قصة أحببت طفلة الجزء الخامس

قصة أحببت طفلة الجزء الخامس

 قصة أحببت طفلة الجزء الخامس

دازت شهرين على علاقي بجاد احنا دابا فبداية شهر 1.. ماخلينا حتى بلاصة ماتساريناهاش و قررنا غير ناخد الباك و نعلموهم بزواجنا.. خليل تاهو مشا لالمانيا..

عند جاد**

وصلاتو بواطة لدارو.. حلها لقا فيها تصويرة سارة.. مرشوشة بالدم .. ومكتوب فيها بعد عليها اخر مرة

نحدروك..

****

انا دابا تانتمشاا.. الله شتيوة خفيييفة..

لكن واحد الطموبيل ديرونجاتني نزيد تزيد نوقف توقف..

شويا بديت تانجري و هي تبعني خرجو منها شي وحدين لابسين كوستيمات و السلاح ف يديهم جروني تانغوت و نعض وااالو مابغااوش يطلقو..

دخلني لواحد الدار ربطو ليا يدي.. ورجلي مع الكرسي.. تانغوت هما يديرو ليا سكوتش لفمي..

بدا تايفيلميو فيا وانا كانجر فداك الكرسي. ونبكي.. عطاني تصرفييقة قاااصحة..

عند جاد ***

جاه اتصال

الووو

الشخص : حدرناك بزااف دالمرات باش تبعد عليها.. و هاد المرة غادي نطبقو.. انقتلوها ليك قدام عينيك كيف ما قتلو ليك ختك شحال هادي.. طوووط طووط

عود ثاني صونا

جاد: بعدووووو عليييهااا ماتقيسوهااااش...

الشخص : بعد عليها نتا و حنا انخليوها حية...

طوووط طوووط

وتايعاودو يصونييو

جاد: قاااابل.. غير طلقوووها.. انا انبعد عليها.. نتوووما فينكم الحميييير... مابغيتوش تكملو المكالمة باش مانلقاااش بلااصتكم...

الشخص : انتاظر منا فيديو ل عشيقتك و هي تاتغتاصب قدام عينيك...

جاد لااااااا بعدووو عليييهااا...

صيفطو ليه الفيديو الاول فاش ضربوها.. و الثاني تايحيدو ليها فحوايجها.. دار شي حاجة ف البيسي و جبد العنواان فين كاينين هز السلاح ديالو و خرج.. غادي معصب عروقو خارجين و دموعو فعينيه مشاو ليه لاغلى انسانة عندو طاحت ليه صورة ختو بين عينيه قتلوها ليه بنفس الطريقة لقاها مغتصبة و مقتولة..اول مرة جاد يباان ضعييف فلبو غادي يسكت.. خااف يديرو لسارة نفس داكشي للي دارو لختو.. و صل لواحد الغابة لمح دار.. هز سلاحو وخرج..

عند سارة***

تاتشهق.. عفاااكم ماتغتاصبوونيييش.. قتلوووني و ماديروش هاااكا عفااااكم.. حتى تايتفرع الباب دخل منقذي.. جااااد فرحت فاش شفتو.. هز السلاح قتل هذاك اللي شادني تايعري فيا جابها ليه فرااسو انا تانغوت قتلتييييييه قتلتيييه ا جاد... صوبو كاع الاسلحة لجيهتو بقا تايضرب معاهم كانو 4 الاشخاص

قتل 2 و واحد طاح عطاه ضربة برجليه لوجهو واحد اخر هرب.. انا مع داك السلاح بلت فحوايجي.. والصوت شدني لوجع فكرشي... لاح عليا واحد الغطى و خرجني.. كانت غير بالسوتيانات اما لتحت لابسة سروالي

ركبنا فالاطو وكسيرا بيا.. جاد: حبيبة نتي لاباااس..

انا غير تانبكي

جاد : سااارة ماتخلعينيش علييك.. هضري.. تانشهق بالبكى.. وصلني لدارو هزني و دخل بيا لبيتو..

انا : هئ كنت انموووت شفت الموت بعيني.. كانو غادي يغتاصبوني.. عنقتو وبديت تانبكي كون ماجيتي.. دغيا بعدت عليييه قتلتيييهم اجااااد قتلتييييهم..

سارة تهدني.. هزني الدوش و طلق الرشاشة دوش ليا و لواني ففوطة

جاد: انمشي ناخد ليك شي حاجة تلبسيها..

انا: لاااا عفاااك ماتخلينيش بوحدي..

جاد :ساارة مايوقع ليك والو والله

تهدنت شويا

انا : صوني لنسرين تجيب ليا حوايجي..

جاد : اوكي.. صونا ليها.. جات مخلوعة مافهمااات والو.. خدا من عندها الحوايج و مشات انا ماشفتهاش.. صونا لماما قاليها را سارة اتبقا معايا شي يامات..

بدلت حوايجي و تكيت تاهو مشا يدوش فاش سالا جا تخشا حدايا..

انا: دابا هادوك ماااتو..

جاد: ماقتلتهومش غير ضربتهم باش يتفرقو عليك..

انا: لكن هدااك للي كان شادني قتلتييه..

جاد: البوس ديالهم اينقذهم.. دابا نساااي هادشييي الحمد لله ملي رجعتي ليا.. عنقتو

جاد انااا خايفة...

جاد:نن حبيبتي ماتخااافيش... صافي عمرهم مايقربو ليك..

عند هجر ****

كيييفاااااش قدر ينقذهااا نتوووما واش حمييير.. واحد قدر يغلبكم فيناهوما دوك 2

الشخص راهم ف السبيطار.. ماعرفناش واش ايلقانا.. وكان مسلح..

هجر: تانتوما راكم مسلحين كنتو تقتلوها قدامو..

عند جاد ****

بقا مع سارة حتى نعسات و خرج..

تايفكر شكون ممكن يدير هاكا زعما هادوك للي قتلو ليا ختي.. علااش بغاو يفرقوني مع سارة..

تلقا ثاني تهديد..

دازت 15 يوم.. تحسنت فيها..

بغيت نقول تحسنت ف 3 يام الاولى بقيت مع جاااد تحسنت و رجعت القصر.. ماسخيتش به..

ماعرت مالو هادي 10 ايام مكايجاوبش على اتصالاتي و حتى ايلا جاوب تايجاوب ثقيل ماتيجيش القصر و فاش تانمشي الخدمة متانلقاهش.. حسيت به تبدل ماعرفتش علااش.. هاهو تاايصوني..

الووو جاااد فين غبرتي توووحشتتتك...

جاد: جي عندي الدار دابا..

كانت 8 دالليل...

نزلت بشويا من الدار... خديت طاكسي حطني قدام دارو..

دقيت.. حل ليا الباب.. و دخل.. عنقتو من اللور.. فيين غبرتي.. حيد ليا يدي و بعد..

تصدمت فيه..مالو !! ؟

جاد دار لعندي وحادر راسو : سارة بغيت نقوليك.. انا مابقيتش مرتاح معاك.. هز عينيه فيا.. تايشوف فيا بكل جدية.. خاصكي تنسايني.. بقيت مصدومة فيه كاتردد فوذني غير.. خاصكي تنسايني .. ماسمعتش الهضرة الاخرى للي كانت تايقول.. دورت وجهي تانشوف فالدار..

تفكرت فاش دخلت اول مرة..

تفكرت اجمل ايام حياتي دوزتهم معاه فهاد الدار

تفكرت حبنا الكبيير يعني غادي يسالي و بهاد الطريقة

تفكرت وعودو ليا

كلشي كذووب كلشي

واخة اجاد للي عجبك..

هزيت في عيني ونطقت

حتى انا مابقيتش باغاك..

كنت باغا نقوليه علااش ؟؟!! علااش غادي تخلى عليا.. شنوو درت. معاك خايب.. ولكن صافي

هو عارفني مانقدرش نعيش بلا بيه.. كون كان باغيني مايخلينيش.. خرجت من دارو خليتو واقف..

خرجت من دارو وانا ماتنشوفش قدامي.. دمووعي خباو ليا الطريق.. يعني حنا اتفارقنا.. ياااربي نكون تانحلم.. جاد مستحيل يخليني.. مانتصورش حياااتي بلا بيه.. قال لي غادي يمشي من هنا يعني مانبقااش نشوفو.. علاااش اجاااد علاااش درتي ليا هاكا.. بقيت غادة على رجلي مسافة طويييلة حتى وصلت القصر دخلت تانرجف بالبرد وساردة بالشتا كان كلشي ناعس.. دخلت الدوش دوشت.. لبست حوايجي و مشيت جلست فوق كرسي تانفكر شنو درت ليه ياكما شافني مع شي حد علااش مشا بلاما يعطييني سبب مقنع علااااش اجاد خليتني حتى ولفتك و بغيتك تقث فيك .. الليل كامل مجانيش نعاس افكار تديني و افكار تجيبني..

***عند جاد***

عالاقل ايلا درتليها هاكا. غادي تكرهني و تعيش حيااتها فامان بلاما تبقا خايفة و يههدو فيها.. انا مانسيتش كيف جبتها داك النهار من عندهم كانت خايفة بزاااف مخاصنيش نكون اناني و نبني سعادتي على تعاستها.. صافي دابا تنساني لكن انا عمري مانساها.. وفاش غادي نعرف شكون هادو للي وراانا غادي نتاقم منهم واحد بواااحد ...

*********

صبح الحاال و انا بااقة جالسة فوق الكرس دخلات عندي ماما لقاتني..

ماما: ماااالكي ابنتي ؟؟؟؟ مااااالكي ساااارة؟؟؟

شفت فيها وانفاجرت بالبكا.. عنقاااتني..

سااارة عفاااكي ماتخلعينيش عليك عفااكي..

انا: ج ا د جاد مشا و خلااني اماما gاليا الحب بوحدو ماكافيش و هو دابا غادي مساافر..

ماما: شنوووووو؟؟؟؟ فين مشااااا

انا: اميركا

ماما: مااااايمكنش ماعطاكش شي سبب

انا: تفارقنا اماما تففففارقنا يعني صاافي انا ماعرفتش علااش.. ماما مانقدرش نعيش بلا بيه.. طحت الارض تانغوت ونبكي..

ماما : تهدني .. هزات التيلي تاتصوني ليه لقاتو طافي..

بقيت شهر على ديك الحالة ماتنخرجش من بيتي جابو ليا طبيب نفساني ماتجاوبتش معاها.. تايديني نعاس و يجي صوتو ف ودنيا.. تانقفز من بلاصتي تانفرح شويا تانتفكر.. اش طرا..

مشيت واحد نهار لدارو تاندق ا والو ماكاينش للي يجاوب.. حتى هجر مشات لامريكا.. قلبي تانحس بيه مهرس.. عمري مانسامحو على هادشي للي دار فيا داز شهر ماسول ماوالو حتى مالين دارهم ماعندهومش عليه خبار... 

شكوون؟؟ دخل ..

الخدامة: Bu durum elçisi adı özledim

لالة هاد الظرف مصيفط بسميتك..

انا : شكرا

خرجات..

فتحتو.. ماصدقتش عيني.. مستحييل.. عيط لماما..

هاكي شوووفي.. هئ هئ...

ماما: مستحييييل هادشي..

انا: لاااا هادشي بصصصح هاااهما تصااورو مع هجر..

ماما: صاافي سكتي ابنتي سكتي راكي تاتقطعي ليا قلبي.. نساايه...

انا: شحال سااهلة نساايه.. كيفاش نساا كيفاش نسا مانقدرش نسا روحي هئ هئ.. دغيا مسحت دموعي .. اه عندك الحق انسااه هو عايش حياتو مع هاديك و انا نبقا نعذب فراااسي غاااادي نساااه اماما انساااه.. تانشوف فيها و بحالا تانقوليها عفااااكي كذبيني فيققيني من هاد الكابوس لكن هادشي حقييقة و الوهم هو للي كان معيشني فيه شحال هادي.. صاافي انساااه..

ماما واعديني بلي تواحد مايعرف بلي انا كنت علا علاقة به واعدييني اماما

ماما:تانواااعدك ابنتي تاهيا كاتبكي..

بقيت داك النهار فبيتي.. بورطابلي لايحاه.. ايمان ماهضرتش معاها شهر للي فات كامل كاتاصل غير ب ماما تاتسولها عليا و صاف مراد. و نسرين. كايجيو يطمنو عليا مرة مرة.. معارفينش اش بيا..

فقت فالصباح دوشت ولبست حوايجي هبطت لقيتهم مجموعين جدودي والدين ماما و بابا عمي عمتي..

جدي بات بابا: مرحبااا ب عمارت داااري هبطاات..

جدة :ماعرت اش كاتقول كامليين تايهضرو.. ماتنسمعهمش وذني تايصفرو.. هما كايتكلمو وكل واحد فيهم تايبان لي منو 2.. بديت تانحل فعيني لقيت راسي و سط شي بيت من البيوتة ديال التحت.. كلهم ماجموعين عليا

الطبيب : Tebrikler Ante tutucu

مبرووك عليك انت حااملة... وخرج تايكتب الدوا لماما..

حسيت. بتصرفيقة جاتني فوجهي.. بابا للي ضربني... مسكين شوهتو قدام عائلتو..

بابا: فاااش غلط معاااك ؟؟؟ فاش غلط حتى تجازيني بهادشي..

جدي بات ماما (تايغوت بالتركية) : بعد منهاا ماتقيسهااش هي مادارت تاحاجة غلاااط انا للي زوجتها الشخص للي كاتبغي..

انا تانحرك. ليه. براسي لااا زعما مايقولش ليهم..

ماما: بنتي مادارت تاحاجة غلاط هي مزوجة على سنة الله ورسوله. مكانتش بغات تعلمكم لحقاش ماتفهموهاش بحجة باقا صغيرة..

عمي : ماعندنا مانديرو بزواج عرفي..

جداتي مت ماما: نووضي تمشي معانا ابنتي.

جدي: انا الحاج المتوكل على اخر ايامي توسخ صوورتي..

بابا : يالاه نخرجو.. خرجو كاملين.. انا نضت بشويا عليا سمعتهم. اش تايقولو

عمي : خااصها طيحو ولا رااا غادي نتشوهوو.. شوف بناات زهيرة.. هجر فعمرها 29 عام عمرها ماوسخات سميتنا.. وهادي جات غير البارح بغات تشوهنا..

جدي:محمووود قوليها تنزلو..

جدي بات ماما: نتوووما واش تسطيييتو البنت را مادارت تا حاجة عيييب..

ماما: سمعو ليا كااامليين.. انا بنتي مادارت تاحاجة خايبة انا للي شهدت ليها فزواجها و دابا امحموود ختاار يا انا يا عائلتك.. ايلا بغيتي عائلتك طلقني نمشي نعيش مع بنتي بابا: بنتي و ايلا دارت شي عار ماعندي ماندير لهامن غير انني نهزها مغاديش نلوحها و نتوما ايلا خفتو على كنيتكم ضربو عليا

جدي بات ماما: و حسبو هاد الشراكة ديال العائلة و ديال الخدمة سالات..

سمعت حديثهم و انا نطلع البيت حليت المجر بانت ليا الكارط گيشي للي كان عطاني جاد.. اه ياا جاد شوف فين وصلتيني..

هزيت البيسي قطعت فالطيارة المغرب.. خديت صاكي درت فيه ديك الكارط هنا فين محتاجاها تاهو عارف علاش عطاها ليا.. لبست مونطويا خليت لماما رسالة مكتوب فيها ... ماما بلاما تحاولي تقلبي عليا مغاديش نكون عند ايمان و لا عند تاحد كاتعرفيه اماما انا غنخرج من حياتك.. بحال ايلا مالقيتينيش.. كيف تودرت شحال هادي عفاكم ماتفارقوش بسبابي خليو شملكم مجموع.. انا للي غانمشي سمحيليا عذبتك معايا سمحيليا.. ماتخافيش عليا عندي فلوس كافيين باش نعيش.. تهلاي فراسك..

وصلت المطار ركبت فالطيارة.. للي ركبت فيها انا وجاد المرة الاولى تفكرت الكوارث للي وقعو فيها.. حتى حاجة ما كادوم وصلت لكازا.. مشيت صرفت و كلييت واخة ماكاين منين يدوز لكن البيبي للي فكرشي مانخليهش بالجوع..

و مشيت الروضة عند مي عيشة السيدة للي رباتني و كبراتني.. غير ماتت نسيتها.. جيت عندها باش نعاودليها اش طرا لي فغيابها.. كانت وصاتني واحد الوصية.. و مادرتش بيها... كانت gالتليا ماتخلي حد يتفلى عليك اسارة نتي بنت بالف راجل نسسيتك اممي عيشة و نسييت واصيتك.. سمحيليا.. خرجت من الروضة و شديت طاكسي المحطة وانا فالمحطة تانفكر فشي مدينة مكاالميا.. لقيت افران هي المدينة الوحيدة للي نقدر نرتاح فيها.. ركبت فالكار.. وانا ماعارفاش اش كايتسناني..

وصلت لافران حطني طاكسي قدام واحد الاوطيل كان الثلج بزااف.. دخلت خديت غرفة نعست فيها...

ارتاحيييت.. فقت فالصباح اول حاجة انديرها هي نزل هاد البيبي للي فكرشي خاصني نمشي عند طبيبة.. دخلت العيادة .. عطيت البنت سميتي و طلبات مني نجلس نتسنا... جلست تايبانو ليا نساء حوامل.. كاينة للي فالشهر الخامس كاينة للي فالثامن كاينا للي غير جايا تفحص.. اغلبيتهم مع رجالهم.. فرحانين بمولودهم.. صدى صوتو جا لي فوذني..

جاد: كريشة كبرات

انا: وييي مابقيتش كاندير سبور

جاد: خليها يصيبو فين يجيو ولادي

انا: وااااو ولااادك...

سديت وذني باش مانبقاش نسمع صوتو خاااصني نساااه باراكا لكن كيغاندير نساااه و انا اي حاجة تاتفكرني فيه..

الممرضة: ساارة المتوكل سااارة

انا اختي انااا !!

-دخلي لعند الطبيبة..

دخلت..

الطبيبة: بونجوغ مادام

انا: بونجوغ.. بغيت ندير فحص انا حاملة

الطبيبة: شحال باش نتي حاملة !!

انا: ماعرفتش...

الطبيبة واخة تفضلي... تكيت فوق ديك البلاصة دهنات ليا كرشي.. نتي حاملة بشهرك الرابع...

سمعي دقات قلبو.. سمعتهم قلبي تهز.. دموعي شلال.. فاحشائي حياة اخرى جنين غادي يكبر يوم من الايام و ينادييني ماما تقدر تكون بنت او ولد..

الطبيبة : را باين جنس الجنين تبغي تعرفي ولا حتى يكون معاك باباه!! ؟؟...

بقييت تانشوف فيها.. لا بغيت نعرف دابا..

الطبيبة: عندك ولد ابنتي.. لكن ضعييف.. عندك فقر الدم عطاتني كلينكس باش نمسح كرشي و ناضت تاتكتب ليا فالدوا تبعتها..

خاصكي ديري تحاليل.. و تبعي دوا ..

انا: واخة شكرا.. خرجت. من عندها فرحااانة.. الله ولدي حبيبي... رجعت الاوطيل مشيت تانشوف فالمرايا بانت ليا الكريشة انا للي مارديتش البال.. سبحان. الله ماهرفت تال الشهر رابع. يعني حتى مشى عليا الوحم... تفكرت. اش داز عليا فهاد 4شهور.. السفر الاختطااف الخلعة ماكنتش عاطية الراحة لراسي و ماطرالو واالو متشبت بالحياة وانا للي كنت انزلو كون ما سمعت دقات قلبو.. ولدي نتا ولدي انا بوحدي.. ياك اماما نتا اميري... بقييت تانهضر معاه وتانضحك نزلو دموعي بشدة تفكرتو تفكرت ايامي معاه لوكان عرف انا حاملة بولدو.. رجعت تانفكر فيه وهو عاايش حياتو مع هاديك .. انا وولدي لينا الله.. مشيت توضيت و صليت 2ركعات شكر لله.. خرجت تغديت و بديت تانجري ف التحاليل من بعد ما ساليت مشيت خديت ليا حوايج سخان

بانو ليا تقيشرات ديال الزيادة خديتهم.. خديت خاتم نديرو باش يعرفوني مزوجة.. داز شهر

.. سولت سمسار على شقة... تلاقيت مع مولاها باعها ليا.. كانت مجهزة.. مشيت البنك باش نشوف شحال باقي ليا فالفلوس.. لقيت نفس المبلغ للي خديت باش نشري الدار تزاد عليهم.. مافهمتش زعما يكون هو للي حولهم تاني بسميتي و شكون من غيرو.. علااش !! لكن غير نخدم غادي نرجعهم لييه خديت كتوبة.. وليت كانزيد السوايع درت جارة وحدة امرأة تكون ف الاربعينات.. تانجلس معاها فالعشية شيك بزاف طريقة لباسها هضرتها تعاملها و حتى اغانيها.. معاودت ليها والو لكن كانت فاهماني وكانت تاتوصيني بزااف بلاما تحرجني و عمرها. ماسولاتني على حياتي الخاصة.. الشيء للي خلاني نرتاح. ليها. و انستافد منها.. بدا الثلج تايحيد.. الحمد لله حالتي تحسنات على كيف جيت..

هزيت التيلفون تانشوف اخبار ماما و خوتي غير فالفيسبوك.. تانشوف تصاروهم.. اخر اخبارهم.. لكن توحشت ايمان ماعندي علها تا خبار.. صونيت لها بعد شهرين ماهضرت معاها

انا: الو

ايمان : الو شكون معايا

انا ساارة..

ايمان: ساااااارة ختييي فييييينك توحشتك... خليتينا انحماااقو

انا: تا انا توحشتكم انا بخير نتي ونوفل لاباس

ايمان:ماماك غادي تسطى بالتقلااب نزلات تالمغرب علمو البوليس..

انا:عفااك قوليلها راني بخيير و عايشة هاكا مزيان

ايمان : والبيبي بدات تاتبكي

انا:.. البيبي بخير عندي ولد انا دابا فشهري الخامس.. ماتبقايش تبكي اختي انا را بديت الحفاضة و تانخدم الامتحان غادي نجي ندوز.. حفضي تانتي ماتبقايش تفكري فيا.. عفااكي ماتقوليليهم والو.. غير سلمي على ماما و صافي قوليليها راني بيخير.

ايمان : ساااارة بلاتي فينك نتيي ؟؟؟!

انا: مانقدرش نقوليك اختي... قطعت و بديت تانبكي حتى انا توحشتهم توحشتهم بزااااف لكن مانقدرش نعذبهم معايا ماقدرتش نشوف فعينيهم الشفقة على بطني المنفوخ.. اي اي تحرك تحرك.. ولدي حس بيا.. قالتلي الطبيبة تايحس نفس الاحساس ديالي ..

حبيبي انا بيخير

******

هذا شهر 6 يعني دخلا فشهري.. الحمد لله البيبي صحتو مزيانا.. ضبطت المواد مزيان.. جمعت حوايجي و هزيت كتوبتي تصيفط مع سامية جارتي.. وعاوني العساس باش نمشي المحطة.. انمشي ندوز الباك.. الباااك للي كنت كانصحااب واش غادي نمشي ليه مع جاد و من بعدو نعلنو زواجنا..

علاااش خليتني و مشيتي بلاما تعطيني سبب مقنع.. علاش مشيتي معاها.. ياك كنتي تاتقوليا تاتبغيني.. علاش خليتني نتعلق بيك..

** اكثر الاشياء قبحا هي ان يقطع احدهم صلته بك.. ولا يخبرك ما ذنبك!! **

علااش انا باقة كانفكر فيه صااافي خاصني نساااه.. صااافي.. خاصني نولف نعيش بلا به..

وصلت لكازا نزلت ف اوطيل بديت تانراجع غدا عندي الوطني..

مشيت ندوز انا داخلة لليسي تفكرت فاش حصلني جاد و بقيت تانجري.. مسحت دموعي و دخلت دوزت.. الحارس تصدم فاش شاف كرشي و اخة كنت لابسة لبس طويل.. لكن راني دخلت فشهري.. كرشي كبيرة..

دوزت مزيان الحمدلله دازت ابام الامتحان و دابا اندوز الجهوي.. صونيت ل ايمان باش تجي نشوفها.. تلاقينا هي تبكي وانا نبكي.. حتى سخفت.. جاب ليا نوفل الما.. الغد ليه مشيت دوزت 3 ايام ديال الامتحانات خارجة فرحااانة غادي نشد البااااك دوزت مزيااااان..

تاتبان ليا طوموبيل !!! درت باش نمشي بالزربة و ماقادراش مع تقلت هابطة مع ديك الهبطة ثاني حتى وقفات عليا...

وقفت تانتنهد يد شادة بها كرشي ويد شادة بها خصري.. تكيت على الحيط...

ايمان : سمحيليا ولكن ماقدرتش

ماقدرتش مانقولهاش لهم راهم قلبو الدنيا كاملة عليك..

ماما تلاحت عليا تاتعنق و تبكي: علاااش ابنتي مشيتي و خليتني عارفاااني مانقدرش على فرااقك مرة اخرى..

انا: عنقتها و بديت تانبكي

بابا هبط من الاوطو: سمحيليا ابنتي... غلط فحقك.. عنقني و بدا تايبكي..

انا مسحت دموعي: عفاااااكم بلاما تشفقو عليااا عفااااكم .. انا صااافي ولفت نعييش بوحدي بلااااما تقلقو والله تا عايشة مزيااان غير سيرو..

بابا: لااا غادي تمشي معانا.. حتى جدك بغااك ترجعي.. شحال قلبنا عليييك فاش يالاه كي مشيتي..

انا: لااا مانمشييش..

ماما سخفااات.. بقيت تانفيق فيها.. خديناها السبيطار.. غير العيا و الاعصاب هادشي للي قاليها الطبيب..

ماما: عفاااك ابنتي رجعي والله تاحد مايهضر معاااك..

انا: واخة انا انرجع ولكن مابغيت حتى حد يتنفخ عليا و لا يلوح لييا شي هضرة.. باركة غير للي فيا يكفيني..

بابا: واخة ابنتي..

تصيفط مع ايمان كانت عندنا الطيارة فالعشية صونيت الطبيبة وافقات.. وماما كانت جايبة معاها ممرضة بقات معايا ف الطيارة.. ركبنا وصلنا تاني لتركيا و بالضبط القصر..

عمي ماكانش.. حسن مافيا للي يشوفو..

جدي : عنقني الدار بلا بيك خاوية ابنتي .. جلست تعشيت معاهم بينما شدني الوجع..

انا: ايييي ايي الوجع واااااععععع هئ هئ اي ايائييي

ماما: سااارة الوووجع. ياااك..!!!

جدي : عيطو الاسعااااف.. كلشي تايتجارا داااوني السبيطاار.. الوجع جاني غير بالغوات طبييب ريشتو مسكيين انا نغوت و هو يغوت.. تايهضر معايا بالتركية وانا تانهضر ب بالدرجة..

وااااا الله يعطيك مصييييبة شوف شغلك.. الطبيب:

Bayan bana yardım edin

وماااتهضرش معااااااياااا وااااعععع تانغوت نغوت..

سمعت صوت بكية ديال بيبي.. واغ واغ واغ..

الله ولدي

جاو خرجوني من ديك الغرفة مشيت لغرفة اخرى بدلو ليا تكيت..

بابا و ماما جدة جدي عمتي خالتي حياة عمي.. مراد نسرين خليل هيتم.. كلهم مجموعين فوق راسي.. تايباركو ليا.. الممرضة داخلة وهازة ابني حبيبي

حطاتو ليا غير شفتو وبديت تانبكي.. حتى بكيتهم كاملين جدي بات ماما شدو من عندي و اذن ليه و شدو من عندو جدي بات بابا تايكبر ليه فالاذن الاخرى فرحو به..

حياة : الله على حبيييبي ولدي الله..

عمي : شدو تاهو.. بحا ايلا حاسين راه حفيدهم.. الدراري تايطلو عليه..

انا: عطيو ليا ولدييي

بابا: بلاتي حتى يشوفو جدو..

سالاو.. واخيييرا جا ولدي حبيبي لحضني..

مراد: مبروووك علييك اختي سارة..

انا: الله يبارك فيك

نسرين: ويتووو. شنو اتسميه؟؟!

انا: امير

خليل: güzel isim

هيتم تلاح عليا مسح ليا وجهي و عنقني :

 Ben sonuna kadar sizinleyim

انا معاك للنهاية..

طاح عليا الضيم استغربت منو يمكن عاارف.. لاا ماما واعداتني ماتقولها لتاحد ...

خرجو كاملين.. بقات معايا غير ماما

انا : ماما ياك تاحد ما عارف ياااكي ؟؟!!

ماما: غير تهدني ابنتي ماقلتها لتاحد ووصيتهم ماما و بابا مايقولوها لحد و هما احتارمو قرارك

انا: شكرا.., ولكن هماا مالاحضوش غيابو؟؟ ماما: ديما كايمشي كاتجيه شي مهمة و كايسافر ماكيعلم حد

بدا البيبي تايبكي..

ماما عيطات الفرملية باش توريني كيف نرضع ولدي.. رضعتو.. و نعست انا وياه ماما باتت معايا.. ماسهرتش فلليل مسكين غير كايرضع ويرجع. ينعس

صبح الحال..

حليت عويناتي. وكانشوف ف حبيبي تاتبدل ليه الممرضة.. الله شحال زوين تايحل عويناتو.. سبحان الله لون عينيه

خرجت. من المستشفى.. لقيتهم دايرين ليا حفلة.. تايعاملوني مزيان.. داز السبوع... اميري هو للي رجع ليا الفرحة لحياتي.. علقو الطابلو دخلات ايمان ل site وبشراتني بخبر نجاحي... جبت نقطة مزيانة رغم الظروف القاسية للي عشتها.. قويت راسي و خديت الباك به ولا بلا بيه تبتت ل راسي انني قوية.. و نقدر نسا شي حاجة سميتها جاد علاش حتى مانقدرش نقدر.. طحت الارض. تانبكي.. تقدري اسااارة تقدري شحال من شهر دابا داز علاش باقا تانتعذب فينما تفكرتو وهو ماصدع راسو حتى باش يسول... والديه تايسمعو خبارو غير من هجر..

نعست ولدي و هابطة فالدروج ..

تانتفاجأ بهم.. محتافلين بعيد ميلادي

نسيييييت تاااني كملت 18 عااام ياااه عاااام واحد شحال طرا فيه من حدث...

حبيت وتحبيت.. تخدعت ... عشت الاكشن.. عشت الفرح و الحزن.. تعرفت على عائلتي.. ياااه عام قدر يطرا فيه كاع هادشي.. لكن الحمدلله رزقني الله بمولود..

تفكرت فاش gاليا سارة عندااك يكون هادشي غير مرااهقة بالنسبة لك

انا: لااااا انا كانبغيييك و عمري نخليييك

جاد: ماتفرق بيناتنا غير الموت

شحال انا بليييدة...

احتافلو بعيد ميلادي لكن ماكنتش معاهم الجسد حاضر و العقل معااه .. صوتو كايجيني فاي بلاصة ريحتو.. كلشي..

نجحت فقرايتي نجحت ف نخليهم يسامحوني..

نجحت نكون ام

و مانجحتش باش نساه..

لكن غادي نساااك.... ومغاديش نمشي من هناا انبقاا ... باش نمحي اي ذكرى جمعاتني معاك فهاد الدار.. الشبح ديالك مغاديش يبقا ملاحقني..

سالاو الحفلة..بعد ماتمنيت امنية..

تمنيت من الله يخلي ليا ولدي و عائلتي و ينتاقم ليا من جاد ...

مشيت هزييت تصاورو من بيتي كلشي ديااالو... درتهم ف صندوق ديال الحديد وحرقتهم .. لكن خليت تصاورو مع هجر .. باش فينما تفكرتو.. نمشي نهزهم و نكرهو مرة اخرى.. دازت ايااام وشهور اميري بدا كايكبر.. تسجلت ف معهد تسيير المقاولات انا وايمان ولينا ساكنين عند جدي بات ماما فانقرة.. واهم حاجة طراات هي طلقت منو..

عمرت وقتي بالبيرمي و لاصال باش نرجع فورمتي.. غلاضيت من بعد الولادة..

ايمان دوزات معايا العطلة د الصيف واتكلفات ماما بمصاريفها خوها مزال تايقرا فالمغرب.. انا فهاد الشهور تعلمت كيف نلبس الكعب العالي كيف نهضر مع الناس كيف ناكل.. باختصار تعلمت نكوون شييك

نسرين تسجلات تاهيا فالمعهد وتاتمشي لعرض الازياء..

مراد كمل قرايتو برا

هيتم. تخرج طبييب درنا حفلة كبييرة..

خليل اعتارف بحبو ل ايمان نصحتها باش ماتيييقش...

عارفة راسي حطمتها مي اللهم دير احتياطها ماديرش داكشي للي درت انا.. تانمشي لاسطمبول كل ويكاند وحنا دابا فيها فاسطمبول..

ايمان: سااااااارة ساااااارة اجي تسمعيي

مشيت تانجري لقيتها هازة امير..

شافني بدا تايضحك و بغاني نهزو هزيتو...

م ما ما ماما طرت بييه نغوت ونبوووس قااال ماما ماما

دخلات جدة جات هي و ماما.. ماااالكم ؟؟؟

انا: قال ماما ولدي ولا تايخرج الهضرة تانعنق فيه

جدة :هههههه را كمل عام المسطية عاادي ...

الله شحال تايحمق حبيييب ماماه ...

نسرين هزااتو تاتبووس فيه: واسااارة يالاههههي

مامل: ماطعطلووووش را الحفلة ليوم...

خرجت مشينا اول حاجة المول تقدينا حوايج و كساوي راااقيين عكس داكشي للي كنت تانلبس سراول و القبيات السبرديلات نن نن نن... دابا تبدلت انا و غادي تبدل

حتى شخصيتي و لبسي وجهي.. كلشي...

لكن هاد المسخوطة ديال نسرين سخفاتني.. اوفففف تاحاجة ماعجباتها.. اخيييرا سالينا...

مشيت لعند الكوافور... انا لااااا ماتقطعووش ليا شعري بحرا ماطولتووو .

نسرين : هههه واخة

بدا ليا فوجهي شعري بقينا شي 3 سوايع.. لبست كسوة فالاحمر غامق. . مزيرة عليا.. عينيا مرسومين .. عكر احمر.. ماكياج مثير.. بقيت تانشوف فراسي هادي ماشي انا لااا...

نسرين: واااااااو اختي ماشاء الله طلعتي غزااالة... خرجنا. فطريقنا.. القصر كان ذكرى عيد. زواج. ماما وبابا..

دخلنا.. واااو كان القصر غير كل يوم .. اضواء.. ديكوور ولا اروع.. سلمت على ايمان

ماعرفاتنيش..

انا : واااع تاتقولبي عليا

ايمان : عرفتي كيف كاتباااني قرطااااسة اصاحبتي... وااااعرة

انا: مانباانش قدامك جيتي غزااالة والله... دغيا تجمعو عليا.. تاحد مامصدق اش كايشوف بعينيه دارو ليا الشوهة.. لهاد الدرجة كنت خايبة هه

ايمان :هناا عامر غير بالشخصياات واحد ينسيك فلاخر ضبري ليك على شي عرييس

انا:ههه كرهت الرجاال فينما كانو الا ميميتو.. ضبري لك نتي نيت على شي عريس

ايمان: قلبي خداه خوووك.. الله الله شوفيه كيف داخل..

انا الله يعطيك عقل..

جا لعندنا.. عجبو الشكل ديالي الجدييد مشاو تايرقصو مع بعضياتهم..

مشيت باركت لماما وبابا واعععع تاهما تصدمو و عجبهم الحال اما جدة وجدي مشاو ينعسو... طلعت نشوف ولدي دخلت لبيتو.. الله ناعس كيف الملاك.. سديت الباب و انا نتلاقا مع شخص.. ابتاسم ليا و ابتاسمت ليه..

الشخص: بونسوااغ.. انا ياسين.. مغربي وعايش هنا..

انا: هههه وحدة وحدة..

ياسين : تباارك الخالق جمالك فتان هز يدي لعندو باسها..

انا: شكرا..

ياسين : ممكن تعرفيني عليك..

انا: سميتي سارة... ام تركية والاب مغربي

ياسين: اه عارفك بنت السي المتوكل..

انا: ايواا..!! ياسين : شحال فعمرك فاش تاتقراي ؟؟!

انا: عندي 19 عام.. مطلقة و ام لطفل..

حسيت به تصدم ياك هادشي للي باغي يعرف..

ياسين باستغراب: باااقا صغيييرة ا سارة على هادشي كللو..

انا: عارفة

ياسين : معمرة وقتك بشي حاجة

انا: تانقرى فالمعهد ثاني عام ليا و كاندير السطاج ف شركة جدي ف انقرة..

ياسين : مزيااان .. ممكن تقبلي صداقتي لك..

انا : مرحبا.. هابطين و كانهضرو

ياسين : انا رجل اعمال فعمري 34 سنة عازب

)سعدي غير فالكبار)

انا: مزيان والديك كاينين هنا

ياسين حدر راسو: ماتو فحادثة سير شي 4 سنين دابا انا بوحدي

انا : سمحليا ماقصدتش نفكرك..

ياسين : لا عادي تشرفت بزااف بمعرفتك و سعيد لقبولك صداقتي..

انا: ليا الشرف..

جا عندنا بابا.. تايهضر معاه وكايضحكو..

انا: نتووما صحااب ؟؟!!

بابا : والديه كانو صحابي وياسين بحال ولدي

ياسين جبد كارت ديالو عطاها ليا.. سالات الحفلة دخلت تانبدل

ايمان دخلات عليا : شكوون هذاك للي كنتي معاه فالحفلة..

انا: رجل اعمال تعرفت عليه ..

ايمان : واااو فنيون..

الصراحة ياسين الف بنت تمناه طويل عندو عضلات سمر عينيه قهويين شعرو كحل لحية.... لكن انا قلبي حطيت عليه حجرة.. مابقيتش نفكر فالارتباط..

ياسين ولات علاقتي معاه قوية واخة ماعجبنيش كراكتير ديالو.. ديما كايشوف راسو وااعر و زوين و تايحماقو عليه البنات.. انا نجحت فخدمتي انا انا انا.. عكس جاد.. مكانش كايهضر على راسو..

مانكرش ياسين فيه حوايج زوينين حنين اسلوبو راقي.. فاش كايكون مريض ولدي فالليل هو للي كانلقى بحكم انا مابقيتش فاسطمبول حدا ماما و بابا..

ديما مصدعني بالزوااج..

ايمان : سارة حتى لامتى اتبقاي تسناي جاد صااافي مشا كون كان باغيك مغاديش يخليك هو عايش حيااتو..

ماما : بنتي ايمان عندها الحق .. نسايه و عيشي حياتك.. ياسين ولد ضريف و باغييك و هضر مع باباك فموضوع الزواج واعدك يحط ولدك فعينيه و يعاملو بحال ولدو..

انا: وااش عند بالكم انا باقا تانتسنى جاد انااا نسيتووو.. انا مابغيتش نخلي ولدي..

ماما: وشكون قاليك اتخليه غادي يعيش معاك..

انا: عفاكم خرجو..

خرجو و خلاوني تانفكر.. كيفاش نتزوج انا هادشي حيدتو من بالي.. تفكرت ايمان فاش قالتلي واش بغيتي ولدك يعيش بلا اب.. انا عارفة ياسين ايحطو فعينيه.. فكرت ايلا رجع جاد.. شنو ايطرا ايلا رجع ولقاني انا كيف ماخلاني تزاد عليا غير ولد اكيد ايعرفو ولدو.. وهادشي للي مابغيتش.. مابغيتش يعرف راه هو بابات ولدي لحقاش مايستاهلش.. فكرت وفكرت و فالاخير خرجت بواحد الحل... صونيت ل ياسين... الوو وي الحمدلله بغيت نهضر معاك بخصوص الموضوع دالزواج.. واخة نتلاقاو تما..

جلست بينما وصل لعندي...

انا: ياسين نتا راجل تمناك اي بنت ساندتيني عمري نسا وقفتك ليا هاد المدة كاملة للي تعرف عليك.. ولكن انا مانقدرش نتزوج بك..

ياسين : علااش؟!! انا خطبتك من عند باباك مستاعد نعيشك اميرة غير قبلي

انا : واش نتا قاابل يكون زواجنا غير غلى الورق.. اكييد لا.. انا مانقدرش ننن..

ياسين : مع الوقت نخليك تبغيني

انا بغيتك نتي لشخصيتك.. عقلك انا مستاعد نتزوج بك غير على الورق

الصراحة. استغربت من ردة فعلو لهاد الدرجة كايبغيني..

شنو قلتي امتى لعرس..

واااو بهاد البساطة ...

نضت عنقتو شكراااا لحقاش فهمتيني..

ياسين : انا بغيت غير امتى نتزوج بيييك..

انا: وقت ما بغييتي

ياسين : غدا نجي نخطب

انا: نديرو حفلة غير بيناتنا

ياسين: للي بغااات لالة سارة

انا انمشي نعلمهم.. دخلت القصر طااايرة بالفرحة... لحقاش تهنيييت على ولدي دابا حتى جاد. اييلا رجع. غادي نقدر نواجهو وانا مزوجة...

كنت فاسطمبول..

وكانو مجموعين.. جدودي ب 4 و البقية..

انا : السلام و عليكم...

جدي: اهلا فين كنتي..!! ؟

انا: كنت مع ياسين و اتافقنا على الزواج. وغدا ايجي هو و عمو يطلبو يدي من بابا

بابا: مبروووووك علييييك...

كلهم. ناضو تايباركو ليا..

انا : را هو بابات ولدي الحقيقي

الكل فوجههم. علامة استفهام ؟؟؟؟؟!!!!!

انا:اه علاش استغربتو.. هو للي كنت مزوجة به شحال هادي ياك اماما ؟؟

ماما باستغراب: اه هو

بابا :كيييفااااش ؟؟!!

انا: تفارقنا و دابا رجعنا... و صافي ابابا من بعد و نشرح لييك..

عمي : بقا مصدوم هو و خالتي جدي جدة حتى انا داكشي للي بغيت باش يقولوها لجاد....

تعشينا و دخلت انا تانلعب مع حبوبي.. للي كايشبه لجاد واخة حتى انا عيني زرقين لكن تايشبه ليه ف الوجه النيف الفم سبحان الخالق المصور..

عنقتو و بديت تانبكي..

امير : ماما مابكييش تي ز و ينة.. حياااتي انا فرحاااانة لحقااش عندي نتااا الكبيدة ديالي... دخل هيتم.. تايتكلم بالتركية..

سارة بغيت نهضر معاك..

انا: اميييري سير لبييتك و انا نجي نعاودليك قصة وااخة ؟؟!!

مشا لبيتو.. بقيت متبعاه حتى مشا..

هيتم : سااارة واش متأكدة من هادشي للي كاديري..

انا: اه

هيتم : وجاد؟؟!!

انا

هيتم : انا فرااسي كلشي و هو بابات ولدك..

انا: كفاااش شكون قالها ليك!!

هيتم : جاد.. فاش رجع لاميركا جا عندي ووصاني علييك.. هو مشا لحقااش..

انا : مكااين مالحقااش صافي مشا وصاااف للي كايبغي مكايخونش الوعد.. انا نسيييتووو وغادي نتزوج صااافي ا هيتم..

هيتم : ديمااا هاكا متسرعة فقراااراتك..

انا: فين كاين هاد المدة كاااملة فيين

هيتم: مابقات عندي تاخبار عليه.. كنت شفتو الشهور اللولين فاش جا كان تايبان كئيب و معذب..

انا: هههههه بليييز باراكا

هيتم : ماتسرعيش ا سارة..

انا : تسرعت مرة هي فاش تزوجت به.. مي دابا انا كاع قراراتي فمحلها

هيتم: معارفش راك حاملة

انا: داكشي للي بغيت هيتم ايلا كنت عزيزة عليييك ماتبقاش تجبدو ليااا

عنقني غير تهدني.. صاافي ...

صبح الصباح و وجدنا الخطوبة دازت سيمانة درنا العرس حضرات فيه غير العائلة..

كان طلب جدي بابات ماما باش نعيشو معاه فالقصر... و ياسين وافق بلا تردد هادشي ديالو كايخلعني.. اي حاجة طلبتها منو يقبلها.. لكن اللي كايبغي يقدر يدير اي حااجة.. انا دخلت الكاراطي.. وولدي دخلتو الكرة.. ياسين ديما مسااافر.. شحال مرة كايبغي يقيسني لكن ماقدرتش ماعرفتش علااش....

ايمان تخطبات ل خليل

مراد رجع من قرايتو

انا وليت خدامة مع جدي ديما كانسهر على مشارييعي لكن تانلقاهم ديجا عند شاركات اخرين.. و دابا خدامة فواحد المشروع و ماقلتهاش لياسين حتى نشوف لحقاش بكل صراحة شكيت فيه

ايمان: سارة. سربي امير ايدخل دابا.. جدة. وجدي و انا و ايمان و نسرين..

Joyeux anniversaire tcha tcha tcha joyeux anniversaire amiiiiir

اميريي كل عام و نتا بالف خير

كل عام ونتا اغلى ماعندي تانحماااق علييك

امير : ماااماااا ميغسييي وااااااو سبيدر مااااان ميييرسيييي

انا : ههه عجبك احبيبي

امير : ouiiii

عطاوه لي كادو نشطنا فهاد العيد ميلاد واخة خلينا العائلة ف اسطمبول... اليوم ولدي كمل 4سنين.. مشيت دوشت انا وحبيبي و تخشينا ففراشنا باش نعسو

امير : ماما الزوينة بغيت نمشي لعند ماما يارا توحشتها..

انا : حبيبي انمشيو عندها غدا

امير : ولكن الكرة..

انا: اااوووه هادي العطلة و خاصنا نبقاو تما يعني الكرة مكايناش

امير : لاااااا بغييتهااا..

انا: صافي نسجلك تما..

امير تايعنق ويبووس

فقت فالصباح لقيت اميري فايق لبستو حويجاتو و لبست تا انا جمعنا حوايجنا.. وهبطنا فطرنا معاهم

انا: ايمان ماتمشيش معااانا

ايمان: نن عندي الخدمة بزااف غير سيرو

انا : للي بان ليك تصيفط معاهم و مشيت.. شدينا طيارة و هاحنا ف اسطمبول.. و صلنا مع الغدا..

انا: واااش فين ماااجيت نلقاكم مجموعين على هاد الطبلة.. ماكتشبعوش..

مااما: الله حبييب قلبي جا لعندي..

كلشي ناض كايتجارا عند امير..

اناااا نسيتووووني... خلييل : فين هي مداامتي...

ولد الحرام قداي حاجتك بعد مني..

بابا: مال حبيبتي مالهاا..

مشيت تساراحت تالمغرب و هبطت عندهم

مراد: سااارة جبت ليك شي فيديواات علاااام..

انا: ههه ارى نشووف جلسنا تانشوفو فالفيديوات..

عمي : فين. راجلك.

انا: مسافر..

مزيان ابنتي كيف غادة مع الخدمة سمعت عندك مشاكل

انا! : لا كلشي مزيان..

امير ماما يالاه نخرجووو... بغيت نمشي الالعاب..

خرجت انا وياه لعبنا شريت ليه داكشي للي بغا تعشينا برا و رجعنا.. لقينا الكبار ناعسين و الدراري خارجين.. نعست انا وحبيبي ف بيتنا..

امير: ماما ماما فييقي وا. سارة نعااسة فيقيي

انا: شحال الساعة..

امير : هاكي بورطابلك لقيت 10...

انا نضت تانلبس فيه.. حرايج الرياضة باش نمشي نسجلو.. ساليت معاك دابا يالاه سبقني وفطر بينما لبست حوايجي احبيبي..

مشا تايجري مشيت غسلت وجهي هزيت سروال جينز مع شوميز ف السومو شفااف و سوتيانا فنفس اللون لبست معاهم صندالة عالية و درت خاتمي والحلقات..

شفت فالمرايا درت كلوص خفيف و ايلاينر فوق عيني..

هزيت صاكي وهبطت..

عند جاد ****

واقف قداام القصر تايتسائل كيف اتكون ردة فعلها.. فاش اتشوفني رجعت.. اكيد غادي تعاتبني لكن غير تعرف داكشي للي داز عليا ومشيت باش نحميها غادي تسامحني.. عذبتها لكن انا تعذبت كثر منها...

دخل و حط الاوطو هبط وجا عندو ولد صغير

امير : سلااام.. شكون نتاا؟؟

جاد هزو : هه انا جاد ونتا

انا امير..

جاد : ولد من ؟؟!

امير و لد ماما..

جاد وفين هي ماماك !!

سارة هابطة من الدروج... جاد هاز امير...

امير هاهي ماما...

هز راسو لقا سارة..

سارة حيدات نضاضر من عينييها جاد هاز امير مصدوووومة من المشهد للي قدام عينيها.. لكن ماشي كثر من جاد..

نهاااية الفصل الاول 

 قصة أحببت طفلة الجزء السادس

• غرّد
• شارك
• شارك
• شارك
• شارك