قصة بالدارجة المغربية سارة - الجزء الرابع و الأخير
 |
| قصة بالدارجة المغربية سارة |
34-
سارة : فين غاديين
عبد الله:
نصليو ركعتين شكر لله را مابقا والو للقيام
سارة : واخا
يالاه
من بعد ركعتين
لي كانت ليلة عرسنا هادي من أجمل لحظات حياتي معا راجلي لي كنبغيه...
صلينا الركعتين
و ناد هو مشا يصلي صلاة الصبح فالمسجد
بقيت أنا جالسا
كنستغفر ف بلاصتي و كنحمد الله على كل شيء
كنتفكر حكمة
الله ف جاع لحوايج لي طراولي... من أول يوم تعرفت بيه على يعقوب و عائشة. .. حتال
هاد النهار للاسف عرفت فيه بيلي اهلي مكيتيقوش فيا...
مع كنتفكر كل
كلمة سمعتها على لسانهم...
قلبي كيتقبض
ودموع كينزلو...
أكبر خذلان
تقدر تلقاه ف حياتك هو لي من جهة واليديك
...
و لكن مع كنفكر
كتر ف لمصائب لي درتها قبل ... كنعرف لخطأ ديالي حتى انا
درت بزاف د
لحوايج يقدرو يخسرو تيقتهم فيا و كتر
انا مافرضتش
احترامي من لول و ماكتاسبتش حبهم من الاول...
بقيت كنفكر
زعما ربي باقي مامسامحلي و كيفاش هادشي كولو كيوقع ليا غير أنا ؟
قبل ما تكمل
هاد لفكرة ف راسي هو يودن لفجر ... حسيت قلبي نقز من بلاصتو كيفاش أنا فكرت هاكا !
ياربي تعفو عليا و ف نفس اللحظة نتفكر لهدرة د عبد الله "إذا أحب الله عبدا
ابتلاه" ترسمات ابتسامة على وجهي و جلست كنردد مورا المؤذن حتال سالا ندت
صليت و بعدما كملت بقيت متكية فبلاصتي وكندعي الله يفرج همي و يرزقني الصبر...
فقت صبح مع شي
صوت شي حاجه طاحت فلكوزينه ندت بزربه ... لقيت عبد الله ماعرفت اش كيدير
سارة: عبد الله
! مالك شنو واقع
عبد الله :
اوووه فيقتك سمحيلي را غير ... (سكت مابغاش يكمل وبقا كيشوف فيا و يقرب)
35-
سارة (وأنا كنبعد عليه) :
ششنوو مالك !!
عبد الله (وصل
حدايا و قاس ليا شعري) : بحال هاربه من 36
سارة (معصبه
حيدات يدو على راسها وكتقاد ف شعرها) : إوا بسيف أنا ساكنه مع لمدير ديالهوم ...
(تقلبات وهي غادا لبيت ديالها) خليني عليك صباحاتو لله
عبد الله (
شدها من يدها وقربها عندو) : ويتي ويتي تقلقات ... ماكين ليدحك على الصباح... را
واخا تكوني نيت هاربالهوم من تما غاتبقاي أجمل بنت ف عيني...شدها من وجها وقربها
عندو و راكي غزاله هاكا كتر
سارة (قلبها
كيدرب مع كتحس بالانفاس ديالو و لونها كتحس بيه تبدل... حيدات يديه عليها ) :
خليني عليك صافي... واش حلمتي بيا
عبد الله : أنا
ديما كنحلم بيك
سارة (مصدومة
بالاجابات ديالو فكل مرة) : واخا سير رجع تنعس باين غيولي كابوس مايبقاش حلم
عبد الله:
(شدها عاود و كيتمشا بيها جهة بيتها ) : بصاح مايبقاش حلم حيت غايولي حقيقة (رسمة
واحد الابتسامة بحال كيقول عارف فاش كتفكري)
سارة (كتحاول
تتفك من يديه لي مطوقينها) : عبدو خليني صافي... باركه من الدحك الباسل
عبد الله (وقف
حدا لباب د لغرفة ديالها) : سمعيني يا ساراتي ... أنا كندحك فكلشي مي هاد
الساعة.... راني كنموت بجوع ... سيري لبسي نمشيو نفطرو برا صافي
سارة (عاد
ارتاحت) : اوووه واستنا نجي نوجد لفطور هنا مالنا على هاد صداع قولها من الصباح
عبد الله : إوا
انت مكتخلينيش نعبر
سارة : سير صلي
لك ركعتي الضحى .. ملي تسالي تلقا كلشي واجد
و داكشي لي وقع
مع كمل صلاتو لقا كلشي عل الطابله
عبد الله :
الله ! ياسلام ليوم نتزرد مع لفطور ... وا بسيف خليتيني بلا عشا هههه
سارة : غير كل
بصحتك هههه عمرو نعاود
بدينا ناكلو
وهو يقرب الكرسي ديالو عندي و كيشوف فيا
36-
عبد الله : دابا هاربا من
شي مسابقة د ملكة جمال العالم ياك
سارة : بديتي
تاني ... يالاه كول قبل ماتموت بجوع و نولي ملكة جمال السجون
عبد الله (و
نظرات ديالو ولات جدية و كيشوف ف سارة ) : سارة
سارة ( قلبها
كيدرب كتر و كتر مع كل مرة كينطق سميتها ) : وي عبد الله
عبد الله :
غتبقاي ديري لي هاد لفطور كل النهار ياك ...صافي را ولفت لفشوش
سارة ( كالعادة
كتصدم فالحركات ديالو و شدات لو فوجهو بحركة لا إرادية ) : غندير ليك لفطور لغدا
لعشا و لي بغيتي ماتبقاش تخلعني و...
عبد الله (
ماكانش مركز معا هدرتها مي مركز على يديها لي على وجهو... حطي يديه على يديها و
سها فيها)
سارة (حتى هي
ماحسات بشنو دارت و نسات اش كانت كاتقول و حركات يدها على اللحية ديالو و تقول) :
سبحان اللذي زين وجهك باللحيه
عبد الله مشا
يقرب عندها و فجأة صونا تيليفون وهوما يفيقو ... سارة بعدات يديها بزربه و عبد
الله كيشوف ف تيليفون ديالو و هز : مالقيتي فقاش تعياط انت... ا متحوشنيش.... واه
عارف قلتليك نتلقاو... واياه غنجي... عرفتي كون لقيتك حدايا نقجك.. وقطع عليه...
بقا كيشوف ف سارة لي قلبها حاساه غيخرج من بلاصتو
عبد الله : فين
وصلنا
سارة: (و هي
كتنود تجمع طابلة) خاسك تشوف صاحبك ... نود قبل مايصوني تاني
عبد الله : ما
بغيت صحبه أنا صافي غنجلس هنا
سارة(و هي
فاهمه اش كيقصد) : نود ... انا خاصني نجمع الدار
عبد الله :
واخا نرجع و نكملو صافي ؟
سارة : شنو
نكملو ؟؟
عبد الله :
نكملو هدرتنا د لبارح ... بسلامة الفارة
سارة: واخا يا
عبدو نشوفو شكون هو لفار
جلست كنجمع
الدار و نوجد لغدا و فجأة صونا لباب د دار
...
مشيت لبست
حجابي و عابايتي وطليت من لباب
سارة :شكون
؟؟؟؟
...: واتي حالي قاليك شكون
37-
واتي حالي قاليك شكون
سارة :(هاد
الصوت كنعرفو ) شكون انتي اختي ؟
...: وا رجااء و اش نسيتي
صاحبتك
حليت لباب
بزربة و نقزت عليها بلفرحه صاحبتي رجاء لي كانت ديما معايا و سنين فارقتنا عنقتها
و دموع ف عيني
دخلتها لدار ...
رجاء هي هي تا
حاجه ماتبدلات... ملابسها ... كلامها و تصرفاتها ككل
رجاء (كتشوف
فدار و كتشوف فملابس سارة) : ياك مشيت لميركااان قلنا ماعندها كيدير تسول فينا ...
مي رجعتي تزوجتي و هاي هاي بدلت كسوتك و بدلتي حت ختك هادي لعشرة
سارة : حبيبة
ديالي ... تا حاجه ماكانت فيدي ... كلشي وقع بزربة ... من بعد ماجيت وقعو شي مشاكل
مي الحمد لله على كل حال. .. را مانسيتكش ... حاولت نتصل بيك مي نمرتك بدلتيها
بحال ديما
رجاء : واخا يا
سارة مسامحاك .... سمعتي بيلي وليت من داعش و جيت نتأكد .. ماوصلت ليك ب 66 كشفه
سارة (حاسة ب
رجاء كتستهزأ بيها) : هههه داعش دحكتيني ... لا احبيبة أنا توبت و تبعت الاسلام
على طبيعتو و انا مسالمة... رجاء. .. عرفتي راحا لي حسيت بيها و حاسه بيها كل مره
كنسجد لله ماتصوريش... كاانت حياتنا كلها مشاكل كنقلبو على السعادة فالاماكن
الخاطئة...
رجاء : هاهاها
واليني ماعقلتكش ... شوفي ا حبيبة لي بغيتي ديريه اما أنا صافي تبيريميت ...
مابقات توبه ماوالو ... الله يعاونك... جيت نشوفك اخير مرة..
سارة: ياريتك
تسمعي ليا... التوبة عمرها ماتوقف... ديما أبواب د الله محلولين غير جلسي معايا
رجاء : الغزالة
... انا صافي تساليت ... (دموع ف عينيها) بسلامة ديما غتبقاي ختي واخا مانتشاوفوش
سارة: عطيلي
نمرتك ... نبقاو نتلقاو ... بغيت نهدر معاك ... حرام عليك كدير فراسك هاكا (عنقات
رجاء)
رجاء ( كتمسح
دموعها و دفعات سارة) : طريقي و طريقك دابا عمرو يتلاقاو
38-
خرجات رحاء من لباب بزربه
و انا فبلاصتي مصدومة و كنبكي... شنو قصدات بهاد لهدرة فين باغا تمشي ... ياربي
تعفو عليها يا ربي ترجعها لطريقك
ندت من بعد ما
غسلت و جهي كملت شغلي صليت و دموع ماوقفوش و انا كنتفكر جاع لي قراب عليا خسرتهوم ...
كندعي بقلبي
ربي يحفظ رجاء و توب
دخل عبد الله ولقاني
فلكوزينة كنوجد لغدا على طابلة
عبد الله :
مممم ريحة كتشهي (شاف ف سارة لقا عينيها حومر باينا كانت تبكي ) مالكي شنو واقع
سارة : جات
رجاء صاحبتي عقلتيها
عبد الله :
مالها ؟
سارة : جات غير
تشوفني... حسيتها كتوادع معايا... عبدو حاسة بجاع الناس لي قرابلي خسرتهوم ...
عبد الله (وهو
فاهم قصدات واليديها ) : جلسي حبيبة ... كلشي غيتصلح... ماتقنطيش... ربي كيجرب
الصبر ديالك و انت اقوى من هاكا
سارة : إن شاء
الله ...
عبد الله :
صافي غسلي وجهك ناكلو و نخرجو شوية
سارة : أوكي
(نادت تغسل وجهها ... تمشات شوية تقلبات عند عبد الله لقاتو باقي كيشوف فيها و
قالت) عبد الله .. انت ما غتخلاش عليا ياك
عبد الله (ناد
قربها عندو ) : أنا عمري نتخلا عليك و أنا غنبقا ديما معاك
...
39-
من بعد لهدرة لي سمعت من
عبد الله رجعات فيا شوية د روح كلينا و ندت لبست و خرجنا بقينا كندورو حتال وصلنا
لواحد الدرب ...
سارة (وقفات) :
عبد الله ... هاديك دار رجاء...
عبد الله :
بغيتي تمشي تسولي عليها ؟
سارة
(بابتسامة) : اه
عبد الله :
يالاه أجي ...
و حنا كنقربو
كيبانولينا ناس مجمعين تما شي خارج شي داخل ... كل خطوة كنزيدها قلبي كيدرب كتر و
كتر ماقديتش نهدر أو نسول على شنو واقع... كنحيد جاع الافكار الخايبة من راسي
طلعنا دروج و
ناس كيبانولي فدار رجاء بزاف...
عبد الله كان
مصدوم كتر مني... كيشوف وصافي
حنا دخلنا من
لباب و كنشوف مامين رجاء جالسه و ناس مجمعين عليها ... كتبكي ...كتغوت ... واحد
الحالة لي مانقدش نوصفها...
جاع الافكار لي
تخطر على بالكم كانت ف راسي... كنت مصدومة واقفة عند الباب... كنقلب ب عيني على
رجاء تجي تواسي ماماها... أكيد غتكون تافه غير هنا
عييت مانشوف
والو...
حتال تجي عينين
ماماها (خالتي نجاة) ف عينيا وهي تغوت: واهيا بنتي .... بنتي مشااااات و خلاتك...
بنتي كبدتي مابقاتش
هادشي لي سمعت
وصافي أما هي قالت ما كتر حطيت يدي على ودني باش ننكر داكشي لي كتقول حيت مايمكنش
هي بقات كتغوت
كتر و كتر بحال كتقولي هادشي بصاااح... ماقديتش نصبر مشيت عندها جلست قبالتها و
كنمسح دموعها
سارة : خالتي
نجاة ... رجوع لي الله ... علاش كتقولي هاكه ... رجاء را حية ... يالاه شتها
قبيلات... دابا غتجي ...
خالتي نجاة
(كتغوت وشاده فيدين سارة) : وااا رجاء مشااااات ... خدات روحها بيديهااا...مشااات
ختك مشااات...
سارة (كتدحك
بحالة هيستيرية) : واخالتي را غتجي دابا... غتكون غير فدرب كدور
40-
خالتي نجاة (بهدوء) : رجاء
مشاات ... فاقت صباح قالتلي نمشي نتصالح مع سارة توحشتها ... قلتلها سيري ابنتي
انتما خوت... قبل ماتخرج قالتلي سمحيلي ا ماما على كلشي ااااااه يابنتي كانت كتوادع
معاياااا علاش مشيتي و خليتينييي علاااش درتي ف حالتك هاكااا ... علااااش ابنتييي
... علاش قتلتي راسك بيديك ا بنتي علاش....
سارة (مصدومة
مع كل كلمة كتقولها كتحرك راسها بنفي مامتيقاش اش كتقول و مامتيقاش بيلي رجاء ماتت)
ماهدرتش
ماقدرتش نهدر ماقدرتش نبكي ماقدرتش نغوت ما قديت ندير تا حاجة
الصدمة كانت
قوية عليا ماكنحس بتا حاجة حدايا ... و فعقلي كنقول لااا مايمكنش رجاء
انتحرات..... و سخفت
فقت ف غرفة
بيضاء ماقادا نحرك تاحاجه من الجسم ديالي... كنحل عيني بسيف... ماما قبالتي شادا
على راسها
عمتي حداها
كتشوف فلرض
بابا عند سرجم
واقف
امل جالسه على
كرسي بعيدة
مي هو ماكينش
... كنقلب عليه ب عيني ماكينش
حتى هو خلاني
بحال رجاء ؟
ااااه رجاااء
ياقلبي علاش درتي فيا هاكه علاااش
علاش ماعطيتيش
فرصه ليك علاش
قلبي كيتحرق من
الداخل مي دموع بحال تسالاو ماهبطوش... واش بكيت بزااف لدرجة صافي مابقاوش...
حسيت بالغرفة
ولات مضيقة عليا...
كتر و هوما
كلهم حدايا و تا واحد ماحس بيلي فقت...
بغيتهم يخرجو
عليا ما بغيت نشوف تا واحد
بغيت نعيط ل
عبد الله فين مشا و خلاني معاهم كاملين بوحدي وهو عارف فقدت ثقتي فيهم واحد واحد
كنقلب ب عيني
على تيليفون نعيطلو شفت حدايا
حركت يدي
بصعوبة نهزوا ناقديتش و أنا نطيح سيروم ليدايرينلي
كلشي نقز من
بلاصتي وقفوا حدايا
ملي قربو عندي
كتر و كل واحد اش كيقول و انا مكنسمع حتى حاجه
بغيت نغوت نهدر
مي حاسه بلساني تقيل عليا...
واش....!
41-
هما باقي كيهدرو ... ماما
قربات عندي تقيسلي راسي بعدت راسي بصعوبه بمعنى مابغيتش تقيسني
وكلهم سكتو
فواحد اللحظة
مي بداو تاني
يهدرو
انا
مكنسمعلهومش كنفكر فحالتي و فين هو لي واعدني ميخلينيش
زادو الهدرة
كتر و كتر
فواحد اللحظة
كلشي سكت
شي صوت من
اللور غوت "سكتووووا"
اه هو ...
كيقرب عندي ماخلانيش
جا حدايا باسني
فراسني و بعدهم عليا
سولني واش وليت
مزيانه ماقديتش نرد عليه
كيحرك فيا والو
مكنقدش نهدر...
عيط لطبيب و
قالهوم فقدان النطق مؤقت بسبب الصدمة يعني مشكل نفسيا
قاليه حدايا
باعدها على لمشاكل و قرب منها غير ناس لي عزاز عليها
بغيت ندحك على
سخرية الموقف
إنا ناس عزاز !
كلشي خاين ... كلشي خلاني ... بقيت بوحدي
):
بحال حس عبد
الله بيا قرب مني و قالي "ماراكيش بوحدك ..أنا معاك و الله ديما معاك"
رجع فيا شويه د
الأمل هو ديما لي كيعاوني
مي دابا صدمتي
أقوى من كلامو يداويني
خلاوني أيام ف
سبيتار و كل نهار ماما بابا و عمتي و أمل وحتى حمزة كيجيو يعتذرو مني ...والندم
باين ف عينيهم...
أما عبد الله
ماكيخليني محتاجه تالشي حاجه
كيوكلني بيديه
و يعاوني ف أي حاجه
ديما كيقولي
"انت قوية ... و دابا خاصك تبيني لكلشي بيلي انت قوية... را الله كبير و
تصبري على هاد البلاء سمعي هاد الايه : (وَلَنَبْلُوَنَّكُمْ بِشَيْءٍ مِنَ
الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ ۗ
وَبَشِّرِ الصَّابِرِينَ)
خاسك تكوني من
الصابرين يا سارة... سامحي والديك را هم ندمانين و كيتعدبو ملي كيشوفوك ف هاد
الحالة... و بنادم كيغلط و انت قلبك ابيض ♡ "
كلام عبد الله
ديما كيدخلي للقلب ديريكت
و ملي كيقرالي
آيات قرآنية بصوتو كنرتاح و قلبي كيرتاح كتر
...
42-
كيفاش منرتاحش والله تعالى
يقول: (الَّذِينَ آَمَنُوا وَتَطْمَئِنُّ قُلُوبُهُمْ بِذِكْرِ اللَّه أَلَا
بِذِكْرِ اللَّهِ تَطْمَئِنُّ الْقُلُوب ) [الرعد ...]
و عبد الله عرف
بيلي دوايا هو القرآن
من بعد أيام
فسبيتار رجعني لدار ... كلهم تجمعو عندي وتقريبا تصالحت معاهم و سامحت لهوم كيفاش
الله عز وجل كيغفر و يسامح أنا مانسامحش ...
و ليت كنتحرك
شوية و كندور فدار
عائلتي عندي
كنجلسو نتغداو و نتجمعو كيحاولوا يرجعولي البسمة لوجهي
و انا كنحاول
ما أمكن نشاركهم ف كلشي
لكن باقي قلبي
مقبوط و ماقاداش نهدر...
نقدر نقول عبد
الله صبر معايا بزاف و كل ليلة قبل ما نعسو كيجلس حدايا و يدير يدو على راسي و
كيقرا علي آيات من القرآن...
ولينا كل ليلة
كنودو نصليو قيام الليل
برغم من أني
مكنهدرش
هو كيفهمني
مزيان
تأكدت فهاد
الأيام لي كنت مريضة فيها بيلي كيبغيني بزاااف و تأكدت بيلي الله عز وجل مكينسى حد
و جزاني بزوج الصالح لي ياخد بيدي للجنة
تحسنات حالتي
شوية و علاقتي مع ماما و بابا و عمتي ولات أحسن
اما أمل ولات
بحال ختي لي معطانيش الله
كلهم تقربو من
الله وولاو أحسن من قبل
نقدر نقول كل
شيء ولا مزيان و كنحاول نرجع صوتي ولكن والو...
43-
واحد الليلة بحال جاع
الليالي جلس حدايا عبد الله و هز القرآن و بقا كيقرا بواحد الصوت لي ختارق الروح
ديالي ... جسمي كلوا تبورش و حسيت بدموع كيهبطو من بعد أشهر ...
قوله تعالى:
﴿ وَاصْبِرْ لِحُكْمِ رَبِّكَ فَإِنَّكَ
بِأَعْيُنِنَا وَسَبِّحْ بِحَمْدِ رَبِّكَ حِينَ تَقُومُ (48) وَمِنَ اللَّيْلِ
فَسَبِّحْهُ وَإِدْبَارَ النُّجُومِ (49)﴾[الطور]
حسيت بالله
كيهدر معايا مرة أخرى من بعد التوبة ديالي فلمرة الأولى
حسيت قلبي
تحيدات عليه واحد الحجرة كبيرة كانت عليه
بكيت جاع دوك
دموع لي ما خرجوش على موت رجاء
و ملي حسيت
بيلي عبد الله خلاني
و بكيت على صوت
ديالي لي مابقاش
بكيت حيت كنت
فقدت ثقتي في الله و هاهو كيقولي "فإنك بأعيننا"
بقيت كنبكي و
كنبكي و عبد الله كيقولي بكي هاكه حسن ... مسحت دموعي وندنا نصليو...
كملنا و هو ناد
باش يمشي يصلي الفجر فالمسجد و بقيت أنا فبلاصتي
صليت و بقيت
كنستناه
ملي دخل قالي
عبد الله: باقي
فايقه
سارة (حركات
راسها ب اه) : كنستناك
عبد الله
(مصدوم و فرحان) : شنو عاودي...
سارة ( حتال
دابا لي حسات بيلي صوتها رجع و بدات تبكي تاني)
عبد الله (مشا
عندها و عنقها ) : الحمد لله ... الحمد لله. .. الحمد لله
سارة (كتدحك) :
حمد الله ياربي... الحمد لله... عبد الله!
عبد الله : يا
عيون عبد الله
سارة : كنبغيك
ا عبد الله و كنت كنستنى امتى صوتي يرجعلي باش نقوليك كنبغيك
عبد الله : أنا
كنحماق عليك و كنبغيك كتر و كتر... كندعي الله يجمعني معاك ف الجنة كيما تجمعنا
فالدنيا
سارة : إن شاء
الله يارب
44 و الأخير -
من بعد ما رجع لي صوتي
وليت مزوجة بصح
اه و مزوجة
باحسن راجل فالدنيا كنحمد الله عليه فكل صلاة
تصالحت مع ماما
و بابا و عمتي و أمل وحتى حمزة كلهم فرحولي و فرحو حيت صوتي رجع
أيامنا ولات
أجمل
و حياتنا عندها
هدف لي هو اتباع طريق الله و رضاه
كنغلطو اه حيت
حنا ماشي ملائكة مي واحد كينصح لاخور و كيوريلو الطريق الصحيح...
حكايتي ماشي
بحال حكاية ألف ليلة وليلة
حكايتي عبارة
عن واقع كنعيشوه كاملين و بزاف كيقولو مايمكنش يكونو الناس لي متقيين الله و
متبعين طريقو فهاد الوقت
أنا كنقولكوم
ربي خلق و فرق
اه فهاد لوقت
تشوف لعجب لعجاب
مي باقي كاين
لربي هداه
متفقدوش الأمل
و تبعو طري الله حيت هو الطريق الوحيد لكي وصلك للسعادة الأبدية فالجنة إن شاء
الله
ديما دعيو الله
يرزقكم حسن الخاتمة و يرزقكم الفردوس الأعلى
...
كنكتبلكوم
نهاية طريقي لكمل بالدموع
اه دموع... مي
دموع الفرحة هاد المرة
و الله رزقني
بنور عيني بولدي الأول "محمد" و مغيكونش الأخير كيما كيقول ليكوم بباه
عبد الله
كندعي لله
يجعلو من الذرية الصالحة إن شاء الله
و يرزقكم بكل
ماتمناو
النهاية..
بقلم : اميرة البريئة
خلي شي تعليق و قولينا كيجاتك القصة
بقلم : اميرة البريئة
خلي شي تعليق و قولينا كيجاتك القصة
