قصة رومانسية بالدارجة أحببت طفلة

قصة رومانسية بالدارجة أحببت طفلة

قصة رومانسية بالدارجة أحببت طفلة


الكاتبة : جودي 

ايمان: على سلامتك اصاحبتي غا ملي بنتي 3 يام ونتي غايبة شوفي كيديريليها مع الحارس العام
سارة : تفوو داك المريوة تاهو يخافو منو الناس انا انمشي نجيبها.. اجي عند من داخلين
ايمان : اويلي على غدايدي.. عنددنا الفيزيك
سارة : ومول الماط امتى الفرض !
ايمان : مول الحمص لاواه اويلي نتي صايبي هضرتك اصاحبتي
انا : صايبيهااا غير نتي كانبغيني هاكا
ايمان : ايوا بقااي هاكا كي الزوفري.. دايرة بحال الحشايشية.. ناااري يااختي كون عطاني ربي زينك..
انا:اش عندك ماديري بيه اش فايدت الزين لكان الزهر والو.. تلاحي الساطة خليني نشوف شغلي مع هاد
المنونخ..
ايمان : راطايحة ليه و خصوصا معاك نتي..ضحكي ليه شويا اصاحبتي بحرا سنيتي التزام وزايداها ب 3 يام
انا : ربي ماغبري عليا باشما تعاونيني تاتناgري معايا
ايمان :را عطيتك الحل
هانا دزت
دقيت الباب
استاذ عافاك رالواليدة كانت محنة هاد الايام ومكاين للي يقابلها،من غيري....
الحارس : حيدي ديك الكاسكيطة و هضري حيدتها ) ناض من المكتب.. الله على عوينات كاعما يتساهلو هد التكرفيص كامل.. انا كانبتاسم بصوت حنين : عفاك عطيها ليا دابا الحارس ذاب: شنو هي انا: الورقة مسكين مشا ديك الساعة كتب سميتي بلاما نحتاج نقولهالو عارفها.. تشرشمت ها مجلس تاديبي ها التزام.. خديتها من عندو.. درت كايكسكيطي الحارس :وقتاش نخرجو انا وياك
سارة : وقت ما بغات بنتك اعمي.. تهالا و دير مضلة.. خرجت وسديت الباب الله يعطيك الحبس..
ايمان :سربي را،تعطلنا. اليك الله على عوينات هادشي غير دايرة ليلونتي كون شاف ديال بصح يحماق
)شنقت عليها شوووفي عنداااك ت ولييي. لشي حد ماشي لون عينيا را فراسك غانتي..
دخلنا القسم
استاذ : تبااارك الله غير زيدو تعطلو شويا.. نتوما للي اتقريونا
ايمان :احمبااااك ا استاذ ماخلينا ندخلو عفاااك عفااااك
انا عطيتو الورقة و دخلت خليت ايمان تاتزاو  فييه هههههه مشات على وعدها و سعدها تجيب بيي د روتار
ندي16 عام بنت كازا ساكنة مع مي عايشة فبراكة ماعندي لا حنين لا رحيم من غير ميمتي ماخلات ما دارت باش نقرا كانت خدامة فالموقف ولكن دابا مرضات و انا للي وليت نخدم داكشي باش تانبطل.. لبسي ديما سروال مشرك قبية كحلة وواحد لاير ماكس ف الكحل عطاتها ليا غا ايمان الله يخلف عليها و كاسكيطة ماتنحملش نبين راسي واخة ربي عطاني حقي فالزين عينيا كبار و زرقين شعري رطب ماتنخليهش طويل ديما مقطعاه نيفي منكاد و فمي صغير بيضة وتانتبرونزة يعني ماشي بلقة.. مي عيشة شرات ليا ليلونتي ملي كنت صغيرة ديما تاتgوليا ديريهم تاتخاف عليا من العين تاولفت راسي بعينين كحلين.. عمرني حسيت براسي بنت يعني نتزعط تاانا فشي بوركابي بحال البنات ولا بحال ايمان والو انا كاع الدراري عشراني همي الوحيد نخدم. ونجيب فلوس ختكم قراايا واخة هكاك جبت 5 ب 17ايلا قريت نقدر نحيد مي من هاد الفقر لكن دابا ملي مرضات مابقات عندي كانة.. ايوا هادي هي سارة الملقبة ببنت الكاريان من طرف الجنس اللطيف من غير امونتي حبيبتي.. اما الدراري ماتيقرب ليا حد.. وبالنسبة ليا التصاحيب غير ضياع الوقت.. ايمان صاحبتي قدي قدها ساكنة حدايا تاهما ساكنين فبراكة تانلقا معاها راحتي هي ختي وكلشي بالنسبة ليا.. صديقة طفولتي عارفة،عليا الصغيرة والكبيرة و تا انا هاكاك مزعوطة فولد ايت العمراني خاااانز فلوس كل حد تانمشي عندهم نخمل.. يعني عمرها تحلم توصل ليه الفرق للي بيناتهم شاسع.. داكشي باش انا عابرة،شبر وكالسة عليه هه بلاما نبقا نحلم.. سالينا هاد الساعتين،اوووفف طبخليا،داك المرض راسي ايمان : بنت،الحرام نتي شديتي ورقة وانا خليتني محنسرة تعطلت بسبابك وسمعت المعيور.. قمعني قدام عثمان.. شكون هاد،عثمان?? ايمان : حبييبي ماشفتيهش انا:على تايقرا معاناا!! ايمان :الزمر را تايقرا،فالباك كان،دايز وبقا تايشوف فينا انا،:هههه تايشوفيك تاتزاوgي يععع مانرضاش ايمان:نااري الشوهة صاف.. انا: تلقااايه،كاعما فايق ليك من النعاس ونتي تاضلي تحلمي به.. شوفي نgوليك،هداك، را. كاع بنات الليسي تايهتهتو بيه مايجيش عندك،نتي فييقي الخرى ونتي عاطياها ليا البفو.. كون غا كان كبيير وهو باقي باه تايصرف عليه سروالو ماهازوش ايمان : حشومة علييك والله.. خليني انحلم عارفة عمري نكون ليه ولكن بغيتو و الهوى مايشاور انا:بسلاامة الزين تبداي تغني ليا هنا.. نمشي نطل على ميمتي دخلت لبراكتنا لقيتها مجبدة تاتكح فيها السل عطيتها دواها،و طيبت شي حاجة تاكلها.. مي : بنتي سارة انا،مابقا ليا قد ما فات فهاد الدنيا تهلاي فراسك نتي بنت ب الف راجل..ما تخلي حد يتفلا عليك وانا مغانمشي حتى نحيد عليا واحد التقليد للي خنقني حياتي كلها عذبتك ابنتي عذبتك سمحيليا.. انا :دابا تبراي امي والله.. اتبعي دوا ايمان : سااااارة ساااااارة خرجت) يعطيك الحلاقم سكتيينااا اش باغة ورا 2 هادي يالاهي تقرااااي انا اوييييلي بلاتي نلبس طابليتي .. واش خوك كاين !! ايمان :واه اش بغيتيه كلميه ليا نوفل: اش حب الخاطر.. ايمان :بسم الله الرحمان الرحيم تف تف انا : ايمان دخلي دخلي جمعي الطبلة و صايبي لمي عيشة بلاصتها بينما ساليت ايمان دخلات وانا بقيت مع نوفل انا: واش نتا حمااار ولا مال مك عرفتي شكون هاديك للي خونتي لها الايفون.. نوفل شكون !!! انا: بنت الكوميسير الحماري.. را جاو تايتساراو هنا البارح جاب الله تخالطتي ليهم مع العاود.. شوف خاصنا نبدلو هادشي مانبقتوش نخونو البورطابلات نوفل واش عندنا مانخاونو انا: عيييت من طريق الحرام اخويا والله نوفل : واش اديري ونتي كنتي اتغتاصبي اخير مرة كون ما جيت ( مشيت نخدم فالديور كي العادة داني واحد الراجل معاه دخلني لدارو خاوية وبدا تايحيد فحوايجي ماقادرة تاندافع على راسي كون ما جاب الله نوفل.. بقا تابعني ماهناهش خاطرو نمشي مع واحد الراس فالراس وبزاااف دالمرات تعرضت لمحاولات.. و خلي العيالات للي ديما تايشكو فيا واخة صغيرة مكانبانش قد عمري طويلة و عامرة.. داكشي باش حلفت مانبقا نخدم فالديور الاحد بوحدو للي كانمشي نخدم ف الفيلا ديال ايت العمراني اما الما باقي تانخدم فالليل نشفرو الصيكان البورطابلات البنات.. تايضرني خاطري لكن تانشوف مي تاتموت بين يدي خاصها ضروري الدوا.. مكايبقا هامني والو ايمان: يالاهي الزين دخلنا تاني القرايا.. وهادي هي حياتي فالنهار القرايا،و فالليل الشفرة وتانقسمو،انا و نوفل الفلوس عمرنا ماحصلنا تاتبان فيا البراءة و الكاريان عامر بالقطاطعية انا اخر وحدة يشكو فيها تا نوفل عمرو تشد.. دابا حنا فنهاية العام.. شهر 5 ايمان: هئ هئ سااااارة هئ هئ انا: مااالكي دويييي خلعتينييي مالكيييي ايمان : عثمان شفتو باس وحدة ورا الليسي و ركبو هو وياها انا: اوفففف خلعتيني الزمر ايوا را عادي... داك الزين كامل اكيد ايدير الف وحدة ايمان : ناري اختي عطيني اشويا من قسوحيت قلبك انا : عنقتها شوفي اختي تاواحد مايستاهل تبكي على قبلو.. نتي مزااالة صغيرة... 16عام بحرا بديتي فالمراهقة خاصكي تردي بالك و تقراي قرايتك و الحب

وداكشي خليه لراجلك هو للي يستاهل لحقاش هو للي ايدخل من الباب و يقصد الحلال اما الحب للي تايبدا فالظلام تايسالي فالظلام.. فاش خلاها عمي مسلم اختي ماتمشيش باش ماتبكييش ماتيقشي فالكذوب وخلي الشرف يعيش ماتخلي حتى ذيب فنهار يولي صديق يفرس اغلى ماعندك.. الشرف الكلبة هو كلشيييي فهمتي و ماتصاحبيييش وفكي عليا هاد الغوبشة راكي جبتي ليا الارارة من الصباح ماواكلة والو انمشي نشري الطون والحرور عندي غا درهم ايمان : الفقر والشجاعة انا: الفقر وجد مك ماعندناش وماخصناااش ايمان: مابقيتيش تاتخدمي منين تاضبري عل الفلوس انا،(تخربقت ): ا ااا سييري فحالك ماسوقكش (مافراسها والو ) نمشي ناكل وندخلو.. دخلنا القسم وانا كاع خانزة بالطون و مع الصهد مانعودليكمش اصلا القسم،خانز بريحت الرجلين دخلت و تبوقت شديتها من 2 تا 4 خرحنا فاستراحة و رجعت كملت نعاسي من 4 ل 6 الفيزيك و السيونس و انا لاحياة لمن تنااادي و ليت كسوووولة من تلميذة مهذبة نشيطة مواظبة لشفارة موسخة شمكااارة كرهت راااسي ماعرفتش امتى انبقا على هاد الحال للي شافني يعيط ليا عبد القادر تانشوف فالبنات مصايبات شعرهم و روايح و الطابليات نقيات حتى ايمان واخة ساكنة تاهيا فبراكة لكن نقية دايرة بالحالة و الشعر مرتب اللبس انيق اما انا سروال دجين عريض و مقطع سبرديلة و طابلية كحلة بالوسخ.. للي شافني يحلف عليا تا ميكانيك و ديك الكاسكيطة جبهتي طالبة منها الشرع.. راجعين كيف العادة من القرايا ايمان : سارة نسولك واخة نتي ماعندكش مع،هاد،المواضيع انا، اش كاين ايمان :حلم كل بنت تزوج وديما تاتمنى راجلها.. نتي كيف كاتمناي راجلك انا: يعطيك الحبس دابا موضوع هدا.. سوليني فاش تبغي تخدمي ??! ايمان : يالاه gولي فاش تبغي تخدمي انا: نخدم مع المافيا ناااري ياختي نمووووت على السلاح و العصابات ايمان : السلااامة ياختي.. و راجلك انا: تايعجبني الراجل يكونو عندو عضلات نبقا نحسب فيهم و يكون قوي طوييل و عصبي وحنين الله الله هادشي ماعندناش فالمغرب ايمان:هاي هاي واصدقتي تاتعرفي تختاري وانا تانgول راكي لا علاقة مع هادشي ديال الدراري انا: واختي راني بنت بحال البنات ولكن ماتيعجبونيش البعالك.. و انا مع هاد الحالة خاصني غير الحب ايمان،: الله يسهل علينا اختي فقرايتنا اميين.. اجي نتي تاتعزفي الكيتار مزيان ومع داك الصويت نوصلو و غني ليا

انا: مرحبا بالكبيدة ديالي عنقتها بينما تاتبان لينا واحد الرونج بايضة وااااعرة نقيييية ايماان:ووواااااوووووو اش هادشي اش كادير هادي هنا (البراهش دايرين بها ) انا : اداك البعلووك اجي لهنا شكون موول هادي سيمو: نسولوك نتي اصاحبتي را دخل عند مي عايشة ايمان : شنووووووو ربي اسارة ما اجي نشوفو شكون انا:دخلت طااايرة لقيت مي متكية و حداها راجل لابس كوستيم كحل وتايبكي يكون فالخمسينات غير شافني ناض مستغرب وتايقوليها واش هادي هي تاتكحب اه هي كح كح كح انا : نااااري ميمتي البوليس غادي نتشد تفكرت كاع،ديك الشفرة طار عليا. عنقني بالجهد و تايبكي شاف ليا فحالتي انا: سمح ليا. وسختك الراجل لااا ابنتي ماتقوليش هاكا وبدا تايبكي مي عيشة: اجي لهنا حدايا ابنتي جلست حداها مي: شوفي ابنتي كح كح انا فاش كنت صغيرة تزوجت بباك الله يرحمو و اكتاشفنا بلي انا عاكرة.. كنت كانخدم عند واحد العائلة كاتجي من تركيا مرة فالعام وكاتجي فالصيف وانا كانبقا مقابلة لهم الدار عارفة اسرارهم و عندي عنوانهم ديال تركيا ماماك كانت سيدة حنينة عندها جوج ولاد ونتي كانت حاملة بك.. فاش جاو فالصيف جاها الوجع ولداتك فالكلينك انا فاش شفت العائلة ميسورة هي معاكراش تقدر تحمل مرة وجوج ماشي بحالي غرني الشيطان وهزيتك لها وجبتك لهاد البراكة هنا فين عشتي و عاملتك بحال ايلا والداك والله ابنتي حتى حسبتك من لحمي و دمي قريتك وكبرتك لكن تكرفست عليك و هزيتي الهم فاش مرضت.. هزيت راسي لقيت داك السيد تايبكي.. و ايمان تاتبكي و لكن ماشي كثر مني انا للي مامتيقاااش هضرتها كيف مقالت عمرني حسيت انها ماشي مي لحقاش عمرها ماحسساتني واخة الفرق واضح بيناتنا هي سمرة وعينها كحلين.. لكن تاgوليا كاتشبهي لجداك.. داك السيد: حشوووومة علييييك اشمن كبدة علاش تاتهضري فرقتيني على بنتي 16 عام هادي خليتنا انحمااااقو مها ولات تاتكره تجي المغرب فينما جات تفكر بنتها للي تسرقات منها كانت تاتحلم تكون عندها بنت 7شهور كاملة وهي حاملاها وتاتسنا غير فوقاش تولدها و جيتي نتي سرقتيها 16 عام وبنتي تاتعذب فهاد البرااكة وفهاد الحي عنقني و تايمسح ليا فدموعي من اليوم ابنتي مانخليكش طيحي دمعة عنقتو و بديت تانبكي حسيت معاه بالامان اه علاش تامانشعرش بالامان راه بابا ايمان جات و شداتني من عندو عنقاتني و بقينا تانتبكاو انا وياها و هي تشد يدي فوجهها تاتمسح ليا فعيني ايمان : حيدي اختي دوك العدسات من عينيك.. مشيت غسلت يدي ووجهي بغيت نحيدهم لسقو. لسقو على عيني بديت تانغوت ونبكي جا عندي داك السيد مالك ابنتي مالكي..

انا: لسقو ليا فعيني مابغاوش يتحيدو.. يالاه ابنتي لصبيطار.. ركبت معاه فالاوطو ب طابليتي دخلنا عند الطبيب بقا معايا تايدير شي برودويات و يقاد حتى تحيدو الطبيب : وابنتي عنيك طبيعيين زوينين مشاء الله ونتي دايرة هادشي را خايب ليك بابا (شاف فعيني ههه دغيا ولا بابا سريعة التأقلم ) : تبااارك الله مشاء الله كاتشبهي لماماك.. عنقني و بدا كايgول الحمدلله الحمدلله ركبنا فالاوطو انا : كيفاش حتى جيتي لهنا شكون gالها ليك السيد : صونات لينا عيشة فالتلفون ديال الدار وطلبات مني نجي باش ناخد امانة عندها انا دغيا جيت المغرب كنت عارف هي للي سرقاتك لحقاش نهار تخونتي نتي مشات هي بقينا،تانقلبو عليها شحال ماماك مانساتكش واخة عندها 2 ولاد كبر منك مابقاتش بغات تدخل المغرب.. انا : لكن باقي تا دابا ماعرفناش واش انا بنتكم ولا لا السيد: الشبه للي بينك وبين ماماك واضح.. نتوما فين عايشين السيد : فتركيا ماماك تركية و انا مغربي كبرت فتركيا كنا كانجيو لهنا غير ف الصيف ماماك جاها الوجع وولداتك على 7شهور.. و دابا ابنتي غادي نديك معايا انا:كيففاااااش.. اكيد غير تاضحك صافي هانتوما عرفتوني اتوليو تجيو تشوفوني مرة مرة انا مانقدرش نبعد على الكريان و مي عيشة وختي ايمان مايمكنش السيد: علااش ابنتي مايخصك معانا،تا خير انحطوك،فعينينا خاصكي تشوفي ماماك و تعيشي معاها راها ماتقدرش تبعد عليك من بعد مالقاتك.. انا :وعلاش مجاتش السيد: راها مريضة 16 عام و ديما تايعيطو ليها يg ولولها را لقاوك فاش تاتجي تاتلقا داكشي غا كذوب.. انا مستحيل نخليك ابنتي خاصكي تمشي معايا انا :بشرط تمشي معايا مي عيشة مانخليهاش ورايا السيد :واخة ابنتي مايكون غير خاطرك وصلنا الكاريان كان ضلام الحال لقيت الجوقة كلشي خارج البراكة عامرة بالناس تاندفع فداك الجمهور حتى دخلت لقيت مي عيشة مغطينها ب ايزار بيض كاملة حتى وجهها.. ايمان : مشاات اختي ماتت مي عيشة ماتت انا تانغوت لاااااا ممااااتتش مييي نبكي ونوح تانفيق فيها واااالو دا مول الامانة امانتو ماتت حبيبتي واخة ماشي مي لكن ربااااتني حنااات فيا تحيد الحاجة من راسها وتعطيها ليا قراااتني.. عمرها ماخلاتني بلاش.. مشيييتي امي صااااافي تصدمت كيفااااش مشات وخلاتني معارفاااش حياتي كيف اتكون من هنا لقداام ومنين خرج ليا هاد السيد يعني بابا اتولي عندي عائلة من بعد ماكان عندي تاحد.. هاكا بقيت تاندي ونجيب فالهضرة تاودن الفجر و غسلوها دفنوها و انا بقيت مصدومة مع ايمان للي كانت حالتها حالة تفكرات ماماها للي ماتت ليها شي عامين هادي
بقات،مع خوها نوفل و باها هرب عليهم.. داز العزا داك السيد تكلف بالمصاريف شحال هضر معايا باش نشد اوطيل بين ما صايب ليا وراقي لكن مابغيتش بغيت نبقا فالبراكة نشم ريحت مي.. ايمان مافرقاتنيش ماتتمشيش القرايا 15 يوم دابا انا: ختي سيري الليسي انا را وليت بيخير ايمان : تي اشمن قرايا را سالينا خاصنا ندوزو الجهوي انا : نااااااري نسييييت.. واسيري حفضي اصاحبتي بقاي مقابلاني انا.. سيري قراي ماينفعك.. اجي داك سيدي محمد سد ديك لابوات ولا مزاال... ايمان : هههه شكون عقل عليه و ديك الشيخة ديال Antigone بقات حاضية خوها تا دفنوها حية.. اما لاخر للي محكوم بالاعدام مافهمت فيه تالعبة.. ناري ياختي قرينا بكري انا: ابتي انا للي محكومة بالاعدام هاد الساعة ماعرت منين خرجلي هاد الراجل ايمان: الحمدلله ملي مي عيشة غير مربياك و لقيتي والديك .. اش اتجلسي ديري هنا تبقاي حاضية ل gريساج.. را فرااااسي كلشي وتاندير راسي دمدومة.. شوفي اختي ماعند ماديري هنا سيري عند والديك.. حابسة البكية) واخة اتبعدي علينا مانبقاوش نشوفوك.. غادي تمشي مانصيب معمن نضحك و نتناgر.. لكن مصلاحتك اهم.. ( بدات تاتبكي عنقتها ) وبدينا نتباكاو يعني فاش نبغيك مانلقااكش ا ايمااان انمشي لبلاد معارفة فيها تاحد.. انتوحش الكاريان انتوحشك انتوحش نوفل هئ هئ ايمان : حيدي بعدي مني اوجه تمااارة اش بغيتي ديري هنااا انا:غير نقاد اموري نجيبك لعندي مانخلييكش اختي نعسنا معنقاات تفكرت ياماتنا الهبال ديالنا مع الاساتذة.. فاش نتفو البنات للي تايلقبونا ببنات الكاريان.. بقيت تانتنخصص تانعست.. ايمان :ساااارة وااااساااارة فيييقييي باباك جاا انا: gوليلو ناعسة ها العار مافيا للي ينوض ايمان : وانااااري حشمت من كبيلة هو يساين gالي مانفيقكش اصاحبتي نوووضيييي فقت تانرمش فعويناتي.. نضت غسلت وجهي وتانشوف راسي فواحد لمرايا مشرطة قدديييمة بقا فيها غا طرف شفت عينيا و شعري ماولفتش راسي بعينين زرقين.. خرجت لعندو بديت تانجري على البعالك تاوصلت خرج عندي صباح الخير على النعاسة ديال بنتي انا:صباح النور.. اش حب الخاطر السيد : را خرجو ليك وراقك وغدا عندنا الطيارة مع 10 دالصباح ابنتي خاصكي توجدي راسك باش عشية نديك معايا.. انا:اااااو كيدرتي ليها دغيا خرجو الاوراق.. اه نسيت المعارف
المهم ابنتي انا عشية انجي نديك جبد ضرف عطاه ليا خوديه ابنتي فيه رسالة من ماماك كانت،بغات تهضر معك فالتيلفون لكن مالقيتش الوقت نتي مشغولة مع العزا.. انا: واخة شكرا.. خديتو،ودخلت البراكة جلست. مع ايمان تانحل فيه لقية 2500 درهم و رسالة مكتوب فيها ابنتي الغالية.. لطالما انتظرت هذه اللحظة.. التي اسمع بها خبر عودتك لي.. لطالما بكيت.... شكيت.. دعوت لله عز وجل ان يرجعكي لي سالمة غانمة كما اعاد الله سيدنا يوسف ليعقوب عليهما السلام.. اشتاق لرؤيتك لاحتضانك .. كم انا سعييدة.. ارجوكي تعالي لا تتركيني فانا لا اطييق فراقك.. يكفيني سنوات مضت دون انا ارضعك.. ان اسمع اول نطق لكي دون ان اعلمك شيئا.. اني احبك ابنتي. اريد ان اعيش معك ماتبقى من عمري.. امك يارا دموعي طاحو على الورقة اااه يا ماما تانا بغيت نعنقك ونعاودليك على للي طرا لي فغيابك شحال تعذبت وتكرفست.. عنقاتني ايمان و بدينا نتباكاو.. انا: ختي انمشي اليوم فالعشية لحقاش غدا عندنا الطيارة .. ايمان : الله يسهل عليك و يعاونك انا: قراي مزيان ديها فراسك،جيبي الجهوي بنقطة مزيانة.. وانا تانواعدك غير نشوف الاوضاع تما.. يا نرجع... يا نديك معايا واخة اختي تنهدت ) تهلاي فنوفل ايمان : تهلاي فراسك و قرااي مزياان عائلتك باينة فيهم ناس لباس عليهم عارفاك ماتأقلميش دغيا لكن ماترجعييش اختي را غير التكرفيص هنا.. انا هزيت الضرف: هاكي اختي هادو خليهم معاك انا مامحتاجاهمش ايمان : لااا والل قطعتها ماتحلفييييش ايلا ماشديتيهمش نرميهم دابا والله تاتخديهم تقداي بهم داكشي للي. خاصك و را والله مانساكم انتوحشكم هئ هئ ايمان: سييري سلمي لياا على مهند و و عثمان كوزان و كمال منار احمبااااك انا:سلمي عليهم نتي نيت هما عايشين معاك هههه الواعرة هي ماما تركية وانا ماجايبة لدنيا خبار ايمان :وانا تانقول هاد الزين منين جاي اجي ملي هي تركية كيفاش كتبات الرسالة انا : كون را علمها بابا.. يالاه نخرجو ناكلو اللوبيا عند بالعربي و ندورو فكازا... خرجنا كلنا اللوبيا تسارينا ضحكنا نشطنا بكينا غوتنا دابزنا و رجعنا البراكة باش يجي بابا يديني ياااه انا عندي بابا بحال البنااات بابا ضريف و حنيييين ماشي بحال هداك للي كان عندي ديما تايغوت عليا و يضربني كانت مي عيشة للي تفكني منو.. الله يرحمو ويسمح ليه ايمان نوضي راه جا خرجت عندو هازة كتوبتي اما الحوايج

قاليا بلاما نديهم.. تانتصيفط مع ايمان تهلاااي فراسك غادي نتوحشك تاتبكي و تنخصص كاع الكاريان خرج تايطل عنقت نوفل كوون راااجل و تهلا فختك كون صاحبها و وباها عاد كون خوها را ماعندها تاحد من غيرك.. نوفل تايبكي انتوحشك اختي سارة.. بست البعالك واحد بواحد سيمو : مابقا تاحد ايدافع علينا تاحد مايجيب لينا كورة واععع عنقتو وبديت نبكي و اخيرا وصلت الاطو حل ليا الشيفور الباب.. بقيت تانشوف ف ايمان للي سخفانة على صدر خوها و انا نرجع عنقتها بحرقة بشوق و حنييين واخة عشنا فالكاريااان عشنا سعداااء عمري نساا ياماتنااا و انا راجعة الطوموبيل سمعت وحدة ههه ايوا صاف غير سمعات راسها غادة لتركيا وهي دير ليلونتي فالزرق ههه درت لقيتها صحيبت نوفل و انا نتلاح عليها بردت فيها غدايدي ريشتها خليتها كي الدجاجة المنتوفة كلشي يفك.. درت ليهم فيها الله ينعل للي يخلي بلاصتو زينة الخانزة للي قالتها لمها بنت الحرام جمعت ليها بزاف شحال من مرة كانت سبابي فمجلس تأديبي... انا: تهلاي.. خليها ذكرى.. نوفل جا تايجري جاب ليا الكيتار انا وياه سرقناه منواحد الدري.. مابعناهش عطاه ليا نوفل كادو لحقاش عارفني نموت عليه شديتو وعنقتهم عمري نساكم.. ركبت وزدنا بابا مانطق بتا كلمة يمكن تصدم من هاد الهمجية للي غادي بها معاه غادي بوحدة مامأدباش تناتفت قدامو.. وصلنا الاوطيل كان فاخر حشمت ندخليه باللبس للي لابسة .. خدا لي كارط و طلعنا دخلني الغرفة حل الماريو هاهما حوايجك ابنتي دوشي دابا باش ترتاحي لغدا.. انا:واخة.. شوف سمحليا قبيلة دابزت مع هاديك ومادرتش ليك اعتبار.. اتقول عليا مامربياش.. لكن ايلا بغيتي دابا نرجع منين جيت نرجع بابا : بالعكس شكون gاليك قلت هاكا انا بتي مربية غير نفسها حارة عجبتيني قادرة دافعي على راسك.. وماعندك فين ترجعي حنا والديك و معانا اتبقاي واخة ماعرت كيف تكوني عنقتو و بديت تانبكي اتراات فيا هضرتو الله شحال حنييين.. مشيت دوشت و لبست بيجامة.. خرجت دقيت عليه.. دخلي دخلت لقيتو لابس تهاوا بيجامة و تايقرا فشي كتاب بابا : خاصاك شي حاجة ا سارة.. انا:لا غير مجانيش نعاس انا انمشي بابا :لا بقااي نهضرو شوية انا : واخة بغيت نعرف شنو سميتك؟؟.. فاش خدام !! شحال فعمرك؟؟ فين ساكن؟؟؟ كيفاش تعرفتي على م ا... بابا: ماماك.. كمليها. راها ماماك ابنتي و انا باباك.. لكن وحدة وحدة س و ج ههه ونتي داخلة كي الراديو انا : ياااك صافي بلااش مابقيتش باغا.. اجي المسطية تانضحك معاك.. انا: اجييي وكفااااش انا تقث بيك وماعارفة وااالو علييييك؟؟ عطيتك وراقي و صايبتهم !!!! بابا : حمقة والله بحال ماماك..

انا سميتي محمود المتوكل فعمري 55 عام مغربي قريت حتى السادس ومشينا لتركيا جدك كان رجل اعمال فيها وقرر ان يستقر تما و حنا مشينا معاه انا وعمك و عمتك حنا 2 دراري و بنت.. تما تعرفت على ماماك كانت جارتنا كنت كانبغيها قررت فاش ناخد الباك نصارحها و داكشي للي كان واخة كانت صغيرة كانت تاهي تاتبادلني نفس الشعور خدمت وتزوجنا انا: فاش خدام ??!! بابا: برلمااني.. مزيان.. فاش غادي تمشي اتشوفي كلشي جدك جداتك ماماك عمك خوتك الكبير سميتو هيتم وفعمرو 26 و المتوسط خليل فعمرو 22 و نتي فعمرك 16 (جبد التلفون ووراهم ليا واااو شحال كايحمقو هههه واااعع تزعط فيهم دور جبد واحد السيدة واااااااو فوطوكوبي مني.. بابا: هادي ماماك .. انا : اهاااا داكشي باش مابغيتيش دير الفحص.. واااو زوييينة مرتك السااط بابا تايضحك : تاتشبهي لها.. تهضري معاهاا !! انا: اا ل اا للا تقدر تكون ناعسة.. بابا: حشمتي.. حدرت راسي اه.. بدا تايصوني لها.. جاوباتو : بداو كايهدرو بالتركية مافهمت تالعبة غير بحالا كانتفرج ف سنوات الضياع فاليوتوب الحلقة الاخيرة قبل ماترجم.. تركش تركش تركش يا دي النيلة و انا ايه بيني و بين دا كللو يا خرااابي.. بابا: هاكي.. انا: تاندير ليه بعيني زعما.. باش انهضر معاها.. ماما: الوو.. انابصوت خافت : الو.. ماما : بنتي تايسمعني.. انا : تايسمعك هاء اااه تانسمعك... بنتي تواهشتك بازااف باغي يمتى نشووفك.. الحمدلله للي جمعنا.. نتي مليح ?!!.. انا اه انا بيخير غدا انشاء الله نجي ونشوفك تصبحي على خير.. ماما : كانبغييك ابنتي صبح لا خير.. دوزت ليها. بابا بقا تاتهضر معاه انا تكيت فوق الناموسية تانشوف فيه حتى سالا الحمد لله ارتاحيت نسبيا.. بابا : بغيتي تهضري مع صاحبتك ياك.!! انا: ويييي.. هاكي عطاني تلفونو ركبت نمرت نوفل صونيت ليه هضر معاياا ودوز ليا ايمان الحمد لله طمنت عليها عطيتو ليه عنقنو و تكيت حداه بقا تايوريني فالتصاور حتى داني نعاس.. حس بها مكاتجاوبوش عرفها نعسات غطاها و باسها فجبهتها شافها ناعسة كيف الملاك بقا تايقرا عليها القرآن و نعس حداها.. فاقو فالصباح مشات سارة لبسات حوايجها هاد المرة لقات سروال جينز مع تشيرت وكاسكيط و سبرديلة نفس لبسها المعتاد غير هذا جدييد.. مشات هي وبابها فطرو بعد ما شكراتو على احترام ذوقها.. و اتاجهو لمطار محمد الخامس.. دفعو وراقهم و اتاجهو الطائرة.. سارة فنفسها واواووببابابا واافينك اممي عيشة اجي تشوفي بنتك راكبة فالطياارة.. تاتبان ليا ديك tuikish airlines اخير حاجة كنت نتوقعها هي نركب فالطيارة وف 1ere class من الفوق هاك ادادا.. خدينا المقاعد ديالنا والله ماعرفت كيف نوصف لكم هادشي.. بابا : مرتاحة ابنتي.. تجي لهنا حدا النافذة انا: لا لاشكرا.. غير خليني هنا كانحس بضل واقف علينا


واقف فوق راسي.. هزيييتو فييه طووييييل بزااااف و عريييض بحال شي مافيوزي تفكرت دوك الافلام الميركانية للي تانتفرج فيهم انا ونوفل ف براكتنا تانتكريو cd ب 5 دراهم نشدو به الليل.. بابا : اهلاا اهلا بجااد اش هاد الصدفة اولدي عاش من شافك جاد: اهلا عمي نتا باقي هنا.. على سلامتكم لقيتو بنتكم بابا :الله يسلمك اولدي.. سارة بنتي هذا جاد.. جاد جلس حدايا و حيد لي كاسكيطي قبل مايكمل بابا.. انا: هييييييه مالنا فهاد الزعااامة.... شكون قاليك حيد ليا كاسكيطي... بنااادم كيداير اتفو الله يخليها سلعة... متايهضرش حال فمو فيا درت عند بابا هادا واش لباااس مالو !!! جاد : راكي قبيحة مع راسك.. سبحان الله كاتشبهي لماماك.. انا بقيت حال فيه فمي اصلا بقيت تانهضر غير باش مانبينش اعجابي وا تايحمق اعباد الله الطولة و العظمة التكلضيمة عويناااتو.. جلس حدانا انا : شفتك كريتي و عجبك المحال نوض شوف شغلك جاد شاف فبابا بعدم صبر عارفااه محملش راسو تايهضر من تحت سنانو قوليها را بلاصتي هنا.. انا:ههههه والله تانسحابك غير حارس شخصي ديال السي محمود.. تاتبان ليا الموظيفة كاتورينا بالاشارات كيف نصايبو حزام الامان هنا فهمتها وااه انا صايبتو بدات الطيارة تاطلع شويا بشويا وااااعععع وا مممييي حاولت نشد راااسي مانديرش الشوهة قدام هاد. خينا.. لااا ماقدرتش ماحسيت برااسي تا بديت تانغوت واعععععع مااالي اش دا حماااري لزحااام كون غير بقيت فالكاريان واعععع اربيييي انا مولفة غا سون تروا 103 ديال نوفل تانهضر ونغوت شنقت على جاد ماعارف مسكين باش تبلا تايقوليا غير تهدنيي صااافي ولكن مكااارشخ عليا بالضحك.. بابابنتي... احنااااا مدووووسميييين.. الناس للي فالطيارة تهزو بالضحك ماشي كثر من جاد شاد كرشو وتايضحك.. بقا فيا غالبرلماني مسكين درتليه شوهة عالمية وااااااععععع حلقات بينا الطيارة قلبي باقي تايخبط جابت لي المظيفة الما شربتو جاد تايشوف فيا.. خرجت فيه عيني و لساني شوف فيا قردة وااالدة بابا: بنتي شويا دابا.. انا عارفاه ندم على النهار للي قرر يتسارا عليا ويجيبني من عند مي عايشة و يصايب ليا وراقي.. انا: الحمدلله جاد: ههههههه.. انا : مالنا مانخافوش
لاااا نخخخخااافو مععاك هههه .ماوصلنا تاتغفرو لي ذنووب واااو انا دبا فتركيا يياااحليييلييي وصلنا لواحد دار لالا قصر حشوما نقول عليها دار لمهم حل بابا لباب
هزيت فيها راسي و ابتاسمت تلاحت عليا تاتعنق و تبوس و تاتفقدني تاتشوف فيديا وجهي شعري كاترجع تعنقني و تبكييي كاتقول حمد لله حمد لله شداتني من يدي انا ماماك .. عنقتها حسيت بالحنان والدفئ كانشبهها بزاااف بقيت تانبكي مسحات ليا دموعي ششش مابكيش ابنتي من يوم ماخليكش بعدي عليا.. عنقاتني بالجهد بدا باب كايعرفني على جدي جا عنقني و تايبوس فيا تحدرت بست ليه يديه جداتي تاهيا لابسة قفطان مغربي عنقاتني وتاتبكي.. عمتي باستني و سلمات عليا.. خوتي هيتم و خليل عنقوني هيتم : بالعمى مافهمتو اش gال.. خليل هو المتوسط عنقني بالجهد من بعد جا واحد انا سميتي مراد ولد عمك انا: متشرفين شفت 2 بنات وحدة تكون قدي و الاخرى كبيرة ديك للي قدي: انا سميتي نسرين عندي 18 عام بنت عمتك انا : متشرفين نسرين و هادي هاجر 29 عام شفت فيها بغيت نسلم عليها من الوجه و هي تبعد سلمات سلام ناقص بابا : و الاخير عمك بابات مراد انا متشرفين مد ليا. يديه بغاني نبوسها ليه انا ملي بستها ل جدي هاديك الباركة المسعودة سبحان الله ماحملتو ماقبلتو سلمت عليه جات ماما شداتني من يدي هههه تانبان انا للي مها ماما: صافي بنتي را عيات دخلي ساراحي دخلنا لداخل وااااااو على طبلة طوييييلة حاطين فيها الغدا صالون كايشوف لصالون مفرشة فراش تركي زائد مغربي ديكور رائع انا بقيت غير حالة فمي.. جلسنا فالطبلة جدي : تايسولني ونجاوبو عجبني لحال.. جدة تاهيا ضريفة عمي : درتو ابعدا الفحص.. بابا : مكاين لاش انا متأكد راها بنتي.. عمي : كييييفااااش قدراات ديرها بك بعلوكة هاجر: شنووو اعمي جايب لينا متشردة شوف غير لباسها كيداير قلنا هانية تسكن معانا مي ماديرش الفحص هادي هي للي مانقبلوش.. عمتي زهيرة : هاجر سكتييييي جدي : سكتووونا كاملييين.. الشبه واااضح للي بنها وبين ماماها ماما: واخة مايكوش شبه انا حاسة ب بنتي انا : شفت ف بابا عفااااك دير الفحص حتى انا محتاجة نعرف واش نتوما عائلتي ولا لا هاجر : هههه قالتليك محتاجة نتي غير شفتي الفلوس جيتي كاتجري ماهمكش الفحص.. ناضت ماما و صرفقاتها..  .. شداتني من يدي و طلعاتني لبيتي ماما: هاهو بيتك 
    ابنتي دوشي دابا باش ترتاهي عنقاتني و بدات تاتبكي
القصة طويلة شوية و تم تقسيمها لعدة أجزاء
قصص قد تعجبك:

قصة بالدارجة المغربية : الحب الأبدي

قصة آلاء ومهدي : حبي الأول والأخير 

تابعونا على فيسبوك : من هنا