قصة بالدارجة : صاحبة اللسان الطويل
 |
| قصة بالدارجة المغربية صاحبة اللسان الطويل |
الجزء 1
بعد ما شفت إعلان ديال
الخدمة فأحد المواقع قررت نمشي نجرب زهري العوج يقدر هاد المرة يتقاد تقاديت لبست
أحسن ماعندي كسوتي زرقة وطلبت الله يسهل عليا , فاش وصلت قالولي هوما
مامحتاجينش انفوجرافيست (مصممة إعلانات) ولكن محتاجين للي يطبع ليهم لوراق وقلت ليهم مم موافقة حيت كنت محتاجة
الخدمة
بزاااف من بعد ما تقبلت بديت معاهم الخدمة داك سيمانة. فسيمانة وحدة
عرفت شركة كاملة تقريبا حيت جيت فبلاصة حاضية كولشي وكولشي كايجي عندي نطبع ليه أو
بمعنى أخر ندير ليهم فوطوكوبي ههه على أخر ايامي من بعد ماخديت الباك وقريت عامين
ديال ليسطيا وليت مولات الفوطوكوبي ناس عندهم زهر وأنا عندي زمر المهم هدا النحس
العملي
اجي تشوفو نحس الشخصي من
بعد واحد نهار عامر بتمارة دخلت لدار مدكدكة يلاه جلست وأنا نسمع زغاريت محسيتش
براسي تلقيت راسي كنطل من سرجم
- ميييي زغاريت كيجيو من العمارة لي فراس درب من طاج رابع من عند خالتي حليمة
أأأأش واقع ؟؟؟؟
- على مافخباركش بنتها نبيلة تخطبات بواااااحد راجل سيد رجال
راكابيا فشلو عليا هاديك
نبيلة الفليفلة لي كانت دراري ديال الليسي كاملين تصاحبات معهم تخطبات وأنا لي
داخلة سوق راسي عمرو مدق عليا شي حد بان ليا تأنا نخرج طريق نشوف غير سعدهم
- أش خدام؟
- كيبيع تقلية أش عرفني أنا
- مشبهتيش فبنتك أماما أنا نجيبلك خباروا هاااد ليلة
داك ليلة نيت خرجت لمارشي
معا غيتة و ماجدة أعز صحاباتي من الاعدادي حجة وزيارة منها نشري شي كسوة حيت هاديك
زرقة لي عندي كشفات منين دخلت لداك شريكة و أنا لبساها ومنها نعرف قصة نبيلة
الفليفلة غيتة كتجيب لخبار و ماجدة كتنسق لخبار جديدة مع لقديمة وأنا كنحلل وكندير
إعادة تصدير هه الله يهدينا وصافي
- غيتة: إيوا أجنية شديتي لخدمة أومقبيتيش كتعرفينا - أنا : للي يسمعك يقول
خدامة فصناعة النووي وراه كندير
غير فوطوكوبي - ماجدة : كيداير المدير
ديال الشركة واش زوين شوفي ليا معاه أ وريدتي ولا عطيني غير الفايس ديالو
- أنا : خرجو عليكم روايات عبير و أحلام عقلتي على المدير ديال المدرسة الابتداٍئي
قرع وغليظ وراسو شايب و غواتو سابقوا ايوا راه توأم ديالو خليونا من هاد زعتر
نبيلة الفليفلة شكون هداك راس البندير لي داها
- غيتة : اسم منعم العمر 24 المهنة خدام فمقاطعة شحال كيشد فلتات ليا تعرفات عليه فالفايسبوك و تلاقاتو
فالمقاطعة
- أنا : ناري مشات عندو تال الخدمة وجها قاصح
- ماجدة : ايوا الله يعطينا زهر الخايبات
- أنا : أوديييي خايبة أُوماعندي زهر
فقت الصباح فرحانة بكسوتي
جديدة ولكن غير تفكرت طوبيس للي تابعني جمعت ضحكة وصلت لشركة لقيت قشلة ديال لوراق
كيتسناوني أنا بغيت لهاد شركة فاييت ياربي يعطيوني التعويض نجلس فدارنا بقيت من 09 تال 11 وانا كنطبع فداك
لوراق وليت كنخدم كتر من الماكينة يالاه بغيت نرتاح بديت كنشم واحد ريحة باينة
عليها غالية خفيفة - شوية - مجهدة هزيت راسي لقيت سيكريتيرا ديال المدير صبْحنا على الله - بغيتك تكتبي
لياهاد لوراق و تبدلي الأرقام للي مضروب عليهم وتطبعيهم بغيتهم قبل لبْوسْ ديال
الغدا يكونو محطوطين فالبيروا ديالي أوكي - (بغيت الحيط يضربك لداك
الكمارة) ولكن انا مكلفة هنا غير بطبيع - لي قبل منك كانت كادير
كولشي أو ياك أنت أنفوجرافيست ايوا ضبري راسك لاحت ليا لوراق فوق طبلة اوخرجات
الله يخرج ليها العقل يخخخ يالاه بغيت نرتاح أوف بديت كنكتب فيهم تا وصلات 2 أو وصلات ليا
لقردة لراس مشيت كنسول على البيرو ديالها لقيتو فطاج لخر عرفت لبيرو ديالها غي
بريحتها لقيتها مزال مجات لحت ليها لوراق فوق طبلة بنفس طريقة لي لاحتهوم ليا هيا - الله يعدبها كي
عدباتني أنا بغيت ليها ياااا ربي نهار عرسها يهرب ليها لعريس أمين - احم احم أش كديري
انتي هنا(بنبرة الاحتقار) جاني صوت ديال راجل من لور تصدمت درت دورة طوبيس قلبي بدا كيضرب عنداك غير
يكون سمعني هو راجل في مقتبل العمر طويل وسمر شويا مبرونزي او صافي - أش بان ليك كنبيع
دنجال ولا لفلفلة (بنبرة الاستهزاء) يلاه بغا ينطق اوهي دخل داك المصيبة ديال سكريتيرا قالت ليا - أش كديري انتي
هنا - خدمتك أمدام لي قلتي ليا نخدمها ليك هاهي خدمتها وهانا حطيتها ليك قبل
مارجعتي من البوس ديال الغدا شفتها بدات كتلون وداك سلوم لي كان مزال واقف كيخنزر
فيا او فيها وأنا نخرج قبل ما يصفيوها ليا المهم رديت ليها صرف غير بلاتي الا
موصلاتش خبارها لعمي المدير أنا مانتسماش علال الفْرْشَة نهار لول كيموت المش وأنا
غنوريها سلوغية كدايرة يلاه وصلت بغيت نرتاح أو نتغدى شحال مشهية دنجال و لفلفة
ممممم - اختي رانيا عافاك طبعيليا غير هاد لوريقات بزربة - خويا سعيد نتغدى
ونطبع ليك داك القشلة ديال لوراق راه اختك باقي مداقتش النعمة - عافاك أختي راه
غايجريوا عليا الى ملقاوش الخدمة واجدة - غير أجي وجري وعلاش على
فوطوكوبي أرا داك لوراق ههه وبدينا كنضحكو على مكيتطبعو لوراق تكنسمعو واحد صوت
كيغوت علينا - أش كاديرو نتوما جوج دري لي كان معايا سلت معرفت منين داز خلا وراقو وزاد
هزيت راسي لقيت هاداك راجل لي كان فلبيرو ديال سكرتيرا - ماتمشاش ليا
دنجال وليت كنبيع الخرشف غير بغا يهضر وللمرة تانية محالفوش الحظ صونا عليه
تيليفون أو مشا مشية بلا رجعة - سي سعيد فين علقتي - شنو بغا رئيس الشركة ؟؟ - رئيس كفاش ؟؟ - للي كان واقف هنا راه هو مول الشركة - هههه عندكم الرئيس و
المدير هادي ماشي شركة هادي جمهورية غينيا الاستوائية شد شد وراقك راه انا ليوم لي
غايجريو عليا خدا وراقو او مشى أو مشات معاه خدمتي جلست من كترة صدمة و جوع و بديت
كنفكر واش غادي يخلصوني على هاد نص شهر نرد غير الكريدي ديال هاد الكسوة الي داخلة
عليا بنحس وصلات 4 ماجا عندي حد هزيت صاكي وهربت
فقت صباح بكري مخلوعة
وخايفة ملي جاي بحال لغادي ندوز لباك أشنو هي أسوأ حاجة تقدر توقع يجريو عليا كيف
لقيت هاد الخدمة نلقى غيرها ربي كبييير هادشي باش صبّرت راسي وخرجت من دار وصلت
لشركة ملقيت تا ورقة كتسناني و الموظفين كيضحكوا ناري ياكما كيضحكو عليا وواحد
منهوم بدا كيقوليا - هانتي ألالة رانيا غتشبعي راحة وجهي ولا بيض مشى منو لون الله ياربي الله
دنيا كولها ساقت ليا الخبار جات عندي خديجة موظفة مكلفة بالحسابات - مالكي ياك لباس
خصكي تفرحي الرئيس و سيكريتيرتو سافرو الباريس عندهم شي اتفاقية ديال شركة جوووج
سيمانات سعداتها بنت الهم وسعداتنا تاحنا نخدمو مرخوفين جوج سيمانات غانكون كملت
شهري وأخيرا ابتسم لي الحظ الحمد الله دازت سيمانة دغيا نادرا فين كيجيب ليا شي حد
شي ورقة صدق من قال "غير كيغيب القط كيديروا الفئران ما هان عليهم " و حتى داك المدير
غير محطوط ديكور حيت كان صاحب بات مول الشركة ومجاتش يجريو عليه ,,, شركة كولها
خرجات تغدا أو حيت أنا ميزانيتي مكاتسمحش ناكل برا كنصلق بيضة ونجيبها نتغدى بيها
حسيت بالملل لدرجة مليت الفايسبوك وحليت المزرعة السعيدة وبديت كنحصد أونزرع ونوكل
البقر هه - أش كاديري ؟؟؟ - كنعلف البقر اشكاندير درت نص دورة فيه هييييييي مول شركة ليوم يدبحني أنا و
البقر - حسابي معاك هو الخر فينهوما الموظفين ؟؟؟ - ممممشاو يعلفوا أأأأ
يتغداو - كولهوم جوج ونص هادي فات البوس ديال الغدا بنص ساعة - نمشي نعيط ليهوم - واش نتي حمقة
تبعيني دابا لبيرو ديالي باقي مكملش دورة وهي تقول البقرة لي فالمزرعة مممممووووووو
خنزر فيا وااااحد تخنريرة كون كانو شوفات كيقتلو كون قتلني سديت فايسبوكي وتبعتو
بزربة دخلت لقيتو كيكتب فشي ورقة باينة ديال طرد الفوري ديالي :’( - قلبي ليا على هاد
دوسيات بزربة بغيتهم يكونو عندي فدقيقة أوييلي فين غادي نقلب عليهم بديت كنشوف
فالبيرو ديال سيكريترتو جاب الله مرتبة دوسيات بالحروف لقيتهم بزربة أديتهوم ليه
عطاني كمشة ديال لوراق تاني - صحي الأرقام بالأرقام لي مكتوبين بستيلو واستعملي لاتوب ديال صوفيا (سيكرتير ا) غابيد أش هاد زهر
كنا مرتاحين تا نزلات لينا حجرة فوق راس كتبتهوم وطبعتهوم وديت هوم ليه - ناري نلقى غلاط
واحد ليوم تدفعي تمن فعايلك بدوبل هيييييي زاد عطاني قشلة ديال لوراق ناري الى
قالي صحيهوم غادي نموت ليه هنا - طبعيهوم وجمعيهوم على شكل دوسيات نزلت باش نطبعهوم لقيت الموظفين باقيين
مقصريين - سكووووت راه مول اللبن أأأ الشركة حالف عليكم واحد بالواحد تعطلتو نص ساعة
فالبوس ديال الغدا - حلفيييي - و حق سيدي ربي وراه بدا ينتقم مني أنا لولا حل سكوت مفاجئ وكل واحد تخشى
فالبوسط ديالو وصلات ل 5 وأنا باقة كنستف فداك الوراق سليتهم عطيتهم ليه كان باين فيه العيا واحتى
أنا عييت - شاف بغيت نمشي بحالي - أُوكي ولكن أجي غدا ان شاء الله مع 8 نلقاك هنا والى تعطلتي
غير بلا متدخلي - وسيكريترتك؟؟ - باقا فباريس فمؤتمر مغاتجي تال سيمانة جايا وانتي غتخدمي بلاصتها - ولكن مكانعرفش
نخدم خدمتها - لسانك طويل وأش كتعرفي ديري تلعبي مع البقر الى مبغتيش تجي متجيش نهائيا
بسلامة - بسلامة يخ على مووووصيببة كتعرفو غيير غتخدمي بلاصتها ماشي تشدي خلصتها
فقت من نعاس واقفة من
كثرت الكوابيس لي جاوني .. مول شركة هاز عليا تييو لحمر لي كنت كناكل بيه العصا على جدول الضرب و
الإعراب وكايغوت عليا وأنا مخشيا فبزااف ديال لوراق الله يلكّيها ليه وصلت مع 8 وخا أنا فخدمتي
عادة مكندخل تال 9 لقيتو واصل ومخشي فلوراق مكرهتش يكون تييو لحمر فيدي هاهاها - على سلامة شّدي
بحال الخدمة ديال البارح فاش نحتاجك نعيطليك فالتليفون ولي سول عليا قوليليه
فاجتماع - معامن أأأأه واخة جلست فالبيرو ديال سكرتيرا وبديتك كندور فالكرسي ديالها
المتعة واخا لبييرو ديال هداك مقابل معايا ولكن مكيبان ليا والو بديت الخدمة
ماهزيت راسي تّا صونا تيليفون هزيتو بكل ثقة و غرور - آلووووواااااا - ألو عفاك كاين
محسن ؟؟ - لا شكون بغاتوا أنا مراتوا - واش بصح أنا اختوا؟؟؟ (مصدُوومَة) - ايوا مرحبا بيك
ألوستي تي وعكوزتي تغداو عندنا كسكسو غدا هيهي قالتلك محسن لواه كبور غدا تدعي
معايا فاش تاكل كسكسو هه سليت خدمتي ديتها ليه لقيتوكيهضر فتيليفون معصب شير ليا
بيديه باش نبقا نتسنا سالا - (معصب) واش – سول - عليا –شي حد فتيلفون - لااااااا - تأكدي ماعيط تاااحد؟؟؟ - لااااااا عيطات وحدة كانت غالطة كتسول على خوها محسن - يخوي ليك ضراس
هاديك راها أختي - (يْخوي ليك ركابي) على انت سميتك لْحْسْن - محسن اخرجي عليا بزربة نرمش منشوفكش تشوف جنية بنهار خرجت و بديت كنعوج فيه
تسمعت واحد ضربة مجهدة فوق طبلة قفزة ومشيت تكمشت بحالي ويلييي قلت لختوا أنا
مراتو شحال وجهي قاصح خصني الحبس خرج من المكتب كي الإعصار معاه زوبعة ديال لوراق
لاحهم عليا وخرج - عرفتي ومانلقاهم واجدين أهاديك لفعى غتكون هادي هي لاخرا ليك - (تلوي عليك إن شاء
الله) واخا أسيدي سليتهوم قبل مايجي ختكوم راها طيارة ماشي غير فالهضرة
تافالكتابة هه حليت الفايسبوك نشاطي شوية لقيت نبيلة لفليفلة جارتنا عارضاني
لعرسها نهار اللأحد و اليوم الخميس معرضاتنيش بكري باش منجيش زوينة المسمومة وحيت
عارفاني مشغولة مع الخدمة مبقيتش كنطير الخبارات فسما ولكن غير بلاتي عليها - سليتييي؟؟ - قفزتيني راهما
فوق البيروا دخل وزدح عليا الباب بغيت يتسد ليه على صبع صغير فرجلو يا ربي ونشوفو
داك ساعة الرقص ديال ليزانديان
داز يوم الجمعة والسبت
بلا مشاكل حيت هتلر (مول شركة) كان مشغول وحتى عقلي كان مشطون بالعرس خصني نكري قفطان وحيت معنديش لفلوس
قررت نحضر غير بكسوتي الحمرا واخا منحوسة وقررت نقاد شعري وخا كندير الفولار وندير
المكياج راه هادي هيا الفرصة ديالي الأخيرة فزواج وجاء الأحد أخيرا سمعت تيليفون
كيصوني مع 8 ديال صباح فقت مبوقة هزيتو بلا منشوف شكون - ألوا بغيت غير
نعرف شكون للي محرشك عليا هاد صباح أعباد الله مقلت ربي نتفك من داك هتلر - شكون هتلر؟؟ - مول شركة (هِيييي صوت راجل) شكون نتا؟؟؟ - مول شركة بغيتك
دابااا تكوني فشركة ولا غادي نوريك هتلر شكون هو قطع عليا ولد الهم ليوم يقطع لي
راس- ناري والعرس- مًيْسالي هاد الشهر تنكون فالروضة .. وصلت لشركة لقيتها خاوية
فاش شفتو مكرهتش نغزو بسناني وخا هكاك بقا فيا شوييية لقيتو مخشي فوسط لوراق و
تالف أول مرة نشوفو فهاد الحالة بديت كنقلب معاه على واحد الورقة باينة مهمة تال 11 عاد لقينها وشحال
فرحنا وأول مرة بدينا كنضحكو بجوج ضحكتو شحال كدوْب ونا باقا كندوب سمعت خرخاشي
كيصوني تهوا مالقا إمتى - ألو هانا جايا , مشيتو بلا بيا عند نكّافة واللّه تنقجكوم أشيخات حرام عليكم أوف بسلامة - معروضة لعرس هه
طبعيليا هاد لوراق باش ميتلفوش ليا تاني - و لكنننن وخاااا طبعتهوم
وأنا على أعصابي - صافي هاهوما واخا نمشي أشاف - مالكي مزروبة تكّول نتي
لعروسة - وراه الى محضرتش لهاد العرس عمرني منكون عروسة و طوبيسات مكيبغيوش يوقفو
فهاد الوقت - تأنا غادي إلى بغيتي نوصلك فطريقي - الى مكنتش غادي نعطلك - لا يلاه مشينا
عندو واحد طنوبيل واااو بحال هاديك لي فلأفلام كحلة كتلمع مكرهتش نكّوليه صورني
معاها نفقص بيها غير العديان فالفايس - غادي تلبسي الكسوة زرقة
ولا الحمرا - الحمرا,, ولكن باش عرفتيني غنلبس وحدة فيهم؟؟ - مًمْحتاجاش تفكير من نهار
دخلتي لشركة وانت كتبدلي لوحدة بلوخرا هه عندو صح قلبت وجهي مرضيتش من إمتى وهو
كيديها فشنو كنلبس المهم وصلني تال راس درب غير خرجنا وهي تجي عندنا كي العاصفة
خالتي حليمة مت نبيلة الفليفلة وماما ماما: الله يا بنتي الله أش هاد
تعطيلة خالتي حليمة : الله يا وليدي الله أش هاد طنوبيلة أنا : هادا شاف ديالي (درت عندو) شكرا أوسمحليا
عدبتك معايا خالتي حليمة : متسمحش لينا تاحنا أوليدي نعدبوك واحد شويا تجيب لينا العروسة من عند
النكّافة راه مشات مسيكينة غير فطونوبيلت الخضار أنا : مشغوووول أخالتي
مشغول وزايدون واش باغا تخرجي ليا على خدمتي محسن : مكاين تا مشكيل أخالتي
وانت ياك باغا تمشي عند نكّافة يلاه خالتي حليمة : سير أوليدي الله ينورك
ويجيب ليك بنت الناس لي تستاهلك وصلنا هو بقا كيتسنا برا وأنا دخلت تكّاديت رجعت
وحدا وخرا وطلقت شعري ما شاء الله عليا أول مرة يعجبني راسي تافقنا أنا والعروسة
والنكّافات نمشيو مع محسن والبنات مشاو مع الخضار خرجت باش نعلم محسن كّاع مداها
فيا بحال شي حجرة دايزة من قدامو حطم ليا المعنويات ولد الحرام - بس بس واش
مكتشوفش - واش هادي انتي ؟؟ عقلتك غير بالكسوة تبدلتي - ^^ خصنا نمشيو دابا
وصلنا لقينا العيالات كيزغرتو وكيصليوا على النبي مكرهتش كون كنا أنا ومحسن هوما
لعروسة والعريس أويييلي باقي مبديتش شطيح وطلعات ليا سخانة خرجنا من طونوبيل
والعروسة دخلات و بقينا أنا ومحسن برا - خالتي حليمة : دخل أوليدي مرحبا
بيك - محسن : ترحب بيك جنة أخالتي ولكن خصني نمشي ومبروك مادرتوا (وداز من حدايا ) شطحي وراعي ركب
فطونوبيلتو وزاد أنا بقيت مصدومة واش هدا محسن مول شركة للموظفين كيترعدوا منوا أش
هاد التغيير واش غير حيت برا كيبان على طبيعتو ولا أنا لي جيت زوينة ودوختو هه
الإحتمال الأخير فقط لرفع المعنويات المهم العرس داز زوين والعروسة جات زوينة والماكلة
كانت بنينة وأنا درت بالنصيحة شطحت غير شويا نهار داز طويل أو وخا داز زوين تمنيت
كون مجاش حيت محسن مبغاش يمشي ليا من بالي معرفتش علاش مكرهتش يطلع نهار دغيا باش
نشوفو تاني ونولي نكرهو بتصروفاتو ويتحيد ليا من بالي
إقرأ أيضاً : قصة بالدارجة : أحببت زوج أختي الجزء الأول
فاش وصلت مع 8 ملقتوش ومع مكاين
ميدار تكيت على المكتب ودربتها بنعسة تفكرت أيامات لقرايا شحال كايجي نعاس حلووو
فالقسم خصوصا عند الفلسفة فقت مع 10 على صوت تليفون - صباح الخير بان
ليا الى مفيقتكش متفقيش هه جيبي جوج كيسان ديال القهوة لبيرو ديالي أويلي هدا محسن
داز من حدايا و لقاني ناعسة أو مكًّال والو مشيت غسلت وجهي وجدت القهوة بزربة حليت
الباب برجلي حيت كان غي مردود ودخلت حطيت ليه القهوة قدامو - والكاس تاني انت
غي بوحدك ولاّ غتشربهوم ب 2 - واش نتي عميا راه حنا بجوج ولا يلاه فايقة من نعاس منديش عليك جلسي وشربيه
يلاه تفيقي إيوا رجعات سندريلا من الحفلة لقات الأمير ولا مزال - ههه (لقات الرئيس) لقيت زعتر شفتك
وليتي ضريف سبحان الله - أنا ديما ضريف غير مكاينش معامن مكاينش - وليتي كبور بناني سميرسي
إمتى غادي تجي سيكرتيرتك - توحشتيها والاّ باغا تفكي مني هه نهار الأربعاء داز نهار دغيا وكلو خدمة
رجعت لدار وحالتي هي حالتي مازال كنفكر فيه و تصرفاتو جديدة مكتساعدنيش على نكرهو
ويتحيد ليا من بالي لداكشي وليت كنقلب على شي حاجة نكرهو بها متلا هو حيت لباس
عليه يكون مكيصليش يقدر يكون كيسكر وأوعاطيها غير البنات والقصاير ,,, ولكن أنا مالي
شغلي آآآآآآاه المش فاش مكيلحقش القديدة كيكّوليها خاااانزة ... أميمتي أش هاد
الوحلة
أخر نهار غنكون قريبة منو
خصني نجمع راسي فاش دخلت كان هو فلبيرو كملت خدمتي وديتها ليه دقيت الباب ودخلت
بلا منسمع الإذن ديال دخول وياريتني مدخلت لقيت محسن كيصلي أح أزهري واش هادا
كيقرا أفكاري رجعت بلور وسديت الباب وحطيت لوراق لي كنت هازا فالأرض وهزيت يدي
لسما - ياسيدي يا ربي جعلو من نصيبي ويكون حلالي وبات ولادي ياربي وخا غير بيت و
كوزينة معاه وانا باقي كندعي تحلات الباب يخ تجمدت فبلاصتي - أش كديري و مال
لوراق محطوطين فالأرض - آآ زلقو ليا من يدي - مال يديك جليجة - (وجهك لي قزديرة) يديا روطبين لداكشي احم احم - لا باينين, يدين البناي
روطبين على يديك بشوييية ههه - بصااح أو جهك قصح من المرطوب بشوييية هيهيه - إيو احتارمي
المدير شوية راه كطيحي ليه المعنويات أأأو وجهي بحال المرطوب - لا أشاف قصح شوية
قلت جملتي الأخيرة وهربت خفت على مستقبلي المهني والمعيشي ناري شحال لساني سليط
نهار واحد مقدرتش نجمع فيه فمي الله يخرج العقيبة بيخير داز نهار الأخير و كولشي
غيتغير فحياتي المهنية ولكن لي مكانش فخباري أن تا حياتي شخصية غتبدل وصلت لدار - ماما عتقي عتقي
راني كنموووت بالجوع - أويلي وحدي معرفت أش عجبو فيك عنداك يكون عما - شكون لي عما؟ - على باقي
مفخباركش يالالة نهار العرس ديال نبيلة شافك هو و مو وعجبتيهوم حماقو عليك - شكون ؟ - زوين لي كان فداك
العرس سي مروان على مزيناتو راجل خدام ففرانسا قالك بغا يجي يخطبك باش فصيف يتزوجك
ويديك معاه أنا مبغيتش نبين ليهم بلي هوما أول وحدين جاو يخطبوك وحنا ماشي ملهوفين
عليهم لداكشي قلت ليهم نفكروجاب الله جاو عندي ماشي عندك كون وافقتي فلبلاصة وبحال
والو تزيديه عند العدول داك ساعة - مموافقاش - أويلي وحدي كولي
كولي تيفاش كتخوا ليك الكرش كيخوا ليك داك العقل كليت وأنا عقلي سارح تا لقيت راسي
كنغمس فطبسيل خاوي دوزت لقمة لخرا بالما - تكلمي لعصابة ديالك
راهوما حدا الباب كيتسناوك زعمة غيتة و ماجدة خرجت عندهم شافو فيا وقلبو وجهم - غيتة: شوفي أختي ماجدة
مبقات ثقة فصحابات تخطبات وقلبات علينا وجها - ماجدة : أه وشحال درنا
فيها ديال ثقة أسرارنا كاملين عاودنا هم ليها وهي .... - غيتة: وكانت عارفة بلي
هادوك لي من فرانسا كيقلبو على المرا المرزنة لداكشي تبات ومشطحاتش كيف شيخة بحال
ديمة - أنا: إيوا الله ينعل لي ميحشم زعمة راني حداكم ما كاين شي شيخات قدكم وزايدون
أنا مبغاهش خدوه إلى بغيتوه - غيتة: أه تيقناك تكوني نقزتي من الفرحة ملي سمعتي الخبار - ماجدة : هاكا كيقولو كلهم
معجبيش محاملاهش معندوش لمواصفات لي كنتمنى ماشي رومانسي بحال تامر حسني وفلخر
كتقولك العداوة كتولد المحبة وسبحان مبدل الأحوال - أنا: باركا أنا راه
بصح مبغيتوش ودليل أن قلبي عامر واش باينا ليكم على وجهي الفرحة - ماجدة : شكون ؟؟؟ - أنا: هتلر مول شركة لي
وصلني نهار العرس عقلتو ياك - غيتة: هه ناري ملقيتي فاش طيحي غير فخنشة ديال الهندية عامرة بشوك - أنا: دابا واش
غتعاونوني راه نعاس مبقاش كيجيني والماكلة مبقاتش كدوز ليا - غيتة: كتقطعي لقلب
والله ولكن راه من ثامن المستحيلات تزوجي نتي وياه - ماجدة : أنا من عندي
نتبرع ليك بسي مروان حيت بقيتي فيا - أنا: ياك ألفعات عقلتي
ألالة غيتةنهار كنتي مزعوطة فشعيبة ماشي يومين وانا واقفة حدا دارو تال نهار تالت
خرجات عندي مو بالكراطة جرات عليا وانتي ألالة ماجدة نهار حصلك باك واقفة معا
صطيطيف شكون لي فكك ياك أنا باقين الأطراس ديال تصرفيقتو فوجهي - غيتة: صافي صافي جيران
كيسمعو عندو واتساب - أنا: أنا لي معنديش - ماجدة : الفايسبوك تويتر أري لينا غي نمرتو ولا سميت مو - أنا: معندي تاحاجة عيط
ليا واحد المرة ولكن من شركة - غيتة: بقا ليك حل واحد سيري قولي ليه كنبغيك إلى قاليك تا أنا غادي تزيدي تبغيه
ويلا قالك لا غاتولي تكرهيه ساهلة - أنا: إيو صاف فليسقط
الحب وتبقى الكرامة - ماجدة : شوفو شكون كيهضر على الكرامة عقلتي نهار جلستي فطريق و ضربتي كيلو ديال
لكرموس وتبعتيلو كيلو ديال الهندية لي يدوز يشوف عقلتي ومابغاش يرد ليك عشرة دريال
ديال صرف وخشيتي ليه وجهو فالهندية ونهار.. - أنا: للقوى صافي
سكتينا الكرامة من بعد الأكل كينصحو بيها موالين الفرماسيان نهار كان قلبي خاوي
ومحروقة على زواج تاحد مداها فيا ونهار وليت مزعوطة جاوني الخطاب نحس لاصقني فين
مامشيت الله يحضر سلامة
ﺩﺍﺯﻭ ﻟﻴﺎﻡ ﻭ ﺃﻧﺎ ﻣﺰﺍﻻ ﻣﻬﻤﻮﻣﺔ ﻭﺍﺵ ﻧﺘﺰﻭﺝ ﺑﺮﺍﺟﻞ ﻭ ﻓﻘﻠﺒﻲ ﻭﺍﺣﺪ ﺃﺧﻮﺭ ﻭﻻ ﻧﺒﻘﺎ ﻻ ﻫﺪﺍ ﻻ ﻫﺪﺍﻙ ﺭﺟﻌﺖ ﻟﺨﺪﻣﺘﻲ ﺍﻟﻘﺪﻳﻤﺔ ﺗﻼﺗﺔ ﺩﻳﺎﻝ ﺣﻮﺍﻳﺞ ﻣﻴﻜﺘﺒﺪﻟﻮﺵ ﻓﺎﻟﺸﺮﻛﺔ ﻟﻮﺭﺍﻕ ﻟﻲ ﻣﻜﻴﺴﺎﻟﻴﻮﺵ ﻭ ﺗﺒﺮﻛّﻴﻚّ ﻭ ﻧﻤﻴﻤﺔ ﻟﻲ ﻣﻜﻴﺘﻘﻀﺎﻭﺵ ﻭ ﺩﺍﻙ ﺍﻟﻤﺼﻴﺒﺔ ﺩﻳﺎﻝ ﺳﻴﻜﺮﻳﺘﻴﺮﺍ ﻟﻲ ﻏﺎﺩﺍ ﺟﺎﻳﺎ ﻋﻨﺪﻱ ﺃﻭﻑ - ﺧﺪﻳﺠﺔ : ﻳﻴﻴﻴﻴﻴﺦ ﺷﺤﺎﻝ ﻣﻜﻨﺤﻤﻠﺶ ﻫﺎﺩﻳﻚ ﻟﻤﻌﻴﻮﺟﺔ ﺩﻳﺎﻝ ﺳﻴﻜﺮﻳﺘﺮﺍ - ﺃﻧﺎ : ﺯﻳﺪﻳﻨﻲ ﻋﻠﻴﻚ ﺃﻭ ﺷﺤﺎﻝ ﻓﻴﻬﺎ ﺩﻳﺎﻝ ﻟﻌﻴﺎﻗﺔ - ﺧﺪﻳﺠﺔ : ﻫﺎﺩﺷﻲ ﻏﻴﺮ ﺭﺍﻫﺎ ﺳﻴﻜﺮﻳﺘﻴﺮﺍ ﻋﻠﻢ ﺍﻟﻠﻪ ﻓﺎﺵ ﺗﻮﻟﻲ ﻣﻦ ﻣﻮﺍﻟﻴﻦ ﺷﺮﻛﺔ - ﺃﻧﺎ : ﻛﻴﻔﺎﺵ !!! - ﺧﺪﻳﺠﺔ : ﻋﻠﻰ ﻣﻔﺨﺒﺎﺭﻛﺶ ﻏﺘﺰﻭﺝ ﺑﻤﻮﻝ ﺷﺮﻛﺔ - ﺃﻧﺎ : ﺃﻭﻳﻠﻲ ﻣﻴﻤﺘﻲ - ﺧﺪﻳﺠﺔ : ﻣﺎﻟﻜﻲ ﻭﻟﻴﺘﻲ ﺻﻔﺮﺍ !!! - ﺃﻧﺎ : ﺍﺍﺍ ﺇﻟﻰ ﻭﻻﺕ ﻫﻲ ﻣﻮﻻﺕ ﺷﺮﻛﺔ ﺭﺍﻩ ﻏﺎﺩﻱ ﺗﺮﺩﻧﻲ ﺟﻔﺎﻑ ﺩﻳﺎﻝ ﺍﻟﺒﺎﺏ ﻭ ﺍﻟﻠﻪ ﻣﻨﺰﻳﺪ ﻫﻨﺎ ﺩﻗﻴﻘﺔ ...ﺍﺳﺘﻘﺎﻟﺖﻱ ﻟﻤﻦ ﻧﻌﻄﻴﻬﺎ؟؟ - ﺧﺪﻳﺠﺔ : ﺃﻭﻳﻠﻲ ﻧﻌﻠﻲ ﺷﻴﻄﺎﻥ ﺍﻟﻤﺪﻳﺮ ﺷﺎﺩ ﻛﻮﻧﺠﻲ ﺧﺼﻚ ﺗﻌﻄﻴﻬﺎ ﻟﺮﺋﻴﺲ ﻭﻻ ﻟﺴﻴﻜﺘﻴﺮﺗﻮ - ﺃﻧﺎ : ﺧﺦ ﻋﻠﻰ ﺯﻫﺮ ﻛﺘﺒﺖ ﺍﺳﺘﻘﺎﻟﺘﻲ ﻭ ﻣﺤﻴﺖ ﺷﻲ ﺩﻣﻴﻌﺎﺕ ﻛﺎﻧﻮ ﻛﻴﻄﻠﻮ ﻭﻣﺎﻟﻮ ﻳﺘﺰﻭﺝ ﺑﻤﻦ ﻣﺎﺑﻐﺎ ﻭﺍﺧﺎ ﻏﻴﺒﻘﺎ ﻓﻴﺎ ﻟﺤﺎﻝ ﻭﻟﻜﻦ ﻛﻴﻘﻮﻟﻮ ﺟﻮﻉ ﺻﻌﺐ ﻣﻦ ﺍﻟﺤﺐ ﻫﺎﺩﺷﻲ ﻟﻲ ﺑﺮﺩ ﻟﻴﺎ ﻋﻠﻰ ﻗﻠﺒﻲ ﺩﻗﻴﺖ ﻋﻠﻰ ﺑﺎﺑﻮ ﻭﻣﻜﺮﻫﺘﺶ ﻛﻮﻥ ﺩﻗﻴﺖ ﻋﻠﻰ ﻗﻠﺒﻮ - ﺭﺍﻧﻴﺎ ﻳﺎﻙ ﻻﺑﺎﺱ - ﻭﺍﻟﻮ ﺑﺎﺱ ﺟﻴﺖ ﻧﻘﺪﻡ ﺍﺳﺘﻘﺎﻟﺘﻲ - ﻣﻤﻜﻦ ﻧﻌﺮﻑ ﻋﻼﺵ ؟؟ - ﻗﺎﻟﻬﺎ ﻟﻴﺎ ﻣﺨﻲ - ﻭﻟﻜﻦ ﺃﻧﺎ ﻣﺤﺘﺎﺟﻚ ﺑﺰﺍﻑ ﺳﻴﻜﺮﻳﺘﺮﺗﻲ ﻏﺎﺩﻱ ﺗﺰﻭﺝ ﻭﺃﻧﺎ ﺑﻐﻴﺘﻚ ﺗﻮﻟﻲ ﺑﻼﺻﺘﻬﺎ - ﻋﻼﺵ ﻏﺎﺩﻱ ﺗﺠﻠﺴﻬﺎ ﻓﺪﺍﺭ ﺑﻌﺪ ﺯﻭﺍﺝ - ﻻ ﻏﻴﺮ ﻋﻠﻰ ﻣﺪﻭﺯ ﺷﻬﺮ ﺍﻟﻌﺴﻞ - ﻭﻋﻠﻰ ﺍﻧﺘﺎ ﻣﻐﺪﻭﺯﻭﺵ ﻣﻌﺎﻫﺎ ؟ - ﺩﻭﺯﻭ ﻣﻌﺎ ﺭﺍﺟﻠﻬﺎ ﺃﻧﺎ ﻣﺎﻟﻲ - ﻋﻠﻰ ﺍﻧﺘﺎ ﻣﺎﺷﻲ ﺭﺍﺟﻠﻬﺎ؟؟؟؟؟ - ﺁﺁﺁ ﻣﺎﻟﻲ ﺗﺴﻄﻴﺖ ﺑﻐﻴﺘﻲ ﺧﻮﻳﺎ ﻳﻘﺘﻠﻨﻲ - ﺁﺁﺁﻩ ﻳﺤﻠﻴﻠﻲ ﻏﺘﺰﻭﺝ ﺑﺨﻮﻭﻭﻭﻙ ﻫﻬﻬﻬﻪ ﺇﻳﻮﺍ ﻣﺒﺮﻭﻭﻭﻭﻙ ﻫﻪ - ﻣﺎﻟﻜﻲ ﻛﻀﺤﻜﻲ ﻛﺎﻥ ﻳﺴﺤﺎﺑﻚ ﻏﺘﺰﻭﺝ ﺑﻴﺎ ﻟﻬﺎﺩ ﺩﺭﺍﺟﺔ ﻓﺮﺣﺘﻲ ﻫﻬﻪ - ﻧﻦ ﻭﺃﻧﺎ ﺷﻐﻠﻲ ﻓﻴﻜﻢ ﺃﺻﻼ ﺃﻧﺎ ﻏﺎﺩﻱ ﻧﺘﺰﻭﺝ ﻭﻏﺎﻧﻤﺸﻲ ﻣﻌﺎ ﺭﺍﺟﻠﻲ ﻟﻔﺮﺍﺍﺍﺍﻧﺴﺎ ﻣﻤﻢ - ﻭﺍﺵ ﺑﺼﺢ ﻋﻤﺮﻭ ﻫﻀﺮ ﻣﻌﺎﻙ ﻣﺒﺎﺷﺮﺓ - ﻛﻴﻔﺎﺵ !!!!!!! - ﺣﻴﺖ ﺃﻱ ﻭﺍﺣﺪ ﻳﺴﻤﻊ ﻟﺴﺎﻧﻚ ﻃﻮﻳﻞ ﻏﺎﺩﻱ ﻳﺪﻳﺮ ﻟﻌﺰﻭﻑ ﻋﻦ ﺍﻟﺰﻭﺍﺝ - ﺑﺰﺍﺍﺍﺍﻑ ﻋﻠﻴﻚ ﺃﻧﺎ ﺟﺎﻭﻧﻲ ﺑﺰﺍﺍﺍﻑ ﺩﻳﺎﻝ ﻟﺨﻄﺎﺏ ﻛﻴﺘﻤﻨﺎﻭ ﻳﺴﻤﻌﻮ ﻛﻠﻤﺔ ﻣﻦ ﻋﻨﺪﻱ - ﺳﻜﺘﻲ ﻏﻄﻴﺢ ﻋﻠﻴﻨﺎ ﺷﺮﻛﺔ ﺑﻜﺪﻭﺑﻚ - ﻋﺎﻭﺩﻫﺎ ﺭﺍﺳﻚ ﺃﻧﺎ ﻟﻲ ﺩﺍﻳﺮﺓ ﻓﻴﻚ ﺭﺍﺳﻲ ﺑﺴﻼﻣﺔ ﺩﻭﺭﺕ ﻭﺟﻬﻲ ﺑﻐﻴﺖ ﻧﻤﺸﻲ ﺑﺤﺎﻟﻲ ﻭ ﺷﺤﺎﺍﺍﺍﺍﻝ ﺗﺼﺪﻣﺖ ﻣﻠﻲ ﺷﻔﺖ ﺍﻟﺒﺎﺏ ﻛﻴﺒﻴﻦ ﺩﺍﻛﺸﻲ ﻟﻲ ﺑﺮﺍ ﻓﻠﺒﻼﺻﺔ ﺗﻔﻜﺮﺕ ﺷﺤﺎﻝ ﻣﻦ ﻣﺮﺓ ﻋﻮﺟﺘﻮ ﻭﺭﻛﻠﺖ ﺍﻟﺒﺎﺏ ﻓﻴﻬﺎ ﺑﻜﺘﺮﺓ ﺻﺪﻣﺔ ﺟﺎﺗﻨﻲ ﺩﻭﺧﺔ - ﺭﺍﻧﻴﺎ ﻳﺎﻙ ﻟﺒﺎﺱ ﻣﺎﻟﻜﻲ - ﺍﻟﺒﺎﺍﺍﺏ - ﻣﺎﻟﻮ؟ - ﻛﻴﺒﻴﻦ - ﻫﻬﻬﻬﻪ ﺃﺟﻲ ﻧﻮﺭﻳﻚ ﻭﺍﺣﺪ ﻟﺤﺎﺟﺔ (ﺟﺒﺪ ﻟﺒﻴﺴﻲ ﺩﻳﺎﻟﻮ ) ﺷﻮﻓﻲ ﻫﺎﺩﻱ ﻛﺎﻣﻴﺮﺍ ﻓﺎﻟﺒﻴﺮﻭ ﻟﻲ ﺑﺮﺍ ﻭﻫﺎﺩﻱ ﻓﻴﻦ ﺧﺪﺍﻣﺔ ﻋﻴﻨﻴﻚ ﻓﺎﺵ ﻛﺘﺮﻣﺸﻴﻬﻮﻡ ﻛﻨﺸﻮﻓﻬﻢ - ﺃﻭﻳﻠﻲ ﻭﻋﻼﺵ ﻣﻄﺮﺩﺗﻴﻨﻴﺶ ﻣﻦ ﺍﻟﺨﺪﻣﺔ - ﻛﻞ ﻣﺮﺓ ﻛﻨﺒﻐﻲ ﻧﻄﺮﺩﻙ ﻛﻨﺤﺘﺎﺟﻚ ﻭﻣﺮﺓ ﺑﻌﺪ ﻣﺮﺓ ﻟﻘﻴﺖ ﺭﺍﺳﻲ ﻣﻨﻘﺪﺭﺵ ﻧﺪﻭﺯ ﻧﻬﺎﺭ ﺑﻼ ﻣﺸﻮﻓﻚ ﻛﻨﺖ ﻣﻜﻨﺤﻤﻠﻜﺶ ﻭﻟﻴﺘﻲ ﻛﺘﻌﺠﺒﻴﻨﻲ ﻣﻦ ﺑﻌﺪ ﻭﻟﻴﺖ ﻛﻨﺒﻐﻴﻚ ﻭﺑﻐﻴﺘﻚ ﺗﻜﻮﻧﻲ ﻣﺮﺍﺗﻲ ﻷﺧﺮ ﻧﻬﺎﺭ ﻓﺤﻴﺎﺗﻲ - ﺃﻧﺎ ﻣﻜﻨﺒﻐﻴﻜﺶ - ﻭﺍﺵ ﺑﺼﺢ ﻗﺎﻟﺖ ﻟﻴﺎ ﻣﺎﺟﺪﺓ ﻭﻏﻴﺜﺔ ﻟﻌﻜﺲ ﺻﺎﻓﻲ ﻧﺨﺘﺎﺭ ﻭﺣﺪﺓ ﻣﻨﻬﻢ - ﻭﺍﻟﻠﻪ ﺗﺎﻧﻘﺠﻚ ﺍﻧﺖ ﻭﻳﺎﻫﻢ ﺻﺎﻓﻲ ﻛﻨﺒﻐﻴﻚ ﻭﻛﻨﻤﻮﺕ ﻋﻠﻴﻚ ﺃﺳﻴﺪﻱ - ﻫﻪ
ﺗﺎﻧﻘﺠﻚ ﺍﻧﺖ ﻭﻳﺎﻫﻢ ﺻﺎﻓﻲ ﻛﻨﺒﻐﻴﻚ ﻭﻛﻨﻤﻮﺕ ﻋﻠﻴﻚ ﺃﺳﻴﺪﻱ - ﻫﻪ ﺃﺣﻴﺎﻧﻲ ﻋﻠﻴﻜﻢ ﺃﻟﺒﻨﺎﺕ ﺇﻳﻮ ﺇﻣﺘﻰ ﻧﺠﻲ ﻟﺪﺍﺭﻛﻢ - (ﻏﺪﺍﺍﺍﺍﺍﺍﺍ ) ﻟﻠﻲ ﺑﻐﻴﺘﻲ - ﻭﻫﺎﺩﺍﻙ ﻟﻲ ﻓﻔﺮﺍﻧﺴﺎ - ﻣﻌﻨﺪﻳﺶ ﻣﻊ ﻟﻔﺮﻭﻧﺴﻲ ﻫﻬﻪ ﻭ ﺯﺍﻳﺪﻭﻥ ﻏﻴﺘﺔ ﻭﻣﺎﺟﺪﺓ ﺣﺎﻃﻴﻦ ﻋﻠﻴﻪ ﺍﻟﻌﻴﻦ ﻭﺍﻟﻠﻪ ﻻ ﺣﻠﻤﺖ ﺑﻴﻪ - ﻫﻬﻪ ﻣﺎﻣﺎ ﻭﺍﺧﺘﻲ ﻛﻴﺘﺴﺎﻟﻮ ﻓﻴﻚ ﻛﺴﻜﺴﻮ - ﻛﻴﻔﺎﺵ؟؟؟؟ - ﻧﻬﺎﺭ ﻋﻴﻄﺎﺕ ﺍﺧﺘﻲ ﻭﻗﻠﺘﻲ ﻟﻴﻬﺎ ﺍﻧﺘﻲ ﻣﺮﺍﺗﻲ ﻭﻣﺮﺣﺒﺎ ﺑﻴﻜﻢ ﻟﻜﺴﻜﺴﻮ - ﻫﻪ ﻋﺠﻮﺯﺗﻲ ﻭﻟﻮﺳﺘﻲ ﻧﺪﻳﺮﻫﻢ ﺑﻴﻦ ﻋﻴﻨﻲ ﻳﻼ ﺑﻐﺎﻭ ﻧﻄﻴﺐ ﻟﻴﻬﻢ ﺩﺍﺑﺎ ﺭﻓﻴﺴﺔ ﻓﺸﺮﻛﺔ - ﻫﻪ ﻛﻨﺒﻐﻴﻚ ﻭﻣﻌﺮﻓﺖ ﺃﺵ ﻋﺎﺟﺒﻨﻲ ﻓﻴﻚ - ﺑﺼﺎﺡ ﺃﻧﺎ ﻟﻲ ﻣﻌﺮﻓﺖ ﺃﺵ ﻋﺠﺒﻨﻲ ﻓﻴﻚ ﻭﻗﻴﻼ ﺧﺼﻨﻲ ﻧﺪﻳﺮ ﺇﻋﺎﺩﺓ ﺗﻔﻜﻴﺮ ﻣﻤﻢ - ﻻ ﺻﺎﻓﻲ ﻋﺎﺟﺒﻨﻲ ﻓﻴﻚ ﻛﻮﻟﺸﻲ ﻭﺣﺘﺎ ﻟﺴﺎﻧﻚ ﺳﻠﻴﻂ ﻋﺎﺟﺒﻨﻲ دازت 8 شهور زدت تعرفت
عليه وبغيتو كثر واخا تا هو لسانو سليط بعد المرات ولكن حلو فأغلب الأحيان وعائلتو
ناس ضريفين بزاف ماجدة خطبها مول بوتيك لبوكّوص ولالة غيتة راها كتوجد تمشي
لفرانسا لوات دغيا على سي مروان و أنا تزوجت بسي محسن بعض المرات كيبقى فيا مسكين
مزال مشافش لسان سليط ديال بصح ههه وانتوما لبنات لي مزوجة الله يرزقها سعادة
زوجية و للي مخطوبة الله يكمل عليها بخيرو لي مازالا الله يرزقها زوج صالح اللي
يستاهلها وتستاهلو وفلخر غادي نقول ليكم كاملين لحياة دايزة معرفنا إمتى غاتسالي
لداكشي نحمدو الله ونضحكو ونفرحو واخا على أبسط الحوايج حيت الله ديما معانا
وكيديرلينا غي لي فيها لخير....
النهاااااااااااااااية
قصص بالدارجة المغربية ذات صلة :
