قصة لعبة القدر

قصص بالدارجة المغربية : قصة لعبة القدر

قصة لعبة القدر

احلام بنتي هاد الاسبوع بادن الله غا تمشي لأمريكا تكمل قرايتك تما ومنها تنساي شوية..
لمحت ليه برأس تاعي بأنني موافقه قمت ومشيت لبيتي وجلست قدام لمرايا وبقيت نسترجع في الأفكار واجمل للحضات الي قديتهم مع أيمن ...
آه يا أيمن توحشتك بزاااف احبيبي الله يرحمك تمنيت كن مت معاك في هداك الانفجار
وهو يرجع ليا هاداك السيناريو تاع الحادت كلو
كنت أنا وأيمن حبيبي في المول كنتسوقو ومعانا جنات ختو كنا فرحانين بزاف فجأة هوا يجيه اتصال شاف فينا بعمق ومسك يدنا ولا ك يجري وحنا ما فاهمين والو خرجنا ورجع فحال لنسا شي حاجه رجع غير تحنا بغا يهز واحد العلبة صغيره وهو ينفجر المكان لااااااحلام احلام مالك ابنتي صافي متخافيش هانا حداك
..ماااامااااا اهئ اهئ اهئ اهئ اهئ اهئ اهئ ... ايييمن ماااات قدام عيييينيييي
...صافي ابنتي الله يصبرك وتنساي ويجيب لك شي ولد لحلال الي يداوي جروحك
...لاا عمري منرتابط ولا غنرتابط بشي حد من غييرووو ......يتبع

كيف العاده مجانيش النعاس بقيت فيقا نتفرج في الصور تاع البطولات ديالو هو كان محارب في الجيش كان يدافع على أرض الوطن انا الحاجه الوحيدة الي مفهمتش هي هداك الاتصال شكون تاصل بيه ؟؟بقات أسئلة كتيره في دماغي حيراتني ملقيتش لها أجوبة
مع 6:54 دق دق دق دق ..ادخل را الباب مفتوح.
..أحلام بنتي ياله نوضي ولبسي وتقادي را مع 8:00 غا تمشي لماطار ..
..مغنقدرش نمشي أماما منقدرش حيت انا عايشه في الدكريات ديالنا كندير نمشي ونخليهم
..قربت ليا وعنقتني وقالت ليا
..ابنتي إلا كل واحد تحقق ليه هداك الشي الي حلم بيه مغتبقاش شي حاجه سميتها الحياة را الحياة ابنتي هي المشاكل والتضحية ...
..شفت فيها وانا نقول لها ..المهم هو أنك تزوجتي بلي حبيتي ..
..ااااه شكون قال لك ان انا حبيت باباك من اللول ..بالعكس را حتى ولدتك انت عاد بلشت نحبو باباك كان من أقصى الرجال لاكن دابا الحمد لالله اقتنعت بيه وحبيتو انا نقول لك ابنتي الحب الأول عمرو ميفوز ديما كمشي والوقايع مختلفة انا نخليك دابا تقادي ولو غير نهار واحد ورجعي كيف كنتي
..بقيت مصدومة في ماما وانا نشوف وجهي في المرايه ولا شاحب والسواد تحت عيني تصدمت من هاد الحاله دخلت دوشت وسرحت شعري ولبست واحد الكسوة في الأسود وعملت شاpوو اسواد ونضارات سود كلشي اسود حيت غانحزن عليه والاوان عمري منلبسهم
هودت مني شافني بابا وأخيرا بنتي رجعت كيف كانت زوينا
..تبسمت ابتسامة حزينه وبركت نفطر
ياله ابنتي ليوم غنوصوك انا وماماك نتوادعو معاك
مجاوبتوش ركبت في السيارة مع ماما في الخلف وبابا جلس مع الشيفور في القدام تلفت وبقيت نشوف من الزجاج الخلفي كنشوف في القصر تاعنا واش غنرجع ليه ولا لا ...
وصلنا للمطار كنت تاخرت سلمت على ماما وبابا والدمع في عينيهم اما انا فعينيا نشفو شحال هادي بابا عنق ماما وبقاو يلوحو ليا بأيديهم حتى دخلت من الباب الدي يفصل بين المطار والطائرة
دخلت الطائرة كان المقعد تاعي حدى واحد البنت تعرفت عليها وبقينا ندويو وانا نسولها على أمريكا بقات توصفها ليا وهي تقول لي اجي معمرك جيتي لأمريكا قلت لها لا وهي تقول لي نتمنا نكونو صحابات ونساريك نيويورك كلها وافقت على عرضها وهي تقول ليا فين غاتسكني قلت لها انا في دار بابا تما وانت قالت لي أنا عندي داري بقينا ندويو حتى مشعرتش بالوقت وصلنا لأمريكا مني خرجنا من المطار قالت لي أنها عندها حفلة استقبال ومرحبا بيك عندي عطاتني العنوان ومشات وهو يجي عندي واحد الراجل كبير شويه في السن سلام االالا انا سائق تاعك اجي تفضلي نوصلك لبيت تاعك ركبت في السيارة طول الرحلة وانا نشوف فهاديك لبنايات حتى وصلت إلى المنزل ديالي وتما غا تبدأ قصة جديده

دخلت المنزل تاعي عجبني ولاكين كبير علا وحدة وحدها دخلت لبيتي شفت أن الوقت تأخر بغيت ننعس و هو يصوني لتيليفوني
الووو الو سلام أنا ريحاب الي تلاقيتي معاها اليوم في المطار
ااااه رحاب لباس عليك
لباس شوفي واش مغتجيش را لحفله بدأت
اااه نسسسيييت انا نجي
ياله نتسناك
Ok
لبست واحد الكسوة قصيرة في الأسود وواحد السباط في الأسود هزيت شعري لفوق وعملت ضلال اعين في الأسود وعكر في الزهري الفاتح جدا المهم هو انني لبس كلشي اسود
وصلني الشيفور للمكان كانت الموسيقى صاخبة دخلت وانا نلقا غير البنات والشباب أصدقائها غير شافتني وهي تجي عندي
..وا فين اصحبتي تعطلتي بزاااف مي ماش موشكيل اجي نعرفك على اصدقائي
عرفتني واحد واحد عليهم كانو من كل أنحاء العالم وقالت لي أن باقي واحد ال صديق تاعها مجاش هو فحال خوها لاكن هندي زوييييين هاد الشي الي قالت
جلست في واحد المكان كتفرج فيهم يرقصو شويه كتبان ليا ريتاج ك تجري للباب اكييد هداك الضيف تاعها جا ..
مديتهاش فيها وبقيت نشوف في الجهة الأخرى وهي تقربو وانا ساهيه حطت أيدها على كتفي
احلام ك نقدم ليك جاي هزيت عيني فيه وانا نتصدم
احلام مالك مالك احلام وانا نغوت لاااااااااااااااااااااااا ااااااااااااااااااااع ااا ميمكنش غبت عن الوعي حتى لقيت راسي في المستشفى وريتاج حدايا

غير فقت وانا نتفكر اش وقع
رتاج اه اه اه فين فين هوا .. وليت فحال لا كنقلب على شي حاجه
..تهدني مالك اش وقع ليك ....
..فييين هوااا
..شكون ؟؟؟
.هداك الولد الي كان معاك
..آه جاي مسكين را هو الي جابك المستشفى تخلع عليك
..شكون قلتي جاي
..آه جاي هو هاداك الولد الي عاودت لك عليه انه فحال خويا
..بديت نبكي حسيت أن أيمن رجع ليا رتاج مفهمت والو لاكن قررت أن نبعد على هاد جاي ومنقبلش ليه إلا بغيت نتحسن ..
خرجت من المشفى ومشيت لدار تكيت وانا نسمع الدقان في البيت ..ادخل لالا را جاو عندك شي ضياف
شكون هوما معرفتيش
لا الالا هادو واحد الولد وبنت
قول لهم يدخل
دخلت عندي ريتاج عنقتني وسولت على حالتي وقالت لي أن جا معاها واحد الضيف بغا يتطمن عليا دخل كان هو بقيت كنشوف فيه مصدومة سبحان الله العظيم تماما فحالو قرب ليا وكان ضاهر عليه ملامح الحزن
..رتاج...جاي هادي صحبتي احلام احلام هادا خويا جاي
قدم ليا ايدو وانا نتلاح عليه عنقتو مفهمو والو مساكن مني حسيت اني عيقت بعدت منو ومسحت دموعي
رتاج ...مالك اصحبتي ياك لاباس اش واقع ليك
لالا واالو غييرر وانا نسكت
غيير ااش
غيير توحشت خويا وصافي
امممممم خوك اوا الالا ياله معانا لحفله جاي الموسيقية رآه مغني
لبست كيف العاده كلشي اسود وخرجنا كانو البنات بزاااف تحت المنصة وكيعيطو جاي جاي جاي جاي غير طلع هوا وتزاد الغوااات
انا عجبني الحال وااو صوتو واعر بسيف ميعملو هديك الحاله
دازت أسبوع وحنا نتلاقاو حتى واحد النهار ريتاج كان عندها متيحان مخرجتش معانا خرجت غير انا وهو لحفلتو في جنب البحر كمل الحفلة وطلب مني نجلسو فوق السخر شوية وافقت جلسنا وهو ولا يقرب مني انا نسيت راسي بأن ليا فحال أيمن بقيت كنحلم بايمن حتى لقيت جاي مقرب مني وكيبوس فيا مني تدكرت انو جاي تصدمت وحليت عينيا بسرعه ورميتو كنت غنلوحو في البحر
نضت ومشيت كنجري وكنبكي وهو تابعني
احلام احلام .....
دخلت لسيارة ومشيت الحمد لله مكانش الشيفور كن قالها لبابا تبعني لداري انا طلعت لبيتي وخليت الباب مفتوح بلا منشعر
بقيت نبكي بهستيرريه حتى كنحس بشي حاجه شاده في كتفي ضرت لقيتو هو
احلام سمحي ليا مقصدتش لاكن مشاعيري اتجاهك قوية
ضرت عندو وقلت ليه استغليتيني واستغليتي ضعفي
انا مفهمت والو انا مستغليتكش
مشيت وجبدت الصور تاع أيمن لحتهم ليه على وجهو هاك شوف هاك

تصدم ولا يهدر بالهينديه نهي نهي لا يمكن مشا خارج مخلوع لمده سيمانه مبانش ليا وانا نهار على خوه نتفكر هديك القبله سولت عليه ريتاج قالت لي أنه مشا الهند عند والديه خديت نمرتو وتاصلت بيه الو الو جاوبتني مراه كتهضر غير بالهنديه نامستي ..نامستي عافاك دوزي ليا رج
بقات كتهضر بالهندي مفهمت والو شويه وهو يجاوبني واقله شافها معاقره معايا
الو احلام لباس عليك
اه الحمد الله فينك مغتجيش
لا باقي واحد الاسبوع جي عندي للهند باغي نعرفك على اهلي
انا ا نجي لهند وحدي
لالا جي انت وريتاج راها هي اصلا باغا تجي لعرس خويا
إلا هاكا واخا ok غدا نجي
ياله باي
تاصلت بريتاج وطلبت منها تسناي نهار غادا تمشي للهند باش نمشي معاها
فرحات وقالت لي أنها غدا غادا الحمد الله مني علمتها بكري
فقت في الصباح ولبست تاني الأسود لاكن هاد المره دخلت فيه عرف من الولو ابيض حملت الشانطه تاعي ومنسيتش القفطان المغربي سالبسه يوم العرس في الهند
وصلت انا وريتاج الهند كانت أول مره نشوفها لقينا جاي ملقي لينا هههه ولابس واحد اللبس غريب
ههههه جاي اش هاد الشي جات معاك العمامة والحيه ههههههه وا صافي اريتاج متفكرينيش را الأب تاعي الي أصر نلبس هاكدا وحتا انتوما إلا مشيتو هكدا يطردوكم اش هاد الشي معندكمش شي حاجه طويلة
ياله تشريو ساري ولبسه الحمد الله غير الخطبا ليوم
..اجي واش انت مسلم
يس مسلم من الكشمير
مشينا لواحد المحل تاع الساريات دخنا واااو ولا اروع خديت ساري في الأسود مرسع بالأحجار الكريمة ومعاه عقد ابيض من الألماس وبعض الحلي الهندية ريتاج تحب الشي المكشوف أخدت ساري تلات قطع مكشوف من البطن ههه تبدو جميلة به بعد التسوق مشينا البيت تاع هم كان متل القصور القديمة على حساب علمي انهم يسكنون قصور أجدادهم لأنهم من العائله الملكية دخلنا كانو بزاف تاع الهنود قدمنا التحية بالهندي فقال لنا يجب أن تاخدو البركات دهبت لتنحني رتاج انحنت كلها على بطنها ههههه الكل ولا كيضحك شدتها المرأة العجوز جدة جاي وعنقتها وباقت كتضحك
انا قلت لجاي مبغيتهمش يضحكو عليا قال لي أنا غنساعدك مسك يدي ومشينا عند هديك المرأة حط يدو على كتفي وقال لي انحني بغيت ننحني قال لي لا ماش هاكدا حط يدو على خصري انا حسيت بالبرد ولا قلبي يخفق يخفق بقوة اش واقع ليا

وقفت انا وريتاج وهما يدورو بينا البنات بزاف طلبو منا نرقصو معاهم انا قلت ليهم لا شكرا ريتاج عجبها الحال وشاركتهم الرقصه كانت كترقص زوين بزااف وانا بقيت نشجع فيها وكيف أي بلد فيه الباسلين اووف مالهم مكيحشموش ولا شنو الحفلة كاملا وهما تابعينا ويصفرو سلات الخطوبة والكل راح لبيتو وهو يجي عندي راج ..دق دق دق
ريتاج جيتي اجي عاونيني حلي هاد السنسله من بين كتافي را واحله قربت بصمت وحلات السلسلة تاع الساري وسكتات
اووه شكرا بزاف الحبيبة تاعي وحيدي هاد العقد تا هو
حيداات العقد ولا ضهري مكشوف بالكامل وإدا كنحس بقبلة مليئة بالحب قبله رومانسية بزاااف تصدمت تلفت بالزربه لقيتو هو
انننننتتتت اش كدير هنا
جرني لعندو حتى لتاسقت به وليت كنرجف خصوصا مني حاط يديه على ضهري المكشوف طططططلللقنييي اش كتدير
احلام كنبغيك بزاااف اعشقك وا بعد منييي اش كتدير غير بغا يحيد الشال وانا ندفعو
حيد بعد مني اش يصحاب ليك راسك اني مكنسواش بزاف عليك حتى تقرب ليا
اسف اسف كيسحاب لي غيعجبك الحال
شنو واش انت بعقلك ولا لا حتارم راسك
احلام انا كنبغيك ومنقدرش نعيش بلا بيك

دفعتو لبرا وبدلت حويجي ونعست في الصباح فقت وانا نلقا ريتاج واحد 2 بنات لابسين الساري بتلاته ههههه ضحكتني
البنات أرو داك الشي
اه هاكي جرتني من يدي وقالت لي اليوم لكساوي لا السراول لا كلشي لا الساري نعم ضحكت بزااف ولبست هداك الساري كانو فيه بزاف الألوان ومكشوف بزاف كان على شكل تنورة من الأسفل ووحمالات وشال معجبنيش قلت ليهم يعطيوني شي حاجه خرا مستورة فحال الي لابسين هوما مبغاوش قالو انهم جاهم صغير وانا الوحيده الي ضعيفه بزااف لبستو وخرجنا حسيت فحال ل كلشي تشوف فيا وانا نحدر الشال بزاف حتى غطا صدري المكشوف مني هودنا كلشي لعيالات ضارو بيا وولاو يحطو ليا واحد النقطه جيت عنقي قال لك باش تحجبني على العين جاي بأن ليا ودرت راسي مشفتوش تجنبتو وحتى هو مقربش لجيهتي جابو العريس وانا مني بأن ليا بنادم كتر طلعت لبيت وبدلت ولبست القفطان الي جبتو معايا لبست وتقاديت وهودت

مشيت جلست عاد وهو يجي جاي جيهتي شد يدي وطلع لمنصه العرسان وقال ليهم انو باغي يتزوجني كلشي حل فمو من هاد التصرف وخصوصا أن هندي يبغي يتزوج بمغربيه طلع باباه وخاد الميكرو وصرفقو اش كتقول واش حماقيتي انت مغديش تتزوج بمغربيه غادي تتزوج ببنت عمك لاكشمي
غوت بالجهد لاا لالالا انا مبغيش نتزوج بلاكشمي انا باغي نتزوج بأحلام وانا كنبغيها وغنتزوجها يعني غنتزوزوجها
غوت عليه باباه قال ليه لا لاكشمي هي الي غتكون مراتك اما هادي معرفناهاش حتى منين جايا وانا نغوت علي باراكا شكون يصحاب ليك راسك حتى تهيني انا بنت محترمه ونسمحش ليك تهيني كتر من هكدا صااافييي وانت شكون الي سمح لك تقول انك غاتتزوجني وشكون عطاك الموافقة
دفعتو وخرجت تعبتني رتاج طلبت منها تجيب ليا حوايجي غا نرجع لأمريكا غير دخلت وهو يخرج جاي احلام انا كنبغيك وعارف انك كيبغيني اكتر من حب ليا ليك
سكتت حيت فعلا كنبغيه ولاكين ميمكنش زواجنا مستحيل
مسك دي وقال لي قولي قولي غير مرة انك تبغيني عاافاك
حيدت ايدي وقلت ليه بعد مني ونساني انا مكنبغيكش تلفت وحملت الشنطه تاعي بعد ما جابتها ريتاج وبدأ الدموع ينزلو مشيت متلفتش واحد اللحضه سمعت احلاااااااام تلافت لقيتو هاز المسدس وحاطو على قلبو
احلاااااااام كنبغييييك والا مبغيتيش تكوني معيا انا معنديش لاش نعيش كلشي خرج ل عندنا لأن الغوات كسر الدنيا انا تصدمت وبقيت نشوف وهو يرمي الرصاصه في جيت قلبو لاااااا جا اااي كنبغييك, متموتش عافاك جاااااي لاااااا أيمن مات متخلينيش حتى انت جااااااي تاصلو بالاسعاف وداوه الطبيب خرج عندنا وقال الرصاصه جاتو في مكان القلب لاكن هو قلبو في جهة اليمين

احلام احلام جاي فاق فاق
واااش بصح! .
مشيت كنجري لعند جاي كانو ضايرن بيه وانا ندخل لعندو شافني وهو يبتسم مسكت ايدو وقبلتها حسيت بالروح رجعت ليا تان باباه جرني وقال ليا بعدي على ولدي وميبقاش تقرب ليه
وهي تجي ماماه وقفات في وجهو وقالت ليه ..
انا ولدي 25 سنة وانا نربي فيه وفي لحضه كنت غنخسرو وانت دابا باغي تقتل ولدك مره تانيه
هز يدو بغا يضربها وهي تشدها ليه
صاافي مليت منك ومن أفعالك ومن الاهانه ديالك انا بالنسبة ليا ولدي أهم منك ومباغاش نخسرو مره اخره بغا يتزوج بأحلام غا يتزوج بأحلام ومغيكونش نقاش في دالك
كانت كتبان فيها القوه في عينيها انا تصدمت وبقيت نشوف
معاودش الهضره وخرج وهو ما حاملش رأسو
شدتني من ايدي ودخلتني عند جاي حطت ايدي على يدو وقالت جاي لإحلام وأحلام لجاي

كلشي فرح وعجيبو الحال وانا وجاي بقينا ماسكين ايد بعضنا فرحنا بزاف وهو يصوني التيليفون
الو الو بابا ياك لباس اش واقع
..اجي انت فين كاينا
.اااانا اهههههه انا عند صاحبتي
..وهاد صاحبتك فين كاينه
..اهههه في الهند
..شنوووووووو واش تسطيتي ولا باغا تخرجي ليا لعقل
..بابا انا مشغولة ومغنجيش لأمريكا غا نبقى هنا
..اوا هانا انا وماماك جايين عندك
.آه ok جيو
وصل بابا لمطار وساقبلتو

مشينا المشفى مفهم والو دخلتو للغرفه عند جاي قدمت ليه أم جاي التحية بالهنديه ردها عليه بابا انا وجاي كنبغيو بعضنا وباغين نتزوجو
شنوووووووو واش باغا تضحكي فيا المغرب كلوووو واش تسطيتي ولا خرج لك العقل
بابا انا وجاي كنبغيو بعضنا وغنتزوجو سواء قبلتي ولا لا
خرجني لبرا وقال ليا شتي هاد جاي تاعك إلا بقيتي تابعاه غنقتلو كيف ما قتلت أيمن واش فهمتي
انا تصدمت وبقيت واقفه في بلاصتي
ااااااش كتتتتتقووووول انتتتت الليبي قتتتلتي ايمممن؟؟؟
اه انا والا مسمعتيش كلامي غنقتل هاد جاي حتى هو انت غتزوجي بولد السي حميد الشريك ديالي انا باغ نزوجك بيه وراه دوينا في الموضوع شحال هادي واش فهمتي يله زيدي قدامي قال لك باغا نتزوج بهندي
انا مقدرت نعمل والو مشيت مع بابا وخليت احلامي مع جاي ورايا
رجعنا المغرب ورجعت ليا نفس الكآبة مره اخره

جا سي حميد وولدو لعندنا دواو مع بابا وكيف العاده بابا بزز عليا نهود هودت عندهم وجلسوني حدى هاداك ولد سي حميد حدرت راسي ومشفتش في وجهو كان كيبان ليا غير صباطو كان كيلعب برجليه بزاااف فحال لا متوتر قراو الفاتحة وقرر بابا أن الخطوبة بعد أسبوع اما العرس في الشهر الجاي ولا كل نهار يجي لعندي هداك الولد كانت سميتو حسام وليت نخرج معاه بزز مني حيت بابا الي طلب هاد الشي كان كيبغي يتقرب مني وانا ك نبعد والا مسك ايدي نجمعها بالزربه

هو كان كيبان ليا كتقلق من هاد التصرفات لاكن انا ميهمنيش الي يهمني هو أن بابا ميعملش شي مشكل لجاي
واحد النهار بغا يتقرب مني كان باغي قبله لاكن انا رفضت وهو يقول لي ok على راحتك لاكن غايجي النهار الي غندير الي بغيت ومغتمنعينيش ..
هو كان باغي ياتر فيا بكلامو بغيت نواجهو
ضرت لعندو وهزيت عيني فيه كانت أول مره غنشوفو مباشرة
شوف انت انا مغنكونش ليك وعمرك ما تحلم حنى غنتزوجو في الوراق صافي
ابتسم ودوز ايدو على وجهي
وأخيرا قبلتي تشوفي فيا
وانا نحيد ليه ايدو بعد مني شكون انت الي تقرب مني
هههه راجلك احبيبا
متبقاش تقول ليا حبيبا نضت وبغيت نمشي وانا نزلق بواحد الصخرة شدني ومخلانيش نطيح كنت قريبه منو بزاف بقيت نشوف في عينيه كانو كيلمعو وقال لي شتي كن بغيت دابا ناخد الي فبالي لاكن لا انا نخليها حتى لشهر الجاي باش يزداد الحب والشوق دفعتو وقلت لو في احلامك

وقف وحل ايديه وغوت بالجهد احلاااااااام كنبغييييك وغيجي النهار الي غتكوني ليا تلفت ليه حيدت صباطي ولحتو عليه قلت ليه في احلامك
تبسم ودوز ايدو على راسو وبقا كنشوف مشيت لدار دخلت لبيتي معصبه بقيت نتفكر اش وقع مشعرتش حتى بديت نضحك مني تفكرت اني لحت عليه صباطي
دخلت لحمام ندوش خرجت لقيتو في البيت
اااانت شنوووووووو كتدير هنا مكتعرفش تدق قبل ما تدخل لبيت شي حد
اه كنعرف لاكن بغيت نتعود مندقش الباب وانت في الغرفه ديالنا
دفعتو وقلت ليه ياله ياله خرج خرج باغا نلبس حويجي
غير لبسي احبيبا متخافيش نغمض عينيا سرفقتو وقلت ليه خرج متحشمش
..كين شي حد يحشم من مراتو
..ياله خرج ولا نعيط لبابا ..باااااابااااا
لااا لاا عافاك إلا باباك را كيخلعني
لا غير بقا يا ك انت راجلي معندك مناش تخاف باااابااا
صافي صافي انا مشيت
ههه بقيت كنضحك بزاف شحال هادي مضحكت هاكدا هو الصارحه ضريف ودمو خفيف
لبست حويجي وخرجت لقيتو باقي قدام الباب
ااا انت باقي هنا
را منقدرش نمشي ونعطيكش الحاجه الي جيت على قبلها
شناهيه ارا نشوف اممم شي عقد ولا براصلي
لالا في احلامك هاداك الشي من بعد الزواج انا را جبت لك فرده صباطك را خنزت ليا الطوموبيل
شنوووووووو را صباطك الي خانز اما صباطي بزاف عليك
هههه احبيبا متقلقيش غير كنضحك معاك هاكي ها هو
شكرا مي لحت الفرده التانيه يعني غير لوحها مبغيتهاش شكرا
اوكي تخرجي معيا نشريو لخواتم را غدا الخطوبة

لا شكرا مبغيتش غير سير انت اشري لي عجبك
اوا ما بغيتيش على راحتك
مشا هو وانا دخلت لبيتي تاصلت بريتاج
الو رتاج عافاك طمنيني على جاي
شوفي احلام جاي تزوج بلاكشمي ورا قال ليا انو نساك حيت كنتي خاينه
رتاج يمكن ليك تجي المغرب
علاش اصحبتي
عندي الخطوبة
سمحي ليا منقدرش را عندي امتحانات
صافي واخا امتحاناتك هوما اللولين
سمحي ليا احلام مشغوله دابا من بعد واحاكيك
Ok bslama
حسيت بها كتهرب مني مباغاش تدوي معايا
وهي تجي عندي ماما
احلام را باباك قرر اليوم تكون الخطبة وضريب الصداق ومن بعد العرس
أشرت ليها براسي بأني موافقه
قالت لي بأنه اخت حسام غتجي تعاوني باش نتقاد
قلت ليها واخا
نزلت ماما وهي تجي عندي واحد البنت
سلام أمرت خويا
.بغيت ناكلها على هاد الكلمه لاكن تمالكت نفسي وبتاسمت ليها ابتسامة صفرى
عاونيني باركه من الهضره من بعد ندويو
..أااا واخا
قادتني مزيان غير سالات وانا نقول لها ياله بسلاما باغا نعاود واحد الاتصال
Ok ختي بسلاما
اووف وأخيرا تهنيت منها شحال فيها تاع الهضره مكتساليش

بعد ساعه كنسمع الزغاريت تاع جدة
وهي تجي عندي ماما اجي ابنتي را كنتسناو فيك التحت
هودت مع ماما وجلسوني حدا حسام
سولو العدول واش موافق جاوب بالزربه
اه موافق.....
..وانت ابنتي واش موافقه
..بقيت كنفكر مترددة في الجواب واش نوافق ولا لا إلا متوافقتش بابا غيدير لينا شي مصيبه يقدر يقتلنا كاملين
هزيت عيني شفت في بابا شار ليا بأنك خاصك ضروري توافقي والا مغيعجبك حال
اه اه اه موافقة
دابا غتسينيو ليا هنا
حسام سينا وانا سينيت وادي يرجفو
عمت الزغاريد المكان والكل جا يبارك لينا
دازت السهرة بغيت نمشي لبيتي وهي توقف ماما قدامي
اجي فين غادا
غادا لبيتي كين شي مانع
لا مي غادا تمشي مع راجلك شوفي را كلشي مشا وهو يتسنا فيك
ضرت لعندو لوح ليا بايدو وبتاسم
اوووف شحال كنكره هاد الابتسامة
ماما خليني ندوز عافاك ولا مغيعجبك حال
إلا هي لا مغتمشيش لبيتك سيري مع راجلك واش فهمتي
جا عندي هو ومسك يدي لغزاله ديالي ياله نمشيو لدارنا
شوف انت مباقيش تقول ليا ...هي تقاطعني ماما شدتني من ودني شوفي نتي نيت هادا راجلك ومن حقو يقول لك الي بغا
أي أي طلقيني را وعتيني
سمعي نقول لك غاتمشي مع راجلك
واصافي غير طلقيني ونمشي
اوا دابة مزيان وليدي حسام دي معاك هاد العفريته وحضي اتهرب غمزاتو وغمزها شدني من كتافي وقال لي ياله احياتي مباغاش تشوفي دارنا بغيت نحيد ليه ايديه وهي تخنزر فيا ماما

ركبت في الطوموبيل وبقيت نبكي مسك يدي وقال لي متخافيش
وا بعد مني مكتفهمش .
لا مكنفهمش انت دابا زوجتي ومن حقي نشد ايدك وندير لي بغيت
لا ماش من حقك
لا من حقي .
بقينا نتجادلو حتى وقفت الطوموبيل قدام واحد الفيله
دخلنا وجا الشيفور خاد السيارة
اوا امرأتي العزيزه كي جاتك دارك
فيله بابا حسن منها
واخا غير دخلي بغيت ندخل وهو يقول لي تسناي بلاتي
اشنو عود تاني مغتدخليش برجليك
شنو باش غندخل بيدي
هههه لا غنهزك
لا لا واياك
مغنتشاورش معاك بسرعه البرق هزني وانا بقيت نغوت لالا حطني وا بعد مني قربني منو بزاف وقرب ليا باسني من الجبهة وقال هادي اول بوسا
بقا مدخلني وانا نطلب منو ينزلني مبغاش وهو يقرب تاني باسني من الخد هادي تان بوسا
وا نزلني عافاك وبارك لا مازال ما ساليتش
طلعني وهو هازني وقف عود تاني باسني قريب من فمي وقال لي هادي تالت بوسه
بأن ليا فحال لبغا يزيد فيه عافاك نزلني صافي
لا احبيبا هاحنا قربنا وصل لواحد البيت حلو ودخل وهو هازني ودابا آخر بوسا هاد المره باسني من فمي صرفقتو وقلت ليه صافي باركه نزلني
نزلني حليت الباب وخرجت من البيت
اجي فين غادا
وانت مالك ياله بسلاما بسلاما

مشيت لبيت آخر لقيتو مسدود مبغاش يتحل
حليت البيت لآخر حتى هو مبغاش يتحل
ولا بيت بغا يتحل
عافاك عطيني السوارت باغا ننعس بقا مربع ايديه وشار ليا براسو بأنه مغيعطينيش
عافاك شار ليا براسو يعني إلا
اوا غنمشي ننعس في الصالون
لالا إلا جات ماماك ولقاتك ناعسه في الصالون غتعمل لك حالة
صافي واخا صونا التيليفون
الو ماما شوفي انت إلا مخليتيهش قرب ليك باباك را يقتل هاداك جاي تاعك
ولاكين أماما
شوفي انا علمتك وها هو حدايا و ك يسلم عليك
عيوني عمرو دموع
حسام ..ياك لاباس احبيبا مالك
..لا والو باس
قرب مني ومسح دموعي عنقني وقال لي متخافيش مني
دخلنا لبيت طلبت منو نجهز راسي بغيت نبدل حوايجي قال لي راهم فى الخزانة ولاكين بلاش متبدلي انا باغيك فحال هاكدا قرب مني كتر فأكثر فأكثر انا معطيتو حتى حركة كنت بارده الإحساس حسيت بحاجة وحدا هي كان سكين دخل فيا وهادي باش وليت حقيقة مراتو
انغمرت بالبكاء هو مفهم والو لاكن انا قلبي كان تيتحرق معنديش حض فى الحب حبي الول بسبب بابا فقدتو وحبي التاني بسبب بابا فقدتو وهادا بسبب بابا قرب مني
كنكرهك أبابا كنكرهك
حسام بقا كيدهن فيا مفهم والو لاكن انا مسكتش من البكاء بقيت نبكي حتى اغمي عليا

في الصباح الأشعة تاع الشمس ضربت في وجهي فقت لقيتو هو الي كيحيد في الخوامي كان لابس سروال رياضي ومن فوق والو
انا غطيت راسي بالشرشف
صباح الخير امرأتي الحبيبة كي صحبتي
عافاك خرج باغا نلبس حويجي
غير لبسي احبيبا عاد را انا راجلك
واش مكتفهمش خرج هي خرج
خرج هوا وقال لي مني تلبسي عيطي ليا
Ok
مشيت خديت دوش سريع وحليت الخزانة ملقيتش فيها شي لباس محتشم لاكن عاد انا كنلبس فحال هاكدا
لبست وناديتو واش انت معندكش الدوق عيط لما تجيب ليا شي حاجه نلبسها باغا نخرج
صافي واخا
عيط لماما وجات لعندي ومعاها شنطه عامرة بالحوايج
سدت الباب وجات عندي اوا درتي داك الشي لي قلت ليك
خنزرت فيها
قلت لها وانت مالك
قالت
.شوفي فيا والله وما كنتي درتيها باباك يصيفط ليه واحد يقتلو
صافي را درتها
اوا الله يرضي عليك ابنتي هانا مشيت في العشيه جاين ل عندكم حنا وعائلة حسام وجدي راسك

مشات ماما وهو يدخل عندي حسام
حبيبا وجدي راسك غنخرج انا وانت نتغداو حدى البحر شرت ليه براسي موافقه
لبست واحد الكسوة قصيره وسباط وجمعت راسي وخرجت
اش هاد الشي
مالي
لا سمحي ليا متخرجيش هاكدا لبسي شي حاجه على الأقل تحت الركبة
را معنديش كلشي فحال هاكدا
صافي واخا اليوم نشري لك حوايج مستويين صافي ياله نمشيو
تسناي بلاتي
شنو
الكسوة حدريها شويه
ولاكن را هي كتلبس هاكدا
حدريها غير شويه وخا تقرب غير لركبا
صافي غنحاول
حدرت الكسوة شويه وخرجنا

مشينا المول شرا ليا شي حويج مستويين قال لي تسناي نمشي لحمام ونرجع عطيتو الموافقه ومشا
هوما يجيو عندي واحد الجوج
الزين واقف وحدك ياله معانا وكيطلعو ويهبطو فيا
انا وليت نهود في الكسوة لاكن بدون فائدة
قرب واحد ولا يلعب ليا بشعري محسيتش براسي حتى وليت نغوت حسااااااااااام
خرج كيجري من الحمام كان يلعب ليا بالشعر الي حدا ودنيا
درب ليه على كتفو غير ضار لعندو وهو يضربو لوجهو ناضت مضاربة كبيرة والمول كلو تجمع علينا
فاكوهم البوليس وهو يوقف هاداك السيد وبدأ كيضحك
هههههههههه الصاحب هادا هههههه ومسح الدم الي في فمو
حسام متحملش بغا يعاود يضربو لاكن شدوه
شوف حسن ليك غاتبعد على مراتي ولا مغيعجبك حال
ههههههه مراتك هادي عليها حالة مزوجا اشوف اسي إلا كانت مراتك سترها
معجبوش الحال شدني من يدي وقال لي زيدي قدامي شوهتيني ها علاش ندوي

طلعت لطوموبيل وانا نبكي قلت لو علاش كيوقع هاد الشي غير هنا علاش
قال لي من اليوم مباقاش تلبسي هاد البس
تفاهمنا صافي واخا
مشية الدار وجهزت حالي للسهره جات ماما وبابا وماماه وباباه وختو
جلسنا مجموعين وهي تجبد ماماه من واحد البزطام جبدت واحد الخاتم كبير قالت لي أنه هدا موروت العيله وخاصني نحافض عليه سالات السهره وكل مشا وطلعت لبيتي ننعس
في الصباح مشيت عند ماما وطلبت نبقا معاها بحجة نجهز للعرس وافقت دازت شهر وهو كيجي لعندي يوميا باش يشوفني انا ولا كيعجبني الحال مني نكون معاه

جا نهار العرس كلشي فرحان وحتى انا معرفتش اش وقع لاكن أعجبني الحال ولفت على حسام وولى كيعجبني هو زوين بزاف وضريف وانا عزيزة عليه .
تقاديت ونزلت مع النكافات ادا بالرصاص كيترمى الفوق وكلشي تخلع احللاااااام انا جيت نديك معايا كلشي ولا هارب حتى نكافات انا تصدمت وبقيت في بلاصتي كنشوف حسام جا يجري لعندي وعنقني
وقال لي متخافيش خباني وراه وقال ليه اش بغيتي هي مراتي وتزوجت بيا وانت مالك
قاليه سككككككت أحلام غا تزوج بيا أنا ودابا غاامشي معايا جاو الحراس تاع بابا وهددهم انه الي قرب منو غايقتلني

أحلام ياله تمشي معايا أحببا متزوج انا وياك دابا
حسام حط يدو على كتافي وقال ليه أحلام مراتي دابا تعطلتي
لااااااااا سكت وهو يضربو ليدو لي حاطها على كتفي
انا تخلعت بزااف وليت كنغوت وانا نمشي لعندو شوف اجاي انا تزوجت بحسام وانا كنبغيه نسيتك حيت مستحيل نتزوج لك
أحلام متقوليش هاكدا شوف اجاي را حبنا مستحيل وانا تزوجت بحسام يعني معندك ما تعمل
أحلام انا تشيني حاولت نقتل راسي على قبلك لاكن القدر باغينا نبقاو ب2
لا القدر عطاك فرصة جديدة باش تصلح اخطاءك جاي بسلامة مكنبغيكش
مشيت نجري لعند حسام وهو لاح السلاح تاصلو بالشرطة ودينا حسام المشفا اصابتو كانت قريبة من القفص الصدري الشي الي خلا العملية تطول وانا خايفة عليه بزاف بغيتو غير يخرج ونعتارف ليه بحبي
بعد 2ساعات خرج عندنا الطبيب سيادنا مبروك العملية نجحات انا بقوة الفرحة اغمي علي معقلتش على راسي حتى لقيت كلشي مجموع عليا ماما حسام فاق باغا نشوفو
جات عندي مامات حسام غير رتاحي الحبيبة ديالي متعبيش راسك يفيق حسام نجيبوه حتى لعندك
لا ميمكنش انا لباس علي اما هو مريض
جات عندي مما وقالت لي علاش خبيتي عليا
اش خبعت عليك إماما
انك حاملة
شنو ؟؟؟؟؟
كانت صدمة قوية مستوعبتهاش لا يمكن هو قرب مني مرة وحده بس فكيفاش هاد الحمل جا الطبيب ووضح ليا كلشي وعاد فهمت بأنه فعلا انا حاملة رغم أنه قرب مني مرة وحده صافي
فرحت بزاف وأخيرا غانولي أم حسام خرجوه من العناية المركزة ودخلوه لغرفة عادية دخلت لعندو وبقيت جالسة حداه حتى حل عينيه أحلام حبيبا انت هنا اه انا هنا وماش وحدي معايا واحد الضيف جديد
كيفاش مفهمتش
قربت منو وهزيت يدو وحطيتها على كرشي
را عارف احبيبا معندكش الكرش
اووووف غبي مكتفهم والو ولا كتعملها بنعاني
لالا فهمت احبيبا ولاكن ميمكنش
لا را شح ليا الطبيب كفاش تسنا نعيط ليه يشرح لك .
للالللللل مبغيتش أحلام كنبغيك ومني حاملة بولدي دأبا كنموت عليك
حتى انا احسام كنبغيك
اه وأخيرا نسمعها دابا بغيت بوسة ديما كتهربي مني وكتعطيهاش ليا
عنقتو وقلت ليه متصورش شحال انا كنبغيك
أي أي أي وعتيني في يدي
اه حبيبي سمح ليا لا منسمحش ليك حتى تعطيني لي قلت ليك عليه .
قربت منو ياله غنبوسو وهي تدخل الفرمليه احم احم

تعالج حسام ومشينا لدارنا وتما تصرفت عليه ميزان وراكم عارفين الوحم وليت نطلب ليه شي حاجات غابرين مي هو كان يجيب ليا لي بغيت تطورات علاقتنا ولينا مفاهمين وخا مشيباه وحيت هو ييغيني صابر عليا مني تطور الحمل مبقيتش نحمل ريحتو قالت ماما ان لوحم جاني عليه ههههه عجبني الحال انا بعدا
وليت نكره ريحتو والدار كلها تجيني فيها ريحتو مشيت عند ماما وبقيت عندها وهو مره مره كان يجي عندي حيت كنجري عليه والا جاب شي حاجه نأخذها من الباب ونسد عليه الباب وكيف العادة يحط ايدو على راسو ويبتسم
حتى واحد النهار مع 12 تاع آليل كنحس بالتقطاع في كرشي كنعيط لماما بيتها بعيد ومسمعتنيش حتى واحد مسمعني وانا نعيط للبطل تاعي
الو
الو حبيبا ياك لباس
اجي عتقني غنموت
هانا جاي صبري
جا كيجري ولحسن الحض كانو عندو السوارت هزني بعد ما كنت كلي دم وداني عند الطبيبة بصعوبة باش ولدت في الأخير ولدت بنت زويينه بزاف فحالي انا وباباها دخل عندي عطاتها ليه الفرمليه دبا انا وليت آب ياك
اه عندك شي شك
لا كتشبه ليا
لا كتشبه ليا انا
لا راكتشبه ليكم بجوج هاد الشي لي قالوه واليدينا ههه تصل بيهم كن عولت عليهم كن متت
مشينا لدارنا وعملنا السبوع لحبيبتنا دنيا وكان باباها مدللنا بزاف انا حبي كان كيتزاد ليه نهار على نهار وهو كان كيقول لي أن حبه كيتزاد ليا دقيقة من بعد دقيقة المهم كتاشفت متل ما قالت ليا ماما أن الحب قبل الزواج غير كدبه اختارعوها اما الحب الحقيقي هو الي بعد الزواج,,,, النهاية

تأليف فتاة القانون

يمكنك قراءة قصة الزواج المسحور

يمكنك أيضا قراءة قصة حب من طرف واحد

كلمات دلالية : قصص مغربية بالدارجة ، قصص بالدارجة المغربية ، قصص مغربية ، قصص حب مغربية