قصة بالدارجة المغربية سارة - الجزء الثاني
 |
| قصة بالدارجة المغربية سارة |
12
-حطيت القرآن حدايا وندت
نصلي... مع اول تكبيرة درتها حسيت بالقشعريرة جسمي تبورش كولو و مع كل حركة
كنديرها دموع مكيوقفوش و جسمي كيرجف... معرفتش لمودة ليصليت فيها دوك جوج ركعات
ولكن كانت اجمل لحظات حياتي... ملي ساليت كان احساس اخور... بحال شي صخرة كبيرة
كانت على قلبي وتحيد
مانقدرش نوصف
مي بحال تولدت من جديد اه هادا الوصف المناسب
...
كانت هادي اول
ليلة نتقرب من الله ...
اول ليلة نحس
بمعنى كلمات القرآن. ..
اول ليلة نحس
بيلي الله رحيم رحيم رحيم غفور و كريم
...
اول ليلة نصلي
فيها...
اول ليلة ننعس
مرتاحة...
و اكيد ماكنتش
اخير ليلة ....
من هاد النهار
تقربت من الله بزاف ... اي تساؤل كان عندي كنت كنمشي نجري عند عائشة او يعقوب باش
يجاوبوني...
لخدمة ديالي
تحسنات بزاف ووليت مرتاحة...
كنت حاسه راسي
صافي راني كنصلي و بعدت على لحرام دونك راني فالجنة
...
حتال فاجأني
يعقوب و قال : سارة ؟ ما شاء الله عليك وليت مزيانه و الفرحة باينه عليك و هادشي
كولو بفضل الله عز وجل و لكن خاصك حاجه وحدة
سارة : اها !!!
شنو هدر فيساع ؟؟
يعقوب : لحجاب
يا سارة لحجاب ولباس ديالك خاص تبدليه
):
سارة: إوا بغيت
حتال نقتانع بيه عاد نديرو بشوية عليا
يعقوب : ): لا
ا سارة ماشي هاكا
سارة : علاش را
الايمان فلقلب ... را بزاف كي لبسو لحجاب و النقاب جاع مي هوما خارجين الطريق و
كايديرو لعجب ... انا شفتهوم بعيني للاسف
يعقوب : ربي
خلق و فرق يا سارة. .. كاين هادشي ليكتقولي مي كاين لي داير الحجاب لوجه الله ...
و انتي ماشي تشوفي نسبة قليلة دايره هاكاك وتحكمي عليهوم
سارة: اه بصح
... مي فنفس الوقت باقي ما مقتانعاش
13-
يعقوب : واخا ا لالا سمعيني
... انتي كتبغي الله عز وجل ياك ؟
سارة : اه ..
اكيد
يعقوب : إوا
دابا لواحد إلا كيبغي شي وحدة كيدير اي حاجة باش يرديها...وباش يكون معاها ياك
سارة: اه...
شنو لمقصود ؟
يعقوب : دابا
انتي كتبغي الله و خاصك ديري داكشي لي كيقول باش يرضى عليك و تكوني في الجنة ياك ؟
سارة : اه ...
كمل
يعقوب : الصبر
يا سارة. .. إوا را الله عز وجل قال : يَا أَيُّهَا النَّبِيُّ قُل لِّأَزْوَاجِكَ
وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ۚ
ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ ۗ وَكَانَ اللَّهُ غَفُورًا
رَّحِيمًا (59) ۞ سورة الأحزاب
فهمتي لمعنى ؟
الله يأمر النبي عليه السلام باش يقول لنساء ديالو يلبسو الحجاب و كاين اية اخرى ف
نفس المعنى ... حنا مغنوقفوش عند النقاب واش فرض ولا سنة حيت ختالفو العلماء ولكن
فيه تشبه لامهات المؤمنين ... ليهامنا دابا هو الحجاب سمعي هاد الاية في سورة
النور
وَقُلْ لِلْمُؤْمِنَاتِ
يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ
زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى
جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ
آَبَائِهِنَّ أَوْ آَبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ
بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي
أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ
التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ
الَّذِينَ لَمْ يَظْهَرُوا عَلَى عَوْرَاتِ النِّسَاءِ
...
شنو فهمتي
14-
سارة (ساكته غير كتشوف ف
يعقوب مالقات ماتقول)
يعقوب : واخا
انا نفهمك...
أول حاجه هي غض
البصر و انت راكي فاهمه اش كنقصد بهادشي
برغم من الخدمة
و احتكاكك مع الرجال خاص انتي ديري حدودك معهم حيت هادشي كيقولو دين ديالنا ماشي
انا .... أوكي ؟
سارة (راسها
فلرض) : اوكي
يعقوب : ها
مزيان... و ثاني حاجة تحافطي على العفة ديالك و ماتبينيش الزينة او لمحاسن ديالك
لجاع الناس و هادشي كيفاش ؟ بلبس الحجاب ... دابا يمكن تكوني فهمتي الاية شوية ...
اي انه ماتبينيش الزينة و جمالك و شعرك إلا لمحارم ديالك ... كتسالي شكون هما
لمحارم ؟ هوما باباك خوتك عمك خالك عم باباك او عم ماماك و اجدادك ... ولد عمك لي
كبرتو بجوج لا... ولد خالك لي تربى معاك لا... فهمتي ؟؟
سارة (مصدومة
عمرها عرفات هاد لهدرة خاصة و هي متحررة بزاف فلباس ديالها غير كتسمع لهدرتو و
كتحرك راسها بالايجاب)
يعقوب : واخا
ندخلو شوية نوصفو لحجاب و شروط ديالو هي
:
1ـ أن يكون ساترا لجميع بدنها
إلا الوجه والكفين فقد اختلف أهل العلم في وجوب سترهما والراجح الوجوب .
2 ـ وألا يكون ضيقا يصف تقاسيم
الجسم .
3 ـ وألا يكون رقيقا يشف عن ما
تحته .
4 ـ وألا يكون يشبه لباس
الرجال أو لباس الكافرات أو من اشتهر بالفسوق والعصيان .
5 ـ وألا يكون لباس شهرة .
6 ـ وألا يكون مطيبا بالعطور
أو البخور عند الخروج.
شروط بسيطة و
كيبان لي راهم باينين أو لا ؟
سارة ( مع كل
كلمة كيقولها كتصدم كتر و كتر مالقات ماتقول
)
يعقوب : نتمنى
نكون ماكترتش عليك مي بغيت نهدر معاك على واحد القضية أخرى و كيبانلي خاص ضروري
تعرفيها و بزاف د ناس كتبانلهوم عادية
15-
سارة: (بحال بغات تفيق من
هول الصدمة وقالت) شنو هي ؟
يعقوب : الصحبة
أو أصدقائك
سارة : علاش
مالهوم ؟ هما كيعيشو حياتهوم و مكياتروش عليا
يعقوب : مهما
كانت شخصيتك قوية غياترو عليك
سمعي لحديث د
رسول عليه الصلاة والسلام :" المرء على دين خليله فلينظر أحدكم من يخالل "
هادي وصية
الرسول صلى الله عليه وسلم خاصك تختاري اصدقائك لتشوفي يدرك ف دينك باعدي عليه و
واحد الجملة سمعتها انه "الصاحب ساحب إما إلى الجنة و إما إلى النار"
خودي بالك مزياااان
الاصدقاء
كيلعبو دور كبيرر
فهمتي ياسارة ؟
سارة : اه فهمت
! مي بغيت نسولك
يعقوب : وي
تفضلي
سارة : علاش
ماكتسلمش عليا او على اي بنت ؟؟ خايف من الفتنة
يعقوب : هههه
الجواب على هاد السؤال نخليه لعائشة غترجع غدا و هي لوصاتني نقولك هادشي حيت
سافرات مشات عند عائلتها و تجي
..
سارة : اه واخا
يعقوب : سارة
.. عائشة افضل صحبة تختاريها ... استافدي منها ... و تعلمو من بعدياتكم
سارة (بالبسمة)
: اه عائشة طيبة و كتعطيلي وقتها ديما و نعمة الصديقة.. شكرا. .. انا غنمشي
يعقوب : الشكر
لله وحده... في امان الله
16-
من نهار قررت نبدل راسي
وانا مرتاحة و من نهار لبست حجابي كنحس راسي ملكة ... فلول كانو عواقب كتار فهاد
البلد كلشي كيشوف فيا كانني غنقتلهوم مي متسوقتش ليهم ...
روبرت و مايك
لي هما مساعيديا و كانو اصدقائي مبقاوش ولات معاملتنا غير فلخدمة و حتى يعقوب لي
حسيت بنظرات ديالو تبدلات من نهار لبست حجابي مبقيتش كان كتر معاه واخا مسلم و
ملتزم ... كيبقى راجل
و انا وعدت
راسي ...نحافظ على العفة ديالي... ومانبغي تا واحد من غير لي مكتاب يكون راجلي...
صراحة ... بعدت
على يعقوب حيت حسيت راسي معجبة بيه و كتر ملي كينصحني فدين... مي الصدمة لكبيرة
فاش عرفت مشا خطب عائشة ):
و تما عرفت قصة
د الاسلام ديالهم كانو بجوج ... كانو كيبغيو بعدياتهم قبل الاسلام و كانو كيبحثو ف
دين بجوج حتال قتانعو و أسلموا... وتفارقوا ملي عرفو حرام تكون علاقة بيناتهم من
غير الزواج و تواعدو باش يحافضو على راسهم حتال يمشي يخطبها...
قصتهم اترات
فيا... برغم من إعجابي ب يعقوب... فرحت ل عائشة حيت هي صديقتي لي عاوناتني...
للأسف مانحدرش
لعرسهم لي غيكون شهر جاي حيت خاصني نرجع المغرب...
خاصني نصلح
علاقتي مع واليديا...
خاصني نصحح
أخطائي...
عمي لي كنت
عايشه معاه استغرب بزاااف التغير لي طرا عليا و قالي : انت عكس الناس ...كيجيو
بنات محجبات و دايرين فيها مسلمات بوصلو هنا يحيدوه مي انت غيرتي الموازين غترجعي
لبلادك و انت أجمل...
كلمات دخلات
قلبي فرحت بزاااف حيت كان بحال بابا هنا واخا علاقتي ب بابا عمرو ماكانت مزيانه هو
عاوني و مرفدش يساعدني ويعلمني اي حاجة بغيتها نهار لي مكتكونش معايا عائشة....
أنا متوترة
بزااااف و فرحانة... خايفه من ردة فعل واليديا ملي يشوفوني ب لوك جديد و فرحانة
حيت غنشوفهوم من بعد عام د لفراق
..
نخليكوم دابا
...وصلت المغرب
17-
الله على ريحة بلادي
توحشتها
خديت حوايجي
وكنتمشى ف لمطار كنقلب على ماما وبابا فين نلقاهوم...
ها هوما
لقيتهوم...
وقفت عليهوم
... عيني عامرين دموع ماعقلونيش
سارة (عنقت
ماما وكنبكي) : ماماااا توحشتك بزااااااف
الأم : سارة
بنتي حبيبتي... الله اكبر يا لحبيبة دياليي هادي نتيي.... كتباني بحال شي ملاك
الغزالة ديالي...
من بعد تعناق
طويل و لبكا لي مكيتقاداش
مشيت عند باباا
لي كان واقف بعيد
مشيت عندو
كنجري و عنقتو
سارة :ابا
سمحلياااا سمحليااا بزاااف... تالدابة لي عرفت علاش كنتي تغوت عليا... على مصلحتي
أنااا ... سمحلياا حيت عصيتك...غوت عليك وعصبتك....
الأب: يابنتي
صافي باركا ... انا مسامح ليك... مسامح ليك... لمهم رديت بالك وفهمتي كلامنا...
كان تجمعنا
كولو بكا و دحك طريق كلها كانعاود لهوم على كيدرت تبدلت و واعدتهم نعلموهم اي حاجة
عرفتها جديدة...
وصلنا لدار
عرفت بيلي لعائلة كلها مجمعة ... ماعرفت ردة فعلهم كي غتكون لمهم بسم الله
مع الدخلة د
دار جا ولد خالي يعنقني و بعدت عليه انا : سلام محسن سمحليا مكنسلمش على الرجال
محسن : هاي هاي
مشيت لميريكان و رجعت فقيهة هههه واخا زيدي
دخلنا لدار و
جاع لي كانو تما كيشوفو فيا بنظرات مختلفة شي كيقول سبحان الله يهدي من يشاء ... و
شي كيشوف فيا بنظرات استحقار و كيقول دارت لحجاب باش تخبي فعايلها ):
*وقفة:المجتمع ديالنا مكيخلي
حد ساكت و في بلادنا السعيدة أي حاجه درتيها را ماشي هي هاديك
ناخدو مثلا
لبنت إلا كانت لابسة لباس بين قوسين (متبرجة) بنادم مكيعرفش غض البصر لا هو تم
يتفرج و يقول ليك مامربياش ....
18 -
و من جهة اخرى إلا لبنت
لابسة طويل و ساترة راسها و حتى فهاد الحالة بنادم حاديك كاين ليقول را معقدة و
داكشي متخلف و لوقت تبدلات (هاد لوقت تبدلات خاصها جلسة طويلة) و كاين ليقول را
داكشي غير مظاهر و باش تبان مؤمنة ...إلخ
إذن في جميع
الحالات بنادم را يحديك يحديك دونك شنو تختاري انتي ؟
ليخاص تختاري
هو ماشي ديري لحاجة حيت كلشي كيديرها او حيت بنادم غيشكرك او... لا خاصك ديري
لترضي بها الله عز و جل و فهاد الحالة را باين شنو هو الاختيار المناسب و خا
لمجتمع مكيساعدش.... *
ما تسوقتش
لهدرة د لعائلة ديالي و أصدقائي لقدام لي تلاقيتهوم و رجاء منهم ... كلشي استهزء
مني و عايرني و اعتبروني لابسة حجاب باش نخبي شي فضيحة درتها ... و بزاف قالو راها
حاملة و بلا بلا... مارديت على حد و خليتهوم يهدرو...
بديت حياتي مع
واليديا لي راضيين عليا و الدين ديالي لي كان حافظ عليه
ديما راني
كنهدر مع عائشة لي توحشت الصحبة ديالها بزااف و را ها تزوجات وكتسلم عليكم...
من بعد أشهر من
رجوعي من أمريكا وبحث طويل على لخدمة لقيت لخدمة لي بغيت و استقريت ... كان لمشكل
ف شركات مكيبغيوش يخدموني رغم سي في ديالي لي عامر و إمكانيتي هو لباس يشوفوني
لابسه عبايا و كيرفضوني بغاو هو تصويرة و دبكور فاش يتفرجو... الله يهدي ماخلق
مافقدتش الامل
وديما كنت ندعي الله يجيب لي لي فيها الخير
تقبلت ف شركة
من اكبر الشركات ف بلادنا وبديت فيها لخدمة و ماعندي تا مشكل...
كانت علاقتي مع
الرجال محدودة و بزاف كيعيطولي غير لالا لحاجة و جوابي ديما كان : ياااه كنتمنى
نحج دعيو معايا...
اما الناس لي
كانو كيقولولي لحجاب كيبينك كبيرة إوا لبسي كسوة طويلة بدلي لعبايا...جوابي ليهوم
كان : بصح انا كبيرة عند الله عز وجل حيت قربني ليه و ختارني نلبس حجاب ب شروطه
19-
كلشي تاقلم مع شخصيتي
جديدة واليديا تبدلو و عائلتي مابقاوش يهدرو و وليت مثل عند البعض و أعوذ بالله من
الرياء ....
حياتي لحد لهنا
تبدلات لأحسن كلشي كان مزيان ...
حتال واحد ليلة
جلسات معايا ماما وقالت: بنتي سارة دابا انتي حمد لله ربي هداك و لخدمة لقيتيها و
جاع لي بغيتي ربي عاونك و درتيها خاصك غير تسمعي هدرتي هاد لمرة و توافقي
سارة : علاياش
نوافق ا ماما ؟
ماما: دابا
انتي عندك 24 عام وهو سن لمناسب لزواج ... بلا ماتقولي تا حاجه راه ماكين تا سبب
ترفضي وراجل كاين وباباك موافق خاصك غير تقبلي انتي
سارة : ماما...
و لكن انا مابغيتش نتزوج بغيت نزيد نتعلم على الدين ديالي و مابغيت تا حاجة تلهيني
(بدات تبكي)
ماما : بنتي
حنا دابا كبرنا و ليوم حنا معاك و غدا الله اعلم
سارة : الله
احفظكم ليا ماتقوليش هاكا
ماما : هادي
سنة لحياة ا بنتي و انتي عارفة كتر مني... و زواج ماغيلهيكش على دينك بلعكس ...
غاتعاونو بزوج باش توصل لداكشي لي بغيتو
سارة : ماما
... انتي عارفة بغيتو يكون ملتزم... كيصلي و...
ماما : سمعي
ابنتي را باباك ماقبلو حتال عرف شنو فيه ...وراه ولد عمتك عبد الله
سارة : شنووو
!!! لاا ا ماما انتي عارفاني كنت ديما كاندابز معاه و هو مكيحملنيش !!! كيفاش بغا
يتزوجني
ماما : اشمن
مكيحملكشي يا بنتي ... لمهم نودي استخيري و يكون خير عطيلو فرصة ياك انتي لي
كتقولي "عسى ان تكره شيء و هو خير لكم"
سارة : واخا ا
ماما غادي نصلي لاستخارة مي إلا مارتاحيتش غنرفضو
ماما : واخا ا
لالا ... اه راه جايين غدا
سارة: يا ماما
ديما كتصدميني ... خليهوم إجيو صافي
هدرت ماما
صدماتني وحسساتني بيلي بابا قالهم راني موافقة صافي
...
ندت صليت ليلة
كلها و انا كنستخير لعل الله يبعدو عليا إلا فيه شر...
20-
فقت لغد ليه معطلة...
لبست فيساع و
مشيت هابطة كنسمع ماما كاتقول وا اجي تاكلي را ماكليتي تا حاجه من لبارح...
ماسمعتش عندها
و هبطت كنجري...
فواحد اللحظة
تكربعت فعباياتي و حسيت راسي كنطير و طحت على شي حد و سخفت...
فقت فلبيت
ديالي و ماما واقفة لي عند الراس....
سارة : شنو وقع
لي ؟
ماما : وا نتي
مكتسمعي لهدرة ما واكلة والو و كتجري من لفوق ... ربي ستر و جا عبد الله شدك...
واخا قتلتيه فيدو هههه
سارة (تقلبات
جهة لوخرى و هي تشوف عمتها حفيظة ماين عبد الله) : عمتي إمتى جيتي
عمتي حفيظة :
ههه يالاه وصلنا واهنتي تشوفي جينا نشدوك لا طيحي ههههه
سارة : هههه
شبعتو عليا دحك ياك (نادت و حسات لفولار طاحت) شكون حيدلي لفولار ماما؟
ماما : وانتي
هاماك لفولار را كنتي كتموتي فكيتهالك انا و عبد الله غير حطك هنا و خرج ماتخافيش
... هاكي كولي دابا و سكتي
سارة : طلابتك
اوامر ياست الكل ههه
بقيت كناكل
وهوما خرجو سمعتهم كيهدرو مع عبد الله برا ... اووه اش هاد لموقف لي تحطيت فيه
معاه
كملت قاديت
لباسي و خديت صينية و خرجت ... لقيتهوم كاملين فلكوزينة
سارة :
(ابتسامة خرجات بسيف) شكرا عبد الله
رمز تعبيري (ماخلاتوش يرد عليها وقالت) ماما هاني مشيت را تعطلت
عمتي حفيظة :
عبد الله ... ولدي سير وصل سارة لخدمة
سارة : لا بلاش
ا عمتي نمشي بوحدي
عمتي حفيظة :
سير انت معاها متسمعش عندها
عبد الله مادار
حتى شي ردة فعل غير حرك راسو ب اه
مشينا هابطين
فدروج ماهدرش معايا جاع
ملي وصلنا
لشارع
عبد الله : اجي
سيارتي راها لهيه
سارة : لا بلاش
غنمشي ف طوبيس
عبد الله :
كاينه سيارة علاش تمشي ف طوبيس ؟؟؟
21-
سارة (تقلبات و بغات تمشي)
: مانقدش نركب معاك بليز فهمني
عبد الله
(بضحكة استهزاء ) : ههه موالفه طلعي غير مع صحابك و جايا ديري عليا أنا محترمة...
ماشي عليا
سارة تقلبات
عندو و عينيها عامرين دموع شافت فيه و مشات ركبات فطوبيس و هو تبعها دوزات نهار د
لخدمة و ملي خرجات لقاتو كيتسناها عند لباب
رجعات لدار و
هو موراها ماهدراتش جاع معاه
دخلات لقات واليديها
و عمتها جالسين مجمعين غير دخلنا وهوما يطلقوها بتزغريته
سارة : ماما اش
هادشي انا باقي ماموافقاش
عمتي حفيظة :
اش كتقولي يا بنتي هو كاينة لي ترفض ولدي
بابا: راها غير
كتدحك ... سارة اش هاد دحك لباسل ... اجي معايا
دخلنا لبيت انا
و بابا وبدا يهدر
بابا : بنتي
شوفي أنا عارفه شنو بغيتي و ولد عمتك فيه جاع لمواصفات لي بغيتي و ماغتلقايش احسن
منو راه انا لي مربيه
سارة (كتبكي) :
بابا ولكن را راه كيعايرني بلماضي ديالي... انا عارفة كنت خايبه و درت بزاف د
لحوايج مانتغفرش عليهم ... مي انا تبت دابا علاش ناخد واحد مكيبغينيش
بابا: لا حبيبة
راه غير ماعرفش شنو واقع ... و عمرو يجبدليك هاد لهدرة... شفتي بنتي راه هو لي
غتلقاي يعاونك باش تزيدي تعلمي على الدين و احسن واحد تكملي معاه حياتك
سارة (حسات
بيلي راي ديالها مايبدل والو وقالت) : واخا ا بابا لي بغيتو هي لي تكون
بابا : الله
يرضى عليك ا بنتي
خلاني بابا
فلبيت و خرج قالهوم بيلي راني قابلة وكملو سهرة مجمعين و كيدحكوا اما انا مالقيت
لمن نشكي من غير الله....
دازت لمدة د
لخطوبة بسرعة من بعد مادرنا غير عشا للعائلة بعد لاصرار ديالي منركبوش لخاتم حداهم
حيت اكيد منخليهش يركبهالي راه باقي غريب وانا مكنسلمش على رجال
هاد لمدة د لخطوبة كلها و انا كنصلي صلاة الاستخارة لعل الله يجيب شي حاجه
يفارقنا مي لعكس مرتحه
