قصة : أحببت طفلة الجزء الثاني

 قصة : أحببت طفلة
 
قصة  أحببت طفلة الجزء الثاني



انا : ماتبكيش ا ماما مسحت ليها دموعها.. ماما: عاوديها انا: ماما.. عنقاتني كانبغيك يا اجمل بنت فهاد الدنيا. انا: كيفاش تاتعرفي اللغة العربية و الدرجة معكلة فيها ماما مافهماتش اشناهيا معكلة.. ولكن،فهمات اش قصدت : اه ابنتي انا تعلمت العربية فالمدارس مجهدة فيها المغربية للي تاخربقها شويا... وراكي مجهدة اصاحبتي و قرطاااسة للي شافك مايقولش عند 3 الولاد ماما تاضحك اشني هي قرطاسة ?! انا: هي قنبووولة بوووم واااعرة زوييينة

.. Bellaaa..
ماما: اممم انا زوينة لحقاش لقيت بنتي.. عنقتها بينما دخل بابا.. بابا: هاي هاي عايشين الرومانسية بلا بيا عنقنا ب جوجات نتوما اميييراااتي شوفي شنو خديت ليك جبد بوات حليتها لقيت ايفون اخر ماخرج واااااو شكرا.. تكلمي مع صاحبتك انا ويي شكرا.. هما مشاو وانا شعلتو لقيت فيه النمرة مصايب كلشي هو هداك ركبت نمرت نوفل الووو نوووفل انا سارة توحشتكم اش تادير ايمان نوفل تايغوت وااااختيي واااتوحشتك عاااش من سمع صوووتك خليتييي بلااااصتك تا انااا توحشتكم حداااك ايمان نوفل: هاهي تاتحفظ الوووسااااارة توحشتك اختييي كيوصلتي شفتي ماماك ناااااري بردتي ليا القلب فديك الصفريطة بقينا تانتعاودو سالينا و قطعت مشيت دوشت بيتي واااعر فيه ناموسية فيها كوڤر بالغوز مكتب بالغوز تواشا واعرين نونوسات و داكشي ههه البيت قد براااكتنا و فيه دوش واعر.. داكشي ديال الهاي كلاس.. شمبوانات فالشكال والنواع و باندوشات الله على ريحة وعلى راحة.. خرجت لاوية عليا فوطة تانتصدم ب مراد واقف تايشوووف فيا.. هييييه دير الحس... دخلت وسديت عليا فالدوش خرج بحاالك خرج مراد : سمحييليااا مقصدتش بغيت غانعتااذر على داكشي للي دار بابا و هجر.. انا : تالمنبعد خرج دااابا خرج حسيت به خرج تا انا خرجت لبست حوايجي بينما جات عندي نسرين جايبة فيديها بلاطو فيه الماكلة حطاتو نسرين : سارة اجي تاكلي.. طحت فديك الماكلة بحال شي وحدة عمرها شافت النعمة حتى شبعت عاد هزيت فيها راسي كانت ماكلة مغربية نسرين : جداتي للي صوبات ليك هادشي انا : اه شكرا.. داكشي باش كانقول هادشي مغربي 100% نسرين : تبغي تخرجي شويا ولا تسراحي انا :اختي بغيت نعس بينما و دن المغرب ونخرجو نسرين: واخة للي بان ليك.. اعتابريني بحال ختك و مايهمكش كلام هجر واخة انا : شكرا خرجاات و انا ضلمت البيت ضربتها بنعسة

*** فدار جاد** هز التليفون وعيط لماماه الو حياااتي اش خباارك حياة : ولدييي توحشتك بزاااف امتى اتجي تزورنا ??!! و باركتي ليارا را لقات بنتها جاد: باقي ماباركتش ليها .. لكن دبا نجي نشوفهم.. حياة : امتى اولدي !! جاد : انا راني هنا ف تركيا مابقيتش فاميركا.. يعني انبقى نشوفكم .. را وصلت غير الصباح حياة : كاتهضر بصح اولدييييي يعني ماتبقاش بعيد عليا الله الله على خبر الله بنت ختي رجعات ولدي رجع **** هبط لعندهم لتحت لقيتهم كايشربو فالقهوة.. فرحاااانييين كلشي تايضحك،تا من عمي شافني جمع الضحكة.. ماما: جاد غادي يستقر هنا فتركيا دابا عاد قالتها لي حياة حياة ترمات عليا تاتعنق و تبوس هادي هي سااارة الله شحال كاتشبه لييك.. سلمت عليها و جلست.. تانفكر ف جاد غادي يجي ماعرت اش تايجيهم **جاد فدارو تايلبس فحوايجو باش يمشي لخدمتو وتفكر ساارة فاش كانت تاتغوت قبيلة فطيارة ماحس برااسو حتى بدا تايضحك من جديد شحال برييئة هاد البنت وزوينة سبحان للي خلقها آية فالجمال.. شنو زعمة اتولي تعجبني بنوتة كون تزوجت نولد قدها... بغيت غير امتى نشوفها تاني.. عند سارة** هجر: واخيييييرا غادي يجي جااااد توحشتووو (كلشي دار تايشوفيها ) نسرين : وااجدة نخرجو.. سارة : يالاهي.. ماما : فين غادين انقولها الشيفور يمشي معاكم نسرين لا اخالتي انتمشاو على رجلينا لا تعطلنا ناخدو طاكسي خرجت انا وياها بعد توصيات الجميع.. نسرين بنت انيقة لابسة كسيوة و سبيبط طالون و طالقة شعرها انا لابسة سالوبيط جينز ومال. سالوبيط ماشي راجل.. مع كونفيرس جمعت شعري ذيل حصان. وهازة بورطابل ولاا عندي بورطابل يا جدعاااان البلاصة للي بانت ليا نتصور حداها نتمنظر مع راسي بينما خرج درت الفحص نقدر مانكونش بنتهم ونرجع ههه مشينا تساااريناااا طاكسي يحطنا هنا وطاكسي لهييه الضحك والنشاط صدقاات نسرين ضريفة ماشي بحال ختها خاصاني غير ايمان.. بغينا نرجعو لدار كانت شي 9 دليل

غادين فشي زناقي خاوين حتى وقف علينا واحد هاز موس حطو ليا فظهري باينة فيه سكراان من ريحتو.. تايهضر بديك اللغة نسرين تاترعد خااايفة : قاليك عطيه التيليفون انا : اوكيي.. نسرين ماتخافيش بعدي شويا.. شفت فيه درت راسي بحالا انحطو ليه فالارض حدا رجليه تاهو تحنا معايا هزيت ركبتي عطيتها ليه لخشمو و حيدت ليه الموس ضربتو لعنقو طاح تايغوت جريت نسرين و هربنا نسرين غااادي يموووت غادي يموووت انا. : ماشفتيش حنا للي ايقتلنا يالاهي بان لينا طاكسي شيرنا ليه وقف قوليليه الكوميسارية.. و صوني لاسعاف داكشي للي دارت حنا غادين. بانت لينا الاسعاف و صلنا المقر **** جاد خارج من المكتب ديالو كلشي ناض عاطيه التحية.. هو الشاف جديد جاد فعمرو 33 عام مخاباراتي ف امريكا سيفطوه لتركيا على حساب شي مافية هادي اخر مهمة ليه وينساحب.. خلاتو يولي قاصح و متايحن فتاحد هو بغا يكون غير شرطي عادي هاد المهنة ديالو عذباتو.. و ديما تايجيوه تهديدات من الاشخاص للي كايتابع باش يقتلو ليه عائلتو ونهار ماعطاش اهمية الموضوع قتلو ليه ختو الشيء للي عذبو بزاااف **** سارة داخلة هي و نسرين باش تبلغ حتى تزادحات معاه **** انا غادة بالزربة تاتضربت. ل راسي ايييي.. واش هدا صدر ولا حديدة .. واااش نتى مكاتشوفش هزيت فيه رااسي.. هذاااا نتااا??!!!.. تانشوف فالبوليس ولاو صفريين وتايترعدو بحال ايلا تايقولو لياا لااا سكتي راكي مشيتي فيها و الغلطة درتيها ناري حفرتي حفرة و ليوما طحتي فيها... سمحوليا مشيت مع الاغنية.. نسرين: تلااحت عليه عنقااانو بقا تايلعب ليها فشعرها شويا جمع راسو اش كاديرو هنااا ?!!! نسرين : كييفااااش نتا هنااا !!? على بديتي الخدمة انا : دبا يسولك،ولا تسوليه اوففف سربيييو جاوبو بعضياتكم.. جاد : دخلو البيرو !! نسرين : عفااك اخويا بلاما دير تحقييق انا انساينكم برا را عييت جاد: اش واااقع ?!!.. انا : تعرض لينا شفار بغا ياخد التيليفون و هاز عليا موس انا رديت على راسي و ضربتو به جاد: وريني كيدرتي ليه.. نضت تانمتل و عايشة تاانا مع الدور بحالا تانمتل فمسرح الجريمة ساليت لقيتو تايضحك.. وعلاااش كاضحك هادشي بان ليك فيه الضحك !!! جاد: باقي كاعما سخنتي بلاصتك.. وخارجة تقاتلي مع الشماكرية.. انا: اللهم طولك يااروح .. جلست فكرسي هو كان واقف طلقت شعري باش نعاود نجمعو نزل لمستوى ديالي و قرب ليا بعد شعر على عيني.. انا ذبت فبلاااصتي الله على زين.. عويينااااتو تايبانو زرقيين بحال لون البحر.. قلبي بدا كايضرب بالجهد اول مرة نحس هاد الاحساس.. جمع الوقفة.. يالاهي نوصلكم لدار .. انا. و كيفاااش ما غتكتب واالو و ايلا مات نصدق انا قاتلاه

جاد. سكتي مايطرا واالو صافي را ماشي شي حاجة صعيبة نتي غير قستيه وهو سكران.. يالاهي نوصلكم.. انا واخة خرجت لقيت نسرين خرجنا ركبنا معاه اييي اميي اممي نسرين : صدفة زوييينة هادي هي وليتي خدام هنا جاد : اه الزين.. ( ناري سمعتو اش g اليها الزين ولد الحراام لعب بمشاعري.. علاش تايشوف فيا دوووك الشوووفاااات.. ناري سارة واش حماقتييي جاتك المراهقة عليه يالبرهوشة ) شاف فيا من المرايا بحالا كايسولني مالكي دورت وجهي الجهة الاخرى صونا ليا. التيلي الو بابا احنا جايين اه را معانا تا هداك للي كنتو تاتهضرو عليه قبيلة.. بابا: شكون انا: سميتوو سميتو وهو ينطق جااد انا: اه قاليك جاد بابا: اش لقاكم بيه المهم عنداكم تعطلو اووف الحمدلله.. شووووف عندااااك تقوليه شي حاجة قوليه غير تلاقينا معاك واخة جاد : امم كاع هادي صدفة اسطمبول قدها قداش انا: gوليهم صونيتي الزيين دياالك و جيتي عندنا نسرين : شكووون الزين ديالو انا: و شكون من غيرك الحبيبة ياك قاليك جاد: ههههههخ واااعععهههه (اويلي السيد شداتو هيستيريا ضحك البرهوش تاع بوه ) جاد نزلو را وصلنا... دخلنا لقيناهم مجموعين كي قبيلة تريكة ماكتنعسش اااه و لا بغاو يشوفو جاد ماعقلت على تاحد فيهم ناضو تايتعنقو و يهضرو و يضحكو بحالا ماعرت اش شافو.. اوفف دابا عاد هدنة دخلات هاجر لابسة كسوة. قصيرة و طالقة شعرها بحالا خارجة لشي بلاصة غير شافت جاد و تلاحت علييه تبوس و تعنق هو بعدها عليه مي واالو.. احح اقلبي على فورمة عندو.. حطو العشا جلست انا و حدايا ماما فجنبي نسرين عمي عمتي.. اونفاص ليا جاد.. حداه هجر هيتم خليل مراد و حياة مرت عمي و فراس جدي و جداتي.. داكشي الفراشط و الماس ماعرت اش داك العجب حطات ليا خالتي نديرة ف الطبسيل هههه ديك السيدة تاتشبه ليها.. المهم تايتعشاو اما انا ماكرهتش نص ديال الطون خانز وبنين مشبعة كرشي ماشي بحال هاد العجب هذا.. جاد : مبروك عليكم لقيتو بنتكم بابا وماما: الله يبارك فيك جاد: ختي يارا امتى اديري الحفلة اويييلي اش تايقول هدا كيفففاش ختي ياكما خاالي وحلات ليا بديت تانكح.. احم احم جاد : سارة مزال ماتعرفناش انا جاد ولد عمك خو مراد و حياة و يارا خواتات يعني انا ولد عمك وولد خالتك.

)ولد الحراام ذكيييي فهمني علاش كحيت.. ههه ياكما يصحابني مزعوطة فيه دابا صدق ولد عمي وولد خالتي ) انا: متشرفين هاجر : باقي ماعرفناش واش تاتجينا ولا لا انا: انشاءالله.. ا بابا غدا نمشيو نديرو الفحص.. بصحتكم نضت باش نمشي.. عمي بات جاد : من الآداب خاصكي تبقاي حتى نساليو جدي: خليها دير للي عجبها.. جاد : بصحتكم.. تاهو ناض تبعو مراد و الدراري يالاه تلاgا اعمي هه مشيت دخلت لبيتي... بدلت عليا بقيت بسوتيانات و شورط ديالهم قصير طلقت شعري هزيت الگيتار للي عطاني نوفل مسكين.. و بقيت تانلعب بيه شويا سمعت الباب تايدق.. انا: بلاااتي.. مشيت لبست عليا تيشرت.. حليت الباب لقيت جاد انا: شنو بغيتي.. جاد : بقا تايشوف فيا .. تفكرت ملابسة والو لتحت و هو سوقو.. ماكليتي والو انا : ماتنعرفش ناكل بالموس و الفرشيط.. جاد: عادي تعلمي هاجر : جججاااد تكلم الدراري تجمعو كايتسناو فيك جاد: شويا ونجي هجر : شافت فيا هه اش تاتعاود مع بنت الكاريان.. ههه بنت الكاريان وحسن منك جاد تعصب : هجاااار سيري فحااالك.. مشات.. انا :سييير تانتا فحااالك راك تعطلتي عليهم.. جرني لعندو وعنقني بالجهد.. بديت تانبكي شنووو كاتشفق عليا اه انا بنت الكارياان و عايشة حياتي بييخير فرحانة انا وصاحبتي و خوها ساكنين فبراكة وحامدين الله ناكل طرف دالخبز و شبعانة.. جا راجل قاليك هو بابا و جابني مععاه انا والله ماطامعة فشي حاجة ولا باغة شي حاجة ايلا بغاو من دابا نرجع نرجع جاد: مسح ليا دموعي.. نتي هادي هي بلاصتك و هادو هما والديك و هادي هي حياتك للي كان عليك تزادي فيها شحال هادي ماتديش على هجر راها حمقة.. جات ماما جايبة معاها بلاطو فيه الماكلة ماما : مال بنتي !! انا دفعت جاد: وااالو حطات البلاطو و جات عنقاتني جاد :تصبحو على خير.. ماما: كولي ابنتي.. الصراحة طحت فداكشي كلييت تاشبعت.. غسلت سناني و وجهي و رجعت لقيت ماما باقة عيطات المساعدة هزات البلاطو.. طليت لقيت جاد و الدراري مع نسرين وهجر تايضحكو امكن لاعبين كارطة.. ماما بغيتي تهبطي عندهم.. انا: لااا بغيت،نعس.. درت عندها واخة تنعسي حدايا اليوم.

ماما : اه ابنتي بكل سرور.. انا : gولي ماكرهتش.. ماما: ما ك رهتش.. انا:ههه يالاه اجي حدايا تخشيت فيها ماما ليوم شفت غير عائلة بابا نتي عائلتك فيناهيا.. ماما انا عندي ختي حياة بابا وماما ساكنين فانقرة و دابا هما مسافرين مشاو لايطالي.. انا : وعلاش ختك تاتعرف العربية مزيان ونتي لا !! ماما هي عاشت ف المغرب مدة طويلة هي وعمك ولدو جاد و مراد.. انا كنت تانمشي ليه غير فالصيف كنت حاملة ب 7شهور فاش كنت عارفة عندي بنت بغيت نطير بالفرحة مع كانو عندي 2 ولاد جيت المغرب شدني لوجع و ولدتك كانت معايا ايشة كنت تانتيق فيها.. حتى لنهار تخونتي وهي مشات عرفت بلي هي للي سرقاتك قلبنا انا و باباك مالقيناكش و دخلت ف مرض نفسي كل مرة يجيبو لي خبار را لقاو شي بنت مي فالاخر تايصدق كلشي كذوب عنقاتي و بدات تاتبكي كيف. كانت تاتعاملك.. !! انا: عمرها حسساستي بلي ماشي مي كانت حنينة عليا قراتني و كبراتني.. ماقدرتش نقاوم النعاس طحت طيحة وحدة الله شحال عييت هاد النهر داز طويييييل.. فقت فالصباح غسلت وجهي و لبست حوايجي لقيتهم فطرو وسالاو انا مشيت الكوزينة حطات ليا الميمة شي حاجة يعني جداتي مسكينة ضريفة .. و اتاجهت انا و بابا درنا الفحص و خرجنا بينما صونا ليه جاد باش يعطيه نمرتي بابا : هاهي حدايا انا: الو.. اشنووو كيييفاااش.. احنا فيين هاك ها باب يقوليك فين.. دوزتو ليه هضر معاه و قطع بابا : ماالكيي !! انا: اا واالو غير جاد ماعرت اش بغا (انا را انمووت بالخلعة صااافي الشفار مات ) بابا: ههه واخة ابنتي جاد هانا جيييت انا : السلااامة بحرا gلنا ليك فين كاينين جاد : كنت قريب من هنا بابا : نخليكم دبا مشغول.. و غمز جاد مافهمت تالعبة مشا ركب ف الطوموبيل بقيت متبعاه بعيني حتى مشا وانا ندور عند جاد.. ناااااااري دبا انا انتشد فالحبس مااات ياااك ميييمتي على اخر ايامي نتشد فالحباسات ديال تركيا واعععع فينك ا ايمان اجي تشوفي ختك تانوح و مخلوعة بصح عفااااك نتى بوليسي وقف معايا احمباااك.. هو داير يديه ف جيابو و تايضحك.. ياااك اولد الحراااام انا جيت عندك البارح و عطيتك اقوالي و قلتليك يالاه نطلو عليه.. ونتا كاتقول مايطرا وااالو.. بقيت تانضرب فيه.. ماعندي ماندير ليك دابا بصاماتك فالموس.. انا ماجا عندي حد ماشفتكش البارح.. انا نزل عندي ياطويل العجلات نوريك ماجيتش عندك البارح.. جاد: تهدني غيير كانضحك معاك هههه ماكاين وااالو من هادشي

غير كانضحك ماتوصلنا بحتى بلااغ.. انا اربيي بصصصح اوووف الحمد لله اجي و مالك كاتخلع فيا ولاش جاي جاد : بغيت ندوز معاك هاد النهار انا: جابك الله مافيا للي يرجع لديك الدار جاد : ماولفتييش انا: مانولف تايخرج الفحص ههه خيس خيس مانكونش تانجيكم.. نرجع فحالتي الكاريان.. باااينة انا منحوووسة تاتنقول تقادات و تعوااج.. جاد ( فنفسو واخة ماتكونيش بنتهم مانخليكش ترجعي.. تانفرح فاش تانشوفك هضرتك ضحكك عفويتك برائتك.. عمري مانلقا بنت بحالك .. زعما تقدري تكوني ليا.. احساس زوين بزاف تانحسو معاك ) انا : واااا بوعبييد الشرقي و بويا عمر واا بناااادم جاد. : احمم احمم ماااالنااا نمشيو.. شبكت يدي فيديه واااع انا اش تاندير مي والله حتى كايحمق خليني نشد فيه نقدر مانكونش بنت خالتو.. و نرجع فحالاتي المهم نعيش معاه هاد شويا مانضيعش الفرصة غادين تانتمشاو جيهت البحر الجسر انا : واااو هنا شحااال بكا مهند مسيكين على نور جاد شكون !!! انا: والو والو نتوما ماكتفرجوش ف tv هه بان ليا غزل البنات ولكن بلااتي مولاه غادي.. جريت جاد من يديه للي مشبكة بيدي وبديت تانجري تاهو تايجري معايا جاد : مالكي شنوو واقع انا: بغغيييت الصوفة (وقفنا عندو) gولييه بغييت وحدة.. عطاني وحدة كبيييييييييرة انا وااااااو شكراا.. تفكرت انا و ايمان فاش كنا نشريوها.. طحت فيها بغيت نعنقو ولكن الطول فالعرض فالارتفاع فين انا وفين هو.. مشينا جلسنا فكرسي تايشوف فالبحر.. تناكل ونوكلو حتى ساليناها.. باسني ف حنكي.. قلبي بدا تايخبط.. ياااربي اش هادشي تايوقع لياا انا سااارة للي ماتنحملش الدراااري تعلقت فواحد شفتو غير البارح.. جاد نمشيو.. انا :واخة بقينا تانتمشاو تايعود ليا على راسو و تا انا عاودت ليه على حياتي جاد : و كيفاش كنتي تاتصرفي على راسك من بعد مامرضات انا : كنت تانخدم فالديور.. ولكن كانو العيالات تايحطو فيا الشفرة و مرة كنت انتغتاصب كون ما نوفل عتقني.. جاد : شكون نوفل انا: خو صاحبتي.. لكن من بعد وليت تانخدم انا وياه فالليل جاد : فاش انا : الشفرة.. وبديت تانبكي.. اه اتgول انا شفارة.. ولكن حط راسك فبلاصتي.. مسح ليا دموعي

نساااي كلشيي دابا اتبداي صفحة جديييدة.. جلس على ركابيه و عطاني بالظهر.. اتكوني عييتي ركبي.. بصدمة هداااا اش كايدييييير والله تاحمق جاد سربيي.. .. نيت والله تاعييت بالمشية ركبني انا قريييبة ليه الله على ريحتو و شعرو قرفادتو هاد الزمر كلشي فيه زوين غادين و نضحكو تايجري بحالا هاز شي ريشة.. مشينا الالعععاب ركبنا فيهم كامليين .. ربح نونوس كبير و عطاه لياا.. صااافي انا انحمااااق انتسطى واش هدا هو الحووووب.. على حساب ايمان و هادشي بااش تانحس را هو هذا.. كان الليل شدينا طاكسي لبلاصة الاوطو.. وصلنا الدار لقيت الصقييل مكاين تاحد او هادو فين مشاو.. شعلو الضواو Joyeux anniversaire tcha tcha joyeux anniversaire saraah joyeux anniversaire الكل ماما بابا.. مراد جدة جدي عمتي ونسرين هيتم و خليل.. الا هجر.. عيد ميلااادي نسيييت.. نسرين اجي معايا.. طلعت لقيت كسوة فالغوز قصيرة لبستها و لبست صبيبيت سامبل طلقات ليا شعري دارت ليا شوية المكياج.. شفت راسي فالمرايا.. عجبتني لكن حشمت مع مامولفاش نلبس هاكا.. نسرين : وااااااو جيتي كاتحمقيييي.. يالاهي نهبطو.... هبطنا كانو دايرين موسيقى تركية ناضت جداتي كاترقص هي و جدي واخة مغاربة لكن ولفو الطابع التركي.. ماما و بابا عمتي و عمي نسريين مشات تاتجري مع هيتم.. انا بقيت واقفة فبلاصتي جا عندي مراد مراد : واااو غزااالة انا : لا قردة.. مرااد : عهه بغيت نقول زوينة انا: يزين يامك جاد: شنو هاد اللبس !! كون بقيتي كيف كنتي حسن انا : ماعجبكش جاد: نتي زوييينة بلا ماكياج.. انا: عالعموم شكرا على المفجأة.. جاد : هانية الفنيكيشة و قرص. حنكي ( بفف عند بااالي انعجبو هو رادني بحال شي بريهيشة) جا بابا عنقني مال اميرتي مالها.. انا : جيت خايبة بهاد اللبس ياك بابا : بالعكس جيتي زوييينة هاكا شكون قاليك خايبة.. جات عندنا خالتي نديرة هه باش نخرجو الجردة نكملو فيها الحفلة.. خرجنا لقيتهم مجموعين مارديتش ليهم الباب امتى خرجو... ضلموها ملي gالو جردة فيها جميييع انواااع الورووود لابيسييين الضواااو داكشي غزااال.. ماما: بنتييي زوييينة.. كل عام ونتي ب الف خير عطاتني كادو.. بابا حتى هو نسرين عمي حياة عمتي الدرااري مكانوش عارفين لكن هداو ليا اغنية.. ههههه

بالتركية.. و جاد عطاني كادو جيت نحلو لقييت مونيكة ديال الحجرات تخدميها و تبدا ترقص.. درت عندو رااا كملت 17 السي ماشي باقة فعمري 4سنين.. كلشي تهز بالضحك مااحملتش راسي لهاد الدرجة تانبان برهوووشة تفوو.. جاد تايضحك.. مافرااسييش.. ماما: بنتي دابا اجي كطع گاطو مي قبل تمناي امنية و قفت و كلشي حدايا تمنييت ياااربيي جاااد يكون من نصيبي بغيتو بغيتو من اول نظرة ياااربي يكونو هادو هما عائلتي لحقااش حسيت بهم باغيني من قلبهم.. ياربي تجمعني انا و ختي ايمان.. حليت عيني لقيت جاد تايشوف فيا الدراري يالاه one too treee طفيت الشمعة وشعلو الضواو بدات الموسيقى.. ضحكنا غنينااا شطحنااا وفين ماندور نلقى جاد تايشوف فيا سالات الحفلة شكرتهم كاااملييين هجر دخلات : ههه نتي للي تشكريهم نتي للي طلعاتليك.. بنتهم هههه بنت زنااقي.. مووسخة جاد عطاها بتصرفيقة مكاينااش شي موسخة قدك .. مامربياااش.. جدي طااح من الوقفة جاد مشا عندو بينما تجمعو كاملين عليه عيطو الطبيب.. غير العيا و ليوم ماعطاش الراحة لراسو وهو راجل كبيير.. صافي تزلعات الجوقة .. جاد هز طموبيلتو ومشا انا طلعت لبيتي.. دازت سيمانة ديما تانتلاقا مع جاد هاد الشخص غير فيا بزاااف معاه تانحس بالامان رجعني لطفولتي للي ضاعت تايتعامل معايا بحال شي طفلة حبي ليه نهار على نهار كايكبر دخلات ماما تاتجري و تاتعنق فيااا نتييي بنتييي نتي بنتيي عنقتها و بدينا نتباكاو عرفت را خرجو التحاليل.... هبطنا انا وياها لقيت عمي اعتاذر مني عاملوني بحال اول نهار نتلاقاو.. هاهو داخل جاد... ديك الماسخة د هجر: وينووو حبوووبي جا طارت عليه بتعنيقة.. توحشتك اويييلي السيد السيمانة للي فاتت صرفقها.. هو مغوبش.. هاجر بليييز ماتبقاش مقللق مني هاهي صدقات بنت خالي.. اا ااا شنو. سميتك.. انا: معااايا !! هاجر :اه.....

مراد : سااارة
هجر :وي راخرجو ليها التحاليل اليوم تانعتاذر ا ساريتاا و مبروووك عليك اتهنااي من ديك العيشة
انا: ديك العيشة خير مانسكن مع مثالك يا الموسخة.. من اليوم اتحتااارمني ولا والله تانوريك بنات الكاريان اش تايسوااو...
مراد شدني صاافي اسارة.. تاحد ماتكلم واقيلا عجبتهم فيها

جلست فالطبلة دالعشا بينما خلطو عليا.. جاد جلس حدايا و جات حداه هجر تاتبوزق علييه.. طحت فالماااكلة كان داكشي بالخبز...
نسرين : الدرااري نسهرو اليوم و ترجمات داكشي بالتركية ل هيتم. وخليل
هيتم وخليل قالو شي حاجة :
مراد قالو ااه منها نيت يتعرفو على ختهم..
انا : اه وااخة.. (حتى انا نهار كامل ناعسة اللهم نسهرو .. )
مراد : ايوا نسهرو الليل
نسرين: حبيبتي هجر تاانتي سهري معانا حيدي شويا العيا ديال الخدمة شافت فجاد جااااد. بلييييييز بات هناا ليووم خليونا نضحكو شويا را الصيف هذا ماسافرناااش عالاقل نشطو شويا
جدي : الله يخلي ليااا حفايدي
ماما: تهلااو ليا انا غير ف بنتي
خليل : د ا با جيني غييرة
بدا كلشي تايضحك..
سالينا. العشا طلعت لبيتي دخلت الدوش.. بينما سمعت شي حد تايدق.. راااني تاندوش
جااد: اووووكي حتى تسالي...
ساليت دوشي واخة تعطلت فيه لبست سروال كيطمة و ديباردور X شعري فازگ خليتو مطلوق خرجت تانتسارا على بيت جاد وراتو ليا وحدة من الخدم مغربية..
حليت البااب بلاما ندق لقيتو مدوش و لابس شورط و من الفوق عريان جسمو ساارد عضلاتو مبروزة .. واااو شحال كايحمق عينيه الزورق.. بقيت حالا فمي فيه ماحسيت براسي حتى وصلت حداه.. بقيت تانشوف فيه وحتى هو هكاك تحدر لقينا راسنا فقبلة ساخنة دورت يدي على عنقو طلعني لعندو درت رجلي ورا ظهرو عنقني بيديه بجوج تايجر شنفاتي و تانا ماقاومتوش بديت تانفلورتي معاه.. حسيت احسااس زويين عمري حسيت بيه
حسيييت براسي طايرة فوق السما
....... حتى تايخبطني مع الارض نزلت وااقفة
جاد : هز يديه وصرفقني.. حسيت بالدنيا دارت بيا سااااااارة خرجيييييي خرجيييي
ماحسيت باش تبلييييت الحگرة والقمعة ناااااري كون صبت الارض تشق
خرجت تانبكي تفوووو على شوهة هدا رااا مرييييض تفوووو علاش باسني فالاول... و تا انا حمااارة بغا غييير يجربني واش بحال لوخرين ولا لا يخخخ..

عند جاد***
علااااش ضعافيت قدااامهاا علااااش قستهاا اه انااا كانبغيهاااا لكن بغيتها فالحلااال و ماشي بهاد الطريقة.. خاصني نعتاذر ليها...

عند سارة ***

اااه انا للي فهمت غلاااط معمالتو ليا كانت غير شفقة و صدقت طايحة فيه تفووو علاش انا مككلخة علاااش دخلت لبيتي نفاجرت بالبكا.. ياك هو للي باسني علااااش ايلا كنت بالنسبة ليه ختو علاش دارها.. تانشوف فالمرايا.. بقيت تانمسح ففمي انااا حماااارة..

مسحت وجهي دغية باقي ماتزاادش هدا اللي يبكيني..
طليت من البالكون.. شفت دراري مجموعين... لمحت جاد و هجر تايهضرو..
بديت تانبكي زمر كحل بحرا قلت ماتزادش هدا للي يبكيني
حسيت بصوت : Tu l'aime ??
درت لقيت ماما : عنقتها و بديت تانبكي.. اه ا ماما اه
مسحات ليا دموعي.. و علاش تايبكي ابنتي
انا: ماما انا باقة صغيرة. على هادشي ياااك !!
ماما : انا قدك تزوجت بباباك.. ماما هو كبيير عليا..
ماما: مابقاتش فالعمر.. صافي ابنتي مسحي دموعك را عاادي تحسي هاكا...
دخلات نسرين.. سارة كلشي تايتسنااك..
انا: واخة انا جاية..
ماما : تصبحو على خير.. مشات هي و نسرين انا صونيت. ل ايمان..
ايمان: اش خبار حبييب القلب
انا : سولي غير عليا انا بعدا
ايمان : مال صوتك
بديت تانبكي عاودت ليها كلشي بالتفاصيل.. لامتني و بقات تاتعير فيا ووراتني ههه..
مشيت لبست شوورط قصير كيف ما قالت ليا ايمان.. خليت شعري مطلوق درت گلوص هزيت گيتاري و خرجت الجردة...

لقيتهم مجموعين
مرااد : واااااااو بنت عمي قرطاااااسسسة..
هيتم : بعد على غتي
خليل : تاتهرفي ل غيتار ???!!
انا: وييي
جاد : الليل هذاا اجلو هادشي تال غدا
نسرين: نووو نووو
انا: للي فيه نعاس ينوض
جلست حداهم مفرشين فالارض .. اونفاص لي
خليل : كاتهرفي ل گيتااار !! ؟ انا: وييي
هيتم : غني لينا شي حاجة مغربية..
انا بقيت تانفكر طاحت فبالي.. مال حبيبي مالو ههه
مراد : تانا حافضها.. نسرين : وييي تا انا..
انا: يالاه معايا..
مال حبيبي مالو قولولي اش جرا لو لبارح كان يبغيني و ليوم تغير حاالو... و صلت المقطع..
يا ولفي حرام عليك
هجرتيني بلا سبة
والعشرة هانت عليك
وجرحتي المحبة

والله حرام عليك
ضيعت معاك زماني
خسرتي اللي كان يبغيك
و جريتي للبراني ماشي نادم حيت بغيتك

ربي عالم اللي بيا
ربي قادر ينسيني فيك
ويطفي نار الكية وكملت مال حبيبي مالو..
نوضنااها ب الگيتار الدراري ناضو تايغوتو ويشطحو مراد : حبييب قلبي انا نعشو فالهنا صدقني ولا فرقني نغيرو فالحال ... واشفتييي شفت فداك خينا تانضحك..
الدراااري وااااو كاااتعرفيي تغنيييي وااااو.. هجر : واخة مافهمت واالو مي عجبني عزفك.. مراد: ماخليتي لي مانقول..
نسرين شنو بان ليكم نلعبو لعبة الصراحة
دراري موافقييين..
ضايبنا القعدة و حطينا القرعة الوسط.. جات ف مراد مع نسرين..

مراد: شنو حلمك !!.. نسرين : نكون عارضة ازياء..

دورو القرعة جات ف جاد و هجر
هجر: ايلا عتارفت ليك بحبي ليك
جاد : اتكون صدمة اكيد نتي بحال ختي..
هنا انا فرحت...
دورو القرعة
جات فيا انا و خليل..
انا : واش تعودتي عليا كا اخت ليك .. خليل : اصلا عمري نسيتك ظيما ماما تفكرنا فيك وحنا فرحانين بزاف ملي نتي معانا
دوروها تاني جات فيا انا و جاد هة للي خاصو يسولك...
جاد : اكبر غلطة فحياتك
) حمااار هدا بغا يفكرني.. اصلا مانسيتش..
انا: اكبر غلطة.. هه هي للي كانت شوية هذا..
جاد : و ايلا داك الشخص للي غلط معاك و بغا يعتاذر ؟؟؟!

انا : اكيد مانسامحوش.. دورت القرعة.. جات فيا انا و مراد
انا: كاينة شي وحدة فحياتك
مراد: انا كانبغيها و كانموت فيها من نهار شفتها مي هي ماكتعبرنيش..
كلشي ناض قولينا شكووون شكووون.. مراد : نخاف نخسرها. و كايشوف فيا
دورت القرعة جات ف هيتم و مراد
هيتم،: ههه قولينا شمون هي
مراد،:ساا... جاد : نوووضو تنعسوووووو باركة، اووووفففف..
انا : نسرييين.. قاليا بابا عندكم يخت..
نسرين :وييي
انا : ندوزو غدا تما نمشي انا وياك و هيتم خليل.. مرااد اكيييد ههه

خليل : وي و منها نيت نعرفكم على حبيبتي..
نسرين حتر انا انعيط ل اوس يجي..
جاد بعصبية و تخنزيرة: تا انا غاااااادي..
هاجر : وي نمشيو كاملين..
جبدو كارطة ..
مراد نلعبو على حكيم..
انا : مرحبا.. جاد مشا جلس فكرسي و تايشوف فينا..

جاد *** سااااارة علاااش كاديريي معااايا هاكااا عاااملتك مزياان هاد المدة ماتخلينيش نوريك الوجه لاخر.. اوووففف دابا وااش نوض نجرها.. اش كادير هاااادي... ؟؟؟؟؟

.** خسرت و حكمو عليا نترمى فلابيسين..
انا: نن بليييز حكمة اخرى. رااا منقدرش لييييييل هذا...
نسرين : بوسي مراد من حنكو..
انا :اوووووفففف يالاه واخة.. غمضت عيني بحرا بغيت نبوسو جاني الوحش.. جرني من وسطهم..
جاد : اششش هااااد البساااالة مابقا حشوم ونتا حسابي معاك من بعد..
انا طلق طلق بعد مني..
خشاني فالاوطو و زاد.. اويلي هذا مسطي ولا مالو..
انا : اش كادييير !!!
جاد: بغيتي تبووووسييييه.. شنو كايسحاب ليك.. مامربيااااش..
انا: حدك تماااا بعدد منييي نديييير للي بغيييت ماتقربش ليا..
جاد: اش هاد المرض لاابسة شوفي صدرك كي باين و فخاضك.. عاجبك رااسك اااا.. قرب ليا و انا نعطيه بتصرفيقة تا دار ومع وسط الاوطو...( الله يعفو عليا من الكذوب اشمن داار انا صرفقتو ب قوتي و هو ماتحركش ).. عمرك تحلم تقيسني.. نتا بالنسبة ليا خويا الكبيير و بمتابة بابا..

جاد :اهاااا داباا عاجبك مرااد. ياااك
انا وي عاجبني و تانموت عليييييه.. عالاقل قدي قدو جا معايا
جاد : واخة اختي اه ولا بنتي مزياان..
انا ( جات ديك ختي من فمو بحال الصاعقة على قلبي.. گول راك كاتبغينيي علاااش تصرفاتك عكس هضرتك علاااش ) جاد غادي مكسيري..
انا:خفف شويا راك غاتقتلني..
جاد: ملي عاجبك علاااش تبادلتي معايا..
انا:قلتليك غلطة..
جاد : ماااشي غلطة نتي كاتبغيييينييي
انا : تبغييك الموت مالقيت شكووون
جاد: ساااارة اخر مرة نششووفك مع مراااد واخر مرة تلبسي هااكا ولااااش طالقة شعرك?????? .. و دايرة داك التخربيق لفمك !!!!!
انا: ماعندكش الحق تحكم فياا عندي والديا للي يتحكمو فيا و ندير للي عجبني
جاد : كنتي اتبوسيه من حنكو
انا : عادي.. راه ولد خالتي.. و غير شويا هادا بستك تانتا.. تاهو عندي الحق نبو.. خلط ليا وجهي كامل بواحد الضربة.. و حبس الاوطو.. نزلت تانجري.. وتانبكي... جرني لعندو تانخبط فيه بعد مني هئ هئ ياك انا مامربيااش يالاه عطيني التساع.. بدا تايمسح ليا فالدم من فمي.. و تايمسح فدموعي.. سمحيليا ا سارة فاش كانتعصب ماكنبقاش عارف اش تاندير نتي عصبتيني مابغيتش نقيسك فالحرام .. لكن اضعافيت قدامك وكون ماضربتكش.. ماكنتش غادي نتحكم فراسي.. انا كانبغيييك ا سارة اه كانحماق عليك من اول مرة حيدت ليك الكاسكيطة باقا تعقلي عجبتيني ببرائتك عفويتك هضرتك ضحكك.. بغيتك واخة ماتكونيش بنتهم.. لكن للي كايخليني مانصارحكش هو فارق السن للي بيناتنا نتي باقا صغيرة وانا كبير.. ( تصدمت بقييت حالة فيه فمي ) سارة حسبيني ما قلت وااالو كيفما قلتي انا بحال خووك الكبيير و لا باباك .. دار غادي الاوطو و انا نتلاح عليه عنقتو من اللور ضهرو الضخم... تاااانااا كانبغيييك وبغيتك من اول نهار شفتك فيه..
دار لعندي بسرعة..
جاد : كاتهضريييي من نيتك
انا: لا كانهضر من فمي..
جاد : بلاا بسالة دابا
انا : تانحماااق عليييك
جاد : عنقني و هزني لعندو تايبووس فعينيا حناكي جبهتي... الا فمي ههه : تانوااااعدك عمريي نبكييييييك اتكوني اسعد وحدة معاياااا
انا : ماتبقااااش ضربني..


جاد : مااااديرييييييش علااااش و مانقييييسكش
انا : بشويا مالك تعصبتي
جاد : ماشفتييييش مرااااد كيف كايشووووفيييك و نتي معريا على قزيييبتك..
انا: ناااااري ماكتحشمش
جاد: تا تكوني تحشمي نتي.. شوفي راااسك اش لااابسة دابا هاد الشورط فيه شبر تلبسو وحدة بحالك.. كون غير ماعندكش...
انا : ماااسوووقكش
جاد : سووووووقي
انا: شوووووف قدااامك دابا نديرو كسيدة.. اش كنتي تاتعااااود نتا و ديك خيتي ف الجردة
جاد: هجر!!!
انا : ااااه ... جاد : وااالو
انا: اوكي.. جاد : حبيبتييي غاااارت !!.. انا : وعلااااش بغيت نغيييير !!! جاد: ممم شوفي و كان...
انا: ايلا بغيتيني مانبقاش نهضر مع مراد، فوتها علييييك و لا والله تاندمك
جاد : مايكون غير خاطرك..
وصلنا القصر
جاد: شعل الضو ف الاوطو و شاف وجهي٠٠ سمحيليييا بدا كايمسح ليا فيه
انا: اييي اي بشويا..
عنقني : تانبغيييك و الله...
يالاه ندخلو..
دخلنا لدار الصقييييل كلشي ناعس ايوا را 4الصباح هادي.. دخلنا فالحس انا وياه هو مشا لبيتو وانا لبيتي..
ددخلت ماقاداني فرحة . مشيت لفوق ناموسيتي واااااععع انا وليييت تانحب انااا لللي كنت فااااضحة لايمان راااسها... لاااا ماتفعليييش ماتركيييش انااا ولييت كتتتتر منهااا واااع شحال تايحمقققق.... صونيييت لايمان : الووو واش كاتحلمي بيا ...
انا : تايبغييييييييينييييي اعتاذر ليا. وماحملش راسو ملي باسنييي...
ايمااان : ححلفيييي ايوااا خاصكم تزوجوووووو
انا : نعسي نعسي..
قطعت معاها
و تلحت نعست مافقت تال 2..
مشيت دوشت.. لبست حوايج عاديين. جمعت شعري الفوق.. مع غادي نشوف فالمرايا.. . لااا ماشي انااا هادي ... اويلييي وجهيييي.. قربت المرايااا.. حنكي زرق.. و حدا فمي مجروح عينيا مانفوخين.. و انا محاااساااش بهادشي.. يقدر الحب يدير هاكا و فسيمااانة نسيت راااسي... وذبت فغرااامو.. لا والواعرة هي انا كاااملة زرقة و محاساش براااسي..
ولد الكلبة داااااكشي بااااش البااارح تايگول سمحيليا.... ونزل علييه الحنان... خرجت تانجري لبيتو.

حلييت مالقيتوووش.. لقيت تصورتي فالعيد ميلاد فوق وسادتو... هاي هاي عالمراهق لاخر..
هبطت لتحت لقيتهم تايتغداو
بحرا بغيت نرجع
جدي : اجي ابنتي تغداي
درت كلشي خرج عينيه
ماما: شافت وجهي تخلعااات..
بنتي ماااالكي شكون دار فيك هاد الحالة
انا : قربت ليهم
الحمدلله مكاينش بابا و عمي..
كلشي فوجهو علامة استفهام حتى جاد الله يعطينا وجهو...
انا: ههه واالو غير الصباح فاش كنتو ناعسيين بغيت نجرب الطالون و لبست مع خارجة جبت الربحة فالدروج..
كلشي بدا تايضحك
هجر: اش لاحك لشي طالون..
انا : ماشي سوقك
خالتي حياة مامات جاد : اوووه بنتي دابا نجيب ليك وحدة تعلمك كيف تزيدي بالكعب العالي..
جاد: لااا هي باقا صغيرة على داك التخربيق.. ساارة خاصكي تعلمي اللغات و تسجلي فباك ليبر.. را سولت ليك على هادشي ليوم فصباااح.. يالاهي نمشيو..
جداتي : بلاتي حتى تغدا..
جاد : لاا انتغداو برا.. هجر : مااالك بااااهاااا خليه هو يسجلها نتا مالك
جاد: دخلي سوق راسك
ماما : غمزاتني
خرجنا : ركبنا.. هبطت المرايا.. تانشوف فوجهي..
جاد: علااش تاتجربي داك المرض..
انا: لاااا واقيلة صدقتي الكذبة..
جاد : كيفاااااش!!
انا: راااك نتاا لي رديتي ليا وجهي هاكااا ب ديك الضربة البااارح.. غير كذبت عليهم
جاد: هز عيني كايشوف فوجهيي ( لااا احمباااك ماتشوفش فياا دوك شوفااات نههااار هذااا عويناتو الزرقيين تايلمعو )
جاد: ماعرفتش واش ايصبح وجهك،هاااكا سمحيليييااا... ولكن نتيييي عصبتيييينييييي..
انا: هادشي غا ما طبقت والو من داكشي للي كنت اندير
جاد: ديري شي حااجة ندفنك حية
انا : لااا راك تشرملتيي هااااايوا ماتشوفنيييش سكت لييك تساحبني ماقادا على وااالو..
جاد : لاا عارفك قبيحة من التصرفيقة دالبارح.. تانموت فيك،
انا: باقي كاعما كملات 2سيمانات باش شفتيني وتاتبغيني
جاد،: اااه عندك شي مانع

انا: تاتفلى
جاد : على قلة البناااات..
انا: اهاااا
جاد: نتي بغيتك و شرحت ليك اش كاااين والله ماكنتفلى الا نتي مانتفلاااش عليييك
انا: عمرك بغيتي شي وحدة..
جاد: لاا
انا : انتاااا كذااااااااااااب
جاد : تانبغي. الجسد.. لكن هادشي للي حسيتو معععاك عمري حسيتو مع شي وحدة.. نتي عمركي بغيتي شي واحد
انا : رااا فراااسك كلشي.. ماعندييش وقت لداك التخربيييق.. عمرني مابغيت شي حد
جاد: وااااعديني عمرك تشوفي شي حد من غيري واخة يطرا للي يطرا و ماتسمحي لتاحد يقييسك من غيرييي
انا : تانواااعدك..
جاد : seni seviyorum
انا : عيرتينييي
جاد: هههه الحمقة.. قلتليييك كانبغييييك ب التركية
انا : و غا عرب معانا..
جاد: نزلي نزلي تغداي ولا تفطري..
دخلنا لواحد الريسطو بقيييت تانخشي فوجهي تا ماقديت جاد غير كايشوف فيا ما كاال والو..
انا: ساااليييت
جاد : بصحة.. نمشيو دابا لمدرسة اللغات
انا:اوكي.. تانقلب فالتيلي.. لاش كايعجبك تصنت !!
جاد: لكلشي..
انا : شنو هاااد كلشي
جاد : بغيت نتصنت الاغنية للي غنيتي لباارح واخة عصباااتني و جاتني بحالا كادقي عليا..
انا : لااا مادقيتش علييك.. غير هي للي حافضة
جاد : ديريها.. (خدمتهااا و مشينا ) انا عمرييي نخلييييك عنداااك نتي تخليني
انا: ننن انا كانبغيييك
جاد : وماغنخليكش تخليني بززز بالخاطر اتبقااااي معايااا
انا : تايق فراسك.. جاد : حسبيها كيف بغيتي
وصلنا المدرسة مشادين من اليدين تانبان بحالا غادا مع باباتي موصلني المدرسة بزز خاصني غ طابلبة و گرينات.. لا ماااشي انا للي صغيرة هو للي كبير و مع هاد الفورمة للي عندو.. بان ضخم ..
(هضر مع المديرة. سجلني ف الانجليزية الفرنسية التركية... )
جاد : غادي ديري باك حر فالمغرب ماكايتسجلو حتى لشهر 11 حفضي فدار و فشهر 6 سيري دوزي.. ووقتك اتعمريه ب اللغات...
انا : اهاا اوكي.. مي شفتك كاتفصل وتخيط غا بوحدك
جاد : لا را اتافقت مع باباك..

انا :اوكي... بقينا غادين فالاوطو حتى وقفنا قدام واحد الدار..
انا : فين هنا
جاد : دااري
انا : وعلااااش جايبني ليها
جاد : باش نغتاصبك وخرج من الاوطو جا الباب فين انا. جالسة
انا : لا منااازلاااش
جاد : ماكاتيقيش فيا
انا: تانتيق فيك مد ليا ايديه شديتها وهبطت
دخلنا الدار شعل الضو بدا كايبان الاتات ديالها للي غالب فيه الديكور الاوروبي فتويات كراسة شكل هندسة كلشي اروبي.. جاد دخلي تساراحي بينما صايبت عصير.. بقيت تانشوف فدار هزيت سيديات.. بان ليا فيلم خدمتو
جاب لي عصير وجلست انا وياه تانتفرجو.. ههه فيه لقطات حرجة مي وااااعر حاطة راسي على كتفو و تايلعب ليا بشعري
جاد:سارة كاتبغيني ?!!
انا :هزيت راسي و شفت فيه.. نتا للي بغيت نكمل معك حياتي
جاد: تانواااعدك عمري نآذيك
انا : عنقتو وبدييت تانبكي.. اول مرة نحس هاكا.. خايفة علييه خايفة. نخسرو خايفة عائلتنا مايتقبلوناااش.. خايفة مايكونش من نصيبي..
جاد : شش ماتبكييش.. عنقني بجهد و زير عليا.. رجعت. تكيت عليه.. عاودي ليا على راسك.. شكون ايمان فين ساكنة.. (بقييت تانعاود ليه عليها و عاودت ليه و قفتها معايا هي و نوفل.. بقا تاهو تايعاود ليا هلى حياتو طفولتو كانت عادية..
انا: هجر و نسريين فين هو باباهم
جاد: طلق عمتي وتزوج بمرا اخرى.. وبقاو عايشين معانا..
انا:اه فهمت يالاه نمشيو ..
*** دازت شهرين على علاقتي مع جاد عاودت لماما كلشي مكاانتش رافضة بالعكس فرحاات لينا وفهمت بلي جاد كان معاود ليها.. ماتنشوفوش نهار كامل حتى الليل... هو كايخدم وانا كانمشي لمدرسة اللغات..
مراد تانبعد عليه وتاهو ماكايطوفش بساحتيي واقيلة هضر معاه جاد.. جاد جاد جاد.... ف شهرين و نص قدر يعلقني به ب عصبيتو غيرتو جمالو اليوسوفي حنييتو و خصوووووصا قميعو البنات..
دار بابا حفلة كبييييرة بغا يشارك معا الناس فرح. عودتي بعد غياب دام 16 عام.. هاد الناس حنااانين فيا كانحس بيهم كايبغيييوني.. و خصوووصا فاش شفت مامات و بابابات ماما.. ضريفيييين بزااااف و حتى هما فراسهم علاقتي ب جاااد.. لحقاش جاد مكايخبي عليهم وااالووو.

بالنسبة ليه هما كثر من باه ومو .. ساليت اليوم الدروس بكري صونيت لجاد.. ماكايجااوبش و ماخداامش ليوم واقيلة ايكون فدارو.. خديت طاكسي.. حطني قدام دارو.. وصلت.. تاندق واالو ماكاينش للي يجاوب
*** عند جاد ***
فداارو مع هاجر هي بوليسية و خدامة معاه بغاو يففككو خلية ارهابيه.. و خدامين عليها ملي رجع لتركيا عطاوه مهمة يخدمو عليها بجوج.. جاد: باااركة علينا اليوم انا انمشي ندوش نتي غير سيري اختي
هاجر: وااخة انا انمشي..
جاد مشا جبد فوطة ودخل الدوش..
هاجر مع خارجة سمعات الدقان .. طلات من العين بانت ليها سارة..
هاجر : اوووف هاد البرهوشة للي بققققات ليا.. انا انوريييك اماما باش تكمشي ماتبقايش تحلمي بزاااف.. مشات لبساات شوميز ديال جاد و رمات حوايجها فبيت نعاس ديالو رشات ريحتو و خارجة باش تحل ل سارة...
*** عند سارة ***
اوووووففف مال هذا تعطل واقيلة مكااااينش... بحرا بغيت نمشي وهو يتحل الباب.. و يااريتو ماتحلش..
درت شفت هاجر بحوااايج جااااد و ريحتوووو فيها بقييت مصدومة انا: اششش اششش كادييرري نتي هناااا !????!!!
هاجر: بشويا عليك احبيبة انا فدار حبيبي.. نتي للي اش كاديري هنا..
انا: سكتيييي نتي اخر وحدة نتيقها..
هاجر ايوا دخلي تشوفي.. دخلت لبيت نعاس لقيت حوايجها مرميين فالارض الكيلوط.. السوتيانات... طاحت دمعة من عيني.. قلبي حسيت بالعافية شاعلة فيه... درت باش نمشي هاهو جاد خارج من الدوش لاوي فوطة على نصو و داير فوطة على عنقو تاينشف فشعرو.. تصدمت خرجت تانبكي..
جاد: ساااارة وقفييييي بلااتي ... سمعتو تايگوليها نتي اش كااااديييرييي هناا لاااش لابسة هاادشييي..
هبطت تانجريي... شديت طاكسي مشيت لداك الجسر.. اه ماكذبوش ايلا قالو بنادم تايرتاح فاش تايبقا بوحدو.. حدا البحر.. شحاال ضحكت على الافلاااام التركية البطلة فاش كايخونها حبيبها كاتجي لحدا هاد الجسر تبكي فيه.. ضحكت على القصص حكايااات العشاق تاتجيني خرااافية ... لكن هانا جربت.. هاهو خاني و معامن مع هاجر للي شحال وصيتو عليها... البورطابل تايصوني و تانقطع.. بقييت تما حتى الليل.. شعلت التيلي لقيت المكالمات ديال جاد... و هيتم تفكرت بلي ليوم ايرجع لاميركا على حساب قرايتو.. خديت طاكسي و مشيت
دخلت لقيتهم مجموعين كاملين ...يتبع
خلي تعليق باش يوصلك الجز' القادم إن شاء الله