قصة بالدارجة المغربية بعنوان " أحلام الطفولة "
 |
| قصة أحلام الطفولة |
الجزء 1
اش بان ليك لعبو لعبا لي مولفين ولي كولشي كان كيلعبها فصغرو ههه الدار شوفي نتي لي اتجي عندي ضيفة صافي انا راجلي سميتو عمر ونتي راجلك سميتو عماد و
غنتزوجهوم خوت نتي كبر مني غتزوجي لولة وأنا موراك هه الأحلام ديال الصغر لمهم معلينا أنا سلمى وهناء ختي كبيرة عليا بعام مكنخبيو على بعضنا والو وبجوجنا كنديرو فولار و متوسطين القامة لاطاي ماشاء الله و عيني عسليين أما هناء كانو عينيها خضرين وكبار تيحمقوني المهم هي شدات الباك ومشات كملات لقراية فالصويرة اووف بعدات عليا بزاف وحسيت ببعدها لكن اصريت باش نتبعها مستحيل نتفارقو أنا وياها تقاتلت تاشديت الباك بممتاز و تبعتها وتما غادي تبدل حياتنا كاملة شحال صعيب تبعد على عائلتك ورغم أن بإمكانة نقراو فمدينتنا مي حنا بغينا نبعدو وكان هاداك حلم ملي كنا صغار و بقا لحلم الثاني ولكن موحال يتحقق وكنا دفعنا بجوجنا للقرعة ديال أمريكا غي زهر واحد نهار مكنش على لحسبان وصلتنا واحد لبرية حليتها وتما كانت لمفاجآة تقبلنا باش نمشيو هناااااااااء عندي ليك خبار واعر هناء:اوا قولي دغيا شوقتيني سربي
أنا:عرفتي شنو
هناء:شنو و جاوبي مرضتيني
أنا:هاكي قراي
هناء:يووووو غادي نمشيو غادي نمشيو بقينا كنقزو بحال شي دريات صغار و لغة عونتنا بزااف جات واحد لعطلة قررنا نرجعو لمدينتنا باش نقولو لمالين دار بلي غادي نمشيو لبرا لمهم جرينا على دوك لوراق وقادينا امورنا وجا لموعد لي غا نمشيو فيه ....
الجزء الثاني
مسخيتش بماما وبابا و خويا لمهم مكتاب علينا و فرصة مبغيناش نفلتوها بابا دانا درنا شوبينغ و شرينا حوايج جداد لمهم جمعت باليزتي ولبست كسوى طويلة فلكحل ودرت فولار حمر وصباط عالي حمر وشوية ديال لميك اب تقول تافقنا انا وهناء على لباس هي لبسات نفس لكسوة وهي فلحمر وفولار كحل و صباط عالي كحل بقات وحدة كتشوف فلوخرة بابا:ادوك لعفريتات يلاوه باش نمشيو للمطار عنداكو تنساو شي حاجة جاوبناه فدقة وحدة أحنا هابطين
ماما:هاي هاي على بناتي كي جاو الله يحفظكوم وبدات كتبكي ماما راه مغنعيشوش ديما غي شي يامات و صافي متبكيش عافاك راه دموعك غاليين علينا
بابا:زيدو يلاهو دغيا
طلعنا فطونوبيل وصلنا للمطار الرحلة كانت من بعد شي 15دقيقة بدينا كنودعوهوم شحال صعيب داك لموقف بحالا تقول مغانشوفعمش مرة أخرى طلعنا فالطيارة و بلاصتي مكانتش حدا هناء خفت بزااف أول مرة نطلع فالطيارة و ختي مكيناش حدايا دخت واحد شوية جا واحد جلس حدايا كانو عينيه خضرين و شعرو زعر ولحيتو مطراسية والجسم ديالو واو كون شفتوه كون دوخو كثر مني أما هناء كان حداها واحد بحال هذا لي حدايا غي عينيه معرفت آش داك لون وبقوت مدخت فالجمال ديال هاداك لي جنبي فيقني غي واحد الصوت "المرجو ربط أحزمتكم" من بعد صافي طيارة غاتقلع و بقيت كنقرا فالقرآن وخفت بزاف وبقوت لخوف شديت ليد ديال هاداك لي حدايا وزيرت عليها و هو بقا غي ساكت فاش حسيت بالطيارة ستقرات وأنا نطلق يديه بزربة و حناكي تزنكو وقلت ليه سمحلي مجاوبنيش معرفتش علاش فاش شفت فهناء لقيتها كضحك هي وهداك لي حداها وفديك دورة جات عيني فعينيه حيت تاهو كيشوف فديك جهة ومعرفتش علاش وناري شحال تزنكت وحطيت عيني فالأرض مقديتش نهزهوم وهو مكيهضرش تقولو زيزون..
الجزء 3
لحمدلله بابا كان موصي واحد صحابو على شي دار لينا نجلسو فيها أما كون تلفنا دخلنا لديك دار تقولو فيلا ماشي دار كانت ديال هاداك سيد صاحب بابا قالينا أنا مبغيتكومش تعيشو فدار وحدة أخرى و متلقاوش دفء ديال لعائلة وأنا ها هي داري كافيانا كاملين وغي أنا ومراتي وجوج ولادنا كانو فشي خدامة فالمغرب ليوم غايجو و نتوما اش بغيتو تبقاو معنا ولا نديكوم لداركوم ما قلتي عيب ا عمي حنا انبقاو معاكوم نتا راك صاحب بابانا لعزيز و منقدروش رفضو ليك طلب الله يردي عليكوم ابناتي عناقناه و سلمنا على مراتو وراونا بيتنا و حطينا حوايجنا و دوشنا و لبسنا عادي و قلنا راحنا غي فدار مكاين لاش نديرو لفولار تا فدار هبطنا لقينا خالتي سعاد جالسة و باينة توحشات ولادها بقينا معاها و نسيناها و دخلنا لكوزينة نوجدو لغدا بينما يجيو ولادها بقينا تانوجدو تا لواحد شوية سمعت صونيط وشعري مطلوق غادة كنجري نحل لباب تا كنتصدم بقيت جامدة بلاصتي...
الجزء 4
لقيت داك زيزون و هاداك لي كان حدا هناء
خالتي سعاد:شكون ابنتي لي صونا
أنا:معرفتهومش اخالتي شوية عقت بلي مديراش لفولار طلعت كنجري للبيت هزيت لفولار قديتها وفاش جيت هابطة منتزادح غي مع داك زيزون مدويتش وهبطت كنجري دخلت للكوزينة عطيت فولار لهناء بدينا كنوجدو الطبلة و تغذينا و كلشي عجبو الطياب صاحب بابا كانت سميتو محمد هو يقول سعاد هذا ماشي طيابك
خالتي سعاد:و ياه اسي محمد ضيافنا هوما لي طيبو مخلونيش نطيب تبارك الله عليهوم حادكين بقا داك زيزون تيشوف فيا تا تزنكت صافي سالينا و جمعنا الطبلة و صيبنا أتاي وجلسنا مجعين عليه هو يقول لينا عمي محمد:البنات على داك لغدا زويين ديالكوم انخرجو نتعشاو برا و منها تشوف شوية لعيشة كي دايرا هنا اش قلتو
لي درتيها ا عمي حنا قابلينها
خالتي سعاد:يلاه البنات وجدو راسكوم و تا نتوما الدراري يلاه
واخا اخالتي هي لولة طلعنا دخلنا للبيت معرفنا مالبسو تلفنا واحد دقيقة قلنا لبسو كسوى وفنفس اللون لبسنا وقادينا لميك اب و لبصنا صباط بلا (ماعاليش) ونزلنا لقينا هوم كيستناونا وهو يقول لينا عمي محمد أنا غانمشي انا وسعاد وكل وحدة فيكوم تجي معا واحد فولادي هناء فرحات حيت هي مافهمة مع هاداك و أنا محملاش غانمشي مع هاد زيزون...
الجزء 5
غادين وسكوت ملىء المكان واحد شوية ملقيت ماندير جبدت تيليفون و درت لكيت فودني و جهدت حتا هو بدا كيسمعها شوية و هو يحيد ليا لكيت و قالي نقصي صوت راكي سمكتيني ياه وأخيرا غانسمع صوتو و شحال زوين وحنين اه واخا اخويا انا غانطفي تيليفون
هو:بلا ماطفيه غي تمزيكي لمهم نقصي
أنا:لا ماشي مشكيل عادي
هو:شنو سميتك؟
أنا:سلمى ونتا؟
هو :أمير
أنا:مزيان كان كيصحابلي نتا زيزون حيت مكتهضرش
أمير:ههههههههههه وناري على ضحكة عندو زوينة غي مامولفش نهضر معا لي مكنعرفش غي شفتك مليتي و قلت نهضرو باش متمليش لمهم بقات هضرة مني هضرة منو ومكرهتش نبقاو غي كنهضرو شوية وصلنا لداك لمطعم لي راقي بزاف و كان ديال بابات أمير أنا بعدا مسخيتش بالهضرة معاه وقالي بلاتي اترجعي معايا قلت ليه لا انرجع معا خالتي سعاد فطونوبيل و نتا رجع نتا وباباك
أمير:أترجعي معايا
هناء:مغاديش دخلو
جاوبنا فدقة لا داخلين و بقينا كنضحكو دازت عشية واعرة و فرحت ملي وليت كنهضر أنا و زينون....
الجزء 6
دازو أيام زوينين مع سي محمد وخالتي سعاد تا لواحد نهار قالينا سي محمد راه بغيت نمشي للمغرب أنا و سعاد واحد 15ليوم و غادي نرجعو الله يديكوم و يجيبكم لينا على خير ودار خوات علينا و أمير و مراد ديما فالخدمة وانا وهناء غي دار واحد لعشية كنا جالسين أنا وهناء و تيليفونها كيصوني و كان مراد عرض عليها يتعشاو على برا قالت ليه مانقدش نخلي سلمى و أنا نحيد ليها تيليفون شوف أخويا مراد فالعشية أجي ديها غتلقاها واجدة تقادات ليك مزيان و خرجات لقات مراد كيستناها وانا بقيت حدا لباب تامشاو غي تحركات طونوبيل وهو يبان ليا أمير هو واحد لبنت مشادين ليدين وفرحانين و حسيت بالغيرة و خا انا و امير ما بينتنا والو وتحركت جيهت أمير بغيت نعيط و هي ضربني طونوبيل بجنب لرجلي تقصحت و ملي شافني طلق من يد هاديك و جا كيجري لجهتي هزني وعلامات الخوف على وجهو و كيقولي سلمى نديك لطبيب واش تقصحتي نزلني نقدر نمشي بوحدي و رجع عند هاديك
امير:راكي مقصحة مغنزلكش
بقيت كنضرب أمير و كنغوت وكنقوليه نزلني واش مكتفهمش و هي طيحليا درتي و شعري غطا عيني وكان عاميني حيد ليا شعري من على عيني
أمير:ناري شحال كتهبلي بلا درة
تزنكت وصلني وحطني و مشا يجيب الثلج
وهي دخل هاديك لي كانت معاه و بقات كتقول شي هضرة مفهمتهاش أمير ديالي مغديش تديه مني مفهمتش هو جا أمير جرا عليها وانا غي كنشوف
أنا:أمير شكون هاديك
أمير:صديقة
أنا:ولكن هاد تصرفات ماشي ديال صديقة حسبني بحال ختك و عاود ليا
أمير:نتي ماشي ختي نتي ملي دخلتي لحياتي بدلتيها ليا كاملة معرفتش اش درتي ليا ديك اللحظة دخلو هناء و مراد سمعونا كندويو وسكتو و خلاو أمير كايكمل هضرتو من نهار شفتك و أنا غي كنفكر فيك معرفتش اش كيوقع ليا و كنرتاح معاك..
الجزء 7
واحد شوية بديت كنبكي و هو قرب ليا و مسح ليا دموعي وقالي مالكي وعفاك متبكيش راه منتحملش نشوف دموعك محسيت براسي تا قلت ليه توحشت ماما وغيبت معرفتش آش وقع كالقا قوت لخيوطة وضبابة فعيني وكيبالي شي واحد متكي علي يدي و متيبانش ليا مزيان وشوية وهو يبان ليا كان أمير هو حس بلي فقت طار عليا عنقني أمير:سلمى عمرك ديري هاكا أنا راه منقدرش نعيش بلا بيك متخلايش عليا
أنا:شكون نتا مكنعرفكش علاش معنقني
أمير:سلمى مضحكيش عليا
أنا:مكنعرفكش شكون نتا مشا كيجري عيط على الطبيب هو يقول ليه سي أمير ماعندي مانخبي عليك سلمى جاها فقدان ذاكرة جزئي وكل هاد الأمور لي وقعوا ليها فالتالي نسات عليهوم
أمير:وشنو الحل ادكتور
الطبيب:بمساعدتكم ليها انشاء الله غاتستاعد ذكيرتها شوية دخلات عندي هناء و بطبيعة الحال عاقلة عليها عنقاتني و عنقاتني
أنا:ختي آش وقع ليا و شكون هداك لي كان معنقني
هناء:راك درتي حادثة و تدربتي فراسك و دابا عندك فقدان ذاكرة جزئي وهداك ولد صاحب بابا لي حنا جالسين معاهوم
أنا:علاه فينهوم ماما وبابا
هناء:حنا مكينينش معاهوم حنا مكينيش فالمغرب واش نسيتي
أنا:معقلاش
كلشي خاف عليا و خصوصا أمير من بعدما خرجت من الطبيب قرر أمير يديني المغرب علاه و عسا نعقل بقات هناء و مراد و حنا وجدنالي خاصنا وغادي هو بوحدو و أنا بوحدي سلمت على هناء و قلت ليها بلي غانتوحشها مشيت جلست بلاصتي تاجا واحد و جلس حدايا كان أمير و مع معقلاش عليه دار راسو مكيعرفنيش فاش الطيارة بغات تقلع خفت و شديت فيد أمير و زيرت عليها و هو مدار والو وحسيت بلي فايت وقعات ليا نزلنا من الطيارة كانت عائلتي كتستناني توحشتهم بزاف طرت عليهوم بواحد تعنيقة و كان معاود ليهوم على حالتي...
الجزء 8
مشيت لدار دخلت لقيت شي ناس فدار مكنعرفهومش كان صاحب بابا و مراتو يعني واليدين زيزون لي تاهوما نسيتهوم سلمت عليهوم وطلعت لبيتي بدلت و بغيت نتكا تا كنسمع شي حد تايعيط سلمى هبطي دغيا بغيتك بزربة هبطت بلى فولار خالتي سعاد:أجي ابنتي طيبي لينا حيت طيابك زوين
أنا:علاه نتي فين دقتيه
ماما:راه أنا لي عاودت ليها بلي طايبك زوين
أنا:اه صافي انا نطيب لخالتي لحبيبة وبقات كتعاود لي على ولادها تا واحد شوية كنسمع صونيط مشيت كنجري تايصحاب ليا بابا رجع و لكن لا وشوية جات خالتي سعاد:شكون ابنتي
أنا:والله معرفت اخالتي ولكن هاد لوجه مغريبش عليا
خالتي سعاد طارت عليه عنقاتو وتبوس فيه وكتقولو ولدي وهي تقولي هاواحد من ولادي جا أنا لقيت راسي بلا فولار طلعت لبيتي كنجري ولبست فولار وجيت خارجة وأنا نتزادح مع هداك فدروج وطحت على راسي فاش فقت لقيت عائلتي دايرة بيا و أمير ناعس على يدي و حس بلي نظت و نطر يديه ووقف
أنا:أمير اش تادير نتا هنا و أنا اش وقع ليا
أمير:سلمى واش عاقلة عليا
أنا:ههه عاقلة عليك ازيزون جا عندي عنقي وفديك اللحظة فاقو لعائلات بجوج ولقونا معانقين و فهمو بلي رجعات ليا الذاكرة ....
الجزء 9
ولكن منسيتش داكشي لي كنت شفت توحشت هناء و قررت نرجع بلا مايسيق ليا أمير لخبار جا نهار لي غنرجع وصلني بابا لمطار ركبت هاد لمرة مخفتش ولكن حسيت بالفراغ بلى أمير كان حدايا واحد دري مغربي و ساكن حدا فين ساكنين و بقينا تنهضرو سميتو عماد واحد شوية و هو يقولي
عماد:سلمى واش غادي يتلاقاك شي حد فالمطار
أنا:لا ديراها ليهوم مفاجآة
عماد:هي غادي نوصلك
أنا:بلا منعدبك
عماد:مكاين بو عداب
أنا:شكرا ربي يخليك وصلني وشافني مراد معا عماد وجا كيجري
مراد:شكون هدا ونتي من امتا جيتي فينو أمير
أنا:جيت بوحدي وهدا عماد تلاقينا فالطيارة وساكن هنا قريب لينا أصر باش يوصلني
مراد:مزيان راه هناء توحشاتك بزاف
تا أنا توحشتها مشيت كنجري و تفكرت بلي ماقلتش لعماد بسلامة وقفت وأنا نقولو عمااااد بسلامة و شكرا دخلت كنجري وهي تبان ليا هناء طرت عليها بواحد تعنيقة و عاودت ليها آش وقع وتا هي قالت ليا بلي مراد طلب منها الزواج و رفضات غوت عليها ودخلت لبيتي دوشت ونعست..
الجزء 10
هبطت لقيت هناء كتبكي معرفتش السبب مشيت كنجري عندها
أنا:هناء مالكي كتبكي اش واقع ليك
هناء:كون تعرفي قداش كنبغي مراد ولكن كنخاف ليبعد عليا و حنا راه مدابزين
أنا:اويلي علاش دابزتو واش نتي حماقيتي راه خويا مراد كيبغيك و نتي كتفرطي فيه
هناء:وراه خاصو يفهمني راه حتا أنا كنبغيه و لقصة د زواج ماشي و قتها
أنا:ووقت آش هو بغاك لحلال كون بغا يتفلا عليك كون تفلى مين نتي مبغيتيش لي يبغيك فلحلال لمهم من نهنا لفوق متهضريش معايا مزال تا تراجعي نفسك
هناء:حتا نتي ا سلمى
أنا:اه حتا أنا
طلعت بدلت حوايجي و خرجت و خليتها وصونيت على مراد
تيط تيط تيط مراد:ألوو سلمى اش واقع يكما وقعات شي حاجة لهناء
أنا:بلا متخاف راه ماوقع ليها والو أنا خرجت من دار وبغيت نشوفك دابا
مراد:ستنايني نجي ديك
واخا ستنيتو تاجا ومشينا جلسنا فواحد لكافي و بقينا تنهضرو عليه هو وهناء وعرفت تايبغيها بزاف أنا:مراد راه تنعرف هناء راه الا عتارفتي ليها بلي كتبغيها و من بعد طلبتي زواج أنا متأكدة بلي غتوافق مراد:امتى ندير هادشي وبشرط نتي لي غاتجيبيها و هي ماغتكون عارفة والو
أنا:صافي مشات اوا شتي ها أنا فرحتك
عنقني و شكرني و قالي يلاه نرجعو لدار على دخلة لقيت أمير جا تيجري عنقني..
الجزء 11
أمير:علاش مشيتي بلا ماتعلميني وخليتيني غادي نحماق عمرك تعاوديها دفعت وغوت عليه أنا:شكون نتا تا نقوليك آش غاندير و شنو ماغنديرش وعمرك تبقا تقصني خليتو مصدوم وطلعت لبيتي كنبكي حيت كنبغيه و لكن كندير ليه هاكة حيت مباغش نتعلق بيه دازت شي أيام أمير مبقاش كيبغي يهضر معايا ووليت أنا وعماد تا نتلاقاو و كنخرجو بزاف و كان هو مخطط معايا أنا و مراد على داكشي لي غانديرو لهناء لمهم وجدنا مزيان وأنا كنت خرجت و صونيت على هناء باش تجي عندي واوفقت ولكن هي كانت جاية عند مراد و يصحاب ليها عندي أنا و عماد بقينا مراقبين من بعيد شفنا هناء و صلات و علمنا مراد لمهم داز داكشي وااعر بزااف وهناء وافقات تزوج بمراد و أمير ولا كيغير و أنا داكشي لي بغيت لمهم مراد طلب من واليديه لي مزالين فالمغرب يطلب يد هناء من عند ماما و بابا و قرر مراد وهناء يرجعو لمغرب و أمير كان عندو شي شغل مقدرش يمشي و قالي مراد نبقا معاه تانجي أنا وياه وافقت نبقى ديك لعشية مشاو و خلاوني دار خوات و بقيت غي بوحدي فالدار شوية قلت نطلع لبيت أمير نقلب فيه دخلت لببت و بديت كنقلب و هي تبان ليا واحد المذكرة حليتها و أنا لقا عيد ميلاد أمير ليوم و بقات ليه ساعة ويجي تلفت وأنا نصوني على عماد باش يعاوني و قلت ليه يجيب معاه خطيبتو داكشي لي دار عاوني قديت الدار و خرجنا شرينا كادوو لزيزون ديالي...
الجزء 12
وصلات لوقيتا لي غايجي فيها زيزون ديالي دخل لقا ضواو طافيين على دخلا شعلنا ضواو وبقينا كنقولو joyeux anniversaire بقا مصدوم فاش شاف عماد و ديك لبنت لي مكيعرفهاش جا جهتي وقال:سلمى شكون هادي
أنا:خطيبة عماد
أمير:شنووو يعني نتي و عماد مابينكوم والو
أنا:آش غايكون بينتنا فنظرك
أمير:شكرا بزااف على هادشي لي درتو على ودي ونتي شكون قاليك ليوم عيد ميلادي ^^
أنا:نقوليك وماتقلقش
أمير:علاه أنا نقد نتقلق منك
أنا:قلبت فبيتك ولقيت هاد نهار عندك عيد ميلاد و مكانش كافيني لوقت باش نوجد ليه صونيت على عماد باش يعاوني و قلت ليه يجيب معاه خطيبتو جا عنقني و قالي نتي مكاينش بحالك الحميمقة ديالي دازت ديك لعشية زوينة و وليت أنا وزيزون ديالي متفاهمين و وصل لوقت ديال عرس هناء حيت فاتتنا لخطوبة أنا وأمير وكانت باقا لعرس شي سيمانة لمهم شرينا شي كادوات للعريس و لعروسة و قطعنا للطيارة لي غادة للمغرب ومشينا ووصلنا و مكناش علمينهوم بغينا نديروها مفاجاة..
الجزء 13
دخلنا عليهوم على غفلة و فهاد لأيام كنوجدو غي لعرس هناء و مراد نهار ديال لحنة داز واعر وهناء جات زوينة كتحمق وصل نهار زواج ووجدنا ومشينا لصالون تقادينا و جا عماد دانا حيت عرضت عليه و مبغيتش يشوفني أمير تا لعرس نخليه يقلب عليا هه مشيباه مسكين مشينا وصلنا لقاعة كولشي كاين دخلت هناء لواحد لبيت تما أتكون معاها نكافة وأنا دخلت لبيت حداها تما لبست و تقاديت و هناء طلبتني نحيد درة واخا أمير مخلانيش أصريت عليه تاوافق لبست تكشيطة فصومو جاتني وواعرة غي خرجت شفت مراد بالكوستيم جازوين و عجبتو بهاد لون عنداكو تقراو عجبتو و تفهمو غالطين راه بحال خويا ههه دخلت عند هناء واااااو شحال جات زوينة لمهم هبطات لعروسة و كلشي تيشوف فيها وأنا مبغيتش نهبط خليت تا تجلس بقيت مترقباها تا كنشوف زيزون ديالي كيقلب على شي حاجة بحالا ماعرفت آش تالف ليه و لبنات غي كيدورو بيه يصحاب ليهوم ساهل ههه شوية جيت هابطة مع دروج و عماد حس بأمير و قاليه شوف قدامك ديك شوفة شافني هابطة تاهو مكانش أقل أناقة مني بقا غي واقف بلاصتو و صلت حداه
أمير:فين كنتي عيت نقلب عليك مابنتيش ليا
أنا:كنت كنترقبك هههه جا يعنقني وأنا نكحاز و قلت ليه راحنا فالمغرب بدى كيضحك وقال كون تعرفي شحال جيتي زوينة بقينا تنهضرو و شطحنا و سالا لعرس و مشينا دايين لعروسة للمطار حيت كانو مقطعين تيكت لتركيا تما غايدوزو شهر لعسل من موراهوم بسيمانة مشا زيزون ديالي على ود شي خدمة ولكن واليديه بقاو معانا دازت شي 5 صونا عليا أمير وقالي بلي غادي يهضر مع والديه عليا و ماحدهوم باقيين يطلبو يدي من عند عائلتي حيت هو مقدرش يصبر لمهم لعائلات تافقو و لعرس كان بعد ما يرجعو هناء و مراد ...
الجزء الأخير
داز شهر عاد جاو و وجدنا لعرس ديالي و قررت نديرو بالفولار لحمدلله داز لعرس واعر و كولشي فرحان لينا و دوزنا أحسن شهر عسل منعودش ليكوم و طريقة معاملتو واااو و لدابا باقي نفس تعامل و شحال كيخاف عليا اه و عماد دار لعرس و دارو بطريقة مفربية و هناء حملات اولدات ولد سماتو إهاب و شحال كان فنون وتايحمق و أمير تاهو بغا يولي أب و أصر عليا ودابا حنا عندنا بنت كتشبه لباباها و سميناها روميساء وحنا عايشين فسعادة مع سي محمد و خالتي سعاد وأنا و ختي تحققوا لينا أحلامنا وحكايتي هنا سالات,,, النهاااااااااية
إذا أعجبتك القصة شاركنا بتعليق لتشجيعنا على المزيد
يمكنك قرأة قصة مابغيتش نتزوج من العروبية
