قصة بالدارجة المغربية سارة - الجزء الثالث
22-
وصل لعرس بزربة و انا ماكن
عندي حتى رأي فيه كلشي وجدوه هوما ... برغم من رفضي للموسيقى وندير امداح مي لا
حياة لمن تنادي
داز لعرس من
هاد لبسة لهاد لبسه و وصلت لكسوة لبيضا تقريبا مادرت حتى حاجة فوجهي من بعد
مامسحتو بدموع مي كانت كسوة بيضاء و بلحجاب بيناتني بحال شي
ملاك عروسة وهادشي
ماشي غير انا لي قلتي لكل اشهد على ذلك
كملنا كلشي و
خرجنا تلاقينا مع بنت عمتو هو لي هي ختو برضاعة اسمها أمل لي تزوجات يوم قبل منا و
قاليك ا سيدي نمشيو لشهر لبصل عفوا لعسل مجموعين....
بدلت لكسوة
ديالي و ركبت السيارة معاه
و امل ركبات
السيارة مع رجلها حمزة
كتسألو كيفاش
كانت علاقتنا فلخطوبة أنا و عبد الله
كل يوم كيتزاد
التوتر بيناتنا و مكنجلسوش بوحدانا واخا كونا دايرين لاكط حسيت واليديا خايفين نود
صداع معاه و نرفضو
هادي أول مرة
نكونو غير بجوج....
ركبت السيارة و
بقا كيسوق و سكات...
انا عطشت و
بقيت كنقلب على الماء
عبد الله :
مالكي جلسي نيشان
سارة : وانت
مالك سوق انا هدرت معاك
عبد الله :
خليني ساكت حسن مانتقلب معاك
سارة (و هازا
لقرعه د لما فيدها) : ههه باقي غتقلب ؟ باركه غير هاد جوج وجه لي عندك واحد معايا
و واحد مع بابا
عبد الله :
(فرينا بجهد ) غتسكتينا و لا نقلب هاد السيارة
سارة : قلبها
...نتهنا منك بعدا
عبد الله
:ياربي تصبرني
سارة : و علاش
تزوجتيني وانت مابغيتيش
عبد الله (تقلب
شاف ف سارة و زاد)
بقينا كنتمشاو
طريق كلها و حنا ساكتين وصلنا لاوتيل فين نرتاحو خديت حوايجي و دخلنا لحبس لي
غنبات فيه وأمل وحمزة فلغرفة لي قبالتنا
دخلت دوشت و
بدلت حوايجي صليت و جيت نمشي ننعس
هو خرج من دوش
و شد فيدي
عبد الله : فين
غادا ا لالا لعروسة
سارة: غادي
نعس... طلق مني
23-
عبد الله ( كيشوف ف سارة
بنظرة مختلفة على قبل و هدر معاها بشوية) : انتي مراتي و هادي اول ليلة معايا أجي
نصلي بيك موراها ديري لي بغيتي
سارة (مستغربة
بتعامل ديالو لي ختالف): واخا يالاه...
صلينا ركعتين و
فكل سجدة كندعي الله يفتح عليا و يبارك ليا فزواجي
ملي سلمنا تقلب
عندي و قرب مني أنا مشيت نود هو شدني عندو حط يدو على راسي و قال "اللهم إني
اسألك من خيرها وخيرما جلبت عليه وأعوذ بك من شرها ومن شر ما جلبت عليه"
مكنتش كنتوقع
هاد لحركة منو نسيت كلشي و فرحت بزاااف و دموع لفرحة نزلو لي
قرب عندي كتر و
مسح لي دموعي و بقا كيشوف فيا... انا قلبي بدا كيدرب بزاف من نظرات ديالو لي
كنحسها كلها تأنيب حيت نود و قالي لهدرة لي صدماتني كتر وكفسات ليلتي ...
عبد الله :
سيري تنعسي ... و ماتخافيش حتى واحد مايعرف ديعتي شرفك
سارة (مصدومة )
: شنو ... كيفاش ؟؟
عبد الله: إوا
انتي عارفه
سارة : (شدات
لو فتريكو و كتبكي و كتغوت) : علاش كتعاملني علاش كتحسسني باقي راني كي قبل ...
انا عارفه كنت غلط قبل مي عمرو خليت شي واحد يقربلي.... انا تبت حيت ربي بغاني
نتوب ماشي باش نخبي شي حاجه كيما كيقولو ناس... انا را كنعرف جاع لهدرة لي
كيقولوها عليا مي أنا ممسوقاي ليهوم حيت نيتي مع الله صافية... و إلا الله كيغفر و
يسامح علاش بنادم مايسامحش ؟؟؟ علاش قولي علاش.... انا سكت على كلشي مي منقدرش
نسكت و نت كطعني ف شرف ديالي... ياك راني مراتك دابا حلالك... إوا تأكد تأكد انت
... خود حقوقك (بقات سارة كتبكي شدات على راسها و كتقول ) يارب رحمتك يااارب رحمتك
و كتعودلها....
عبد الله حس
بلخطء ديالو و ناد و خرج خلاها بوحدها
...
24
-سارة ملي خرج نادت كتصلي
باش تشكي ل الله ف جوف الليل و يفرج عليها و كتردد ف السجود "سبحان الله يا
فارج الهم و ياكاشف الغم فرج همي و يسر أمري وارحم ضعفي وقلة حيلتي وارزقني من حيث
لا أحتسب"
سارة عيات و
استودعت امرها لله صلاة الفجر و نعسات...
حسات بيه دخل
جا عندها عند راس و هي دارت راسها ناعسه..
بقا واقف كيشوف
فيها قرب منها باس راسها و قاليها سمحلي... ومشا نعس على واحد فوتوي قبالتها...
ملي صبح الحال
فاقت سارة لقات لفطور حداها و هو جالس فلبلكون ... لقات ورقة ف صيني هزاتها وقرات
" أعتذر...لم أجد كلمة مناسبة لندمي أكثر من هذه... أعتذر"
حتى الاعتذار
ديالو مختصر خليت كلشي تما و ندت لدوش باش نتود ... ملي خرجت لقيت ديك الصينية
مقلوبة فلرد وهو جالس حداها مجروح من يدو
سارة : عبد
الله مالللك !!! علاش درتي هاكا شنو واقع
عبد الله :
خليني عليك... تا حاجه ماتنفع معاك... جبتليك لفطور باش نقوليك سمحيلي شنو بغيتي
ندير عاد ؟؟
سارة : ها علاش
كونا ديما كندابزو ف صغر مامتفاهمينش... انا ندت نغسل وجهي و نجي ناكل و دابا هاني
بقيت بلا فطور... (مشات خدات دوا وهزات يدو ) دابا علاش هاكا شوف شنو درتي... و ا
سيدي انا مسامحاك...
عبد الله (سكت
وصافي و ندم على تسرع ديالو لمرة تانية و خلاها دير لو دوا)
سارة : يالاه
نود جلس لهيه انا نجمع من هنا ...
عبد الله : لا
نودي لبسي ... غايجيو يسيقو دابا و أمل را عيطاتلي نمشيو عندها
سارة : و هاد
الروينة
عبد الله :
نعيطلهوم يجمعو
سارة: أوكي
هادي يمكن كانت
بداية صلح بيناتنا....
25-
لبست ووجدت راسي و جيت
خارجه لقيت عبد الله واجد كيستناني
سارة :
يالاه... مشينا
عبد الله
:يالاهي
(شد فيدي )
سارة : شنو
كدير ؟
عبد الله: انتي
مراتي و الناس برا خاصهم يشوفونا بيلي حنا مزيانين خاصة أول ليلة
سارة : اووه
اوكي
بصح عجبني لحال
وأنا شادالو فيدو مي مبغيتش نبين
مشينا ل أمل و
حمزة عند بيتهم جلست انا و جا عبد الله جالس حدايا لاسق فيا و معنقني... هادا
عاجبو الحال
أمل : إوا
العرسان شنو ديرو ليوما
حمزة: أنا قلت
نبقاو غير فلاوتيل مي لالا أمل مابغاتش هههه
عبد الله: هههه
إوا نمشيو نتساراو شويه حدا لبحر و غدا نكملو طريق و لا لا حبيبة ؟
سارة : امم اه
وي لي بغيتو
أمل : سارة ياك
راكي مزيانه؟
عبد الله :
راها مزيانه غير كتفشش شويه
سارة (دربات
عبد الله على يدو): اشمن فشوش را فيا جوع بغيت نفطر هههه
حمزة : هههه
أنت مخليها بلا ماكله وكتقول لفشوش ... مي ماشي قبيلة طلعو ليكم لفطور ؟
سارة: وي ...
جابو لفطور مي خرجت من بلكون وأنا نطيحو و هانتما عبدو جا يعاوني جرح يدو
أمل : اه
ياعبدو يا حبيبو مسكين هههه
سارة : مالكي
غرتي ولا هههه بقاي مع راجلك ها حنا مشينا نفطرو نتلاقاو لتحت
أمل: واخا
العفريتة بسلامة
خرجنا من
عندهوم وبقيناكنتمشاو عبد الله ساكت
سارة : مالك
ياك ما كدرك يدك ؟
عبد الله :لا
مي ... على لهدرة...
سارة
(قاطعاتو): نسا عليك
عبد الله: انا
كنت خايب معاك و من ديما مانستاهلش معاملتك هادي
سارة: شوف ف
لاخير كتبقى ولد عمتي و انت توم وأنا جيري هههه
عبد الله : لا
أنا بغيت نكون جيري انتي توم
سارة: انت اطول
دونك انت توم هههه
عبد الله :
واخا يافارتي شنو نجيبلك فرماج باش تفطري
سارة : هو لول
وكاس د نعناع و شي خبيزة سخونة
عبد الله:
ماراكيش فدار العمر....
26-
سارة: ياروحي ماتعيطليش
لعمر بلا ماتولف هههه
عبد الله : شنو
نعيطليك حبيبة حسن ؟
سارة : عبد
الله ... انت عارف بيلي زواجنا مكانش بإرادتي
عبد الله:
سارة. ..أنا عارف كلشي... وماغنبزز عليك تا حاجه
سارة : و انت
عارف مارفدتش زواجنا... دونك نعطيو فرصة لينا حيت ربي كتاب لينا هاكا... مي صبر
معايا عفاك
عبد الله : أنا
صابر معاك حتال فوقشما بغيتي ... وانافرحان حيت قلتي هاد لهدرة (((: و بهاد
لمناسبة نشريلك فرماجة كبيرة الفارة
سارة : انا لي
حمقا كنهدر معاك .... ماتعيطليش فارة ولا نقولها لعمتي
عبد الله:
ههههفين تلقاي عمتك دابا... انت ملكي أنا ههه
سارة: باعد لي
خليني ناكل
فهاد اللحظة
جات أمل وراجلها
أمل: صافي
نمشيو
سارة : يالاه
أنا معاك (شدات ف أمل)
حمزة (كيجر أمل
عندو): شدي ف راجلك ا لاخت خليلي مراتي محتاجها هههه
عبد الله (جر
عندو سارة ): ها هي معايا غير باعدولنا
بقينا كانتمشاو
شوية حتال قالي عبد الله اجي نديك لواحد لبلاصة...
سارة: فين
نمشيو؟
عبد الله: ملي
توصلي و تعرفي....
بقينا كانتمشاو
حتال وصلنا و لمفاجأة كانت...
27-
لمفاجأة كانت بيلي وصلنا
لمدينة الملاهي
سارة (بفرحة) :
وااااااو يالااه نمشيو نلعبووو ههههه
عبد الله :
هههه و انت ستناي الفارة غنلعبو فكلشي صبري...
و داكشي لي كان
أي لعبة عجباتني كيديني ليها نلعبو بحال دراري صغار مكبوتين هههه صراحة عجبني لحال
بزاااف و كان أحسن وقت حتال وصلنا لديك لعبة لكبيرة لي كدور
سارة: (نظرات
الخوف بينا فعينيها) يالاه نمشيو باراكه علينا
عبد الله
(بنظرات شريرة فهم بيلي خايفة) : هههه كلشي لعبنا فيه و لي بغيتيه درتو يالاه
معايا فهادي
سارة : عافاك
اعبدو يالاه نمشيو ... عندي فوبيا من هادشي
عبد الله (كيجر
سارة) : و انتي زيدي اشمن فوبيا ولا لوبيا...
جرني بزز
وركبنا ومع كل دورة كدور أنا كنشد ف عبد الله ومغمضة عيني...
عبد الله
مامسوقسش و كيدحك...
نزلت منها
بصعوبة قلبي كيضرب على 100 و كنشوف كلشي ضباب
عبد الله كيهدر
معايا و انا كنسمع كلمة و جوج لا
عبد الله : إوا
شتي.....عجبك....
سارة (مكتشوف
والو بغات تشد ف عبد الله ماقاداش ) : عبدووو
و طحت...
عبد الله ملي
شافني طايحا جا عندي كيجري و هزني جلسني على كرسي و مشا جاب لي لما... هادشي كلشي
شفتو مي ماقاداش نهدر
عطالي شربت لما
و عنقني
عبد الله :
سمحيلي ... سمحيلي بززت عليك و كان يحسابلي ديري هاكا مانجيبكش هنا جاع
سارة (كترد
لوعي ديالها شوية): ههه شكون قاليك ماعجبنيش لحال هنا غير حيت عييت و صافي و انت
قولتيلي را لوبيا مات لوبيا
عبد الله
(كيشوف ف سارة و زاد عنقها) : خلعتيني عليك حشومة...
28-
بصح تخلع عليا و كانت باينا
ف عينيه مخلوع ... كان بحال شي أب مخلوع على بنتو صغيرة و هو كيجري يجيبلي لما و
كيريش عليا باش نفيق...
هاكا حسيت و
انا معنقاه بحال أنا بنتو و هو بابا ... كان شعور زوين... حيت انا ماعشت طفولة
زوينة و للاسف بابا عمرو حسسني بلأبوة ديالو و اناصغيرة ... كان ديما لاهي مع
مشاكيلو و تربيتي أنا و طفولتي كانت ضحية لهاد لمشاكل...
ندنا أنا و عبد
الله بعد ما تأكد بيلي راني مزيانة و رفضي نمشي لسبيتار حيت مابيا والو...
جينا كنتمشاو
راجعين لأتويل...
عبد الله :
سارة ؟
سارة: وي !
عبد الله :
بغيت نطلب منك طلب
سارة : إوا هدر
بلا رسميات
عبد الله :
بغيت نبينو حدا أمل و حمزة بيلي حنا فرحانين
سارة (وهي
كدربو ليدو) : علاش نبينو ليهوم وحنا أصلا فرحانين ههه و أنا خديت كونجي باش نفوج
عليا ماشي نكد حياتي
عبد الله
(بابتسامة) : داكشي لي بغيت ت أنا
جينا ف طريق
كولو و حنا كندحكو و ناشطين مع دخلة د أوتيل تلاقينا أمل و حمزة
أمل : هلا هلا
على سلامة
سارة و عبد
الله فدقة : الله إسلمك
أمل : فين
كونتو ؟
عبد الله: هادا
سر بغيتي تسرقي لينا بلاصتنا
أمل : هاهاها
سكت انت... سارة راكي مزيانة ؟ مالكي صفرة ؟
سارة : و لله
الحمد .... عينا من الدوران وكان... يالاه نطلعو عبدو...
عبد الله : وي
نمشيو نصليو و نشدو طريق وجدو راسكم
سارة : فين
نمشيو ؟
عبد الله :
نكتاشفو عالم الطبيعة هههه
مشينا صلينا و
جمعناحوايجنا و ركبنا ف سيارة باش نوصلو لوجهة الثانية...
كان منتصف
الليل ملي وقفنا عند الاوتيل مشينا ناخدو لغرف ديالنا مي أمل اصرات ناخدو جناح فيه
جوج غرف و صالون مشترك...مافهمت علاش بغات هاكا ... ماناخودش راحتي هاكا
29-
طلعنا لجناح ديالنا و استقرينا ف الغرفة ديالنا
سرير واحد و
ماكين لا سداري لا ميحزااااانوووون (هاكا قال عبد الله وهو كيشوف ف سارة)
سارة (كتجري
جهة السرير) : غنعس من هاد الجهة إلا قربتيلي نعسك فلبلكون هههه
عبد الله :واخا
الالا لفارة غير خليني نعس متاكلينيش
سارة (وهي كتحط
و سادة فلوسط بيناتهم) : إوا غير قرب لي
بقاو كيداربو
بلمخدة حتال كيسمعو دقان
عبد الله : وي
شكون
أمل : أنا ا
خويا
سارة : ياك
لاباس ؟
أمل : غير بحال
سمعت لغوات .. راكي مزيانة ا سارة ؟
سارة ( مستغربة
من السؤال) : وي حمد لله ما غوت حد
أمل : اه أوكي
تصبحو على خير
سارة (موجهة
كلامها ل عبد الله) : مالها أمل كل مرة تصولني واش راكي مزيانة ؟
عبد الله : و
انا عارف ! يالاه نعسي باش نفيقو قبل لفجر نصليو شوية
سارة
(بابتسامة) : و نستغفرو و نكونو من المستغفرين بالاسحار فيقني
و داكشي لي
تافقنا عليه درناه...
مع صبح فقت
مالقيتوش حدايا و شي واحد كيدق فلباب عاود
سارة : عبد
الله هادا انت ؟
حمزة : لا أنا
حمزة... بغيت نسولك ماكيناش أمل معاك ؟
سارة: لا
ماكيناش ! يمكن راها مع عبدو ... دابا نعيط لو
حمزة : أوكي
هزيت تيليفون و
أنا معصبة حيت خلاني بوحدي أنا و حمزة ف الجناح واخا لباب سادة كان خاص يعلملي
عبد الله: ألو
سارة ياك لاباس؟
سارة : و عليكم
السلام ... اجي دابا لبيت كنستناك
عبد الله :
مالكي...
مخليتوش يهدر
وقطعت عليه ... تعصبت بزاف هاد لمرة ... بقيت جالسه فبلاصتي كنستناه و كنقول أعوذ
بالله من الشيطان الرجيم باش نتهدا شوية.
..
دخل عليا و
باين لخلعة و الاعصاب مخلطين عليه...
30-
دخل عليا وباينة لخلعة و
الاعصاب مخلطين عليه...
عبد الله:
مالكي شنو واقع ؟؟
سارة:(بهدوء)
فين كنتي ؟
عبد الله :
عيطي عليا و خلعتيني باش تسولي هاد السؤال ؟؟؟ كنت كنتسرا كندور اش بغيتي مالكي
على صباح
سارة (دموع
هابطين ليها) : إلا بغيتي تسارا او تهرب ... ماتخلينيش فدار بوحدي مع راجل غريب
فهمتي. ..
عبد الله (ولا
حمر) : علاش اش دار ليك ... قرب عندك؟؟ غنشدو نقتلو
سارة (كتشد
فيه): حبس ا عبدو جلس تهدا شوية. .. قل أعوذ بالله من الشيطان الرجيم. ..
عبد الله: أعوذ
بالله من الشيطان الرجيم. .. ياربي أش كديري فيا هدري
سارة : مادارلي
والو مي لايجوز تخليني مع راجل بوحدي فدار إلا درتيها مره أخرى ماغنتفاهموش بحال
هاكا أوكي
عبد الله : را
غير أمل مشيت معاها لحانوت و مابغيتش نفيقك... خلعتيني عليك تاني ... مالكي معايا
سارة : هههه
الله اسامح
للمرة الثانية
حقا كان مخلوع عليا و بزااف... حسيت بحال استنجدت بخويا لماعطاليش ربي... خويا لي
جا يجري ويطمأن... خويا لي بغا يدافع عليا إلا قاصني شي واحد... خويا لي أنا وياه
ديما كي لموش و لفار
دوزنا باقي
أيامنا زوينة كل مرة نكتاشفو بلاصة و ندابزو على شكون لفار و شكون لموش...
برغم أنه
علاقتنا تحسنات أنا و عبد الله مي قلبي باقي ما دق كيما بغيتو... قلبي باغي يبغيه
كزوج ليا... و حتى عبد الله صابر عليا و مكيبزز عليا تا حاجه.
..
كانت حياتنا
طبيعية و كلشي مزيان
حتال واحد
النهار مجمعين فدارنا عند ماما وبابا ... انا نودت نصلي و خليت عبد الله و ماما و
عمتي حفيظة مجمعين فلكوزينة ...
كملت صلاتي و
أنا خارجة سمعت لي ماعمري توقعت نسمعو من أقرب الناس ليا...
31-
جيت خارجه من لبيت و أنا
نسمع ماما و عمتي كيهدرو بشوية مع عبد الله
ماما : إوا هدر
طلقنا قول اش درتي... را أمل قالت مافهماتش ليكوم ... مالقينا لي نصيفتو غير هي
تحدي
عمتي: إوا شنو
؟؟ يعني نيشان ماكنتش بنت ؟ إوا هدر را حنا عارفين را خالك بزز عليك زواج باش
تسترها
عبد الله
(كيزيد فصوتو بحال يغوت) : أنتي ماما و انتي اخالتي فمقامها مي مغنسمح ليك لا انتي
(كيشير لامو) و لا انتي (كيشير لماما) او أي واحد فهاد الدنيا يطعن ف الشرف د
مراتي... مراتي اشرف منكم كاملين و انظف وحدة فهاد لعالم... حتى واحد مايقد على
أخلاقها ... و حتى واحد مابزز عليا نتزوجها... أنا كنت كنبغيها و ملي عشت معاها
بغيتها كتر و غنبقا ديما نبغي...
ماكملش هدرتو
حيت سمعولي كنبيكي فلكولوار
ماما: اويليييي
ياكما سمعاتنا
عمتي : اجي
نشوفو
جاو عندي
لكولوار و انا جالسة فلرد كنبكي لا كنتخسس وانا سمعت لمرا لي ولداتني كطعن ف الشرف
ديالي
قربات ماما
عندي
ماما: مالكي
بنتي علاش كتبكي (مشات تشد لي فيدي)
ندت أنا فيساع
سارة :
ماتقيسينيش ماتقربيش عندي ... أنا عمري كنت بنتك و ليوم تأكدت بيلي ماشي بنتك و
انساي شي و حدة سميتها سارة...
(قربت عند عبد الله و انا
كنمسح دموعي ) يالاه نمشيو لدارنا... أجي معايا نلبس
عمتي : بنتي
سارة جلسي نتفاهمو
(تقلبت عندها و كملت طريقي
لبست حجابي و شديت ف يد عبد الله و تمشينا لباب حليت لباب و أنا نلقى بابا عند
لباب ... او لي حسبتو بابا)
بابا: سارة
بنتي مالكي... كنتي كتبكي...
سارة: بنتك ؟
كيفاش غنكون بنتك و انت اول واحد تاق لهدرة د ناس ؟ كيفاش غنكون بنتك و انت بعتني
باش تسترني ؟ بنتليك رخيصة ؟ مامحافظاش على شرفي لهاد الدرجة ؟؟ إواا تهنا دابا
هاهو ستر عليا ة حنا غاديين باش مانجيبولكش لعار
32-
كملنا طريق انا و عبد الله
ماخليت بابا مايقول و هو مصدوم ... ركبنا فسيارة
طريق كلها
كنبكي...
عبد الله
ماهدرش معايا جاع... ماعرفتو واش مصدوم و لا اش واقع لو...
دخلنا لدار مشا
يهدر و قلتليه : غاندخل ننعس نتمنى مايسدعني حد
دخلت لبيت سديت
لباب وبقيت جالسة فلرد متكية على الباب كنفكر علاش الناس ماكيغفروش ... علاش بنادم
إلا تاب كيندموه على توبتو علاش هاكا واقعليا أنا.
..
واليديا لي
حسابلي سامحولي مي هو اول وحدين خانوني... بقيت كنبكي نبكي و أنا نتفكر هدرت عبد
الله و هو كيدافع عليا " أنتي ماما و انتي اخالتي فمقامها مي مغنسمح ليك لا
انتي (كيشير لامو) و لا انتي (كيشير لماما) او أي واحد فهاد الدنيا يطعن ف الشرف د
مراتي... مراتي اشرف منكم كاملين و انظف وحدة فهاد لعالم... حتى واحد مايقد على
أخلاقها ... و حتى واحد مابزز عليا نتزوجها... أنا كنت كنبغيها و ملي عشت معاها
بغيتها كتر و غنبقا ديما نبغي..." ترسمات بسمة على وجهي فوسط جاع دوك دموع
ولما لا و هادي اول مرة كنحس ب عبد الله راجلي و دافع على مراتو .... قال كان
كيبغيني يعني قبل مانمشي لأمريكا ! كيفاش و أنا مالي لمهم كيبغيني.... ماكملاتش
فرحتي و أنا نتفكر هدرت ماماه و ماما تاني و زدت فلبكا تاني و انا نسمع هدرة عبد
الله كيقول " ....."
ندت فيساع و
حليت لباب كنشوف فيه وكنمسح دموعي...
سارة: عاود شنو
قلتي ؟؟
33-
عبد الله: "إذا أحب
الله عبدا إبتلاه" أو لا ؟ انتي يا امورة ربي بغاك و كيبغيك على داكشي
إبتلاكي باش يختبر صبرك و إيمانك... و سارة لي كنعرف أقوى من هاكا...
قربت منو و
عنقتو بكل ماعندي فجهد
سارة: ماعرفت
شنو كنت غندير و انت ماشي معايا.. فرحتيني... يعني بصح ربي كيبغيني ؟ أنا ديما
فسجود كنقول " اللهم ارزقني حبك و حب من يحبك و حب كل عمل يقربني من
حبك" أنا كنت متأكدة من دعوة ديال عمل يقربني منك حيت احببت صلاة النافلة و
دابا حيت ابتلاني متأكدة بيلي الله راض عليا
(رفعات راسها وشافت ف عبد
الله) و أكتر حاجة متأكدة منها "حب من يحبك"...حيت رزقني حبك (هبطو ليها
دموع ) ماعندي تاحد من غيرك ا عبدو ... انت و الله فقط
عبد الله (كيشد
لوجه د سارة وكيمسح دموعها) : ماتبكيش يا حياتي ... ماغنخلي حد يبكيك و انتي ...
انتي يا سارة دخلتيلي لقلبي من دون استئذان ...من بعد مامشيتي لامريكا قلت را
خسرتك ولكن ملي عرفتك رجعتي كنت ناوي نجي نخطبك مي باباك سبق و جا قال لي قلبلي
مخي مارديتش اي واحد يعايرك ولو ابوكي... و انا كنت ديما كندعي يرزقني بالزوجة
الصالحة... و من بعد ماشفتك بلحجاب زاد إعجابي ليك... مي حبي ليك كبر و انا
معاك... كل مرة كتفيقني لقيام ليل و كل مرة كتقوليلي شي معلومة على الدين ديالنا...
ماحسيتش بيلي وليت كنحماق عليك حتال ليوم... معاك وأنتي هي ليكنت كندعي الله
يزوجني بها... انتي ليغاتاخدي يدي للجنة... كنبغيك الفارة ديالي قد ما توم كيبغي
جيري هههه
سارة (ولات
حمرا كي لمطيشة وقلبها زاد كيدرب و خشات راسها فلرد
)
عبد الله : و
هادي من أجمل صفاتك
سارة (طلعات
عينيها كتشوف فيه) :شنو
عبد الله :
حياؤك
سارة (بابتسامة
رضا على وجها و كتحمد الله)
