قصص بالدارجة المغربية : قصة أحببتك مرتين - الجزء الأول
الجزء الأول
كنا واقفين فواحد الجبل كيطل على البحر الابيض المتوسط.
كان متكي على السيارة وانا بعيدة عليه شوية. كنشوف فالبحر وكنحاول نستمتع بكل مكون
من مكونات ديك اللحظة. اللحظة اللي تسنيتها عمري كامل. وكتبت ليها شحال من سيناريو
وتخيلت ليها شحال من مشهد. الشمس والطيور ونسيم البحر. الزروقية ديال السماء
والبحر ودقات قلبي وهو كيرقص وكيتمايل مع كل نسمة كنتنشقها من
العطر ديالو. انا
وياه بوحدنا واقفين على حافة شمال أفريقيا والبحر كيشوف فينا. كيتسناه يهدر وانا نجاوبو
بخجل باش يصفق لينا. جهان! كتبغيني؟ انا بعدا كنبغيك. تزوجي بيا! سمعتو عيطلي وقبل
مندور حاولت نخبي الفرحة ديالي. درت لقيت وجهو زاد تبدل او ولا حزين أكثر. تقدمت
عندو وانا مركزة فعينيه ومكنسمع والو من غير الحجر اللي كيتحرك تحت رجليا. بغيت
نقرب عندو ونلمس وجهو ونقولو بلي كنبغيه بزاف وبلي مستعدة ندير اللي كان باش نمسح
الحزن من عينيه. ومستعدة نبذل حياتي فسبيل ابتسامة وحدة على وجهو. بغيت نضمو ليا
ونهمس فودنو بلي مادام معايا عمر القلق ميوصل لقلبو. ونواعدو بلي انا غنكون الملاك
الحارس ديالو. خاسو فقط يقول كلمة وحدة. يقول بلي حتى هو كيبغيني كيما كنبغيه.
وبلي فليالي الغربة الباردة كانت صورتي هي اللي كتدفيه. وبلي تركيب اسمي مع اسمو
هي اللعبة اللي كانت كتسليه. وبلي نهار على نهار كيزيد شوقو يكون معايا وبلي رجع
طاير لبلادو باش يكمل حياتو معايا. بقيت واقفة كنشوف فيه وكنحاول نختار ردة الفعل
المناسبة لطلب الزواج او ربما غير الاعتراف بالحب ديالو. تكلم وقال: _طلبت نهدر
معاك بوحدنا حيت بغيت نقوليك واحد الحاجة_اللي هي؟!_انا عارفك مكتبغينيش. مزيان!
حيت حتى انا مكنبغيكش. انا غير ضغطو عليا باش نتزوجك حيت عزيزة على الدار وعائلتك
مناسبة لعائلتنا. انا كنبغي واحد البنت أخرى وباغي نتزوجها. عافاك انا فاش تعرفت
عليك حسيت بلي انتي بنت قارية او واعية وعقلك وقلبك كبير بزاف. وبغيتك تساعديني.
عافاك رفضي هاد الزواج. انا منقدرش نرفض حيت والديا ممتفهمينش بحال والديك. عافاك
نقديني من هاد الوحلةوهو كيهدر كان راسي كيدور. كنت حاسة بلي صدري كيضياق وكنتخنق
وليت باغية غير نهرب من حداه وميعاودش يشوف وجهي. كيفاش قدر يقولي فوجهي بلي هو
فوحلة. واش الحياة معايا وحلة ومشكل كبير؟ كيفاش قدر يقول بلي مكنبغيهش. ومشاعري
وكلامي وتصرفاتي وعيني اللي كينطقو بكلشي. دقال قلبي وارتعاشي فاش كنكون معاه.
وجهي اللي كيولي مضوي حيت مقابل معاه. وابتسامتي اللي فضحاتني قدام جميع الناس. هو
الوحيد اللي مافهم والو من هادشي وكيفاش قدر يقولي بلي مكيبغينيش. قالها بالزربة
سعما باش ميجرحنيش؟ باش منردش ليها البال؟ مضا الموس مزيان باش يدبحني ومنحسش.
كيبغي بنت أخرى؟ واختارها هي عليا. وقرر يضحي بيا انا وعائلتي وعائلتو على قبلها
هي. شكون تكون باش تدمر حياتنا كاملين. دورت وجهي للبحر باش نخبي دموعي
وميشوفهومش. فاش درت لقا الفرصة باش يهدر على راحتو. ساهل الكلام فالظهر بزاف.
ولكن فالوجه مباشرة فعينين الانسان صعيب بزاف تقولو الحقيقة. بدا كيعاودلي على
البنت اللي كيبغي وهو كيهدر كنت كنشوف التحت فالحافة. مع كل كلمة كيطيح جزء مني
وكيتكسر فوق الصخور الحادة كيما كيتكسرو المواج. كيقولي نفس الكلام اللي تمنيت
نسمعو ولكن ماشي نفس السمية._فاش تسمعي قصتي ربما غنجيك غبي ومعندي عقل. حيت البنت
اللي كنبغي شفتها غير فالصغر. ومن داك النهار عمرني شفتها ولكن عمرني نسيتها.
تقدري تسمي هادشي حماق ولكن انا بعقلي وعارف شنو كنقول. هذا هو الحب بالنسبة ليا.
حياتي تبنات ومشات فالمسار اللي يوصلني عندها. انا سمحت فحياتي برا غير باش نرجع
لهنا باش نتلاقاها. وميمكنش دبا نتخلى عليها ونبني حياتي مع وحدة أخرى. تلاقيتها
اول مرة وانا صغير. مقدرتش نعرف سميتها.لعبت معاها بعض المرات فالجردة. كانت زوينة
ودغيا دخلات لقلبي. ههه خلات قلبي يضرب وانا صغير ومزال مكنعرفش شنو هو الحب. هدرت
معاها مرة وحدة ههه اه انا حمق حيت من داك النهار وانا كنمشي لديك الجردة وعمرها
رجعات لتماك. من بعد كبرت وتبدلت وعرفت بلي حتى هي غتكون تبدلات. نسيتها ولكن
فالغربة رجع الطيف ديالها كيزورني فالمنام ديالي. رجعت تفكرتها وبدات شوية شوية
كدير بلاصتها فقلبي. نهار وليل خيالها مكيفارقنيش. ودبا جيت نقلب عليها حيت أكيد
قلبي غادي يتعرف عليها. تلفت ولقيتو واقف حدايا. كيشوف فالبحر كيهدر عليها وهو
مبتسم وفرحان بحال ايلا ماشي عاد دبا بشوية قتل مشاعري وكسر قلبي. ولكن فقلبي فرحت
حيت شفت الابتسامة اللي كنعشق. عاد دبا قتلني وبهاد الابتسامة رجع احياني وخا ماشي
ليا. شنو غندير. نخليه يمشي. نخليه ليها ولا نتمسك بيه؟
لجزء الثاني
سيمانة وانا كنفكر شنو ندير. حتى كنقسح قلبي ونرجع نتفكر
ابتسامتو وكنعطف عليه. من الأحسن نخليه يمشي يقلب عليها. هكذا أفضل باش نرتاحو
بجوج. هههه نرتاحو؟ غير هو اللي غيرتاح أما أنا. عاد غتبدا المعاناة ديالي. ننساه؟
منقدرش. ماشي ساهل نمسح جزء كبير من ذكرياتي وأحلامي. حتى أنا عشت حياتي بالطريقة
اللي توصلني ليه. اجتهدت وقريت باش نكون مناسبة ليه. وسديت قلبي فوجه بزاف ديال
الناس. باش نبقا مخلصة ليه. ودبا نبدا من جديد؟بحال ايلا حتى حاجة ماكانت؟
ميمكنش._جهان بنتي. تكلمي لخالتك فالتلفون_وخا انا جاية...._سلام خالتي_اممم
خالتي؟ ياك لاباس؟ شنو كاين؟_لا مكاين والو_وعلاش ماقلتيش لي ماما؟ أكيد ولدي
دارليك شي حاجة_لا أمين ما دار والو. _المهم. أجي عندي نخرجو نشوفو شنو نشريو
للعرس. _دبا؟_واش غتجي ولا غنتقلق _لا صافي غنجيحطيت التلفون وانا كنفكر شنو ندير.
خاسني نقرر قبل منمشي للسوق وقبل متصرف خالتي شي حاجة على العرس. اوف حتى انا
منقدرش نقول لوالديا بلي رافضة العرس وانا اللي كنت كنهتر بأمين صباح وعشية.
مغيقبلوش وأكيد غيبغيو يعرفو السبب الحقيقي. وبابا أهم حاجة عندو هي الرجلة وهادشي
اللي دار أمين مافيه مايتشاف. قلت نمشي نقولها لخالتي أولا باش من بعد ميلقاوش
والديا شنو يديرو. خرجت من الدار وفضلت نتمشى على رجلي شوية فالجنانات و نمشي
فالطوبيس. بقيت غادية حانية راسي وكنفكر حتى لقيت شي واحد قدامي. هزيت فيه راسي
لقيتو أمين. كان كيشوف فيا بتركيز كيحاول يعرف القرار ديالي. ابتسمت باش نخبي
الملامح ديالي. مبغيتوش يعرف بلي الأمر مقلقني وبلي أنا مهتمة بيه. ميمكنش نبين شي
حاجة من بعد الكلام اللي قال وبلي انا ورطة فحياتو. كرامتي متسمحليش _علاش جيتي؟
كنت غادية عند خالتي_اليوم غتمشيو للسوق. وانتي مزال مادرتي والو_كنت كنفكر. لقيتي
ديك البنت؟_لا! وأصلا مغنلقاهاش. بحال ايلا كنقلب على إبرة فكومة ديال التبن. باش
نلقاها خاسني نحرق التبن كامل._( كيما حرقتيني انا) اه. صعيب! وشنو غدير ايلا
ملقيتيهاش؟_غنبقا هكذا. كنقلب حتى نلقاها_(ايوا مزيان ايلا حياتي غضيع بسبب خيال
مكاينش فالحقيقة)_قلتي لوالديك القرار ولا مزال؟_لا مزال؟_شنو كتسناي؟_كنتسنى ديك
البنت تبان. ميمكنش نكسر هاد العلاقة اللي سنين وهي كتبنى بسبب خيال. _لا هاديك
البنت حقيقة ماشي خيال_بالنسبة ليك انت. أما حنا. راها غير خيال وصافي. قلب على شي
سبب اخر احسن من هذا_صافي نقولو بلي متفاهمناش_عرفتي شنو. غنرجع للدار محاساش
براسي مزيان. اعتذر لماماك بلاصتي. (درت باش نمشي وشدني من دراعي ردني فين
كنت)_ميمكنش. يلاهي دبا قوليلها القرار اللي خدينا_(انت بوحدك اللي خديتي القرار)
منقدرش_علاش؟_طلقني_علاش؟_دارنا مغيبغيوش. راه قلت ليك علاش. _ماشغليش يبغيو ولا
لا. فكيني من هاد الوحلة_ماشي انا اللي طيحتك فيها باش نفكك. _متخلفين. وخا عايشين
مع الاجانب ولكن راسكوم مزال حجرة. مزالين عايشين فالعصر الحجري._منسمحش ليك توصل
لوالديا. حدك تما. ايلا كنا كنستاضفوهوم مكيعنيش بلي غنوليو بحالهوم. وزايدون انت
اللي جيتي أول نهار. علاش مرفضتيش؟_منقدرش. مغيفهمونيش_حتى انا مغيفهمونيشتعصب
ودفعني طحت فالأرض. شاف فيا شوفة كتخلع ودار مشا فحالو وانا بقيت فبلاصتي كنرجف و
كنبكي. ماشي هذا هو أمين اللي بغيت. لا ميمكنش يكون هو. هذا غير جبان مكيسواش.
مكيكساب لا أدب لا قيم. كيفاش قدر يمد يدو عليا؟ ميمكنش. كنت باغية الحب واليوم
لقيت الكره.
الجزء الثالث
كملت النهار وانا مخشية ففراشي كنموت بالغيرة وكنبكي.
كنبكي على زهري او قلبي فيمن طيحني وخلاني نبغي انسان محاسش بيا ومكيشوفنيش فمرة.
عايش فالخيال ومن أجل داك الخيال كيحطم شحال من واقع. كيبغي وحدة اللي تكون عايشة
حياتها وعمرها رداتلو البال ولا عرفاتو. الغيرة صعيبة ولكن حالتي أصعب حيت انا
كينافسني سراب كون غير كانت حقيقة معليش.كنت غنقدر نتعامل معاها ولكن انا كتنافسني
فكرة فالعقل ديال الراجل اللي كنبغي. ماعنديش كيفاش نحايدها من طريقي. ولكن من بعد
هادشي اللي وقع صافي بانت ليا الحقيقة. انسان بحالو ماعندي مندير بيه فحياتي. وقفت
مسحت وجهي وانا كلي عزم بلي مغانتراجعش وبلي غنوقف كولشي. خرجت من البيت ونزلت عند
ماما. عاودتليها كولشي. قلت كولشي اللي فقلبي. شحال تعذبت حيت كان بعيد عليا وشحال
تسنيتو وشحال حلمت بيه. وشحال من لحظة عطيتهالو من حياتي. وشحال من نهار قدمت
مصلحتو على مصلحتي. وشحال من فرصة ضيعت باش نبقا معاه. وفالاخير صدمني وقالي بلي
كيبغي بنت مكيعرفهاش. وطلب مني نلغي العرس. مع اخر كلمة سمعت شي حاجة تهرسات. درت
لقيت خالتي مامات أمين. واقفة كتشوف فينا وهي مصدومة. كان وجها صفر وكانت غطيح.
جريت عندها انا وماما عاوناها توقف وجلسناها._عمرني ضنيت بلي ولدي غيدير بحال هاد
التصرف. كيفاش قدر يقوليك هاد الكلام كامل؟ _عافاك اخالتي غير بشوية عليك_لا كيفاش
قدر؟ واش معندوش العقل. شنو هاد التخربيق. كيفاش كيبغي شي وحدة شافها فاش كان
صغير_اخالتي القلب ميقدر حتى واحد يتحكم بيه._لاواه الزمر. انتي السبب. كون من
الاول قلتيلو بلي كتبغيه متدخلش ليه ديك البنت لراسو. داك النهار قبل ميسافر شحال
حاولت نقنعك تقوليلو بلي كتبغيه ولكن بقيتي ساكتة. انتي السبب. وهاداك الحمق حسابي
معاه هو الاخير_خالتي فين غادية؟تسناي نوصلك متمشيش هكذا.طلعت هزيت وراقي وخرجت
كنجري تبعتها ماخليتهاش تسوق السيارة وهي فديك الحالة. الطريق كاملة وهي ساكتة
وكتفكر ولكن باين بلي مقلقة. كنت خايفاها تفضحني وتقول لأمين بلي كنبغيه. _خالتي.
عافاك متقوليش لأمين بلي.._بلي كتبغيه؟ متخافيش. هداك أمر خاص بيك وخا خاطئ ولكن
ماعنديش الحق نتدخل. _حتى أمين عافاك خليه على خاطرو_أبدا. غادي يتزوجك بالسيف ولا
بالخاطر. وخا نعرف منعرف شنو ندير باش نجمعكوم. _خليه على خاطرو. حتى انا مبقيتش
باغياه_كتفلاي عليا ولا على راسك؟ انا اللي عارفاك اكثر من راسك. وأمين كيما كان
ميمكنش تنسايه_ماقلتش بلي غننساه. ربما نقدر نعيش مع الذكرى ديالو ولكن معاه.
أبدا_متاخديش قرار وانتي معارفاش شنو فعقلو وباش حاس. انا اللي عارفاكوم بجوج
كيفاش دايرين. وداكشي علاش بغيت نزوجكوم. حيت نتوما مخلوقين لبعضياتكوم. وقلب الأم
عمرو مكيغلطوصلتها للدار. طلبات مني ندخل معاها حتى يرجع عاد نمشي. فاش دخلنا
للدار لقيناه. وغير شافتو نسات بلي قالتلي بلي مغتفضحنيش. قالتلو بلي انا كنبغيه
وعاتباتو علاش مكيبادلنيش الشعور وانا اللي ضحيت من أجلو وغدقت عليه بالحب
والمساندة والعطف. غير سمع كلامها ثار فوجها وبدا كيغوت وكيستهزء بحبي وقالها بلي
ميمكنش نشريه بالعطف والمساندة ديالي وبلي قلبو ديالها هي بوحدها. هربت من حداهوم
وخرجت كنجري بحال الحمقة حتى تأكدت بلي بعدت منهوم ومغيسمعوش الصوت ديال البكا
ديالي وبديت كنبكي ونغوت بحال الحمقة. مكفاهش جرحني وزاد دبا استهزئ بيا وعايرني.
عايرني حيت اهتميت بيه وساندتو وقدمت ليه يد العون فالعمل ديالو. وسهرت معاه وفكرت
معاه. عطيتو وقتي وصداقتس وكلياني وفلوسي وفضلتو على نفسي. وفالاخير مقدرش يشوف
الحب بين هادشي كامل واتهمني بلي حاولت نشريه
الجزء الرابع
بقيت غادية فالطريق وانا ساهية بحال الحمقة حتى سمعت شي
سيارة كتكلاكصوني عليا. درت لقيتهوم شي سياح نازلين عندنا. ركبوني واحترمو حالتي
وماسولونيش مالي. وصلت للدار ودخلت لبيتي وسديت الباب. وجلست فالأرض كنتفكر شنو
وقع وكيفاش عاملني والنظرة باش شاف فيا وخلاني نحس براسي بحال شي حشرة. تمنيت يحس
بيا ويعيش حتى هو القهر اللي حاسة بيه وبغيتو يلقى ديك البنت وتعذبو وتجرجرو
وتخليه يعرف قيمتي. ويعطي حتى هو الغالي والنفيس من أجلها وفالاخير تقولو طز فيك
وففلوسك. وانا نكون واقفة كنتفرج فيه ونضحك نضحك نضحك حتى يبردلي قلبي.تفكرت كلمات
اغنية كنت سمعتها من مدة كتشبه لقصتي كتقولولما بدا لي أنها لا تحبني وأن هواها
ليس عني بمنجليتمنيت أن تهوى سواي لعلهاتذوق صبابات الهوى فترق ليفما كان الا عن
قليل فأشغفتبحب غزال أهيف الطرف أكحليفعذبها حتى أذاب فؤادهاوذوقها طعم الهوى
والتذلليفقلت هذا بهذا فأطرقتحياءا وقالت كل ظالم مبتليياريت يا أمين تلقى ديك
البنت.اووه علاش غنبقا مخشية فهاد البيت بوحدي؟ غنخرج نشوف الدار واش خصاها شي
حاجة. اما أمين خليتو لديك الفكرة اللي فراسو. خرجت لقيت كل واحد داير خدمتو. بقيت
كنتمشى فالجنان حتى لحق عليا واحد من الدراري اللي وصلوني. _مالكي غضبانة؟_مماليش.
ممكن تخليني بوحدي_ اش بكاك أنوارة.اش خلى دمعتك تسيل_شكون انت؟_انا جيت جديد
لهنا. مرشد سياحي. تعرفت على الخدامة كاملين اللي فالدار ولكن انتي عمرني شفتك_انا
ماشي خدامة هنا. انا بنت مول الدار_اه سمحيلي_او دبا ايلا سمحتي ممكن تخليني_واش
قلقتكدرت رجعتك بحالي للدار وهو تابعني كيقولي بلي راني راجعة والطريق ديال
الجنانات من الجهة الاخرى. عصبني داير بحال شي كلون مكيعرفش حدودو. وصلت لحدا
الباب سمعت شي غوات. لقيت أمين لايح شي حاجات قدام الباب وكيقولي. هاكي الهدايا
باش شريتيني ايوا نسايني عليك. اه وحتى فلوسك غدا تلقايهوم فالحساب ديالك .وكليانك
غنلغي الشراكة ديالي معاهوم. مابقيتي كتسالي والو. ايوا نسايني. بعدي عليا. بقيت
مصدومة كنشوف كيفاش كيعاملني بحال ايلا انا اللي مشيت خطبتو ولا انا اللي بززت
عليه الزواج. كانو الخدامة كيشوفو فيا وبابا وماما مفاهمينش شنو واقع ويمكن كيفكرو
بلي اللي قالو صحيح. متحملتش نشوف الخدامات كيهدرو فودنين بعضياتهوم وكيتغامزو
عليا. تعصبت وجمدلي الدم فعروقي. وطحت.حليت عيني شفت غير الظلام وشوية ديال الضوء
كيجي من برا. بغيت نوض ولكن حسيت براسي ثقيل وكيضرني. بقيت متكية. درت بلاصتي
وبديت كنبكي. رجعت بذاكرتي للماضي وشفت شحال من حاجة دبا عاد عرفت التفسير ديالها.
تصرفاتو معايا وكلامو وتلميحاتو. تفكرت نهار الخطبة شحال كنت غبية. كنت فرحانة
وقلبي كان غيسكت بالفرحة. وتفكرت راسي وانا حشمانة منو وكنفكر شنو رأيو فيا وبلي
عجبتو. شحال كنت غبية. رسمت أوهام لراسي وهو عمرو حس بيا لا وزاد عايرني وشوهني
قدام الخدامة. هادشي كيعني بلي مكنسوا عندو والو. وحتى خالتي اللي اعتبرتها بحال
ماما وكنت كنعاودلها كولشي خيبات ظني فيها وفضحاتني. واعداتني بلي مغتدخلش بيناتنا
ولكن غير شافتو قالت كولشي. اه شحال كنت غبية. مكانش خاسني نقول اسراري لشي واحد.
حيت السر غير كيخرج من فمك مكيبقاش سر. كنت غبية داك النهار قبل ميسافر. كنت كنضن
بلي ايلا عرف بحبي غادي يلغي السفر ويبقا معايا. هههه كنت مبلية بالافلام. على اي
الحمد لله اللي محكيتش. اما كون شوهني قدام أمة محمد كاملة وحتى الاجانب
الجزء الخامس
بصعوبة قدرت نوقف باش نمشي للسرجم نشم شوية ديال الهواء.
وقفت وانا راسي كيدور. فتحت السرجم واستقبلني القمر بابتسامة زوينة بزاف. ونسيم
رائع دغدغ قلبي ورجعو للحياة. ابتسمت وقلت:_كتضحك معايا ولا عليا؟ يالاه هدر
متخلينيش داوية بوحدي.مجاوبنيش القمر ولكن سمعت صوت المواج. كانو مرات غاضبين
ومرات خافتين. يمكن كيقولي البحر بلي بقيت فيه بزاف ومتعاطف معايا وبلي مستعد
ينتقم من أمين ويغرقو هو وديك البنت .متخلعوش راني كنفهم لغة البحر. من الصغر وانا
كنهدر معاه. وعاودلي بزاف ديال القصص. ديال حورية البحر وديال بزاف ديال الصيادة.
هوما كيخويو قلبهوم عليه وحتى هو كيخوي قلبو عليا. كانت دار الضيافة ديالنا كطل
على البحر. مبنية فوق واحد الجبل وكيبان من السراجم البحر والجنانات ديال
الكرموس.وبطبيعةالحال جردة حدا الدار فيها العنب والاعشاب العطرية والورد ومسك
الليل اللي كيتفتح بالليل وكيعطي رائحة كتشفي جميع القلوب وكتجبرهوم. تنفست بعمق
وخليت الهوا يلعب بشعري ويدخل لصدري باش ينقيه من الطاقة السلبية. رجعت شفت فالقمر
وقلتلو:_سعداتك عايش الفوق بوحدك ومهني. مكاينش اللي يصدعك ولا يخونك ولا يجرحك.
مهني مع راسك_شكون خلاه. اللي حفاتلو كيبدا يشكيلو على همو_انت عاوتاني؟ شنو كدير
هنا؟_كنطل من بيتي وكنت كنهدر مع القمر قبل متقاطعينا._من الاحسن تدخل بحالك. حيت
هادي بلاصتي وانا اللي كنهدر مع القمر. ميمكنش يجي شي واحد يشاركني فيه_شنو هو؟
مالك شارياه. القمر ديالنا كاملين._قلت ليك دخل فحالك_هانا داخل. غير متعصبيش
تصدقي مغيبة عاوتاني_شنو قلتي؟_تصبحي على خيرعصبني ودخلت بحالي حتى انا. جاني
الجوع ونزلت ناكل. مالقيت حتى واحد. كان كولشي ناعس امكن. هزيت البلاطو وانا طالعة
لبيتي طليت على بيت ماما وبابا ملقيتهومش. حطيت البلاطو فالارض ورجعت بغيت ننزل
نقلب عليهوم ولكن لقيت داك المرشد السياحي خارج من البيت وقالي:_ يلاه بغيت نقوليك
بلي مكاينينش. _فين مشاو؟_للسبيطار. يلاه نديك_شنو وقع ليهوم_والو. ولكن الام ديال
داك السيد اللي جا قبيلة جاتها وعكة صحية ونقلوها للمستشفى فالوقت اللي كنتي مغيبة
*الجزء السادس
كانت أم أمين فالغرفة كترتاح. قالولي بلي جاتها أزمة
قلبية. كانت متوترة وضاغطة على راسها بزاف فهاد الفترة اللي فاتت. شكون السبب؟ أنا
ولا أمين ولاديك البنت؟ بقيت واقفة فالكولوار كنحاول ما أمكن منشوفش جهة أمين.
عرفتو علاش كنت متحاشيا نشوف فيه؟ سعما كنت متوقعة غادي يجي يعتذر وبغيت ندفع عليه
كبير ولكن ياورد مين يشتريك. مداهاش فيا ولا حس بلي انا كاينة تماك كاع. كان خاسنا
نرجعو بحالنا. وخا بغيت نبقا معاها وكنت خايفة عليها كان من الأفضل نمشي باش
منتصادمش مع أمين حيت أكيد بالنسبة ليه هادشي غير نفاق وتمثيل. وبطبيعة الحال
انسان بحالو مكيتحملش المسؤولية غادي يردني انا الغلطانة وانا السبب فداكشي اللي
وقع للأم ديالو. بغيت نرجع مع دارنا ولكن طلبو مني نرجع مع المرشد حيت مجاتش يرجع
بوحدو. تبعتو للسيارة. كان هادئ بزاف وعاطيني اكبر مساحة ممكنة. بقينا غاديين بين
الجبال والقمر كيشوف فينا ولكن مكانش كيضحك. حتى هو كان غامض بحال الانسان اللي
معايا. معرفتش واش الناس كولهوم غامضين ولا أنا اللي مكنعرفش نقرا الوجوه
والمشاعر. وانا ساهية فانعكاس القمر فالبحر وقفات السيارة فجأة جنب الطريق، _خرجي!
_علاش؟_خرجي! مقدرتش نزيد نسول. فتحت الباب ونزلت من السيارة وزاد وخلاني. مشا
مسافة وانا تابعاه كنغوت ومخلوعة ولكن رجع وقف._شنو درتي؟ واش حمق باغي تخليني
بوحدي هنا؟_اه_علاش شنو درت ليك؟_بغيت نعلمك تقولي لا. بغيت نعلمك يكونو عندك
قرارات وتوقفي وتدافعي على أفكارك وطلباتك. ماشي غير اللي غوت عليك وقسح معاك
تخضعي ليه وتستسلمي للمشيئة ديالو. ايلا خليتي الناس يتحكمو فيك غادي تكوني انتي
هي اكبر خاسرة فهاد الدنيا. غير قلت ليك نزلي نزلتي وبقيتي فالخلا. هكذا حتى
فالحياة. غادي تبقاي فالهامش ديما
الجزء السابع
_بغيت نعلمك تقولي لا. بغيت نعلمك يكونو عندك قرارات وتوقفي
وتدافعي على أفكارك وطلباتك. ماشي غير اللي غوت عليك وقسح معاك تخضعي ليه وتستسلمي
للمشيئة ديالو. ايلا خليتي الناس يتحكمو فيك غادي تكوني انتي هي اكبر خاسرة فهاد
الدنيا. غير قلت ليك نزلي نزلتي وبقيتي فالخلا. هكذا حتى فالحياة. غادي تبقاي
فالهامش ديما. هاديك المرأة اللي جاتها ازمة قلبية راها بحال الام ديالك. وفالوقت
اللي كان هو برا انتي اللي كنتي معمرة عليها ومهتمة بيها. انتي عندك الحق فيها
أكثر منو هو. اما هو رجع للمغرب غير على قبل ديك البنت اللي كيبغي. ماشي من اجلها
هي. هو اللي كان خاسو يحشم ماشي انتي. _ولكن هو مقلق مني داكشي باش من الاحسن
نتفادى نجبد الصداع معاه_وانتي مامقلقاش؟ اصلا هو معندوش الحق يتقلق منك. عوض
ميعاتب راسو كيبرد فيك انتي الغضب ديالو.بالعكس كان خاصو يفرح حيت لقا قلب يبغيه
بصدق. قلب مستعد يضحي من أجلو وايلا كان لازم يضحي بيه ويبقى هو بلاش. قلب رهيف
وحساس. قلب كيعطي بكرم ومكيتسناش المقابل._ولكن باش عرفتي هادشي كامل؟_من مدة وانا
فالدار ولكن عمرنا تلاقينا. وحتى انا سمعت شنو قلتي فاش كنتي فالكوزينة. _كنت
كنهدر بالجهد..درت. بعدت من السيارة ووقفت كنشوف فالبحر. ولا قولو كنسمع غير صوتو.
كانت فرصة زوينة باش نجرب نكون برا فهاد الوقت ونستمتع بالليل. كنت متمنية أمين
يفهمني بحال هكذا. ويحس بيا. يوقف جنبي ويحن عليا. اكثر حاجة محتاجة هاد اللحظة هي
الحضن ديال شي واحد. يعنقني بالجهد باش نحس بلي عندي اللي كيفهمني وكيساندني. ونحس
بلي وهو كيضمني بقوة لعندو كيحاول يتقاسم معايا الالم اللي فقلبي. محتاجة نخبي
وجهي فالصدر ديال شي واحد ونبكي. وأكثر واحد متمنياه يكون حدايا دبا هو أكثر واحد
كيكرهني. وانا كنفكر وجامعة يدي عندي من البرد حسيت بالمرشد شدني من كتافي ودورني
عندو وعنقني. حاولت نفك راسي ولكن زيرني وقالي: _نساي بلي انا راجل. تخيلي غير حضن
وصافي. تخيليني وسادة كاع. انتي دبا محتاجة لحضن باش تجمعي القوة ديالك وانا خاسني
نعطيهليك.كان كلامو فمحلو. نسيت بلي معنقني راجل. كان هامني غير الاحساس اللي
عطاني. الاحساس بالامان والمساندة والراحة. مد يدو ليدي وخشاهوم فجيابو. كانو
سخونين بزاف لدرجة جاني النعاس وسديت عيني. بقيت مغمضة عيني وكنستمتع بالهدوء اللي
سرى فالجسم ديالي وفروحي اللي كانت مخربقة وهايجة بحال المواج. حسيت بالصفاء
والسكينة. كيفاش نقدر نوصف الشعور اللي حسيت بيه؟ ربما كلمة الانتماء هي انسب كلمة
لداك الشعور. بدا كيدندنلي فودني وكيغني. كان صوتو زوين وهادئ كيخليك تعيش معاه
ومتسخاهش يبقى يغني حتى يطلع النهار. كان كيقول:شي ماينسيني فاللي راح شي مايخفف
عليا لجراحلوكان غير الماضي يولي وكرهت الليل وكرهت الصباحاللي بنيتو داتو لرياحلوكان
غير الماضي يوليونكره القلب اللي يحبكاللي مابقالو مقام في قلبكاللي بعتو وهو
شاريكونكره القلب اللي يحبكاللي مابقالو مقام في قلبكاللي بعتو وهو
شاريكتيرارارارا را راراتيرارارارا را رارا_بنت بحالك مخاسش الحزن يلقى طريق
لعندها. وجهك مخلوق باش يبتسم وقلبك باش يفرح وعينيك باش يلمعو وتقولي بايباي
للجراح. _ ياليت المشاعر ترى كي يعرف كل ذي حق حقه..._لا ترى العين عيبا إذا أحب
القلب قلبا_على أي شكرا...بزاف_العفو....يلاه نمشيو...يتبع في الجزء الثاني
قصة أحببتك مرتين الجزء الثاني
إقرأ أيضاً : قصة لعبة القدر
