الوقت حاولو تفهموهم... نهاية

قصص ذات صلة :