قصتي مع العنوسة بالدارجة المغربية
 |
| قصتي العنوسة بالدارجة المغربية |
انا حليمة اليوم 9 مارس عيد ميلادي الاربعين لم اتزوج بعد عانس او بايرة بالدارجة قليلة الجمال بشرتي حنطية رقيوقة شعري رطب لكن ماشي داك الجمال اللي يلفت الانضار
قصتي في الثمانينات فتحت عيني في ملجأ اللي هو دار لحليب الحياة قاسية مع المسؤولات لم اعرف طعم الاسرة و الحنان ... سألت عن اهلي مرارا وتكرارا بدون جواب الا ان كبرت وصلت 15 سنة وبعد الحاح اخبرتني احد المسؤولات بلي احضرتني بنت عندها 17 سنة هي وامها ضحك عليها شي واحد وحملت ... وتسد
قصتي في الثمانينات فتحت عيني في ملجأ اللي هو دار لحليب الحياة قاسية مع المسؤولات لم اعرف طعم الاسرة و الحنان ... سألت عن اهلي مرارا وتكرارا بدون جواب الا ان كبرت وصلت 15 سنة وبعد الحاح اخبرتني احد المسؤولات بلي احضرتني بنت عندها 17 سنة هي وامها ضحك عليها شي واحد وحملت ... وتسد
الموضوع طبعا ما تفاجأت لان اغلبية لبنات لي معايا فالملجأ بنات (غير شرعيين )كنت متوقعة الجواب المهم بعد ما خرجت من الملجأ لا حنين لا رحيم والمدينة كبيرة خرجت نقلب على خدمة ونكمل قرايتي لقيت الموضوع ماشي ساهل فين الخدمة وفين السكن ؟ طلبت من المديرة تخليني نرجع نبات فالملجأ تا نلقى السكن ووافقت قلبت و العمل الوحيد لي توفر هو المناج والتصبين وغسيل المانط بقيت هاكا تا لواحد النهار لقات ليا المديرة عمل فواحد المصنع قلت الحمد لله استأجرت بيت مع الجيران مع 3 البنات يالله خرجو تاهما كلشي خدام وكلشي مكرفس يالله مقاتلين مع الكرا والخدمة ...يتبع
2....فاتت السنين وتفارقنا اللي تزوجت ولي خرجت تسكر وتفسد ووحدة توفات الله يرحمها بقيت غير انا و زينب اللي هي قصتها اسوأ من قصتي هي جابها باها حيت ما بغاتهاش مرتو لي تزوجها فورا بعد موت الام ديالها وحطها فالملجأ كيف وقع هدشي تا هي ما عرفتش عندها غير بعض الدكريات قليلة على حياتها وعلى امها جابها صغيرة بزاف المهم لقات تاهي خدمة فمدينة اخرى وبقيت بحدي لقيت الكرا غالي عليا طلبت واحد السيد مو لحانوت يشوف ليا بيت رخيص على قد لحال وجزاه الله خير شاف ليا بيت فواحد العمارة فيه شرجم يطل على الشارع فيه حمام صغير بيت بحدو فالسطح مفوج ههه وفيه بقيت تا لدبا المهم بقات حياتي هي هي من الخدمة للدار ومن الدار للخدمة.... بطبيعة الحال تا انا كنت مراهقة فيوم من الايام وكنشوف لبنات يتصاحبو ويتراسلو ويتعرفو على الاولاد ...لكن انا كنت دائما حاطة صورة اللي ولداتني ...كدرس باش منضحك على راسي ونسلم شرفي لشي واحد مهما قال ليا كنبغيك كنت انسانة جدية بزاف تا فالمصنع كانو يسموني التران حيت ماشية قود ما يقدر حد يقرب مني ...ولا يتبسل عليا
3...المهم تعرفت على النساء اللي فالعمارة كلهم عرفوني وعرفو قصتي كنت مزيانة معاهم وتا هما كانو يقولو عليا كلام طيب بالصراحة كنت نتمنى شي وحدة تزوجني لولدها أو لخوها ... المهم نتزوج ونعيش فالحلال كنت مداخلة معاهم اللي بغات دير حلوة نعاونها نعاون فالشقا وفالعيد.. وتا الا كانت شي مناسبة وكنت كونجي تلقاوني راه كنطيب ومقفضة شوفوني ياللي تخطبو راني حادكة وضريفة !!! كانت مي فطوم اللي ساكنة فالدور الاول عايشة غير هي وراجلها تقول ليا راه بغيتك لولدي لي فاسبانيا تعشمت الصراحة ولدها فاسبانيا بلا وراق ياحسرة ونتسناوه يدير الاوراق ويجي عاد يشوفني...المهم بقا عندي الرجا فولد مي فطوم طبعا هي مرة كبيرة انا لي نخمل ونتسخر وجيبي ليا هدي وحطي هدي كنت بحال بنتها او نقول بحال خدامة ديالها قلت معلش المهم ولدها يجي شي نهار ماعمر شي حد خطبني كاع لي يسول من بعيد ويمشي .... فاتت 5 سنين ولدها دار الاوراق وجاب معاه كاورية سكايرية فكتو من البطالة والتشرد وجابها معاه مي فطوم ما عمرها قالتها ليا باش ما تخسر الخدامة ديال فابور قلت يالله الله يسمح ليها .. دارت النهار فرحت بالعودة ديال ولدها وعاونتها بلا جميل هو ما حس بيا كاع يعني ما فراسوش بلي نتسناه يجي على حصان ابيض ويديني لاسبانيا ....يتبع
4....فاتت السنين عام ورا عام تزوجو كاع البنات الكبار حن عليهم الله والصغيورات تاهما الا انا .... فين وفين يسول شي واحد والا عرفني من الخيرية يرجع اللور وخا ماليا تاذنب بقيت مع نساء الحي والعمارة درتهم اهلي وتشاركت معاهم الافراح والاحزان وبقيت كيف ما يقولو ناكل القوت ونتسنا الموت تا وصلت ل40 عام درت كيكة ووزوقتها برقم 40 وبقيت نشوف فيها ونتحسر على شبابي وعمري لي ضاع لا ولاد ولا زواج ولا امل حتى ههههه مرة نضحك ومرة نبكي ....قلت والله تا نفركع هاد الرمانة ولي يوقع يوقع صافي تروتار نمشي مع شي واحد نعرف غير النعاس والجنس كي داير؟ تفكرت واحد المقهى فالشارع ديما ندوز من حداه معروف بالقوادة والبنات لي بغات تصيد ....مشيت بحجابي لبست صايتي وقميجتيي حطيت مكياج خفيف وخرجت جلست طلبت الكارسون قلت ليه جيب ليا عصير بحدو اللي كان بثمنو نتغدا ونتعشا قلت يالله لي ليها ليها فاتت نص ساعة وانا نشرب رشفة رشفة فالعصير هههه تا لشوية يبان ليا واحد السيد قدامي يشوف فيا سيد يبان فوق الخمسين باين عليه انيق وخا كرشو خارجة لابس كرافاتة وطالب حلوة وقهوة وعينو ما هبطت من عليا ....يتبع
5.....المهم انا اللي فراسي فراسي هو يشوف فيا وانا نشوف فيه تا لشوية جا جلس معايا فالطاولة مساء الخير قلت ليه مساء النور طبعا الصواب والابتسامة تشربي شي حاجة قلت ليه لا شكرا عاد شربت عصير ما بغا كا يضيع وقت فالهضرة دغيا سولني بشحال ؟؟؟بالصراحة حسيت بالاهانة وكنت شوية نوض قلت ماني على هاد الحالة 40 عام محافظة على شرفي ونجي نتساوم عليه مع هاد الزامل ؟؟شوية تراجعت وجلست وبقيت نشوف فيه ماعرفت باش نجاوب...قال ليا زيدي معايا نضوبو دويرة برا قلت ليه غير سبقني انا جاية طبعا الحي معروف الا شافني حد ماشية معاه فضيحة وانا كنت سمعتي بين الجيران بحال الدهب كلشي عارفني شوية خرجت من بعدو وانا نقول ارا نمشي لبيتي نتكاوكان مالي قبيحة هاكا ؟ شوية لقيتو ماشي ورايا بالطوموبيل قال ليا ركبي وزني الشيطان وركبت معاه نزلني ففندق اول مرة كنشوف هاد العالم ديال الفنادق بقا كيسول فين فلان فين فلان هو موالف يجيب وقيلا لبنات هنا وشكون هاد فلان علاش يسول ؟شوية شفتو عطاه المفتاح وبقا يهضر معاه غير بالتشويش وسمعت كلمة المدام هما طلبو ليه عقد الزواج وقيلا .وماعرفت اش الاجارءات انا اول مرة نشوف اوتيل فحياتي المهم السيد علاش كان يسول قضا الغرض ودخلت معاه للفندق ...يتبع
6...هو كان قليل الكلام غير يشوف فيا ومبتسم ما فهمت نضراتو طبعا شايفني (قحبة ) وصافي قلت يالله اللي ليها ليها شوية قرب مني من البوسة الاولة اغمى عليا ما بقيت عاقلة على والو تا لقيتو يفسخ ليا حوايجي انا الصراحة دبت فيه ..وشوية ملي دخل عليا انفجرت البكارة ديالي وغوت من شدة الالم لانه ما كانش عارف بلي انا عذراء دغيا دخلو ووجعني بزاف وشوية لقيتو متفاجيء ..قال ليا ما قلتي انتي باقي بنت؟بالصراحة انا مع الالم بقيت غير ساكتة جاب ليا الما شربت وتغطيت وجا نعس حداياشعل كارو وقالي عاودي ليا قصتك تفاجأت باهتمامو بقصتي الصراحة عاودت ليه كلشي بالتفصيل الممل من الملجأ تا ليوم عيد ميلادي الاربعين بقا ساكت وقال ليا شنو سميتك قلت ليه اختار ليا اسم بقا يشوف فيا ويبتسم تاني شوية وهو يهجم عليا ونعس معايا وارتاح شوية ونعس معايا المرة التانية وخا كنت حاسة بشوية الالم لكن حسيت راسي متجاوبة معاه وعشت لحظات كنت نتسناها عمري كامل وخا كنت نتمنى نعيشها بالحلال لكن ما بقا عندي امل فالصباح فقت قبل منو دوشت ولبست حوايجي وخرجت بلا ما يحس بيا ونزلت وخرجت من الفندق مريت على الصيدلية خديت حبوب منع الحمل ومشيت تكيت فبيتي ماعرفت نضحك ولا نبكي ولا نندب ...بقيت نتكلم بحدي ونسب وجهي فالمراية تا جاني النعاس مع السهير .....يتبع
7....المهم حاولت نتناسا الموضوع ورجعت لخدمتي ولحياتي ووحدتي ووغربتي ..تا دارت السيمانا وجا نهار الاحد نهار الاجازة جمعت بيتي وسيقتو وخملت 2 سدادر لي كانو عندي وتلفزة صغيورة وطيبت كميلة ديال العدس فوق البوطة الصغيرة بلا لحم نسيت كاع طعم اللحم كي دايرحطيت براد ديال اتاي وكيسان والنعناع ...وهزيت حوايجي وسطولة ومشيت للحمام .وانا جاية .تركت الحانوت جبت 2 خبيزات ملي وصلت كانت ال2بعد الضهر رجعت حليت الباب حطيت السطولا فالحمام وجيت دخلت البيت وانا نغوت تصدمت لقيت حد فالبيت مشيت نجري حليت الشرجم باش نتأكد ..ايه هو السيد لي مشيت معاه نهار الاحد تصدمت كيفاش عرفتي طريقي وكيفاش قدرت تدخل لبيتي انا قافلاه واشنو كدير هنا ؟لا يكونو شافوك الجيران اويلي على فضيحة .....سؤال ورا سؤال قال ليا تهدني تهدني .. انا نقول ليك من نهار مشيتي انا كنقلب عليك تا شفتك خرجتي من المعمل وتبعتك وعرفتك فين ساكنة والباب دقيت وما حل حد جربت مفتاح من مفاتيحي دغيا تحل بكل سهولة وبقا يشوف فيا ويضحك تاني وناري على فقصة قلت ليه ياك ماشافك حد طالع هنا قال ليا لا ماشافني حد انا حطيت المقراش يسخن بين ما نصلي ونتفاهم معاه اشنو باغي جاي تابعني صليت الضهر وجلست قلت خير اسي .....؟قال ليا عبد الهادي وبقا يضحك تاني قلت ليه خير اسي عبد الهادي قال ليا را المقراش سخن عمري لينا بارد اتاي نضت انا عمرت اتاي وسخنت العدس الصراحة قتلني الجوع قلت خليه نشوف اش جابو للهنا وجالس ومرخرخ بحال الا بيتو .....يتبع
8....حطيت لغدا وكبيت اتاي الساعة السيد عجبو العدس انا لقمة وهو لقمة ياكل وساكت انا نتكلم وهو ساكت ويشوف فيا قلت ليه علاش تقلب عليا اسي عبد الهادي خير؟ باغي تصاحب معايا ولا داك النهار مشيت معاك غادي تبقى كل ساع تجي عندي ؟؟قال ليا نجيك من الاخر بغيت نتزوج بيك ...بقيت نضحك ما تيقت كاع قلت ليه عاود الزواج ؟؟؟؟قال ليا ايه انا اب ل3 البنيات امهم توفات وبغتيك تكوني مرتي وام بنياتي الا قبلتي ؟ الصراحة شكيت فكلامو كيفاش واحد يتزوج وحدة بحالي لا زين لا اصل وزايد مشيت معاه للفندق ..شووية دق الباب جات بنت جارتي لتحت جابت ليا طبسيل ديال السنفج وجات بغات تدخل هي موالفة تجي عندي تدخل حبستها فالباب وقلت ليها يالله جيت من الحمام ازين بغيت نعس ...قلت ليه شفتي دبا كون دخلت البنيةكون شافتك خليني فالتساع الله يرحم والديك انا عايشة مع الناس هنا سمعتي نقية خليها تبقى هاكا ..قال ليا اشنو قلتي موافقة ولالا قلتليه كتكلم بصح قال ليا شايفاني واحد ديال التفلية ؟؟
قلت ليه وعائلتك واهلك اشنو يقولو ؟قال ليا ما عليك من حد قلت ليه موافقة وعينيا باينة فيهم الفرحة وتاهو بقا يشوف فيا ويضحك قال ليا غدا ان شاء الله نجيب الوالدة قلت غدا غدا؟؟ قال ليا اه ان شاء الله ...يتبع
9 الاخير الغد ليه وجدت اتاي وقلتها لجاراتي كلهم يقولو من فين دبرتي عليه وكيفاش ؟؟قلت ليهم هو شافني قدام الخدمة وطلبني للزواج تا ما عرفتو كاع اش خدام ولا تا فين ساكن اليوم غير الام ديالو بغات تشوفني المهم جات الام ديالو كانت ضريفة ومتواضعة وباين عليها العز وعاودت ليا على زوجتو الاولى وعلى موتها وعلى بنياتو وكانت صريحة وحسيت بلي استلطفتني وتا انا ارتاحيت ليها وعاودت ليا على خدمتو وكاع المعلومات عليه وقالت ليا بنياتو مرة يجلسو عندي ومرة عند جداهم اللي هي ام الام ديالهم ...جاراتي تاهما شهدو عليا بالحق وعلى السمعة ديالي وتكلمو عليا بالخير قدامها وحسيت بلي قبلاتني وسهل الله ودرنا العقد الجيران فرشو السطح ودارو ليا نهار غير بيناتهم وعاونوني تا داز النهار رحت لداري من اسعد اللحظات لي تمنيت فحياتي زوجي طلع ضريف والام ديالو وبنياتو الصغار اما الكبيرة كانت مراهقة وصعيبة تعبتني بزاف تا كتولي معايا شوية تمشي عند جداها ام الام ديالها ترجع وحدة اخرى عانيت معاها بزاف مكتحملنيش وتحرش عليا البنات تا الدار تجي تامر وتنهي بحال الا دارها وتقول ليا مالك بدلتي هدي مالك غيرتي هدي ..نسات بلي انا مولات الدار لكن انا كنت نمتص غضبي ونخليها واحد نهار صبحت دايخة درت التحاليل لقيت راسي حاملة .ما توقعت نولد وانا فالاربعين لكن سبحان الله ربي كبير ...فرحت بزا ف هدي امنية حياتي ..وفرحت زوجي دار ليا السبوع فالقاعة من بعد ما جبت ولدي اشرف لكن جدة البنات زادت عداوتها ليا وبقات تحاربني وانا مطولة بالي لكن مع الوقت البنيات ما بقاوش يتسنطو ليها بزاف عزيز عليهم اخوهم الصغيور تا يضلو هازينو ويلعبو معاه وتاهي ولات تقبلت شوية ماشي حبتني غير عطاتني التساع شوية البنيات الكبار تزوجو والصغيرة مشات تدرس واحد التخصص برا ..قبل عامين توفى الزوج ديالي فراقو كان صعيب عليا بزاف حياتي معاه كلها ود ومحبة واحترام حتى هديك الليلة نتفكروها غير بالضحك مرة مرة ما عمرو عيرني ولا اهاني لكن الموت فرقنا وبقيت انا و ولدي اشرف اللي هو قرة عيني وحياتي دبا يقرا فالثانوي الله يحفظو ليا ونشوف وليداتو والحمد لله رب العالمين ... النهاية
2....فاتت السنين وتفارقنا اللي تزوجت ولي خرجت تسكر وتفسد ووحدة توفات الله يرحمها بقيت غير انا و زينب اللي هي قصتها اسوأ من قصتي هي جابها باها حيت ما بغاتهاش مرتو لي تزوجها فورا بعد موت الام ديالها وحطها فالملجأ كيف وقع هدشي تا هي ما عرفتش عندها غير بعض الدكريات قليلة على حياتها وعلى امها جابها صغيرة بزاف المهم لقات تاهي خدمة فمدينة اخرى وبقيت بحدي لقيت الكرا غالي عليا طلبت واحد السيد مو لحانوت يشوف ليا بيت رخيص على قد لحال وجزاه الله خير شاف ليا بيت فواحد العمارة فيه شرجم يطل على الشارع فيه حمام صغير بيت بحدو فالسطح مفوج ههه وفيه بقيت تا لدبا المهم بقات حياتي هي هي من الخدمة للدار ومن الدار للخدمة.... بطبيعة الحال تا انا كنت مراهقة فيوم من الايام وكنشوف لبنات يتصاحبو ويتراسلو ويتعرفو على الاولاد ...لكن انا كنت دائما حاطة صورة اللي ولداتني ...كدرس باش منضحك على راسي ونسلم شرفي لشي واحد مهما قال ليا كنبغيك كنت انسانة جدية بزاف تا فالمصنع كانو يسموني التران حيت ماشية قود ما يقدر حد يقرب مني ...ولا يتبسل عليا
3...المهم تعرفت على النساء اللي فالعمارة كلهم عرفوني وعرفو قصتي كنت مزيانة معاهم وتا هما كانو يقولو عليا كلام طيب بالصراحة كنت نتمنى شي وحدة تزوجني لولدها أو لخوها ... المهم نتزوج ونعيش فالحلال كنت مداخلة معاهم اللي بغات دير حلوة نعاونها نعاون فالشقا وفالعيد.. وتا الا كانت شي مناسبة وكنت كونجي تلقاوني راه كنطيب ومقفضة شوفوني ياللي تخطبو راني حادكة وضريفة !!! كانت مي فطوم اللي ساكنة فالدور الاول عايشة غير هي وراجلها تقول ليا راه بغيتك لولدي لي فاسبانيا تعشمت الصراحة ولدها فاسبانيا بلا وراق ياحسرة ونتسناوه يدير الاوراق ويجي عاد يشوفني...المهم بقا عندي الرجا فولد مي فطوم طبعا هي مرة كبيرة انا لي نخمل ونتسخر وجيبي ليا هدي وحطي هدي كنت بحال بنتها او نقول بحال خدامة ديالها قلت معلش المهم ولدها يجي شي نهار ماعمر شي حد خطبني كاع لي يسول من بعيد ويمشي .... فاتت 5 سنين ولدها دار الاوراق وجاب معاه كاورية سكايرية فكتو من البطالة والتشرد وجابها معاه مي فطوم ما عمرها قالتها ليا باش ما تخسر الخدامة ديال فابور قلت يالله الله يسمح ليها .. دارت النهار فرحت بالعودة ديال ولدها وعاونتها بلا جميل هو ما حس بيا كاع يعني ما فراسوش بلي نتسناه يجي على حصان ابيض ويديني لاسبانيا ....يتبع
4....فاتت السنين عام ورا عام تزوجو كاع البنات الكبار حن عليهم الله والصغيورات تاهما الا انا .... فين وفين يسول شي واحد والا عرفني من الخيرية يرجع اللور وخا ماليا تاذنب بقيت مع نساء الحي والعمارة درتهم اهلي وتشاركت معاهم الافراح والاحزان وبقيت كيف ما يقولو ناكل القوت ونتسنا الموت تا وصلت ل40 عام درت كيكة ووزوقتها برقم 40 وبقيت نشوف فيها ونتحسر على شبابي وعمري لي ضاع لا ولاد ولا زواج ولا امل حتى ههههه مرة نضحك ومرة نبكي ....قلت والله تا نفركع هاد الرمانة ولي يوقع يوقع صافي تروتار نمشي مع شي واحد نعرف غير النعاس والجنس كي داير؟ تفكرت واحد المقهى فالشارع ديما ندوز من حداه معروف بالقوادة والبنات لي بغات تصيد ....مشيت بحجابي لبست صايتي وقميجتيي حطيت مكياج خفيف وخرجت جلست طلبت الكارسون قلت ليه جيب ليا عصير بحدو اللي كان بثمنو نتغدا ونتعشا قلت يالله لي ليها ليها فاتت نص ساعة وانا نشرب رشفة رشفة فالعصير هههه تا لشوية يبان ليا واحد السيد قدامي يشوف فيا سيد يبان فوق الخمسين باين عليه انيق وخا كرشو خارجة لابس كرافاتة وطالب حلوة وقهوة وعينو ما هبطت من عليا ....يتبع
5.....المهم انا اللي فراسي فراسي هو يشوف فيا وانا نشوف فيه تا لشوية جا جلس معايا فالطاولة مساء الخير قلت ليه مساء النور طبعا الصواب والابتسامة تشربي شي حاجة قلت ليه لا شكرا عاد شربت عصير ما بغا كا يضيع وقت فالهضرة دغيا سولني بشحال ؟؟؟بالصراحة حسيت بالاهانة وكنت شوية نوض قلت ماني على هاد الحالة 40 عام محافظة على شرفي ونجي نتساوم عليه مع هاد الزامل ؟؟شوية تراجعت وجلست وبقيت نشوف فيه ماعرفت باش نجاوب...قال ليا زيدي معايا نضوبو دويرة برا قلت ليه غير سبقني انا جاية طبعا الحي معروف الا شافني حد ماشية معاه فضيحة وانا كنت سمعتي بين الجيران بحال الدهب كلشي عارفني شوية خرجت من بعدو وانا نقول ارا نمشي لبيتي نتكاوكان مالي قبيحة هاكا ؟ شوية لقيتو ماشي ورايا بالطوموبيل قال ليا ركبي وزني الشيطان وركبت معاه نزلني ففندق اول مرة كنشوف هاد العالم ديال الفنادق بقا كيسول فين فلان فين فلان هو موالف يجيب وقيلا لبنات هنا وشكون هاد فلان علاش يسول ؟شوية شفتو عطاه المفتاح وبقا يهضر معاه غير بالتشويش وسمعت كلمة المدام هما طلبو ليه عقد الزواج وقيلا .وماعرفت اش الاجارءات انا اول مرة نشوف اوتيل فحياتي المهم السيد علاش كان يسول قضا الغرض ودخلت معاه للفندق ...يتبع
6...هو كان قليل الكلام غير يشوف فيا ومبتسم ما فهمت نضراتو طبعا شايفني (قحبة ) وصافي قلت يالله اللي ليها ليها شوية قرب مني من البوسة الاولة اغمى عليا ما بقيت عاقلة على والو تا لقيتو يفسخ ليا حوايجي انا الصراحة دبت فيه ..وشوية ملي دخل عليا انفجرت البكارة ديالي وغوت من شدة الالم لانه ما كانش عارف بلي انا عذراء دغيا دخلو ووجعني بزاف وشوية لقيتو متفاجيء ..قال ليا ما قلتي انتي باقي بنت؟بالصراحة انا مع الالم بقيت غير ساكتة جاب ليا الما شربت وتغطيت وجا نعس حداياشعل كارو وقالي عاودي ليا قصتك تفاجأت باهتمامو بقصتي الصراحة عاودت ليه كلشي بالتفصيل الممل من الملجأ تا ليوم عيد ميلادي الاربعين بقا ساكت وقال ليا شنو سميتك قلت ليه اختار ليا اسم بقا يشوف فيا ويبتسم تاني شوية وهو يهجم عليا ونعس معايا وارتاح شوية ونعس معايا المرة التانية وخا كنت حاسة بشوية الالم لكن حسيت راسي متجاوبة معاه وعشت لحظات كنت نتسناها عمري كامل وخا كنت نتمنى نعيشها بالحلال لكن ما بقا عندي امل فالصباح فقت قبل منو دوشت ولبست حوايجي وخرجت بلا ما يحس بيا ونزلت وخرجت من الفندق مريت على الصيدلية خديت حبوب منع الحمل ومشيت تكيت فبيتي ماعرفت نضحك ولا نبكي ولا نندب ...بقيت نتكلم بحدي ونسب وجهي فالمراية تا جاني النعاس مع السهير .....يتبع
7....المهم حاولت نتناسا الموضوع ورجعت لخدمتي ولحياتي ووحدتي ووغربتي ..تا دارت السيمانا وجا نهار الاحد نهار الاجازة جمعت بيتي وسيقتو وخملت 2 سدادر لي كانو عندي وتلفزة صغيورة وطيبت كميلة ديال العدس فوق البوطة الصغيرة بلا لحم نسيت كاع طعم اللحم كي دايرحطيت براد ديال اتاي وكيسان والنعناع ...وهزيت حوايجي وسطولة ومشيت للحمام .وانا جاية .تركت الحانوت جبت 2 خبيزات ملي وصلت كانت ال2بعد الضهر رجعت حليت الباب حطيت السطولا فالحمام وجيت دخلت البيت وانا نغوت تصدمت لقيت حد فالبيت مشيت نجري حليت الشرجم باش نتأكد ..ايه هو السيد لي مشيت معاه نهار الاحد تصدمت كيفاش عرفتي طريقي وكيفاش قدرت تدخل لبيتي انا قافلاه واشنو كدير هنا ؟لا يكونو شافوك الجيران اويلي على فضيحة .....سؤال ورا سؤال قال ليا تهدني تهدني .. انا نقول ليك من نهار مشيتي انا كنقلب عليك تا شفتك خرجتي من المعمل وتبعتك وعرفتك فين ساكنة والباب دقيت وما حل حد جربت مفتاح من مفاتيحي دغيا تحل بكل سهولة وبقا يشوف فيا ويضحك تاني وناري على فقصة قلت ليه ياك ماشافك حد طالع هنا قال ليا لا ماشافني حد انا حطيت المقراش يسخن بين ما نصلي ونتفاهم معاه اشنو باغي جاي تابعني صليت الضهر وجلست قلت خير اسي .....؟قال ليا عبد الهادي وبقا يضحك تاني قلت ليه خير اسي عبد الهادي قال ليا را المقراش سخن عمري لينا بارد اتاي نضت انا عمرت اتاي وسخنت العدس الصراحة قتلني الجوع قلت خليه نشوف اش جابو للهنا وجالس ومرخرخ بحال الا بيتو .....يتبع
8....حطيت لغدا وكبيت اتاي الساعة السيد عجبو العدس انا لقمة وهو لقمة ياكل وساكت انا نتكلم وهو ساكت ويشوف فيا قلت ليه علاش تقلب عليا اسي عبد الهادي خير؟ باغي تصاحب معايا ولا داك النهار مشيت معاك غادي تبقى كل ساع تجي عندي ؟؟قال ليا نجيك من الاخر بغيت نتزوج بيك ...بقيت نضحك ما تيقت كاع قلت ليه عاود الزواج ؟؟؟؟قال ليا ايه انا اب ل3 البنيات امهم توفات وبغتيك تكوني مرتي وام بنياتي الا قبلتي ؟ الصراحة شكيت فكلامو كيفاش واحد يتزوج وحدة بحالي لا زين لا اصل وزايد مشيت معاه للفندق ..شووية دق الباب جات بنت جارتي لتحت جابت ليا طبسيل ديال السنفج وجات بغات تدخل هي موالفة تجي عندي تدخل حبستها فالباب وقلت ليها يالله جيت من الحمام ازين بغيت نعس ...قلت ليه شفتي دبا كون دخلت البنيةكون شافتك خليني فالتساع الله يرحم والديك انا عايشة مع الناس هنا سمعتي نقية خليها تبقى هاكا ..قال ليا اشنو قلتي موافقة ولالا قلتليه كتكلم بصح قال ليا شايفاني واحد ديال التفلية ؟؟
قلت ليه وعائلتك واهلك اشنو يقولو ؟قال ليا ما عليك من حد قلت ليه موافقة وعينيا باينة فيهم الفرحة وتاهو بقا يشوف فيا ويضحك قال ليا غدا ان شاء الله نجيب الوالدة قلت غدا غدا؟؟ قال ليا اه ان شاء الله ...يتبع
9 الاخير الغد ليه وجدت اتاي وقلتها لجاراتي كلهم يقولو من فين دبرتي عليه وكيفاش ؟؟قلت ليهم هو شافني قدام الخدمة وطلبني للزواج تا ما عرفتو كاع اش خدام ولا تا فين ساكن اليوم غير الام ديالو بغات تشوفني المهم جات الام ديالو كانت ضريفة ومتواضعة وباين عليها العز وعاودت ليا على زوجتو الاولى وعلى موتها وعلى بنياتو وكانت صريحة وحسيت بلي استلطفتني وتا انا ارتاحيت ليها وعاودت ليا على خدمتو وكاع المعلومات عليه وقالت ليا بنياتو مرة يجلسو عندي ومرة عند جداهم اللي هي ام الام ديالهم ...جاراتي تاهما شهدو عليا بالحق وعلى السمعة ديالي وتكلمو عليا بالخير قدامها وحسيت بلي قبلاتني وسهل الله ودرنا العقد الجيران فرشو السطح ودارو ليا نهار غير بيناتهم وعاونوني تا داز النهار رحت لداري من اسعد اللحظات لي تمنيت فحياتي زوجي طلع ضريف والام ديالو وبنياتو الصغار اما الكبيرة كانت مراهقة وصعيبة تعبتني بزاف تا كتولي معايا شوية تمشي عند جداها ام الام ديالها ترجع وحدة اخرى عانيت معاها بزاف مكتحملنيش وتحرش عليا البنات تا الدار تجي تامر وتنهي بحال الا دارها وتقول ليا مالك بدلتي هدي مالك غيرتي هدي ..نسات بلي انا مولات الدار لكن انا كنت نمتص غضبي ونخليها واحد نهار صبحت دايخة درت التحاليل لقيت راسي حاملة .ما توقعت نولد وانا فالاربعين لكن سبحان الله ربي كبير ...فرحت بزا ف هدي امنية حياتي ..وفرحت زوجي دار ليا السبوع فالقاعة من بعد ما جبت ولدي اشرف لكن جدة البنات زادت عداوتها ليا وبقات تحاربني وانا مطولة بالي لكن مع الوقت البنيات ما بقاوش يتسنطو ليها بزاف عزيز عليهم اخوهم الصغيور تا يضلو هازينو ويلعبو معاه وتاهي ولات تقبلت شوية ماشي حبتني غير عطاتني التساع شوية البنيات الكبار تزوجو والصغيرة مشات تدرس واحد التخصص برا ..قبل عامين توفى الزوج ديالي فراقو كان صعيب عليا بزاف حياتي معاه كلها ود ومحبة واحترام حتى هديك الليلة نتفكروها غير بالضحك مرة مرة ما عمرو عيرني ولا اهاني لكن الموت فرقنا وبقيت انا و ولدي اشرف اللي هو قرة عيني وحياتي دبا يقرا فالثانوي الله يحفظو ليا ونشوف وليداتو والحمد لله رب العالمين ... النهاية
